على شو الأردني بدو يصحى مبسوط؟
بتروح على لبنان بتلاقي الناس مبسوطة ومبتسمة و “بشوشة” مع إنهم أكلوا “روح الوحل” من الحروب والبلاوي اللي بتصير عندهم، بصحى اللبناني من النوم مبسوط ومروّق مع إنو بعرف إنو ممكن يصحى يلاقي حالو حاضن صاروخ أو ببوس بـ “كلاشِن” طار عليه بالغلط من أي حرب محتملة.. رغم كل هاد، بتلاقيه عادي بروح عالشغل وبطلع مع “رفئاته” وبسهر بالليل وبحكي نكت عن الحرب وعن النواب وعن الحكومة.
بتروح على الشام اللي الناس فيها بتصارع مشان “لقمة العيش” بتلاقيهم ناس سهّيرة وأصحاب مزاج عالي، الكوفي شوبات مليانة من نص الليل للصبح، بحكو وبلعبوا شدّة وبضحكوا.. ناس بتحب الحياة مع إنو حياتهم صعبة.
تعال عنا هون لنشوف..
الأردني فينا بنام وبصحى على كابوس بكون بحلم بمديره في الشغل، لإنو المدراء عنا انسى الموضوع، على شو بدو يصحى مبسوط؟
إذا الأردني فينا بنام على خبر ارتفاع أسعار المحروقات وبصحى على خبر ضريبة مبيعات جديدة، على شو بدو يصحى مبسوط؟
إذا الأردني فينا بدو ينام مشان ثاني يوم عندو مراجعة في دائرة حكومية، وهوّه عارف إنو رح يروح يوقّف ساعة عالدور ورح يقابله الموظف بأكبر “كشرة” وجه ممكن تشوفها بحياتك، على شو بدو يصحى مبسوط؟
إذا الأردني فينا عارف ومتأكد إنو إذا طلع في إعتصام مشان “يحتج” على رفع الأسعار رح ياكل بالعصاية على راسه.. رح يضل مكبوت وحابس كل القهر بقلبه وقاعد في بيته بلعن بالحكومة والمسؤولين، إذا راح ينام، على شو بدو يصحى مبسوط هاد؟
إذا الأردني فينا، إذا صارت يعني، نام مبسوط وصحي مبسوط، وشاف الشعب مش طايق أواعيه من القهر والزعل والقرف، على شو بدو يصحى مبسوط ثاني يوم؟
حكومتنا بتلعب لعبة “التعويد”، مثلاً اللبنانيين تعوّدوا على الحروب والخلافات الداخلية بس هيهم ما شاء الله عليهم، ناس عايشة.. والسوريين والمصريين تعوّدوا على الحياة البسيطة، والرواتب القليلة، بس هيهم ناس “نُكتجيّة” ومافي أحلى منهم.. وإحنا كمان عم نتعوّد، آه خلص صرنا بس يرتفع سعر إشي كل واحد بصرّخ بغرفته شوي بعدين بروح يسمع إليسا، هاد اللي عم بصير.
يا إنو إحنا فعلياً مو زعلانين على الغلاء وبس بدنا طبلة نرقص عليها، أو إنو تعوّدنا وبطّلت فارقة على قولة اللي قال “قبّعت” وعلى قولتي “خربانة خربانة”.
بس المشكلة إنو لما نتعوّد كيف بدنا نتأقلم ونعيش مبسوطين زي الناس اللي حوالينا ما عايشة؟
صحيح.. إذا أنا بدي أنام وأصحى ألاقي تعليق واحد بحكيلي “ملوخياتك وروح عالجسر”.. كيف بدي أصحى مبسوط ثاني يوم؟
أسامة الرمح
19th Of June, 2010
كلام بمنتهى الروعة ومنتهى الصحة وفعلا احنا شعب مكبوت من الداخل وللاسف ما حدا بستجري يفتح ثمة بكلمة اعتراض على الوضع احنا زي ما احنا يا اسامة عمرنا ما بنتغير حتى لو برمجونا على عدم الصمت عقولنا رح تخرب البرمجة ….
