اوعى تمرض
اوعى تمرض
بتزكر وانا صغير ابصر شو صابني، هيه انفلونزا هيه ضربة شمس، المهم صابني شي وأخدوني أهلي على مركز صحي حكومي، يمكن تبع صويلح اللي في السوق، هيه كانت هالمرة الوحيدة اللي دخلت هالمكان فيها بحياتي، ويمكن دخلته وانا صغير مشان اكتب عنه.
تعليمات عند دخول مركز صحي حكومي: (مش كل المراكز طبعاً، نصهم بس)
رح تدخل وتلاقي طابور واصل لعند الباب، أوله ناس أحياء وآخره ناس ميتين، طبعاً ماتوا وهمه بستنوا دورهم.
رح تلاقي جوا هاد المركز كل مسببات الوفاة وخاصة الموت عن طريق الاختناق أو صدمة عاطفية من المناظر اللي رح تشوفها جوا.
اذا وانتا بتستنى دورك حسيت انك رح تموت، اوعى تقوم وتصرخ وتشكي، موت لحالك أحسنلك.
شي طبيعي كتير ازا انتا بس عندك انفلونزا بسيطة انك تطلع من المركز حامل كل أمراض الدنيا.
برضو شي طبيعي إنو ييجي يقعد جنبك واحد ما عندو إيد او ما عندو راس، لا تنصدم، ولا تنسى إنك في مركز حكومي.
رح تلاقي جوا المركز الصحي زلمة بيشبه ابو شفرة، بنظم الدور وبيكون واقف على باب الدكتور وبالأغلب بيكون حامل عصاية أو حزام ، المهم ابعد عنه ولا تقرب عليه هاد خطر على حياتك.
أوعى تفكر إنك تدخل الحمام، لإنو كتييييير نضيف، أمّا هوّه نضيف. :p
اذا وانتا في الانتظار سمعت صوت واحد عم بصرخ في غرفة الدكتور وبحكي : الحقوووووني، لا تتفاجئ ولا تخاف، هاد سوء تفاهم صغير صار بين الدكتور وواحد من المرضى.
اذا وانتا عند الدكتور أعطاك إبرة “ديتول” بالغلط وجاب فيها أجلك، لا تزعل ولا تدايق حالك، هاد مو الدكتور الحقيقي، هاد ابوشفرة بس عامل حالو دكتور، بخفف دمه يعني.
اكتب وصيتك قبل ما تدخل عند الدكتور، ويُفضّل لو تكون عامل تأمين على الحياة، سمّي بالله قوّي قلبك، وادخل واحكي Freeeeedom، الله يرحمك.
من القلب إلى القلب، تحياتي الحارة لوزارة الأموات، على اهتمامهم بالطبقة “العايفة حالها” من الشعب، وشكراً على الحمّامات النضيفة وعلى استضافتهم لأبو شفرة هون كمان.
أسامة الرمح
12th Of March, 2008
Rss
Linkedin
Friendfeed
Youtube
Twitter
Facebook
Deviantart
March 12th, 2008 at 12:14 pm
u reminded me of the day my hand was broken my school took me to mostashfa al basheer w I swear sar ma3e zae ma sar ma3ak belzabt …I witnessed a surgery going on that time i was only 12 …the scariest day of my life …great …so funny osama …5 stars as usual
March 12th, 2008 at 7:11 pm
مش عارفه اضحك ولا شو اعمل
عنجد حرام لازم كل الناس اسامة تحكي متلك مش لازم حد يسكت علشان نغير حياتنا
موضوعك كتير مهم.. عنجد لازم ندير بالنا وما نمرض.. على هيك حال ..
مشكور
March 12th, 2008 at 7:20 pm
اطلالة جديدة مشرقة لك عزيزي اسامة..و مرة جديدة تفرض ابداعك على الرغم من رفض البعض لللحقائق التي ترسمها لنا..ما كتبته بالفعل هو واقع سبق ان رايته في بلدي سوريا و متل العادة الجيران بياخدوا من بعض..
