تجربتي السودة مع مدرسة حكومية
قبل ما تقرأ الموضوع لازم تعرف انو الصورة ولا إلها دخل بالموضوع.. هاي بس مشان الإغراء 
هيّ سنة وحدة بس اللي دخلت فيها مدرسة حكومية في الأردن، الله لا يعيد هديك الأيام، أول ما دخلتها فكرتها سجن أو مركز تأهيل.. المهم بدي أحكي شوية مواقف بسيطة شفتها في هاي المدرسة الحكومية:
مرة كان عنا امتحان في الحصة الأخيرة، طول الوقت والاستاذ يستعجل فينا ويحكيلنا “يلا عندي نقلة”، انا ما كنت فاهم شو قصدو لحد ما عرفت إنو عندو “بَكَم – بيك أب” بوصل فيه كم غنمة.. قصدي كم طالب على بيوتهم بـ 10 ليرات في الشهر، يعني استاذ وسوّاق بنفس الوقت.
بأول يوم إلي في المدرسة شفت زلمة “متشعبط” على ماسورة المي وبصلّح المايكروفون تبع الاذاعة ، انا والله فكّرتو الفرّاش، بس للأسف طلع المدير تبع المدرسة، يعني مدير وكهربجي بنفس الوقت، وشكلو كان يحب يحضر “ماوكلي” وهوه صغير.
مرة كنا قاعدين في الصف، وكنّا بنستنى الأستاذ الجديد لييجي، المهم اجى هالأستاذ، لسه أول مرة نشوفه، دخل عالصف بسرعة شلح الجاكيت رماه عالأرض وطلع برا الصف، احنا استغربنا وطلعنا نشوف شو في، لقيناه نازل خبط بطالب من تبعون صف عاشر، وكان منهمك “بالخبط”، بعديها ما رجعنا شفناه، يعني أستاذ وجاكي شان بنفس الوقت.
أول ما يرن جرس الحصة الأخيرة (الترويحة)، بتصير مظاهرة في المدرسة، وكل الطلاب على كلمة وحدة “هييييه هييييه، ولاد بطلعو من الباب وولاد بنطو من الشبابيك واللي بنط من السور، يعني طلاب مدرسة وقوات خاصة بنفس الوقت.
يا ويله ويا سواد ليله ازا بيجي طالب جديد على المدرسة ويكون هاد الطالب من احدى الدول العربية الشقيقة، لإنو احنا شعب بحترم الشعوب الأخرى، فهاد الطالب الجديد بس رح يصير “هبيلة الصف”، ورح تنمحي شخصيته، وينتهي كيانه وتتغير هويته، ويصير بشبهنا.
أمّا لما ييجي وقت الفرصة، بتجمّعوا الطلاب عند شباك المقصف، وبتصير المجزرة، إزا دخلت تشتري شي، يا رح توقع نضارتك، يا رح تضيع كندرتك، وإزا دخلت تدوّر عليها، رح تضيع كندرتك التانية، أصلاً فش داعي تشتري من المقصف بلاش تفقد أشياء تانية.
في النهاية، تحياتي الحارة لوزارة المدارس على هالرمية السودة، وشكراً لاهتمامها بتعليم الطلاب “فنون القتال”، ولتعيينها أساتذة “أصحاب سوابق”.
أسامة الرمح
July, 2007
اسمع جد ما بتختلف عن مدرستنا ب شي والله بتجنن يا اسامه هههههههههههههه
فرطت من الضحك
awesome
tarawnehrr@hotmail.com
تحياتي
هذا تجن مفرط على المدارس الحكوميه
كنت خريج احدى المدارس الحكوميه والتقيت مع زملائي في الجامعه خريجي المدارس الخاصه
هناك فرق شاسع بين الشخصيتين
غالبيه خريجي المدارس الخاصه شخصياتهم ضعيفه وثقافتهم ضحله
لا يجوز ان تتهكم على المدرسين بهذا الشكل
قد يكون والدك خريج مدرسه حكوميه
ههههههههههههههههههه
عن انا بحييك على هاي الروح الخفيفة
بس انتا نسيت تحكي انو الاستاذ كان مخبي شفرة تحت لسانه
هههههههههههههههههههههههههههههههههههه والله كلامك صحيح مية ف المية
في تصوري هذه الأحداث تغدو من الطرائف التي حصلت معنا في السابق عندما مررنا بهكذا مرحلة , ويبدو لنا الأمر بالطريف …
وفي حقيقة الأمر .. نسرد بهذه الذكريات وقائع الانحطاط الاجتماعي ” على زمنا ” بشكل عام , وعدم احترام أخلاقيات الطفل وحقوقه بشكل خاص .