اه والله صدقت ,,, على شوو !!؟
وضعنا بالاردن افضل بكتير من وضع جيرانا”الحمد لله” ..والي بصير عنا بصير عندهم ويمكن زيادة…بس احنا شعب بحب النكد والنّق لانه مدلل وما شاف مصايب تخفف من الغطرسة الي عايشين فيها وكأنا شعب الله المختار :S
ملوخياتك وروح عالجسر يا صاحبي
معظم الاردنيين اللي مكشرين هم اردنيين من اصول فلسطينية
كيف بدو الاردني بدو يضحك ومن غربه مأساة وقضية فلسطينية !!
ومن شرقه مأساة الشعب العراقي!!
ومن شماله سوريا المهددة!!
ومن جنوبه وجود السعودية الي ما الها دخل بشي!!
فعلآ وضعنا متل وضعهم بس نحنا بنحب النكـــــد
)
[...] This post was mentioned on Twitter by Qwaider Planet, Osama Romoh. Osama Romoh said: على شو الأردني بدو يصحى مبسوط؟ #مقالاتساخرة #مقالاتبالعامية #نهفاتاردنية → http://bit.ly/bY8tag [...]
nice and sooooo true
منيح ما يصيب الناس في البد سكتة جماعية من ورا هالهم اللي هما فيه
انا برأيي انه اللي بدو ينبسط بينبسط حتى بأبسط الاشياء اللي عنده… بس كمان السعادة او النكد امراض معدية
يعني ازا كنت انت مبسوط و شفت واحد كشرته رطلين كيف بالله بدك تضل مبسوط
المشكلة مو بالظروف الاقتصادية او السياسية … هي صحيح الها دور بس مو هي السبب الرئيسي.. المشكلة فينا احنا.. ما في حدا بحب الخير للتاني.. ولا حدا بحب حدا بدون مصلحة… كلهم اللهم اسألك نفسي.. والمشكلة انهم بوصلو للي بدهم ياه بس مع هيك بتزيد الكشرة يوم عن يوم.. الموضوع اله ابعاد كتيرة.. يا ريت بس نحب الخير لبعض و نحب بعض بدون اي مقابل
ودمتم..
يكفي الأردني أن يصحو صباحا ً يا أستاذ أسامة بعد كل الكوابيس التي تراوده في ليله ونهاره … أتريده أن يصحو مبسوط؟! ألست تطلب الكثير؟!ويكفيه كابوس الاسعار المسعورة والراتب الهارب ليجعله لا يرغب بالصحيان من الاساس … كان الله بعون الأردني
اانا لازم اوضح شي ضرري وهو السبب المباشر للنكد والكشرة على وجو الشعب الاردني
مثلا سوريا : بصحى الرجال بدو يروح ع شغلو بلاقي اوعيه(ملابسه) جاهزة وفطورة عم يستناه وغير هيك الكلام الحلو الي يفيق عليه.
لبنان :نفس الي بصير مع السوري ونضيف عليه انو بتَصبح بوجه ببسطو وبخليه رايق طول النهار
اما في الاردن حدث ولا حرج الزلمة هون بصحى من كتر ما إنهرة جسمة ومرته بدًفش فيه واذا كانت هناك كلمات فهي (يلا يا زلمة لا تجنن سمانا ع الصبح يلا يا…..) طبعا بعد ما بصحى متأخر وتاخيره بكون بسبب السهر للسماع الاجباري لأخبار الجيران الي اذا ما سمعها وعمل حالو في قمة انسجامه واعجابه بالحكي رح تكون( ليلتو سودا) المهم بعد مايفيق لازم يروح ع الخزانة ويعمل الي ماحدا عملو عشان يطلع اخر شي ب القميص الاحمر ومن ثم لازم يعمل جولة تفقدية بالبيت كاملا عشان يدور ع كندرته و و و ومش رح نخلص حكي عن فترة الصبح ما بالكم عن فترة ما بعد انتهاء الدوام.
وبتحكو ليش النكد والكشرة الله يعينهم والله لو انهم بحرب اهون عليهم.
