نصائح قبل زيارة الأردن – للسخرية والفكاهة فقط
شكر خاص للفنان عمر العبدلات على الكاريكاتير
اذا حبيت تتمشى في احد شوارع الأردن، اوعى تفكر انك تسلم على حدا ما بتعرفوا، لإنو هاي اهانة، ويمكن يمسكك ويعجنك، ويحطك جمب تمثال الجندي المجهول، ويصير اسمك “الزائر المجهول”.
اذا وانتا ماشي في الشارع شفت باص وعم تطير منه كنادر وأواعي، لا تستغرب، هاد باص مدرسة بنات ومن المحتمل إنو في عمليات شد شعر وشلح كنادر ومسبات عيب، يعني حرب عالمية صايرة جوا.
اذا وانتا ماشي في الشارع شفت طوشة بين شباب، أول شي سبب الطوشة يا بنت، يا واحد كان بتولدن عالتاني بالسيارة، المهم اذا حبيت مجرد حب إنك تتدخل وتفزّع بينهم اعرف انك تسجلت ضمن قائمة الشهداء اللي ماتوا موتة بشعة.
اذا كنت بتستنى على دوار وفش غيرك بالشارع ومع هيك في ازمة اعرف انو في شرطي على الدوار بنظم السير أو وحدة سايقة السيارة وواقفة بنص الدوار بتزبط مكياجها، بتكون بشعة بتشبه البقرة بس مصدقة حالها.
اذا رحت على دائرة حكومية مشان تخلص معاملة، رح تشوف ناس واقفين طابور على شباك، في زلمة قاعد عالشباك عندو شنب فش عندو اشي تاني بوجهو، يعني كل وجهو شنب وغالباً بكون اسمه عُقلَة ولازم يكون عم بشرب شاي وبدخن سيجارة مع انو التدخين ممنوع، هالزلمة باله طويل ومش فارق معه كل الواقفين، سيبك من الشغلة هاي كلها، وانزل الدرج بدّك تروّح، في كتير زبالة مرمية عالدرج وغالباً رح تتزحلق بقشرة موز وتوقع عالدرج وتتكسر ضلوعك، وانتا واقع عالأرض رح تفتح عينك تلاقي بوجهك ولد صغير مفقوع بوجهه جرة غاز بحكيلك: عمو معك شلن ؟؟؟ رح تصيبك جلطة من منظره فوراً وتموت.
إذا اجيت بدك تاكل فلازم تعرف انو تاريخ الاردن عريق بتلوث الأكل، الشاورما والبيض والسمك واللحم والدجاج، حتى اذا فكرت انك تاكل هوا فالهوا ملوث كمان، واذا فكرت انك تنتحر وطلعت فوق جسر وحكيت بدي انتحر واجت الشرطة وأقنعتك بإنو الحياة حلوة ونزلت من الجسر رح ينزلوا فيك الشرطة شلاليط ودبح، يعني لا حياة زابطة ولا موت زابط.. اختفي أحسنلك.
اذا شفت بنت ماشية في الشارع، وشو هالكسم وشو هالمشية وشو هالـ إحم إحم، واجيت بدك تزبطها ولما قربت منها فجأة لقيت زعران ونَوَر وسلاحف النينجا جايين عليك، هدول يا سيدي ولاد حارتها، رح يدغدغوك من الضرب، وبالأخير هديك البنت بتطلع مش بنت، بطلع شب فايع “كتشير” ورايح عالمول، طبعا اللي كانوا بضربوك رح يتركوك ويلحقوه، يمكن إلهم مصلحة فيه.
أحلى شي العُطَل في الأردن، على أي نكشة بصير فيه عطلة، اذا نزل مطر شوي هاد دليل على عواصف ثلجية قادمة، وعطلي يا مدارس ويا جامعات.
إذا كنت واقف بحالك لا إلك ولا عليك زي الهبيلة في الشارع واجى عليك واحد وحكالك: معك وَلعة أبو الشباب ؟؟ هاد يا سيدي جاي يكب بلاه عليك من غير سبب هيك، اجى ع باله يخبص وجه حدا، وانتا هاد الحدا.
إذا حبيت تاخد حبيبتك بالسيارة وتروحوا مكان لا يراه انسان، ورحت ولقيت سيارة ماكلة هوا واقفة بهديك المناطق، هاد بكون يا واحد جايب حبيبته يلعبوا شدة متلكم يا بكون مخابرات.. فش غير هيك.
أول ما تيجي عالأردن وانتا بشارع المطار رح تلاقي اعلانات كتير بالشارع، همه 3 شركات موبايل فش غيرهم، أول وحدة بتحكيلك: “مشان الله اشتري خط من عنا”، تاني وحدة بتحكيلك: “وعرظ اختك لتشتري خط من عنا”، أمّا التالتة بتحكيلك: “الله يلعن…. إذا ما بتشترك معنا”، حُذف لأسباب تتعلق بالأدب والأخلاق.
إذا حبيت تركب تكسي، مو مشكلة اركب ما بحكيلك تركبش، بس بالنسبة للراديو يا رح تسمع محمد الوكيل يا اغنية “قوات الأمن العام بتحافظ عالنظام”.
إذا مشيت في شارح ولقيت ع يمينك نادي ليلي و ع شمالك نادي ليلي وبين كل نادي ليلي ونادي ليلي في نادي ليلي فإنتا في شارع الجاردنز.
إذا مشيت في شارع كله بنات “مبرقعات” وحسيت حالك في الخليج وكل بنت بتركب مع شب بالسيارة، فإنتا أكيد قريب من سكن طالبات الجامعة الأردنية، من الآخر، انتا عند البوابة الشمالية.
إذا كنت بشارع بعيد شوي ولقيت سيارات واقفة ع جنب عند عرباية قهوة، نص السيارات هاي (السيارات الثابتة) بتكون فيها شباب بمارسوا عادة “الشرب” والنص التاني (السيارات اللي بتهز يمين وشمال) بكون فيها ناس بمارسوا عادات أخرى.. فإنتا بتكون في عبدون قريب من السفارة السورية.. ونيالك يا بيّاع القهوة
.
اسامة الرمح
25-Feb-2008
هاهاها والله هاد الواقع يا اسامة ليش الكذب , بس اللي بهون الموضوع طريقة كتابتك الحلوة
Man u ‘ r telling us bad things about jordan but u forgot the best of jordan the good things of jordan people and the nice places of jordan like petra , jarash, ,ma3een and so on …
thnx alot osama …!
plzzz if u can write about the bad things write a little words about the good things of jordan
And welcome to jordan ;p
عزيزي اسامه
الكاريكاتير اقل ما يمكن ان اقدمه لكاتب رائع و مبدع مثلك
و المقال اكثر من رائع و واقعي جدا
و الاسلوب جدا ساخر
اعتقد بعد هذا المقال سوف نشتاق لك كثيرا D:
بالتوفيق يا مبدع
عمر
يعني مش طبيعي (بتموت ضحك) ، من النادر ان نجد مقال ساخر و (خفيف دم) في نفس الوقت…. 5 stars
والله يا اسامه حكيك مزبووط بس بتعرف انو الواحد بضحك لما بقرأ هيك اشي بتعرف ليش
لانه شر البلية ما يضحك يا صديقي
والله أسامة مواضيع دايماً عالوجع وبجد مشالله الله يحميك أنا بلشت أخاف عليك خاصة بعد شوفة الكاركاتير المعبر , عالعموم الكل بحكي هالأيام عكل شي وبشكي من كل شي
ولا حد بسمع أو بنفذ , الله يعتئنا من الأيام الجاية
خايفة ييجي يوم نصير نحاسب عالهوا الملوث إللي نستنشقوا , وحسب المقولة المخبوصة
: ” إللي بدري بدري … وإللي ما بدري ولا عشرة على الشجرة ” بعد التعديل
ياعيني عليك يا اسامة هيك شجعتني اني اجي ازوركم،الظاهر شغال مع مكتب سياحي وبتشجع على السياحة،بس على فكرة والله ،نفسالشي موجود عنا بالمغربنخصوصا مسالة النواادي الليلية والعطل (موسم عطل تتخلله ايام من الدراسة).