انا طول دراستي بمدرسة حكومية ،مشان هيك ما فلحت بشي،ولولا اني ذكية شوي
،كان ما نجحت ولا سنة،بتحس بالمدرسة انك ضايع وما في اساسا مفهوم التدريس الحقيقي.يسلمو اسامة مقال رائع جد
أصلاحيات ومدارس “حكوميه” بنفس الوقت..
جد فرطت على طريقه كتابتك للموضوع…أحلى شي قال تفقد شي تاني.. هههههههههههههه
هاي الشغلة موجودة كمان بالمدارس الخاصة .. مش الحكومة بس…
بصراحة انت زلمة صريح ,وبحيك على صراحتك,لان مثل هي الصراحة بصراحة ما فيش صراحة………….., معك علي الصريح من بيت الصراحة JMB
هههههههههههههههههههههههههه احلى اشي المقصف الواحد بقمل و هوا فا يت بدحشه زي راني الحبيبات جاااااااااااااااااااااااااااااااااااايه
حبيبنا اسامه
انت اكثر من مبدع
و انا من اسعد ايام حياتي اني تعرفت على مبدع زيك
سلام يا حبيب
طيب تكلم شوي عن المدارس الخاصة وعن “الانحطاط الاجتماعي” و”الاصلاحية” و”الشفرات” و “عبدة الشياطين” وسلك”الدعارة” مابتفرق عن الحكومية بشي تكلم عن المجتمع ككل يا فالح
:: أسامة الرمح :: » تجربتي السودة مع مدرسة حكومية…
مقالة مضحكة جدا جدا عن تجربتي السودة مع مدرسة حكومية…
اسأل مجرب ولا تسأل حكيم
لو بدي احكي تجاربي ما بكفيني مجلد
بس عن جد قصتك روووووووووووووووووووووووعة
واسلوبك اروع بتمنالك التوفيق
heheheheheheheheheheheh 3njad sho 7lweh :tongue:
هههههههه انا درست في مدرسة حكومية في منطقة الرصيفة ….
من انهف الشغلات انه المدير كان اخو الآذن كيف دبروا حالهم لحد هسه ما بعرف …
و في مرة من المرات احتجنا نحفر بالمدرسة عشان المجاري … فا والله استعانو في مدرس الرياضات عشان يحفر بالكمبريصة :cwy: ….
و مرة صارت عنا سرقة بالمدرسة يحرام الحارس الله قردوا و راح نام بالبيت ليلتها فانسرقت المدرسة و لحد هسه ما بنعرف شو صار بالحارس .. والمشكلة كيف عرفو الي سرقو حضرتهم فايتين على المقصف و سارقين 3 علب عصير و ثلاث شبس .. و ماكلينهم و زاتينهم بيجو بحكولك طب هاي مدرسة شو بدهم يسرقو .. ف لأ يا حبيب
سارقين صندوق القرش الخيري .. والمقصف والأدهى من هيك دفتر الغياب ..
و عراسي والله اسامة …
يعني يا صاحبي لما قرية كم مقاله لالك حسيت انه الاردن مسخرة يعني يا اخي مش لهدرجه يعني ان خليت بليت في عندك مدارس حكوميه بجد احسن من مليون مدرسه خاصه
انا درسة بمدارس المنصور يعني بالمشرمحي تعا شوف بعينك وبدي احكيلك شو بصير بالباص
يا عمري انت عم تنقد شو بالضبط
1: الحكومه
2: شعبك
3: الاردن بشكل عام
يعني خلي شوي في عندك حس وطني
وتحياتي لالك يا ريت اغاني لهيفا احسن لالك
tc
bdonak@hotmail.com
kteeeeer 7elooo o nahfa o 3njad da7ktna !bas 5ef shway 3elna o blash fdaye7!