هههههههههههههههههههههههههههههههههههههه يا زلمه عن جد الواحد عايف حالو هههههههههههههههههههههههه عن جد انك سئمت تمزيق ثيابك
وكل الشعب الاردني مزق ثيابو وانا كمان وحتى دكانه ابو السعيد
شوف انت وياه الاردن احلا منة مافيه رحنا على سوري ورحنا على لبنان ولا ليش رحنا ما هيهم عندنا مافي من الحكي حكي بس الشباب بتحضر مسلسلات كثير اصلا الاردني سر جماله في الكشرة والله الاردن ما في زية مع انة مافي كشرة واكبر دليل عندنا هشام يانس ونبيل صوالحة وسمعة
اخ اسامة انا الي بدي اعرفوا … انتا اردني ؟؟؟ لا اعتقد ذلك , لانو كلامك ما بطلع من ابن بلد … اذا كان القصد عندك تطلع على ظهور الناس “المطاطي راسها” اقصد الي بردو على مقالاتك الي بتمس ابناء الوطن فهذا بعيد عنك . هذا البلد النا و بنشكر الله على نعمة الامن و الاستقرار , الي بصير من رفع اسعار و غيرو من المشاكل بيصير في كل دول العالم .. و للمرة الاخيرة بحب اذكرك لن تصعد بمقالاتك على ظهور الاردنين و الحق مش عليك الحق على الناس الى بتكتب عنها لتخرج بمقال ساخر و بتلاقيه بضحك مبسوط انو “ياي اشي بضحك” اللهم اعوذك من الحهل و الجهال .
انا بلاقي الكشرة الاردنية واحدة من اكبر الكزبات فلتاريخ. روح وين ما بدك بتلاقي الناس بتضحك, و بردو بتلاقي ناس زعلانة. أضحك لتبع الدائرة و شوف ازا ما بضحك معاك. حيني قاعد عند أزبل جامعة بعمان, و الكل مشوب و قرفان, و الي جدولو مز زابط, و هيهم عم بدحكو ما مالهم اشي!
أهم أشي ما تعطي مجال لالاردني يشكي. نحنا مش نكدين, بس بنحب المنافسة, حتي في النكد. بتقول لا واحد قربت أنطخ الصبح بطلع هوة مطخوخ سبع مرات فلقلب و التهب الجرح بعدين والدكتور كان عم بدخن سيجارة و تأخر عل عملية و بدين نسي القداحة جوة و كمل من عندك السلافة.
ههههههههههههههههه
هييك بسطنييي ، لا لا ما تاخذ ملوخياتك هههههه
والله الوضع مزري و فعلاً لازم ينعمل اشي !! المشكلة و الكل مضغوط عشان التغير صار فجأه، لأنو الوضع ما كان هيك … مع إني بوافقك الرأي بس يمكن شوي زدتها بالوصف تبعك !! و علشان نكون واقعيين .. الوضع بتجه للي حكيتو :S
على كلّن انا بعتقد إنو الأردن ما تزال أحسن من غيرها و ما في منه ولكن الأمور قاعدة بتخرج عن السيطرة إذا ما لقينالها حل، وأظن الانتخابات الجاي ممكن تكون خطوة أولى للتغير إذا اعطيناها حقها.
@معتز الفلايلة – @NesReen –
تعليقك احسن تعليق منطقي قرأته.. شكرا
no Comment
la2no el 7kome ya36eha el 3afye ma bet5ali majal lal tafkeer 3end el sha3b
fa akeed el kol ra7 yetdaya2 we ye3aseb we ma ra7 yes7a tani youm we howe mabsoo6
و الله يا اسامة معك حق ..
ع شو بدنا نفيق متبسمين و مش حاسين بشعور انو يا الللهههههه ليش فقت انا؟
ازا الناس بالشوارع دايق خلقها من المشاغل اللي ما عم تخلص و ازا خلصت بتخلص ب 0984039854029548 جميلة
و ازا الناس ملهية بكرة القدم و لما بتيجي بتحكيلها خبر متل رفع الاسعار ولا شي مصيبة صايرة هون ولا هون ” بفعفط ” شوي بعدين بيقوللك خلص انا بدي اضلني شادد ع حالي ؟ ” فخار يكسر بعضو ”
صارت الناس عندها مبدأ ” الحياة بدها تمشي ” كتيييييييييييييير !