يسلمو اسامة رائع جدا جدا جدا جدا.
ههههههههههههههههههههه الللللله يقطع شرك يا اسامه مش هيك يعني يمكن زودتها بنواحي بس شغلت الاكل و طلة عبدون انا معك مليون بالميه و الله يا حصتي صرنا اخر زمان و على الدنيا السلام
كتير حلو و كتير بضحك …… يسلمو ايديك
على فكره انت كثير متحامل على البلد ومش عاجبك شيء
ما بصير تحول البلد كله الى مواضيع مسخره
مشان تضحك غيرك ويحكوا عنك كاتب
الكتابه الساخره الها اصول وانت تفتقدها
شكرا جميعاً وجودكم هنا وأتمنى أن تكون مقالتي قد أعجبتكم..
الدكتور أحمد سلامة الطراونة، ما دامت “خربانة” فسأتكلم عن “خرابها”، أمّا عن صفة “الكاتب” فقد تركتها للمأجورين.
اعذرني أخي ولكن أصول الكتابة تختفي حين يعلو صوت “الآه”..
دكتور.. استيقظ
اعتقد يا سيد اسامه انني من اكثر المستيقظين في الاردن
وتصنيف الكتاب اما ماجور او متحامل اعتقد موضه قديمه ملينا منها
لكل شيء اصول ولا شيء يخفي اصول الكتايه
دكتور، هل نعيش هنا في المدينة الفاضلة ؟
إن كان هناك خطأ مُتأصلاً منذ زمن فينا، فسوف أسخر منه، سواء بالفصحى أو بالعامية.
عن أصول الكتابة الساخرة سيدي، فأنا أعرفها وما كتبت بالعامية إلا لأنني أريد ذلك، فلا رئيس تحرير يُجبرني، ولا سكرتير تحرير يضغط علي. إنني هنا في مدونتي أكتب ما يخطر في بالي وخيالي ولا حدود للخيال (على الأقل عندي).
إني يا دكتور لا أجادل ولا أعارض كل شيء ولست أنقض مالا يُنقض، إنما هناك ما يجب أن يتغير، وإن كان صاحب التغيير لا يفهم لغة “الطلبات الرسمية” فأنا أطلب التغيير بطريقة شعبنا.. أوَ هل من إنكار أنها طريقة شعبنا (بشكل عام) ؟
مقال مسخرة زي صاحبه
واللي مش عاجبيته الاردن
100 قلعة وراه
اول شي انا مو عارف شو أحكيلك بس أكيد انا محترم رأيك وحكيك
يا أخ أسامه انا شبه متأكد انه انت أصلا عمرك ما جيت للأردن لإنك عم تعكس صوره مغلوطه ومشوهه وخاطئه 100%.
يعني أول شي انا ابن الأردن وطول عمري بتنقل بين المحافظات بس ما صادفت شي من يلي عم تحكيه ………….!!!!!
يعني بالنسبه لإنه الواحد يسلم على اي واحد يصادفه بالشارع يا أخي مع احترامي لشخصك بس حكيك وتعليقك على هذه النقطه خاطئ يعني ما في حد بيعمل مشكله مع حد إذا سلم عليه …..الأجانب اذا بسلموا على اردني برد عليهم السلام كيف اذا كانوا عرب ؟؟؟؟؟
وبالنسبه لباقي حكيك انا اذا بدي شهور وانا عدل وراك بس للأسف حكيك كله خطئ وما بمس الواقع ولو 1% وانا بحكيلك عن إطلاع ومعرفه لهيك حكي
إلى صاحب التعليق باسم: 11
لماذا لم تكتب اسمك ؟
سيدي العزيز قلب مجروح..
أولا أشكر لك مقدمة ردك والتي أثبتت لي أنك تتحلى بالأدب والأخلاق خلافاً لكثير من التعليقات التي وصلتني ولم أستطع قبول نشرها.
أخي العزيز، من المُلاحظ أن مقالتي غير قابلة للنشر في أي صحيفة، أو كتاب أو مجلة، ألا يعني هذا أنني قصدت بكتابتها أن يكون موضوعاً للضحك ؟
أنا أردني ولإنها بلدي لي الحق في نقد ما أراه خطأ.
إنها طريقتنا في نقد الأشياء.. السخرية منها، والمبالغة التي يتضح للقارئ أنها “مبالغة” لمجرد الدعابة..
أرجو أن تكونوا قد فهمتم وجهة نظري، وما قصدت التجريح في أحد كما تعرضت للتجريح من الكثيرين.
شكرا.
3amo ma3ak shelen !! loooooooooooool
really Os good work, bt I’ll have to tell u tht I wud go wth Mohnnad,, Jordan has many positive thngs too,u can mention, I liked ur sarcastic way, bt we have to help improving Jordan as well
شكر كثير لتفهمك رأي وحكي وأكيد هذا ينم عن شاب واعي متفتح على علم بالحياه ومسؤولياتيها .
أكيد انا بعرف انه مقال للضحك والسخريه من الوضع ولكن كنت أتمنى ان تكتب ملاحظه في الموضوع انه مجرد كلام للضحك وليس حقيقه تؤخذ بعين الإعتبار ,,,,,,,,,,,,,,
انا بشد على ايدك بماتكتبه ولكن اتمنى ان تأخذ بعين الإعتبار مشاعر الأخرين تجاهه انا متأكد انك لم تكن على قصد جرح مشاعر المواطنين الأردنيين او نشر الريبه والخوف في قلوب الزائرين لذلك انا معك قلبا وقالب وأتمنى ان تعدل على الموضوع وتكتب انه مجرد مزحه وانه موضوع ساخر اذا رغبت ان تأخذ كلامي بعين الإعتبار .
شكرا لما عكسته من صوره جميله للكاتب الواعي
Allah yes3edak ya Osama….ya3ni elli 7kaeto mawjood bs 3radto be osloob sa`7er jameel:)
بس حابه أضيف شغلة على موضوع الاجازات،انا ساكنة في السعودية ونفس الاشي على كل نكشة في اجازة. شكلها هاي قاعدة متبعة في الدول العربية:)
ببرضو مع كل اللي ذكرته والله الواحد بضل يشتاق للأردن و يحبها وبالأخص عمان…..والله حلوة يا عالم……..
Hadeel im so happy to read ur name here.. and im happier that u liked my article..
many people tried improving in a specific way, why dont we try to do it in another way ? sarcasm
thanks again
قلب مجروح، مرة أخرى اضع احترامي واقفا أمامك مُنحنيا مُقابلاً دعوتك لي بكتابة عبارة “موضوع ساخر فقط” بالقبول.