هذا الوضع المأساوي ليس شيئا لا يصدق فمن يقول لي لنه ليس حقيقة اما سيكون مجنونا او انه يكذب على نفسه..أصبحنا نعيش في مجتمع يفرض على كل انسان ان يكتب وصيته و هو ما زال جنينا في بطن أمه لان الاحتمالات لا تنفي حدوث خطا اثناء الولادة و موت المولود..لا أعرف ان كان الوقت قد حان لنضحك من تعاستنا فمؤخرا سمعت كثيرا من اناس مقربين و حتى من بعيدين انهم او احد قريب لهم قد خضع لعملية بسبب مشكلة ما و بعد فترة يتبين انهم اجروا للشخص العملية الخطأ..حتى حياتنا اصبحت للتجارة و اجسادنا صارت كسوبر ماركت تفتح و تغلق كل يوم..
الله يكون بعوننا و على فكرة أسامة كويس انو بس منعولك المقال ما محوك عن وجه الارض بعيد الشر عنك طبعا..بس يعني احنا من كثرة الديقراطية ببلادنا سكرولنا تمنا بالشمع الاحمر و من يخترق القانون ينسف..
موضوعك رائع متل عادتك..
March 15th, 2008 at 7:38 pm
ربك بعين يا اسامة.. الوضع مفروض يتغير بالخمسين سنة الجاية او ماكسيموم 100 سنة.. طولي بالك ابو شريك
May 31st, 2008 at 12:11 am
على قولة الأخ اللي كاتب فوق” عامر خليلي” : ماكسيموم 100 سنة.. :sleeping: :sleeping: :sleeping:
الله يجيب اللي فيه الخير……..
سلامي لأحلى “أسامة الرمح”
وسلامي لكل النشامى الأردنيين اللي بتمنوا يتحسن وضع البلد……
June 5th, 2008 at 6:55 pm
dude mish ma3gool….ya3ne i know u hear it a lot, o bel akher beseer tekra2 o 3ade ma tet2athar, bas i think it’s time or at least soon you should take a bigger step cause im sure u can do much more… :alien:
June 7th, 2008 at 11:37 am
ههه ههه ههه احلى شي Freeeeedom
والله زكرتني بـــــــمل جبسون بفيلم وزارة الصحة … اسفة بفيلم
( breaveheart)
June 11th, 2008 at 11:42 am
والله الواح يقعد فالبيت و يستني الموت ارحم!بعدين الله يخليلنا البنادول من غيرو ابصر شو صار فينا!
موضوع كتيير حلو و واقعي:)
July 20th, 2008 at 11:29 pm
ضحكت وضحكت ومن كثر ما ضحكت بكيت
July 23rd, 2008 at 1:29 pm
thanks allmudu3 kter 7elw o bkeet men ell du7k thx osama :tongue:
July 24th, 2008 at 12:12 am
احلفى شي ب ابو شفره كشرته الي بتعبر عن عفويه مقرونه ب موده وحنيه بتحسسك الانعزال عن العالم .. والاحلى صوته يعني بعبر عن رحمة و سلاسه غير طبيعيه كانك واقف قدام عبد الحليم وياعيني عنضافته الشخصيه كانه كل يوم بتحمم ب هيبربال يعني ولا احلى … والمميز بالموضوع انه لما يصرفولك الدوا وتروح تجيبه ويحكولك خالص من اسبوع بتحص بالاهتمام من جيمع الجوانب .. الحمدلله عالسلامه عمي
July 7th, 2009 at 10:40 am
ياسيدي حط راسك بين الروس وقول يا…………..انشاء الله بتتحسن طول مهو في مثلك يا اسامه بتخلينا نفش غلنا
July 9th, 2009 at 10:34 am
باذن الله تتحسن الامور
July 10th, 2009 at 11:28 pm
عنجد يا اسامه ضحكتني من كل قلبي
يسلمو ادييك على هالحكي الحلو
وللامام على طول
September 30th, 2009 at 10:00 pm
اختي اللي عمرها 4 سنين اعطولها دوا التهاب مسالك بوليه وهيه عندها التهاب حلق بمستشفى حكومي
October 1st, 2009 at 11:54 am
في الجامعة في في صعوبة في تسجيل المواد حتى بعد مانسجل ونداوم بغلقوا المادة بعد اسبوع وبحكوا روحوا دبروا حالكم باي اشي اذا مابدهم يدرسوا المادة ليش يفتحوها بعدين يسكروها
January 18th, 2010 at 5:13 pm
I realy like it ..3njaad bt3ber 3n el wa8e3 o its funny …y3ne eza hl mostshfyat hek o dal ll denye y3ne el mkan ele mfrood nt3alj feyo msh nmoot:P