و هيها بتمشي .. بتعرج .. بتزحف .. ما عاد تفرق معهم المهم انها عم تمشي بغض النظر عن الاسلوب او السرعة او ال”جمال” اللي عم تمشي فيه !
موفق كالعادة ..
ازا صحي في يوم مبسوط
يبقى اكيد اكيد اكيد
رح تصيبه جلطة من الصدمة والمفاجأة
ويودع الدنيا برضو مخبوط على راسه من الصدمة
ههههههههههههههههههههههههههههههههههههههههههههه
Take it easy ya 3azeze
6nash ta3esh tanta3esh
be smiling you are in Jordan
وانتا رايح على شغلك الصبح
كم واحد بالطريق بيقطع الشارع بدون ما يطلع لا يمين ولا شمال
الناس ماشية ومش صاحية من كتر التفكير بالمصاريف والغلا ومن وين تجيب ومن وين تسد فواتير
وبدك الواحد يصحى مبسووووووووووووووووووووووط
اصحى مبسوط ، فقط لأنك استيقظت حيا
انا كتير مبسوطة بحياتي ودايما مبتسمة حمد لله
وبحمد الله الف مرة اني عايشة بلاردن
الحمد لله على نعمة اني اردنية
وعلى فكرة معظم الاردنيين اللي مكشرين هم اردنيين من اصول فلسطينية
كيف بدو الاردني بدو يضحك ومن غربه مأساة وقضية فلسطينية !!
ومن شرقه مأساة الشعب العراقي!!
ومن شماله سوريا المهددة!!
ومن جنوبه وجود السعودية الي ما الها دخل بشي!!
الله يهدينا .. ويصلح الحال .. ويهدي البال ^_^
http://forums.ozkorallah.com/f11/ozkorallah6329
اذا انتو بالاردن بتحكو هيك ؟؟ شو نحكي احنا بقلسطين ؟ على فكره روح للسورين و اللبنانيين بتلاقيهم بحكو نفس الحكي .. ما حدا مبسوط بعيشتو بس لازم دايما نحكي الحمدلله على كل حال
القناعه كنز لا يفنى أبدأ تعليقى بهالحكمه لأنو كل واحد فيناعندو من المشاكل التى لا يتحملها راسواذا فينا نغير هالوضع ليش لا ونعمل على تحسين مستوى معيشتنا بس اذا ما قدرنا بنكون مجانين نزيد البله طينه بأن نكتئب ونفضل نفكر علينا نعمل متل باقي خلق الله نبسط انفسناونهيص لأني على ما اعتقد هم بعانو ايضا
تفاءلوا بالخيـــــر تجــدوه
باختصار احنا ناس هيك طبعنا
تعودنا على الجديه وبنحسب حساب كل اشي. يمكن لانو طبيعة البلد الصحراويه بتخلي طبيعة الناس هيك!!!!!
ما بنعرف نعيش ليومنا
شوفوا الناس في مصر بتلاقي الواحد منهم مش لاقي ياكل وعندهم الفساد والحكم الفاسد اللي ما صار متله في اي بلد في العالم بس مع هيك عايشين مبسوطين ومو سائلين باشي
وراح نضل هيك كول حياتنا!!!!!!
اسامه: “ملوخياتك وروح عالجسر”!!!!!!!!!!!!!
بايخة كتيييييييييير ….
hhh.. .. bs ana daymn b97a mb9o6a.. 2l7mdellah
اعطيني سبب واحد مقنع لحتى اصحى ثاني يوم عشانه مبسوط؟؟
واذا ضحكنا بنقول الله يجيرنا خير هالضحك
محرم علينا شكله
انداري…!