تقبل تحياتي أخي العزيز وأشكرك لزيارتك مدونتي المتواضعة وأنتظر زياراتك المقبلة دوماً.
تحياتي
Rawan شكرا لوجودك وردك على مقالاتي وبتمنى يكون الموقع كله عجبك يا رب..
تحياتي إلك
أسامة,
أنا مش عارف الناس الي علّقوا على المقاله ليش متحاملين عليك للدرجة هاي؟؟؟ أنا قرأت المقال مرتين وما لاقيت أي شي مبالغ فيو أو جايبو من عندك, كلو واقع وعايشينو بالأردن, كل شي ذكرتو موجود عنا, ومتأصل فينا.
يعني هالناس الي مش عاجبهم الموضوع, بنكروا انه كل هالحكي مش موجود؟ او احنا بالمدينة الفاضلة الي كل شعبها ملائكة؟
بالنهاية الي انا الي شايفو انه ولا حد من الي ماعجبهم الموضوع رد عليك بصلب المقال, عم يعلقوا انه انت ما بتعرف تكتب او “تفتقد” اساسيات الكتابة … الخ
الي شايفو انه انت عارض واقعنا بكل واقعية بدون اي تجميل, وحتى انا مش شايف سخرية بالموضوع, لانه انت جايب المشكلة وعارضها برايك زي ماهي تماماً…
وأسمحلي أعيد نشرها بالموقع مع حفظ حقوقك يا صديقي…
تحياتي
عامر
أسكدنيا.. كلي فخر وجودك هون بعنيلي كتير..
هون مكان لإبداء الرأي بكل حرية، بس في تعليقات صعب أنشرها لإنها بتحتوي على كلام لا يصلح للنشر.. أما النقد البنّاء متل نقد أخي العزيز “قلب مجروح” فهو كان بمحله لإنو عندو وجهة نظر بحترمها وبحترم صاحبها..
صديقي، كلي فخر انك تنشر مقالتي في موقعك وجد شكرا كتير إلك.
و أخيراً رأفت في حق الشعب الجائع لابداعاتك..طال الانتظار و لكن أتى ما كان يستحق الصبر..أحببت مقالتك الجديدة كما أحببت ما سبقها.و دوماً أحب طريقة عرضك للواقع تطرحه بطريقة فنية ابداعية ساخرة و سلسة.
و أرى ان ابداعتك بدأت تصل سوريا..أهلاً و سهلاً بك و بكل حب نرحب بنقدك في بلدنا فهذا الواقع الذي رسمته عن الاردن ليس غريباً عن سوريا و كثير من البلدان العربية الاخرى و ها هي هاجر تؤكد وجوده في المغرب.نحن حقاً بحاجة الى مثل هذه المقالات الناقدة علنا من قرائتها نسهم بشكل او باخر في محي هذه الصور التي دمرت واقعنا العربي و أوصلته للدمار و الدونية التي نحن فيها.الحل لن يكون في انقراض الكنادر او المشروب لان العلة في نفوسنا المريضة و النفس المريضة دوما ستجد بديلاً عن الكنادر و الشرب.
لن أزيد أكثر في الكلام فموضوعك كافي و وافي و رائع و ليس لي الا ان اتمنى لك كل التوفيق والاستمرار هكذا كما عهدناك منذ اول يوم عرفناك فيه..كل التوفيق لك و شكراً على مجهودك و شكر للفنان عمر العبدلات على الكاريكاتير المعبر.
و لكن سأقول شيئا انه مهما كان هناك امور سلبية في الاردن سابقى أحب هذا البلد الذي عرفني فقط بالمبدعين و الشخصيات الموهوبة و الصديقة..مع كل السلبيات يملك الاردن ايجابيات كثيرة أهمها وجود شباب عربي مبدع مثل أسامة الرمح و كثيرون اخرين.
[quote comment="130"]عزيزي اسامه
الكاريكاتير اقل ما يمكن ان اقدمه لكاتب رائع و مبدع مثلك
و المقال اكثر من رائع و واقعي جدا
و الاسلوب جدا ساخر
اعتقد بعد هذا المقال سوف نشتاق لك كثيرا D:
بالتوفيق يا مبدع
عمر[/quote]
أحببت أن أعلق على كلام الفنان عمر عبداللات و اؤيده لأننا بالفعل في كلمة مقالة للمبدع أسامة نشعر بجوع و شوق اكبر له و هو على علم بهذا..و في هذا المقال شكلتما ثنائياً رائعاً و مجهودكما يستحق كل التقدير و الشكر.
ما حدا يقدر يحكي انه الكلام الي اجا بالمقال مو صحيح،والله مزبوط 100/100،مع انه مقال ساخر بس كل ما ذكر حقيقي.مو بس بالاردن،بعتقد بباقي الدول العربية كلها،ومثل ما ذكرت بالتعليق الاول، خصوصا مسالة الاجازات والنوادي والمقاهي… وغيره.
really funny and you hit the bulls eye!
جزيل الشكر لك يا صديقي أسامه
انا أكيد الأن من الأشخاص الذين سيهتمون لما تكتب وما تضيفه من لمسات إبداعيه في هذا العالم , وشكر كبير لك لما أعنيت كلامي من متابعه خاصه وانا أفتخر بإن أكون صديق لك لما عكسته من حكم وتفهم وعقليه فكريه متنوره وذات خصائل إيجابيه 100%.
وأتمنى لك النجاح والمزيد من التقدم في حياتك وكتاباتك يا عزيزي .
************
إن ما يحتويه تفكيري هو بحر لاينضب من التعليقات على كلام بعض زملائي الأعزاء أصحاب التعليقات الأخرى ولا أعلم هل من الممكن أن أناقشهم بأقوالهم وأرائهم ام انها معتقدات واراء خاصه بإصحابها لا يجوز التعليق عليها ؟
اتمنى ان أعلق على كتابات كل من الأصدقاء
هاجر\اسكدنيا\
وشكر جزيل للكل
بصراحة مش ولا بد يعني اقل من عادي
[quote comment="162"]جزيل الشكر لك يا صديقي أسامه
[/quote]
انا أكيد الأن من الأشخاص الذين سيهتمون لما تكتب وما تضيفه من لمسات إبداعيه في هذا العالم , وشكر كبير لك لما أعنيت كلامي من متابعه خاصه وانا أفتخر بإن أكون صديق لك لما عكسته من حكم وتفهم وعقليه فكريه متنوره وذات خصائل إيجابيه 100%.
وأتمنى لك النجاح والمزيد من التقدم في حياتك وكتاباتك يا عزيزي .