eslooobak rw3aaa:)
هههههههههههههههههههههههههههههههههههههههههههههههههههههه
يا زلمة بطني انفرط من الضحك … كل الي حكيتو صح 100% الله يرحم هديك الأيام
ههههههههههههه جد حلوة…… بس انا درست بمدارس خاصة و حكومة يعني بتقدر تحكي ابو 13 مدرسة ههههههه المهم احسن واحدة برأيي كانت حكمومية
و اسمها رغدان……
احلى أيام حياتي عشتهاااااااااا بلمدرسة وخصوصي مرحلة الثانوية كانت ايام مضحكة جداااااا يعني كنا كتير نعمل مقاااالب بالمعلمين وكنا نجننهم وكل الحصص كنا ناخدهااااا مسخرة الا طبعا حصة اللغة العريبة لاني كنت بحبهاااااا
المهم مرة استاز الانجليزي عبر الصف وقبل ما يقعد على لكرسي شلتو الا هو وقععععععع هههههههههه خخخخخخخخخ كان منظرو بفرررررررررررررررط من الضحك وراحو عملوووو اللي مجلس تأديب هههههههههه والله ايام عمري ما رااااح انساهااااااااا بحياتي
ana kont be koleyet el 7ussain iza sam3een feha
wala ya osama lesa ma shft eshi iza bas hada eli shofto
o lal dr. eli kateb la tatahakam
roo7 ya kbeer shoof el madaris ba3deeha ethakam be ra7tak
هههههههههههههههه
b9ra7a ana kteer 3jabne eno almwa9′e3 bel3ammyeh
o had elle shdne
ana bde a2olak eno kol elle 7aketo 9a7 o bseer bas bnafs alwa2et fe kteeer mdares omorha momtazeh kteeer mo shway
o kman mahma sar bt9′al baldna o ma bne2dar net5ala 3anha belwa2t elle hye ma t5alat 3anna fe o law alfena ma 7anla2e zayha ya3ne ra7 nerja3elh benehayeh
o 3ala fekara ana falastenyeh
عن جد هادا الواقع….. بدي اشكرك يا اسامة ع المقالات الرائعة والمعبرة
حكيك صحيح بسسسسسسسسسسسسسسسس في حدا بنكر انو اطلعنا من الدرسة وشخصيتنا قوية يعني كم طوشة من هون كم بهددلة من المديرة يعني بمعنا اخر الضربة اللي ما بتكسرك بتقويك وطبعا احنا ما انكسرنا
الحمدلله انو صوتك اعلى من صوتنا خليك هيك
اللي ما بعرف مدير مدرسه خريبه السوق عمو خميس العسود فهو ما عاش في مدرسه حكومه قبل هيك ولا جربها
والله يا أسامة أنا من سكان صويلح وتحديدأ من سكان الحي الشرقي إنتا حكيت عن مدارس الولاد ونسيت مدارس البنات وبدي أحكي شوي عن مدرسة الركابي
1- الإستاذ شوفير تكسي إذا بقرف من الحصة بصير يحكي يلعن ….. خليني اروح أشتغل شوفير تكسي احسن لي
2- المدرسة كلها عشاير إذا واحد طلب منك شلن من العشيرة الفلانية وما أعطيتهراح يلم عليك كل العشيرة وأحسنلك تعطية ربع ليرة وتختفي لأنو راح يستلبيك
3- مساعد المدير خريج الجويدة ولا تسأل عن المدير لأنو مش موجود من أسبوعين عندو بطولة مصارعة في حارة التنك
4- أذا بدك تكون الأفضلية إلك في مدارس صويلح إحكي أنا من سكان الحي الشرقي وشوف كيف المعاملة كأنك قاعد بدارك بس تحكي للأستاذ بدي أدخن راح يعطيك سيجارة وراح يولعلك السيجارة ويعطيك قداحة هدية
ولسى في كثير لإني قضيت كل عمري في المدارس الحكومية
وخليني أحكي عن مدارس البنات
1- بما إنو أنا ساكن بالحي الشرقي في عنا مدرسة البنات ام كثير وهاي مرة طلع عنها مقال بالجريدة (إذا اردت أن تتزوج فإذهب إلى مدرية أم كثير)