:S
والله يا اسامة حكيك على راسي يعني على شو الواحد بدو يصحى مبسوط وهو عارف انو الحكومة بتجهزله كل يوم “مفاجعة!!! ” وبيعرف قبل ما ينام انو حياته راح تكون اصعب من قبل !!!. وللناس المتعصبة اللي تركو تعليقات بتعبر عن تأخر النضوج العقلي عندهم , بقولهم بس فتحو عينيكم وشوفو الوضع الحواليكم لأنو شيكلو من كنر الصدمات مفكرين حالكم عايشين بـDesiny land !!!!! عنجد مسخرة!!!
@joyful –
يعني بدك تقنعيني هلأ انو نحنا همنا فلسطين و العراق ؟؟؟ اساسا الواحد مش قادر افكر بهاي القصص من كثر ما في براسه اشياء اذا الناس بطلت تتعشى و تفطر من القلة و الوزارة عم بتفكر بتغيير الزي شوفي قديش نحنا قلوبنا على بعض و خايفين على الطلاب و انهم ما يكونو متضايقين من الزي بس مش خايفين عليهم انهم ينامو و يكون الهم يومين مش ماكلين غير خبز ناشف ,,,, الله يهونها بس
زمان لما كونا صغار كونا نحلم احلام كبيرة يعني متلا انو لما اكبر رح اتزوج و لما اكبر رح اشتري سيارة و لما اكبر رح اشتري بيت
و كبرنا و صغر الحلم لدرجة انو اكبر احلامنا صارت لقمة السم الهاري
على كل حال زمان كان شعبنا شبعان و الحين السواد الاعظم جوعان
و اعوذ بالله يا حكومة من الشبعان اذا جاع
و الله يستر من الجايات
و بالنسبة للاخ اللي بحكي عن الامن و الاستقرار شكلك يا روحي مش عايش بالبلد و اكيد ما سمعت عن الجرايم البشعة اللي بتصير من النعيمات اللي انقتل في بيتو و لا الخطف و السرقة و النشل و القتل و الدعارة
اللي عمرنا ما سمعنا عن هيك قصص الا باخر اكمن سنة
و الشاطر يفهم
اسامة انا بديت اعتبرك اداة للتنفيس عن الشعب المقهور يا تري موظف ولا شوووو!!!!!!!!!!
والله ايوش شكله مافي غيري وغيرك بنصحى مبسوطين وبنبتسم
ههههههههههههههههههه
والله انكم بتبااالغو كتير واحنا تعودنا نحكي انه الشعب الاردني كشر وهاي الفكرة انتشرت بين الناس فصارو جد كشرين…يعني هاد بعلم الطاقة
لول
خلص بدنا نعمل حملة لتغيير هاي الفكرة
@Ayosh -
برأيي الشعب الكشر هاي ميزة لانو عايش الدنيا جد مش سبهللة
و فعلا ازا بيصحى من النوم بيضحك بيكون معوق
انا لما اكون مكبوت و معيش احلق و نفسي احوش قرش من راتبي و مش قادر بتكون مصيبة اذا بضحك
يعني يتصبرنا هاي المقالات على بين ما ترجع مش اسرار
احنا شعب منكد ع حالوا كبران ع اشي فاضي سيبك من الحكومه وغيرها الواحد يصلح من حاله واهله بعدييين يتفلسف ع الناس
أخي أسامة
أولا أحييك على ما كتبته … بذكرك في مسرحية من مسرحياتنا الأردنية أيام هشام يانس ومحمد صوالحة والمسرحية هي كانت عن البرلمانيين … قال هشام يانس لأحد النواب إنه هسام كان بحكي مع مصري … بحكيله إحنا الأردنيين صرنا النّكت .. المصري بحكيله إنتوا الأردنيين صرتوا إتنكتوا قال له آه قال له المصري بلّشتوا تطفروا!!
وضحك الجمهور … ضحكة طبعا ما كانوا عارفين إنه الأيام إللي بناموا فيها وهما بنكتوا .. إنهم طفرانين وبالتالي رايحين يناموا في أيام بعديها وم زعلانين ومتنكدين … بالتالي أتى اليوم إللي فيه الأيام رايحين ينموا ويصحوا فيه متنكدين بعد ما كانوا بنكتوا … يعني إحنا بالمختصر سبقنا إللي حولينا وحكومتنا أكيد فرحانة بإنجاز شعبها !!