************
إن ما يحتويه تفكيري هو بحر لاينضب من التعليقات على كلام بعض زملائي الأعزاء أصحاب التعليقات الأخرى ولا أعلم هل من الممكن أن أناقشهم بأقوالهم وأرائهم ام انها معتقدات واراء خاصه بإصحابها لا يجوز التعليق عليها ؟
اتمنى ان أعلق على كتابات كل من الأصدقاء
هاجر\اسكدنيا\
وشكر جزيل للكل
يا ريت والله يا قلب مجروح،اساس نجاح الموضوع هو النقاش والاختلافات في الراي والنقد وغيره،وكم بسرني اننا نتناقش على الموضوع
[quote comment="159"][quote comment="130"]عزيزي اسامه
الكاريكاتير اقل ما يمكن ان اقدمه لكاتب رائع و مبدع مثلك
و المقال اكثر من رائع و واقعي جدا
و الاسلوب جدا ساخر
اعتقد بعد هذا المقال سوف نشتاق لك كثيرا D:
بالتوفيق يا مبدع
عمر[/quote]
أحببت أن أعلق على كلام الفنان عمر عبداللات و اؤيده لأننا بالفعل في كلمة مقالة للمبدع أسامة نشعر بجوع و شوق اكبر له و هو على علم بهذا..و في هذا المقال شكلتما ثنائياً رائعاً و مجهودكما يستحق كل التقدير و الشكر.[/quote]
شهادتك فخر لي، بكل معنى الكلمة..
عمر العبدلات صديق رائع وفعلا يستحق كل الشكر والتقدير
[quote comment="160"]ما حدا يقدر يحكي انه الكلام الي اجا بالمقال مو صحيح،والله مزبوط 100/100،مع انه مقال ساخر بس كل ما ذكر حقيقي.مو بس بالاردن،بعتقد بباقي الدول العربية كلها،ومثل ما ذكرت بالتعليق الاول، خصوصا مسالة الاجازات والنوادي والمقاهي… وغيره.[/quote]
عندكم هيك بالمغرب ؟
[quote comment="161"]really funny and you hit the bulls eye![/quote]
Thanks bro ^_^
[quote comment="162"]جزيل الشكر لك يا صديقي أسامه
[/quote]
انا أكيد الأن من الأشخاص الذين سيهتمون لما تكتب وما تضيفه من لمسات إبداعيه في هذا العالم , وشكر كبير لك لما أعنيت كلامي من متابعه خاصه وانا أفتخر بإن أكون صديق لك لما عكسته من حكم وتفهم وعقليه فكريه متنوره وذات خصائل إيجابيه 100%.
وأتمنى لك النجاح والمزيد من التقدم في حياتك وكتاباتك يا عزيزي .
************
إن ما يحتويه تفكيري هو بحر لاينضب من التعليقات على كلام بعض زملائي الأعزاء أصحاب التعليقات الأخرى ولا أعلم هل من الممكن أن أناقشهم بأقوالهم وأرائهم ام انها معتقدات واراء خاصه بإصحابها لا يجوز التعليق عليها ؟
اتمنى ان أعلق على كتابات كل من الأصدقاء
هاجر\اسكدنيا\
وشكر جزيل للكل
وأنا كلي سعادة بوجودك هنا في مدونتي.. يبدو أنك تمتلك موهبة الكتابة أيضاً، إن كان صحيحاً فأنا أود أن أقرأ لك إن كتبت شيئاً.
تستطيع اخي ان تناقش الجميع هنا، فهو مكان مفتوح تلتقي فيه الآراء وإن اختلفت.
تشرفت بوجودك.
[quote comment="163"]بصراحة مش ولا بد يعني اقل من عادي[/quote]
^_^ وأهلا وسهلا فيك في “الأقل من عادي” بأي وقت ..
[quote comment="162"]جزيل الشكر لك يا صديقي أسامه
[/quote]
انا أكيد الأن من الأشخاص الذين سيهتمون لما تكتب وما تضيفه من لمسات إبداعيه في هذا العالم , وشكر كبير لك لما أعنيت كلامي من متابعه خاصه وانا أفتخر بإن أكون صديق لك لما عكسته من حكم وتفهم وعقليه فكريه متنوره وذات خصائل إيجابيه 100%.
وأتمنى لك النجاح والمزيد من التقدم في حياتك وكتاباتك يا عزيزي .
************
إن ما يحتويه تفكيري هو بحر لاينضب من التعليقات على كلام بعض زملائي الأعزاء أصحاب التعليقات الأخرى ولا أعلم هل من الممكن أن أناقشهم بأقوالهم وأرائهم ام انها معتقدات واراء خاصه بإصحابها لا يجوز التعليق عليها ؟
اتمنى ان أعلق على كتابات كل من الأصدقاء
هاجر\اسكدنيا\
وشكر جزيل للكل
عزيزي
أرحب بتعليقك بكل رحابة صدر…
لكن لدي تعليق صغير جداً بعد كل هذه التعليقات, النقد الموّجه هنا هو ليس للنقد فقط, أي نقد هدّام, محاولة لنقد واقع ساخر نعيشه, هذا لا يعني أن الأردن وحده به كل هذه السلبيات, ولا يعني ايضاً أنه لا يوجد به ما يتحق المدح ايضاً..:)
اسمح لي اسامة ان ارد على الدكتور احمد الطراونة,بداية احب ان اعرف عن نفسي انا مواطنة اردنية جذوري كلها اردنية وانا افتخر بذلك…واعتقد بان هذا يعطيني الحق الكافي لما سأقوله
بداية عليك يا عزيزي ان تصفق لشاب مثل اسامة فانه يذكر لنا العيوب الموجودة فينا بطريقة لطيفة يعني بالعامية مش “دج”بعدين الشاب ما جاب اشي من عند اهله, هل تنكر انه ولفترة منعت شاورما الدجاج بسبب كثرة حالات التسمم , هل تذكر حالة تسمم الاطفال بالمدارس من الحليب وكثييييير قصص الحمدالله انه الجرائد الرسمية الي كانت تنزل الخبر بلاش ينقال اخبار
صحف صفراء,اما بالنسبة للسلام على شخص ما ابتعرفه كان ايام زمان بينرد على التحية باحسن منها.الجيل الحالي من كثر الغضب الي مكبوت داخلهم الله يعينهم بستنو اي نكشة يعملو فيها طوشة.ونصيحة لك عزيزي خذلك جولة بالسيارة في عبدون وما حولها بتحس انه اسامة مسكين ما كتب شي من الواقع لانه اشنع من هيك ,هل تنكر ان المعايير الاخلاقية في هبووووط؟
شيء اخير اريد ان اطلب منك طلب ان تشاهد برنامج “يبقى انت اكيد في مصر”على otv
ولناخذ من هذا البرنامج فكرة ونحذو حذوه,لانه بداية الطريق الصحيح ان تعترف بخطأك ثم تبدا بتصحيحه,كفانا غفلة وهز رؤوس وذناب .شكرا اسامة ارجو ان يكون هذا المقال له جزء ثاني
منجيبلك مع الحلاوة والدخان قلم ورقة
السيد اسامه
مشكلتنا مع من يدعون الكتابه في الاردن انهم لا يتحملون النقد
مجرد ان تقول لهم رأيك يستعدون للهجوم
هذا حال الكتاب والفنانين والشعراء وغيرهم
لذلك تجد ان الاردن يفتقد الى اي اسم مشهور في المجالات التي ذكرتها
اسال اي عربي عن كاتب او فنان او شاعر اردني لن يستطيع ذكر اسم اي شخص لعدم وجوده
مجرد ان تنتقد شخص يتحفز للرد عليك ابناء عمه واصدقائه معتقدين انهم بذلك يساعدونه
انا شخصيا اعتبر نفسي متابع للحركه الثقافيه على المستوى المحلي والعربي
بصراحه لم اسمع باسمك الا هنا والمقالات التي قرأتها لك كلها تحامل على الاردن وتوصيف اهله بالجهل
اذا استمريت على هذا النحو اعتقد اخي الفاضل ان عمرك الثقافي قصير جدا
انت حر ان تقبلت نقدي او رفضته
لكن اعدك انها ستكون اخر مره اكتب او اقرأ لك فيها
حمى الله الاردن
[quote comment="173"]السيد اسامه
مشكلتنا مع من يدعون الكتابه في الاردن انهم لا يتحملون النقد
مجرد ان تقول لهم رأيك يستعدون للهجوم
هذا حال الكتاب والفنانين والشعراء وغيرهم
لذلك تجد ان الاردن يفتقد الى اي اسم مشهور في المجالات التي ذكرتها
اسال اي عربي عن كاتب او فنان او شاعر اردني لن يستطيع ذكر اسم اي شخص لعدم وجوده
مجرد ان تنتقد شخص يتحفز للرد عليك ابناء عمه واصدقائه معتقدين انهم بذلك يساعدونه
انا شخصيا اعتبر نفسي متابع للحركه الثقافيه على المستوى المحلي والعربي
بصراحه لم اسمع باسمك الا هنا والمقالات التي قرأتها لك كلها تحامل على الاردن وتوصيف اهله بالجهل
اذا استمريت على هذا النحو اعتقد اخي الفاضل ان عمرك الثقافي قصير جدا
انت حر ان تقبلت نقدي او رفضته
لكن اعدك انها ستكون اخر مره اكتب او اقرأ لك فيها
حمى الله الاردن[/quote]
دكتور أحمد لا أذكر أنني “لم أتقبّل” نقدك.. قد كنت أسير معك في النقاش إلا إن كنت تعتقد أنها مجادلة فلا عجب في تسرعك بالحكم.