2- إذا لقيت الكفتيريا إلى عند المدرسة كلها شباب صافين على الدور إعرف إنو ترويحت البنات قربة وكل واحد بدو يغدي صاحبتو
3- إذا إسمعت أغنية لهاني شاكر او مصطفى كامل إعرف إنوواحد تركت صاحبيتو
وإذا سمعت أغنية لتامر إعرف إنو جديد على الشغلة
4-إذا وقفت على باب المدرسة وشفت المعلمة بتحكي ‘لحقوني بكونوا البنات بضربوا المعلمة
5- إذا شفت كل الشباب بهربوا إعرف إنو في دورية بالمنطقة (بنت شافت صاحبها بمشي مع صاحبيتها فإشتكت عليه)
والله هذتا كلام صح 100%لانو مدارسنا قمة (بس بلاش )و بدي احكيلكم انو المعلمات كمان بيعات جملة بس خليها بينا
الظاهر في كتتتتتتتتتتتتتتتتتتتتتتتييييييييييييييييييييييييير ناس بكتبو وهم مو في الاردن
خخخخخخخخخخخخخخخ هاض ولا اشي لسه.. والله انا كنت ايام المدرسه وبالثانويه تحديدا بس اطاوش مع المدرس اجيبله ثاني يوم عل المدرسه الكلب تاعي والله العظيم بذكرها لهسه.. جبت لمدير المدرسه كلب ودخلته على مكتبةوسكرت الباب بالمفتاح وعينك ما تشوووووووووووووف الا النور وبعدها خذلك قتل من ابوك ومن عمامك واخوانك وفصل من المدرسه هههههههههههههههههههههههههههههههههه ولا كله كووووووووووم ولما حطوني بالاحداث كوم تاني انحبست 3 اشهر وطلعت بالواسطه خخخخخخخخخخخخخخخ
هههههههههههههههههههه
والله بضحكو كتير
في مرة معلمي في مدرسة بنات كانت تحكي في الجوال انسرق منها الجوال في المدرسي وهيي تحكي في يعني طلاب وحرمية في نفس الوقت
ع اساس انو وضع الجامعات افضل احنا بالجامعة الهاشمية نعاني الامرين اكيد عارف من اي ناحيه المواصلات ياريت يااسامه تحاول تعرض الموضوع لعل صوتك يوصل احنا صوتنا نبحححححححححححححح
جد الحكي لانو مدارس الحكومة بتخوف ومنسمع عنها اشياء مو طبيعية بس الي بزعل عليه انو ليه ما في عناية على هيك مدارس زي المدارس الخاصة لانو مدارسهم فيها عناية وتميز مو طبيعي ليه هما مو نفس الطلاب يلي بلحكومة بلخاصة يعني في كتير طلاب بلحكومة عم بنظلمو بهيك مدارس بس هاد الحكي ما رح يغير عندهم شي لانو المدارس الخاصة فيها ابن وزير وفيها ابن صاحب اكبر شركة وفيها ابن ابصر مين كمان وهيك يعني حتى بلمدرسة في تميز بس ان شالله الله يغير هالحال للافضل
ما فيها أي مشكلة اذا الاستاذ بشتغل شغله تانية بعد دوامه ؟؟ وما فيها مشكلة اذا المدير صلح المايكرفون بنفسه !!!
صحيح اني مو سكان الاردن ……. بس سألت عن المدارس الحكومية والكل مدحهها !!!
يعني غريب حكيك !@# . ابصر انت بأي منطقة كنت
وع فكرة .. جدا عجبني أسلوبك
على كلاانا من اول حياتي وانى بدرس بمدارس حكوميه بس بحياتي ما شفت الدير بصلح بئشي او استدذ بشتغل سايق بس الندارس الحكومية صح انو اغلب الي ككيتو عنها صح بس اطلع اولاد فهمانين وارجال مش زي المدارس الخاصه كلهى مياصه وبشكرك على الجرئه الي عندك
على كلاانا من اول حياتي وانى بدرس بمدارس حكوميه بس بحياتي ما شفت المدير بصلح بئشي او اساذ بشتغل سايق بس المدارس الحكومية صح انو اغلب الي حكيتو عنها صح بطلع اولاد فهمانين وارجال مش زي المدارس الخاصه كلهى مياصه وبشكرك على اجرئه الي عندك سامحوني اذا في اخطء املائيه
بدي اسألك كم سؤال يا أخ اسامة :
اولا : بتنكر انه الاوائل عالمملكة دايما من المدارس الحكومية ؟
- اكيد لأ .