ودمتم عزيزي
المهم تنو كشرتنا احلى من ضحكه غيرنا!!!!!!! ………….وعراسي اسامه
أخي أسامة هو بصراحة احنا مش شغلة اتعودنا .. احنا ماكلين هوا بس مش قادرين نعمل شي .. بنتألم من جواتنا بدون ما نشعر حدا عشان ما حدى يزعل لأنى زعلانين !!
بس ياريت نتعود على إنو نصحى من النوم مبسوطين .. أنا شخصيا بعمرها ما صارت معي ..
شكرا مقالاتك رائعة تحاكي ألم المجتمع ..
تحياتي إياد أبو عرقوب
اعزائي :
لا بد من المنغصات ” حتى يتحقق التوازن
تحياتي “
حقيقه مقال رائع و لكن تعليقي ان اغلب الشعب الاردني يبحث عن حقيبه وزاريه دائما فيقال عن الاردنيين انهم معالي الشعب الاردني مع انه شعب طفران و ماكل رووح الخل و تحياتي لكم
انت سألت على شو الأردني بدو يصحى مبسوط؟
وبدي أجاوبك –> لأنه أردني
وبأحلى وأحسن بلد ,.
والله وضعنا احنا احسن من جيرانا بكثير
واذا انت بتكتب مقالات هجومية على الحكومة
هذا يعني انك انت مش اردني
والله يحفظ النا الملك عبدالله فوق روسنا
والله لو لفينا العالم كله ما بنلاقي احلى
من شعب الاردن ,, وحكومة الأردن
اخي اسامة اولاً بشكرك على كتاباتك التي اظن بانك تقصد منها النقد البنّاء و النية الحسنة من أجل الخير والتطور الايجابي لمجتمعنا … فهو شيء مفيد ان نقرأ ونسمع مثل هذه المواضيع والنقاشات من أجل الخير للجميع ..
لكن بصراحة أعتقد مهما كانت هنالك من مشاكل و مواقف ” مريضة ” في المجتمع فيجب ان لا نضخمها ونستمر في تكرارها وفتح الأعين عليها … بل يجب الصبر عليها و ندعو الله تعالى ان يخلصنا منها ويزيلها من مجتمعاتنا وقلوبنا …
وأخص بكلامي جملتك التالية : صحيح.. إذا أنا بدي أنام وأصحى ألاقي تعليق واحد بحكيلي “ملوخياتك وروح عالجسر”.. كيف بدي أصحى مبسوط ثاني يوم؟
اما بخصوص التكشيرة والنكد الأردني فهي ليست مسألة مجتمعية ، يعني هي مسألة فردية تتباين عند كل انسان .. فهنالك النكد وهنالك القنوع وهنالك الشاكر والحامد لربه … قلة الألتزام والإيمان الديني هو أحد أكبر المشاكل التي تجعل منا روبوتات مكشرة … ناهيك عن الظروف الصعبة الاقتصادية منها والاجتماعية وغيرها ـ والتي تسلب منا أقل فرصة للضحك والسعادة .. لكن هذا ليس مبرر او عذر للتكشيرة والنكد الذي يعتلو ” بوزنا ” كل صباح
وشكراً جزيلاً لك ولضيوفك مع احترامي لجميع الآراء ..
اين هو الآنبساط ونحن نعيش بكابوس مؤلم اسمه الغلاء واسمه الضرائب المميته .. اين هو الانبساط والجميع يعلم علم اليقين بان جميع حكوماتنا تعيش علينا وعلى قوتنا وتأخذ مصروفها منا ومن جيوبنا بالقوة القيسرية …
كيف نعيش بالانبساط وحياتنا هي حياة الجحيم الغير مطاق .. كيف نعيش بأنبساط وراتب الشهر لا يكفي ليومين عند استلامه .. اي انه لا يكفي لسداد الديون الشهرية التي نستدينها ..