سيدي قد قلتَ أن المقالات التي قرأتها لي كلها تحامل على أهل الأردن.. أولاً ألستُ أنا من أهلها ؟ ثانياً: أليسَ من غير المعقول أن يقع “دكتور” في أغلوطة التعميم المتسرّع ؟
أعدك بأنني سأكون هنا دوماً إن قررت أن تعود وتقرأ وتناقش.
واهلاً بـــك.
^_^
[quote comment="166"][quote comment="160"]ما حدا يقدر يحكي انه الكلام الي اجا بالمقال مو صحيح،والله مزبوط 100/100،مع انه مقال ساخر بس كل ما ذكر حقيقي.مو بس بالاردن،بعتقد بباقي الدول العربية كلها،ومثل ما ذكرت بالتعليق الاول، خصوصا مسالة الاجازات والنوادي والمقاهي… وغيره.[/quote]
عندكم هيك بالمغرب ؟
[/quote]
والله يا اسامة واكثر من هيك ،مشان هيك بقلك مهما كان المقال ساخر بسبيضل حقيقي،والا ماكانوا يرفضو نشرها بالجرايد.
كلمة أخيرة.. الخلاف لا يفسد للود قضية.. والمناقشة وأن وصلت للجدل يجب أن لاتخرج عن أطار الموضوع..
ثانيا… يعني الي شايفو انه اسامة حكى الي شايفو هو برأيو, بغض النظر أن كان كاتب مشهور او معروف ام لا… من حق كل واحد مش شايف الي شايفو اسامة يجي يحكي أنه اسامة بحكي غلط لانه مافي منو هالحكي هاد
وبالنهاية اتوقع كلنا عايشين بواقع ملموس وشايفين كل شي حوالينا, الموضوع مش تحامل ع الأردن بقدر ما هو نقد لظواهر سلبية بنعيشها يومياً وماحد بقدر ينكرها 
لدي مداخلة صغيرةعلى كلامك دكتور،هل برأيك نقد الواقع السلبي تحامل على البلد؟ما قدمه لنا المبدع العربي الاردني أسامة الرمح كان صورة ناقدة للواقع العربي وليس حصريا للاردن،وكما تعلم دكتور الايجابيات ليست بحاجة للفت النظر فهي تتكلم عن نفسها،في حين ان السلبيات تتخفى وتتفاقم حتى تصبح معضلة،لهذا من الجميل ان يتم لفت النظر لهذه السلبيات لنسعى قليلا لردمها.
لذا لا تعتبر المقالة اهانةللاردن لانك كم انت تحب الاردن نحن ايضا نعشقه.وانا شخصيا أفخر بالاردن كبلد عربي جمع المبدعين من الشباب العربي أمثال الكاتب اسامة الرمح
اسامه متل دايما بتتحفنا بمواضيعك الرائعه والجريئة والمتنوعه
اكيد عرفتني واستغربت من وجود اسمي !!!! اجل ونعم انا نادية الحلو وهاد اول تعليق الي هون بعد ما كنت من اوائل المعلقين على مواضيعك زمان
سلام واكيد ما رح تفوتني مواضيعك
فقط للضحك
هاهاهاها
أسماء أفلام فلسطينية :
1- طخّوه وكع ميت
2- ضحية من أجل الكظية
3- لليش يا مكلعط
4- خمس دكايك حب
[quote comment="142"]مقال مسخرة زي صاحبه
واللي مش عاجبيته الاردن
100 قلعة وراه[/quote]
والي مش عاجبه المقال يخلي تعقيبه الو او انو يحكي به احترام
صديقي العزيز اسامة المقال اكثر من رائع
وكلامك مزبوط لانه واقعي مش بس بل اردن في كل الدول العربية انا متأكدة
حابة اوجه كلمة بس للي ما اعجبهن المقال .. ليش نكزب ع حالنا ونقول هاد حكي مش صحيح
خلونا نكون صريحين مع بعض ونقول الحقيقه انا بحترم كل راي واحد فيكو اكيد
بس كمان في اسلوب بلحكي
مشكور اسامة على مقالك الرائع
تحياتي لك
نصائح قبل زيارة الأردن – للسخرية والفكاهة فقط…
مقالة ساخرة.. وللسخرية فقط.. اضحك واسكت…
لوووووووووول … ما قرأت الا تعقيبين على الموضوع ..
ما في داعي نحملها يا جماعه ..
المهم انا شخصياً استمتعت بالقراءة .. لانو الاسلوب بالطرح ممتاز
وبتستهويني هيك اشيا ..
استمر .. :heart:
ليش فيه ناس مو عاجبها التعليق ؟؟؟
انا سافرت كتيييييير بلدان
بس عنجد زي الاردن ما شفت
وعنجد اسامة بيحكي المزبوط مية مية وانا اشهد
……
وإللي مو عاجباه الاردن يرد بأسلوب شوي محترم
:cwy:
والله يا اسامة عنوان موضوعك مستفز شوي … انا مع النقد البناء مش غلط بس كمان مش ب هاي الطريقة .. اسلوبك جارح كتييير بالنسبة للناس اللي عندهم الوطنية وحب الوطن فووق كل اعتبار واللي انا اولهم .. احسبها على هاد الاساس بعدين اكتب .. انته حكيت بمقالك عن محمد قويدر انه قويدر بيعكس صورة سلبية عن شعبنا !! وانت بهاد المقال الساخر شو الصورة اللي بتعكسها ؟؟؟؟؟؟ مافي شعب بيرضى انه ينحكى عنه اشياء سلبية حتى لو باسلوب مزح وازا كان في بكون هاد الشعب ما بقدِر بلده .. بغض النظر ازا في ناس بتشوف انه كل اللي انت بتحكييه مزبوط انا بحكيلك انه في اسلوب بزعل وفي اسلوب ما بزعل وانت اخترت بمقالك اسلوب جارح .. وعكست صورة سيئة اكتر من اي حدا تاني
Born and raised in Jordan.. never left
you are 100% right, and it was very funny
ما بقدر احكي الا على راسي
بس مش كل الكراسي :tongue:
hehehehehehe
nice one :> 5asa bthez yameen shmal hahaha
u r realy pretty good writer man and i hope u still like that,show the people the fact we live here but some people reject that fact Unfortunately but i hav to tell u its a cool 1 and so funny
Kudos mate! This is the first time I read your Blog, and I have to say, you made me laugh quite a lot!
