زيادة الأقساط في المدارس الخاصة
قرر مجلس نقابة أصحاب المدارس الخاصة رفع الرسوم الدراسية للعام الدراسي المقبل بنسبة تتراوح بين 15 إلى 20%، ويعزى رئيس المجلس قرار زيادة الرسوم إلى “ارتفاع أسعار المشتقات النفطية”، نقلاً عن جريدة الغد الأردنية.
ويُفيد الخبر بأن المجلس يناشد أولياء أمور الطلبة باستخدام وسائط النقل الخاصة عِوَضاً عن “باصات المدرسة” توفيراً للوقت والمال.
ما كتبتُ أعلاه كان ملخصاً بسيطاً جداً للخبر وقد اقتبست منه أهمَّ نقطتين، ولفتت نظري تلك “المُناشدة” الغريبة، فكيف يكون توفيراً للمال والوقت أن يستخدم أولياء الأمور سياراتهم الخاصة في إيصال أبنائهم إلى المدرسة؟
باص المدرسة الصغير إذا احتوى عشرين طالباً فسوف يوفّر عشرين سيارة تجوب مناطق عمّان وبالتالي ستقل أزمات المرور الخانقة عِوَضاً عن أنه سيعمل على أن يصل أولياء الأمور إلى أعمالهم في الوقت المناسب، ناهيك عن تقليل استهلاك “البنزين” والتلوث البيئي والصوتي والحكي الفاضي هاد كله “إزا كانوا بعتبروه حكي فاضي”.
أريد تفسيراً حسابياً مع الاشتقاق للجملة التالية: “توفيراً للوقت والمال”…. 5 علامات.
كان لـ “أبو العبد” ردة فعل مختلفة وغريبة، فكل “أولاد الكلب” أقصد “أولاد أبو العبد” يدرسون في مدارس خاصة ويا ريتهم فالحين.
بعد أن قرأ أبو العبد الخبر وبعد أن استنفد كل قواه العقلية والجسدية في السب على الشسمو، وبعد أن انتفض من مكانه كالدب القطبي وصرخ بأعلى صوته: “Jesus Christ”.. ذهب إلى الشركة التي يعمل فيها وفتح باب مديره بركلة كسرت الباب، فـ “أبو العبد” يعي أنها خربانة خربانة، وهو حتماً حتماً يعرف ما يفعل.. المهم، لم يُسعِف الوقتُ “أبو العبد” أن يستقيل، فما أن رَكَلَ باب مديره حتى شوهِدَ “أبو العبد” يطير عارياً من باب الشركة، ابصر شو صار فيه جوا.
ذهب “أبو العبد” بعدها إلى “محكمة الأسرة” وقام بتطليق “أم العبد” النائمة في المنزل 15 طلقة ورا بعض، ثم ركب تكسي وذهب إلى “محرقة الزرقا”، واعتنق المجوسية بكل إيمان وصدق، بعدها ذهب إلى المطار ليطير في أول طائرة ذاهبة إلى الهند.
أتساءل.. وبعيداً عن “أبو العبد”.. من الذي يستطيع أن يدفع 1000 دينار لإبنه في الروضة ؟ وإن كان لديه 3 أو 4 أبناء وكلهم يدرسون في مدارس خاصة، فكم سيكلفه ذلك سنوياً؟
إن اقتَرَحَ مُقتَرِحٌ أن يلجأ الآباء إلى المدارس الحكومية، فأنا أقترح عليه أن يقرأ “تجربتي السودة مع مدرسة حكومية”.
لا أملك مزيداً من التعليقات على هذا الخبر، فـ “شر البلية ما يُضحك”.
وبعد سنة من الآن..
“أبو العبد” زادها شوي في “عبادته” للنار وتحوّل إلى خنزير..”الله سخطه”، و “أم العبد” لهلأ نايمة، أما “أولاد الكلب” فأحدهم يُتاجر بالفاين المنقوع بآغو، والثاني يعمل ملطشة في أحد محلات الميكانيك، أما الولد الأخير فقد ذهب ولم يعُد.
اسامة الرمح
23rd Of April, 2008
hahahahah funny somii, alla ye3een el 3alam shu beda t3mel hene mfakreen haik a7san w 2wfar m3eno skeed el 3aks.bas shu enta msakerlon eyaha mn jamee3 el jehat la 5asa naf3 wla 7okome naf3 .hahah,
فعلا “شر البلية ما يضحك !”…
…
الله يعين الناس … أقساط المدرسة صارت أكتر من بكالوريوس و ماجستير و دكتوراة !!!
شو بدو يحكي الواحد …
طيب تعليقاً على جملة “توفير الوقت و المال “…..!!!!
بالإضافة للتعليق إلي إنت حكيته .. فرضاً أهالي ما عندهم سيارة ..
و في … يركبوا أولادهم تكاسي ؟؟؟!!!!!! يعني فوق أقساط المدرسة
مصروف تكسي …!!!