اننا نعيش في بلدا لا يرحم شعبه في بلدا يحاصر شعبه يحاربه يسرق امواله ليل نهار الضرائب الغير انسانية في ظل دخل محدود لا يكفي لشيئ ابدا ..
المعادلة الغير انسانية التي يتبعها الوزراء الاردنيين ضدد شعب الاردن وكأن شعب الاردن هو شعب جاء من المريخ فيجب معاقبته ومحاصرته بل يجب امتصاص دمـــه …
الكشرة اصحبت سمه يمتاز بها كل اردني مغلوب على أمره مقهور من قلبه .. تسرق امواله امام عينيه ولا يستطيع فعل اي شيئ ليحافظ على قوت يومه وقوت امواله ..
نرى المسلسلات التلفزيونية عندما يكون القوي مسيطر على الضعيف وكيف يأخذ القوى ( الاتاوه ) الشهرية من الضعفاء.. ونرى اننا نحن الاردنيين نعيش احداث هذا المسلسل التلفزيوني ..
تعبنا وتعبت نفسيتنا حتى عندما نضحك احيانا مباشرة نتزكر ما نحن به فتطير البسمة من افواهنا ونرجع الى عبوسنا القاتل ..
سمعنا كثيرا من المسؤلين الاردنيين عن الخيرات الموجودة في باطن الاردن الاردنية وسمعنا كثيرا عن الصخور الزيتة وسمعنا كثيرا عن كميات الذهب التي وجدت في الطفيلة وسمعنا كثيرا عن كميات النحاس الصافي الضخمة التي وجدت بالطفيلة والتي قدرت بالمليارات من الدنانير .. ولكن ابدا كل المسؤلين الاردنيين مصممين على قتل المواطن الاردني بدلا من استخراج هذا الموارد وايراحة المواطن ..
اصبحنا نحلم بالهروب من الاردن لآي بلدا تحترمني وتعطيني حقي بالحياة ..
ماذا نأخذ هنا بالاردن بمقابل ما تأخذة منا الدولة .؟
اين هو التأمين الصحي والذي هو ليس ملكا للجميع ..؟
اين هو الضمان الآجتماعي .. وهو ايضا ليس ملكا للجميع ..؟
اين هي حقوقنا بالتعليم المجاني وبالعلاج المجاني وبالضمان الاجتماعي .؟؟
ماذا تعطينا الاردن بدل الاموال الطائلة التي تسرقها منا .؟ من جيوبنا من قوت اولادنا …
مللنا حياتنا ومللنا ايامنا ولم يعد لنا طاقة بالآحتمال فماذا نفعل ؟.
اقسم بالله لو تم فتح باب الهجرة فأنني اتحدى كل المسؤلين الاردنيين بأنه لن يبقى اي شاب اردني داخل الاردن ..
u made my day ……….
احمدوا الله على انكم تنامون غيركم (اقصد العراقيين)نسوا شنو النوم لانو بكل بساطة ماكو كهرباءوالحر لايطاق شنو شعوركم هسة؟
hii,very nice:)
يا اسامة .. واللة الشعب الاردني اذا فية كشرة فهي خارجية لكن من الداخل فهو انسان بسيط وطيب … بعكس ما حكيت عن لبنان وسوريا .. البناني شايف حالة وما بحب غير اللبناني والسوري شغل حكي بس من دون فعل اما احنا الاردنية واللة شغل فعل بس ما بنحكي ونق كثير
نحن الأردنين لدينا أكتر من تلاته مليون عيب ولذالك لابد أن نيستيقض مش ممصوطين و الاخ نسي يحكي عن الأش الحلو الي في الأردن الي بتجاوز 10مليون أشي حلو متل الكرم والحب وحسن الجوار والصداقه الأخويه وال تنسى العشائريه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
أنسى الموضوع ا
الطوالبه
لو سمحت ما بعتقد إنو في فرق بين الأردني والغير أردني لأنو كلنا عايشين بهاالبلد وكلنا حاسيين بالوضع يلي عم بيسير من ارتفاع الأسعار والضرائب ولو سألت أي واحد بتوقفه بالشارع بيحكيلك إنو صار اللي بدو يعيش مستور بالأردن ، 600 ليرة ما بتكفيه لنص الشهر وهاد الحكي بينطبق على الكل مش بس غير الأردنيين وهاد مجرد تعبير عن الرأي لو مو عاجبك مافي داعي تقرأ المقالة @معتز الفلايلة -
@رسمي -
منسفاتك وعلى السعودية يا أخ!