Best of luck,
Ayyoub
لقد نسيت أن تضيف:
عزيزي السائح، اذا منت تمشي في الشارع ولقيت الناس لاوية بوزها عشر شبار و عيونها خمس تمنيات اذا ابتسم لانك يالتأكيد أصبحت في الأردن!! :tongue:
أخي العزيز أسامة،
انا شخص معجب جداً في مقالاتك ولكن أراك دائماً تعكس صورة مشوهه عن الاردن.
لماذا لا تنظر الى الاردن من منظور جميل حيث تذكر محاسن هذا البلد ولا تنسى انا هذا البلد له الفضل الكبيير عليك إذ يوفر لك الحرية والحماية والمعيشه الحسنه ولا تنسى انك انت ايضاً مواطن أردني تسكن في اراضي الأردن، وأرجوا ان تقارن بين الاردن والدول العربية الأخرى هل هي افضل؟ وإذا كانت افضل.. من اي ناحية؟؟
ان حاكمنا رجل لا يعى علية أصله مرموق وهذه حقيقه يعرفها جميع الناس وانه رجل حكيم وشاب وقد قدم للأردن الكثيير من الخدمات التى لا تحصى وعطائة مستمر لا يوجد احد طلب مساعده من جلالتة وقال له لا يوجد مكاتب خاصة بجلالة الملك عبدالله الثاني متخصصه في مد يد العون الى الناس في الاردن وغيرها من البلدان الأخرى ” هل ينكر أحدكم ذلك “…
ولا تنسى يا اخي انه هو حاكم الاردن….
ويجب نحن كمواطنيين أردنيين ان نحترم هذا البلد العزيز وان نقدم له كل ما لدينا وان نجعل منه افضل البلدان وان نعكس الصورة الحسنة عنه..
ولا تنسى يا اخي انك مواطن اردني..
وشكراً لك.
مساء الخير أخ أسامة
أنا بنت من الأردن وحابة أناقش معك شوي عن مقالتك
يعني أنا ما بنكر أنه في كثير أشياء مزعجة بتصير في الأردن بسلما بتحكي
(اذا رحت على دائرة حكومية مشان تخلص معاملة، رح تشوف ناس واقفين طابور على شباك ) يعني وين المشكلة ؟ وين الشي الجديد في الموضوع في كل مكان على وجه الأرض في طوابير لإجراء المعاملات مش بس عندنا
و (في زلمة قاعد عالشباك عندو شنب فش عندو اشي تاني ) شو بتقصد فيها يعني الله يعين الموظفين مش مكفيهم تعليقات بعض المراجعين ع شغلهم اللي أنا أكيدة أن كل موظف بيحاول ينجز شغله وبسرعة سواء عشان المراجعين أو عشان يرتاح هو
(إذا اجيت بدك تاكل فلازم تعرف انو تاريخ الاردن عريق بتلوث الأكل، الشاورما والبيض والسمك واللحم والدجاج) يعني مش للدرجة هاي يعني حالات التسمم كانت لأسباب نظافة المطعم إللي صار فيه مو غلطة كل مطاعم الأردن أو الأردن
(حتى اذا فكرت انك تاكل هوا فالهوا ملوث كمان) يعني في تلوث هوا أكثر من الدول الصناعية الكبرى لكن الفرق أنه الأردن مكان ريفي و جديد عليه الصناعة
(أحلى شي العُطَل في الأردن، على أي نكشة بصير فيه عطلة، اذا نزل مطر شوي هاد دليل على عواصف ثلجية قادمة، وعطلي يا مدارس ويا جامعات) يا عمي والله الأردن دولة بنيتها التحتية ما بتتحمل هاي الظروف الجوية بعرف رح تحكي أنه ليش ما عملوا حساب هاي الشغلة لكن ما توقعوا هدا الشي فالمهندسين بشر و درسو مناخ المنطقة و هيك طلع معهم الله يعطيهم العافية و بعدين كل عطلة عم تتعوض
(للراديو يا رح تسمع محمد الوكيل يا اغنية “قوات الأمن العام بتحافظ عالنظام”.) يعني والله هاد أحلى شي بالأردن الوطنية و الوطنية شو أحلى من هيك شي تبدا فيه يومك شي يذكرك بإنك أردني و بالأردن
اليوم بالصدفه دخلت على موقعك وتفاجأت بطريقة سرد الحقيقة التي نعيشها في بلدنا الحبيب , وكم شدتني جميع المواضيع لأنها بالفعل ما يحدث عندنا. انا اردنية وافتخر ببلدي لكن ما يؤلمني هو استغلال كل شخص لمنصبه دون رقيب او حسيب حتى ذهبت على الشعب المسكين ولا ننكر المثل القائل ” الي من ايده الله يزيده” والسكوت علامة الرضى وووووو ..
الشكر الجزيل للأخ أسامة على مقالاتك التي تصب على الوجع
ازا مش عجبتك البلد ارجع ع بلدك ؟؟؟؟؟؟؟؟؟؟
اطلع الناس للي اخذوه وارجع وانته وكل لي متلك
هلا عمي
Funny indeed…
Creative… of course…
New.. not really!
All I wanted to say is that Jordan has a bad and a good side to it.. However, what I like the most about the real Jordanian ppl is their pure and blind support and love to this country…
This support and love maybe through criticism, disparagement or appreciation…
My point is that we still live in peace… while hell flames are flaming all around us… so let’s appreciate our peace.
May God bless our country and our families!
hello my friend
i really resbect your thoughts but this us the law in this country so we cant do ny thing but taking and taking just to show the others that we know and we are smart
but the real idea
i think u know it
على راسي كزدرة يا حج
حلو المقال :happy:
انا بستغرب من بعض الردود هون :getlost:
يعني اول اشي الزلمة قال للسخرية والفكاهة فقط :getlost: :getlost: :getlost:
بعدين ما حكى اشي غلط :getlost: احنا مش عايشين بدولة مثالية فيهاش عيوب :getlost: واللي حكاه بيجيش 1% من اللي بصير:getlost:
واظن انه احنا ببلد ديموقراطي والنا حرية التعبير طالما مش جايين بحدا :getlost:
واللي مش عاجبه المقال الف قلعة برضه :getlost: ما حدا جبره يقرأ ولا حدا جبره يفوت السايت كله:getlost:
يسلموا يا معلم مميز كالعادة :happy:
معك حق بكل ايشي قولته بس مش الاحسن انو نحسن وضع بلدنا بدل ما نحكي عنو لانه نحنا الي عايشين في فلما يتم نشر متل هيك كلام لازم ندايق و نغير بحالنا
هههههههههههههههه بس هذه الحقيقة بس طريقة كتابتك اكثر من رائعة :cheerful:
والله لو لقيت احسن من الاردن تفضل اطلع بره
انت كبير … ضلك اكتب عن الوضع الحقير الي عايشينو في هل بلد
ولي مش عاجبوا … يبيع ارض وينزل سياره ..