غير هيك … مهمو بياخدوا زيادة إزا إنت إشتركت بالباص !!!!…..
يعني فعلاً .. هما إحتاروا شو بدهم يرفعوا سعره !!!! بيتخبطوا …
الشاطر إلي بيرفع … مزايدة صارت …
بالمناسبة :
الموقع تبعك حلو .. و طريقة طرحك للموضوع جميل و سلس
3anjad 3anjad msh 3arfeen shu ye3malo dayeel netfa3 floos 3al nafas yali emnetnafasooo hehehhe..shu had??? allah ye3een elnas yali ma ma3ha-:( o allah ye3inak ya abu el3abeed, osama zay dayman w nafs elkilmi inta fazee3 w mawade3ak 3al waja3…good luck ya man
mesh 3arfe sho bedde a7ki alla e3een enas walla…. ea3ne ana kontbe madrase 5assa w kan 5el2a 3′alea w halla mesh mestarjea atswar ade sarat elaqsat… Osama ul always hit the core …I enjoy ur eadings and i hope to see and read more of this …5 stars
ماذا اقول لا ادري اهو غلاء المعيشة ام غلاء تكاليف الدراسة هل سناكل الكتب كما مان يقول ابائنا لنا “”" كُل الاكتاااب اكل “”"”
و الله الوضع صااار مش طبيعي جعله ما حدا درست و لا اكل شي ههههههههههههههه p:
hehehehehehehehehehehehehe.walla bro mesh 3aref sho bedy a7ki bas fe sha`3leh wa7deh no comment
3njd u r so funy
bewaffro 5oarafe mesh bewaffro mal aw waget
والله منا عارف الواحد ايش بده يعمل :angel: :angel: :angel:
كل يوم والثاني بغلى البنزين أو الديزل أو ……
……..
الله بعين!!!!!!!!!
1000 اسامه هاد صار سعر منطقي في مدارس بتاخد لروضه حوالي 3000 اردني وطبعا ازا بدك تحط ابنك بهاي الروضه لازم تلتزم تجيب معه كل يوم نوع اكل معين ….لانه كل طلاب لازم ياكلو هاد الاكل
مابقدر احكي غير الله يعين الاهالي ….وصارت الجامعات ارخص من المدارس
hi
انا معاكوو يا اخوان الاقساط غالية بس دعونا نفكر شوي
هل المدارس الخاصة رفعت الاقساط المدرسية من باب الربح فقط
انا بعتقد لا
وزارة الداخلية قررت شطب الباصات وشراء باصات حديثة
وقررت ايضا وضع عمر تشغيلي للباص ومقداره 20 سنة
طيب احسبوها المدرسة الخاصة رح تخسر ثمن الباص القديم لانو طبعا رح يواجه مصيره وهو الشطب
وطبعا رح تقوم المدرسة بشراء باص حديث وثمنه اقل شي 35 الف دينار اردني وهذا الباص الحديث طبعا رح يواجه الشطب بعد 20 سنة يعني
تقريبا ثمن الباص القديم مع الباص الحديث
هذا يعني ان المدرسة الخاصة سوف تخسر تقريبا الفين دينار كل عام
طبعا مع الاشارة هذه الحسابات للباص الواحد فقط ناهيك عن اعداد الباصات الموجودة في المدارس الخاصة
فيا اخواني لا توجهوو العتب فقط على المدارس الخاصة حاولو يكون عندكووو انصاف في التعليق
على فكرة يا اسامة مش كل المدارس الخاصة الاقساط بتعتها غالية بشكل دة ان كنت رايح مدرسة الرضوى بالمريوطية علشان اسحب بنتى من المدرسة لكن عرفت انها تبع الارمان وحدث بعض التغيرات داخل المدرسة بالنسبة للمبانى وحمام السباحة واتمنى ان يكون السنة الجاية فى تغير فى العملية الدرسية علشان كدة انا سيبت بنتى فى المدرسة وحاسس انى مش هغرم حاجة
على فكرة يا اسامة ارجو ان تبعت تحية لmody لانى ذهبت اليوم لمدرسة الرضوى بالمريوطية ووجدت ان راى مودى صح مش كل المدارس اقساطها كبيرة كمان عرفت انها انضمت الى مدارس الاورمان وانت عارف اسم الاورمان وقوتة بالنسبة للمدارس الخاصة انا اقدمت لبنتى وانا متاكد ان هشوف فيها تغير وبنصح اى واحد قريب منها ان يقدم فيها لاولادة
والله يا أهل الأردن حتى احنا كمان مثلكم واكثر كمان بفي اليمن والله كل شي ارتفع سعره ,,, والمتضرر هو الشعب مش عارف كيف رح يعيش الشعب في ناس الحمد لله حالتهم ميسوره وناش مش لاقيين قيمه الخبز ما نقول الا الله يكون بالعون ….. كلنا بالهوى سوا