مستحيل يوم من الأيام أفهم العنصرية اللي عايشين فيها بالعالم العربي كله، مش بس بالأردن… يعني الواحد فينا عنصري على جميع الدول العربية الأخرى “غير دولته”، و عنصري على شمال و جنوب، وعنصري على بدوي ومدني وفلاح، وعنصري على عشيرة وما عشيرة، وعنصري على وعلى وعلى… لماذا؟ كم بعيدة الغور عن أريحا؟ كم بعيدة الرمثا عن درعة؟ كم بعيدة معان عن القريات؟ خطوتين أو ثلاثة بالكثير… وكل واحد “بـ هت” عالتاني بعنصريته..
ليش في الإتحاد الأوروبي بس مافي الإتحاد الشرق أوسطي على الأقل؟! بكل بساطة، لأنه كل واحد مش مستعد إنه يتطور “فكرياً”!!
هههههههههههههههههههههههههههههههههههه
والله معك حق يا اسامة انتا حكيتها….هي العالم ببلاد تانية ” ماكلين هوا ” زينا واكتر بس مع هيك عارفين ينبسطوا و يغيروا جو و ينسوا الدنيا…. بس عنا هون في البلد شي غريب…..يعني لا الواحد عارف يسوي شي قدام كل الي عم يصير ولا هو عارف ينبسط و ينسى الدنيا
اما بالنسبة الي فانا من جديد بلشت اطبق الاستراتيجية اللبنانية و السورية…..ههههههههههه يعني على قد ما الواحد عو يتنكد عليه وينسم بدنو مشاااااكل من وين ما بدك ! خلص بطلت تفرق الواحد لازم يعيش حياته
كلها هالعيشة…..المفروض نمشيها زي ما بدنا….بس بدك الي عندو ارادة ونفس لانو يعيش….ما بحكيلك انو الموضوع سهل ! بس ازا في بلاد تانية عملوها احنا كمان بنقدر نعملها….والمفروض كل واحد يبدا من نفسه…مني وعلي انا بديت….ههههههه
مقال رائع جدا اسامة…يعني والله زي اكنو انا الي بحكي….مشكوووورررر جدا واكتر من رائع :]
بأعتقادي .. التعليقات كانت كافيه ع المقال
لكن حابه اعلق على بعض التعليقات
انتوا بتتهموا اسامه انو مش اردني وابصر شو
وللأسف المرض النفسي هاد لساته ناخر عقولنا
والكشره هاي مش هو اول واحد ولا اخر واحد بيحكي عنها
الكشره هاي بصمه على كل اردني
وحتى لو كان ع القمر
ولما نحكي اردني ( لـ اصحاب العقول المريضه )
مش بنقصد اردني اردني اباً عن جد .,
ولا وقت مابدكم بسير الاردن كلها واحد
وقت مانحكي عن السلبيات بسير الاردن ألف جزء
والانتقاد ممكن يكون سلبي
لكن مش استهزاء
وتحياااتي
enta ra2eeeeeeeeeee3
ana elyom lshoft mdwntak bas tgreeban gra2eet kol mgalatk
كلو كوم وزي ما قلت انو خد ملوخياتك كوم ثاني هاي اللي تجنن الواحد
أخ الغلايلة مع احترامي الك انت …. للاسف في كتير منك لانو اسامة لمّا حكى اردني ما كان أصدو اردني ابا عن جد والّا من اصل تاني وللعلم هاي خد ملوخياتك و روح عالجسر صارت موضة هاأيام ونسمعها في المدارس و الجامعات وشكلك انت مو ابن بلد او مش عايش فيها اصلا لانه اظن اللّي عم بصير من جرائم قتل و سرقات دليل على عدم الاستقرار و الامان