و يوقف على دوار عبدون
تسلم الانامل يا اسامه المقاله تجنن وفتحت عيوني على اشياء مجنت اعرفها بس صارلي سنتين بعمان مشفت شي موزين ويارب تتغير كل هاي الاوضاع نحو الاحسن
انت كاتب مبدع اهنيك
بتكتب علوجع :ermm:
عطفا على كلام عمر العبدللات هوة بقصد انو رح نشتقلك لأنك رح تطير ورا الشمس زي الكاريكاتير
مقال جمييييييييييييل
وأهم ما فيه بياع القهوة
كلامك صحيح و ابداع كمان
و بعض الناس اذا مش عاجبهم لا يدخلوا عالمدونه
والله الابداع بنطلق انطلاق الصاروخ من بين اناملك .. تسلم يمينك
:wub:
[...] نصائح قبل زيارة الأردن [...]
الحل الوحيد انه كل واحد يشوف الغلط بنفسه ويعدله ..
يا زلمه لو يحطولي مليون ليره ويقولولي غير جنسيتك ما برضى … يسعد رب الأردن..
بكفي ابو حسين قايدنا ….
والوطنيه اللي انت بتسخر منها احسن ميزه بالانسان الأردني …يعني وين بدك يانا نسمع اغاني وطنيه ..بالمكسيك؟؟!!!
كل الاحترام ل زهرة النارج فشت غلي ..
وفرصه تغير العنوان لانه ما حدا بسخر منا …سيبك من أساليبك ..
الله يعطيك على قد نيتك
wala ya osama law dalet tfahem feyo 10 sneen ma 7ayefham
ala y3eenak 3al 3alam
السلام عليكم
اشكر الاخ اسامه الله يبارك فيه على تشجيع السياحة التي يستفيد منها الرؤوس ويتكبد اعباءها المواطن البسيط
بالنسبة لما ذكرت عن العطل و… فهي منتشرة في جميع انحاء الوطن العربي
(الا……………………………………)
باختصار ………… الله يكون في العون
(وحسبنا الله ونعم الوكيل على المسؤولين منتهيين الصلاحية )
السلام عليكم
هو بالاردن وغيرها
كلنا عرب
خلاني اشتاق للاردن قسما بالله
@أساÙ�Ø© اÙ�رÙ�Ø –
والله شكلو الدكتور احمد الطراونة لا دكتور ولا شي يعني انا مش عارف ليش محبكها هالقد
شو يعني الاردن والي في الردن ملائكة كلهم
كل بلد فيها المنيح وفيها العاطل
والي حكاه اسامة هو الواقع بحد ذاته
الى تعليق sweet novemer
انتا مين حطك مسول عن الاردن حتى تقول لهذا اطلع برا وهذا ادخل بالبلد
انتا موطن اردني واسامة مواطن اردني مثلك مثلو حتى يمكن هو احسن منك
وبعدين هو بالمقالة ما اساء للاردن هو بيحكي نكتة عن الواقع الاردني
بس انتا واشكالك انتو الي مخربين البلد
:
ليش ما تحكي يا سيد اسامه عن الاردن الامن وامان والاستقرار و عن الشعب الاردني الكرم و الجود و الضيافه انت بتحكي عن ناس معينين ما بمثلوا 10% من الشعب الاردني و بهيك انت غلطت بحق كل الاردنين الي بسترو على وجهنا في اكثر الاحيان
الي في منهم دكاتره و محامين و مهندسين و مثقفين بتمنى انك ما تشوه صوره الاردن و الاردنين امام كل العالم اذا انو انت بتحكي انو بلدك الاردن فكان من الواجب عليك انك تنقل صورة الاردن الجميله و اذا كان هنك نقد انك تحاول تصحيحه بس مش انك تصحح الغلط بلغلط و عيب الاردن ما بستاهل منا هيك …….
jordan has alot of positive things but there is no need to talk about them, talking about the negative things will make a diffrence….
i love Jordan & am leaving soon and actually i just cant wait to leave, can aybody tell me why?
ymkan ma 2le 2l 7a2 2ne 2rod 3aleek ya dr 27mad 2wal she bs kol wa7ad 7or fe t3ber r2yoo w tane she mo 2nta 2l 7akam 2le bt7kom 2za hada 2l sha5s kateb 2w l2 w btmanalk 2lse7a> -
لو لفييييييييييييييييييييييييييييييييييييييييييييييت العالم كله ما بتلائي زي الاردن والاردن اولا
لو لفييييييييييييييييييييييييييييييييييييييييييييييت العالم كله ما بتلائي زي الاردن والاردن اولا
وللي مش عاجبه يرحل
اريد بعض النهفات على ايميلي
اردنيه سلطيه :
اسكتي بلاش يطقلك عرق ؛ اسامه ما بنتقد الاردن بل بحاول يصلح بعض المفاهيم الخاطئه عند البعض متل مفهومك انتي تجاه مقالته هاي
كلنا ابناء الاردن بس الحق يقال انه اسامه صادق في كل شي حكاه
ووضع ايده على جروحنا يللي مش قادرين نوصلها لايا حدا لانه مافي حدا يسمعنا للاسف
وان سمعنا ما بعير ايا انتباه ابدا لهادا حكي !!!
بالعكس بصير يزاود علينا في وطنيته وما بعتقد في حد عنده وطنيه زي اسامه لمتابعته متل هيك امور
ووضعها تحت ايدي المسؤولين او حتى تحت ادين المواطن لحتى نعرف نصلح أكتر في بلدنا الحبيب
a7md
هههههههههههههههههههههه
مقال رائع ومن واقعنا وكلامك صح 100%
يا جماعه انا بحترم راي الكل بس اسامه ما جاب اشي من عندوا
غير هيك هاد اشي واقعي وموجود عنا ومو بس بالاردن بكل دول العالم
يعني احنا مو دولة منزلة من السما خلينا واقعين وما نضحك على حالنا
وبضن انو احنا دولة ديقراطيه وكل واحد الوا وجهة نظر وحق في التعبير عن راي الشخصي
مع احترامي للجميع
زحمة يا دنيا زحمة !!!!!!
هاي الاغنية بتعبر عن مقالك
مشكور
اولا هذه نكت بايخه زي صاحبها والاردن مش هيك مبالغه
السلام عليكم
انا كتير فخورة فيك اخ اسامة وعلى كتابتك الرائعة وعلى النقد البناء في رأي يمكن انا كتير انبسطتت الك اسمي اني بعرفك وكنت عنا بمكتوب وكمان لاني انا كمان من محبي النقد متل هاد النوع ولي نفسي اصلح شوي بلمجتمع او نحكيلهم هي الخطأ بس هما مو شايفينو او مو حابين يشوفو بس برافو عليك والله معك وانا مع اني جديد عرفت عنك للاسف الشديد لكن رح اكون من متابعيك ان شالله دائما
اتمنى لك التوفيق
انا بحب الاردن
اولا: هاذا مش كريكتير هاي تفاهة و قلة ادب و عدم وطنية ( في حال انه الااخ اسامة اردني
ثانيا: المفروض انه احنا كشباب واعي ننشر صورة حلوة و مشرقة عن البلد مش نشوه صورة بلدنا عأساس النغاشة
ثالثا: المفروض بس نشوف واحد زي اسامة السهم بتمسخر عالبلد نوقفه عند حده مش نشجعه عقلة ادبه ، لانه هاي مش حرية هاي قلة وطنية .
رابعا: بشكر كل الشباب و الصبايا اللي انتقدو اسمامة النغش و بهنيهم على وطنيتهم و ان شاء الله بضل الاردن عالي و مهيوب بوجودهم
تعليقي الاول كان عالمقال التافه و هسا بدي اعلق على بعض التعاليق
اولا: اللي شايف انه هاذا هو بس واقعنا لازم يروح على طبيب عيون لأنه بلدنا اكبر من هيك
ثانيا: الامور اللي لف العلم و نا شاف زي سلبيات الاردن فهو اكيد راح على بلد افلاطون
ثالثا: مين هذا اسماة عشان يصلح البلد ؛ ليكون مكانيكي!!؟
رابعا: بحيي اللي قال :اللي مش عاجبته الاردن يطلع منها و بأيده بكلامه ؛ لانه الدنيا ازمة كثير بوجود هيك ناس
خامسا: اللي بقول انه فيش داعي نحكي عن الاشياء الحلوة بالبلد غلطان لانه الحكي اللي بينكتب بمواقع الانترنت بشوفه العالم كله ومن الغباء انه اللي بيكتب ما يكون بيعلرف هذا الحكي
سادسا: انا ملاحظ انه في ناس شايفة انه المسخرة عالبلد اشي عادي و انه ييجي واحد صعلوك ينكت عالوطن اشي ما فيه اي مشاكل و انه طبيعي و حلو كثي
سابعا: بشكر د.احمد سلامه الطراونه على الحكي الرائع اللي كتبه ومعه حق يعني مش كل واحد مسك قلم صار كاتب ، الكتابة ادب له قوعد و اسس ؛ طبعا مش موجودة عند اسمامة الشبرية
ثامنا: الي بقول تسلم هالأنامل ، محسسني انه اسامة كاتب قصيدة
تاسعا: انا من خلال خبرتي التواضعة جدا في الحياة عرفت شخصية اسامة وكل الموقفين معه وهي كالاتي:
فاشلة
ضعيفة
مهزوزة
عديمة الثقة بالنفس
اخيراااااااااااااااااااااا: اسف اني طولت عليكم بس انا بنقهر لما اشوف اشياء تافهة زي هيك
trackbacks
أنا شايف إنو هاي المقالة هي إحدى أساليب طلب تغيير المظاهر السلبية في البلد
والنقد كان دايما من أحسن وسائل التغيير
يعني ما بصير نضلنا ساكتين كإنو كل إشي تمام والوضع مش لازمو أي تغيير, بالعكس الكلام عن التصرفات السلبية ممكن يخلي اللي بتصرفو هاي التصرفات يعيدو التفكير بتصرفاتهم بدال ما يضلو مصرين على غلطهم
بعدين إنت خد النية الحسنة دايما بلاش تقعد تفكر إنو هاض بس بكتب هيك عشانو بكره البلد, أنا متأكد إنو لو كان بكره البلد كان قلك خلص مهي خربانة ليش أقعد أوجع راسي بالنقد والقصص هاي
بس أنا متأكد إنو أسامة بتهمو مصلحة البلد أكثر من غيرو
وشغلة تانية كمان إنو إحنا لازم نشجع الديمقراطية و حرية التعبير في البلد بدال ما نكتمها و نكرها
اسامة لازم تعرف اشي ، اللي بنقدو مقالتك بطريقة لاذعة و فيها بعض الاهانات اكيد عندهم دوافع معينة (الغيرة عالبلد و مش عارف شو ) بس في اشي انا لمستو و عشتو و خاصة اني كنت ساكن بالزرقا …. في كتير من سكان الاردن و بالاخص عمان ( و بالاخص الغربية ) بعتقدو و بجزمو انو الدنيا لسة بخير يا حبيبي ، في ناس منهم ما بعرف ايش بصير بالاردن ، زي اللي بفكرو انو الرصيفة حديقة حيوانات … باختصار هدول عمرهم ما رح يعرفو الواقع الاليم اللي عايشو اغلبية الشعب الاردني …. لسة في كتير مصايب غير اللي انت حكيت عنها ، بس الواحد شو طالع بايدو ، قلبي معك يا اسامة
الاخوة المعلقين : اسامة مش قصدو يعما دعاية و اعلان عن جمال و محاسن الاردن زي ما بعضكو بطلب ، اصلا شو الفايدة ما حدا بعرف ربع الاماكن السياحية بالاردن ( و اصلا السياحة مش النا و افهم ياللي بتفهم ) اذا في عندك صديق و غلط و هاد الصديق بعز عليك ما اتوقع انك راح تجاملو اكيد رح تقوللو انت عملت هيك و هيك عشان يستحي ع حالو و يصلح غلطو ….. بعدين يا ريت تسيبونا من قصة انا اردني و مش عارف شو لانو معروف شو معناها ، كلنا ولاد هالبلد العزيز و الله يسهل
@anwar –
كلام سليم 100%
الي مو عاجبو ما اظن انو اسامة ضرب حدا عشان يفوت يقرا مدونتتو
المقال واقعي جدا اقرؤو ارشيف الجرايد قبل فترة في سحاب و احد عمرو 30 سنة طخ واحد عمرو 17 سنة لانو حكالو شو مالك
و مرة على الاشارة واحد سكر على التاني الطريق نزل طخو يعني و ضاهرة البنات هدول موجودين فعلا على البوابة الشمالية و جد ما حد بقدر يميزهم عن الخليجين و روحو على الجامعات و الشوارع و شوفو البس و التصرفات و تاكدو انو الاخلاق في هبوط هاي الاشياء هي الي بتسيئ للاردن مش النقد الي يوجه للاخطاء
تحياتي
mobdeee3 osama
o tgreeban 90% mn ele 7keto mazbooot
dont you think your article is offensive to many ppl !!!
well…im a big fan of you but i hated this article !
الله ع حال الاردن ايش هذا
انا مش عارفا كيف عايشين فى هالاوضاع
لكن والله هالة مضحكة هههههههههههه
يعني ياللي بيقرا مقالك بيحكي ابصر احنا وين عايشين ,احنا يا صديقي احسن من دول كتير ,واذا ما بتعجبك البلد ليش بتيجي عليها ولا بس بتكتبوا وما بتعروا شو بتكتبوا
معلش اخي العزيز كلامك غير صحيح
ليس كلمة دفاع بل كلمت حق
ارجو ان تعيد النظر وتعرف ما تكتب ليس كل شيء مسخرة ومزح وفكاهة بلاش شخص يقرأ هذا الكلام ويصدق
@Ù�Ù�Ù�ر – هههههههههههههههههههههههههههههههههههههههههههههههههههههههههههههههههههههههههههههههههههه حلووووووة يا عسل تسلملي منيررررررررررررررر