و هذا الحكي معناه انه كلامك فيه مبالغة كثيييييييييييييييييييييييييير .
ثانيا : شو دخل معاملة طلاب المدارس للطالب الجديد باحترام الاردنيين لاخوانهم العرب ؟
ثالثا : ليش دايما بتحب تعطي صورة مش كويسة عن الاردن ؟
رابعا : يعني انت بدك يكون كل اشي مثالي ؟!
يا اخي اتطلع على مدارس الدول الثانية ساعتها رح تعرف انه احنا بالف نعمة ….
يا جماعة الخير ان درست في مدرسه حكوميه وخاصة داخل الاردن وفي دول عربية ودول اوروبيه
حلو الحكي
يلي بدنا اياه ما انقارن حالنا بالاشياء السيئة هاد اول اشي لكن اذا بدنا انزبط التعليم في الاردن او كل اشي لازم انشوف احنا شو بدنا ونعمل يلي احنا بحاجته مش زي ماعملت الدوله الفلانيه والوزاره العلتانية
وكفى الله المؤمنين شر القتال
يا استاذ اسامة اذا راتب معلم ما بكفي خبر وحمص
غصبا عنه بده يشتغل سائق ع الباص والتاكسي
وكبمرصة وضع التعليم اختلف عن زمان بكتير …
الان المعلم لا يساوي شي في المجتمع واذا ضل التعليم على هذا الطريقبتوقع غير يخرب
الانه المعلم طفران والطلاب يتطول ع المعلم والمدير
و و و و و و و و و و و و و و و و و و و و و و و
امل ان يتحن الوضع وزارة المدراس ولا لا يكون فية تربية والتعليم
Comment ايام المدرسه ايام لا تنسى من ايام حلوه وايام صعبه وايام الشقاوه مع المدرسين الغلابا انا درست في مدرسه صويلح الثانويه 3 سنوات درست فيها سنه 1990 حتى 1993 ايام لاتنسى ايام استاز تفتف ونفف وجحا وابو جبل ورياض ومهدي الشاعر ونظمي وعبد الرؤؤف وغيرهم تحه للجميع خصوصا خريجين هاي المرسه العريقه اخوكم رامي عرفات شبانه التميمي صيدلي للتواصل 0795612460
هههههههههههههه
يسلمووو رووووووووووووووعة عنجد
برضو فكرة مش غلط التوفير مدرسة و اصلاحية
استاذ و مصارع
مدير و كهربجي
2 في 1
بصراحه صحيح المدارس بتشبه الاصلاحيات بس السبب مش عالمدرس لانه للاسف ابسط حقوق المعلمين عنا مهدوره بسبب القوانين اللي بتخلي الطالب يتمادى ويعمل اللي بدو اياه بالمدرسه وتصير مجموعه من الطلاب “الهمل” مسيطره عالوضع وبتخرب بقية الطلاب “بدهم يصيرو همل او مابدهم ” بس بالاخر اغلبية الطلاب بتتخرج عالصناعي “او عالشارع ” يعني راتب الاستاذ اللي هو مربي اجيال بتعداش 300 دينار هاد اللي مثبت والو سنين بدرس
اما ازا كان عالتعليم الاضافي فبا ويله بدو يعيش ب180دينار
يعني ازا الاستاز بدو يعتمد عراتبه كيف بدو يعيش ويعيش ولاده عشان هيك لازم يكون معو “سبع صنايع” وبتلاقيه بشتغل بعد الدوام عتكسي او بداوم بشغلات تانيه
والله يعطيك العافيه ما قصرت بوصف المدارس وخصوصا المقصف هههههه.
@rayan – الحس الوطني يا صديقي انك تسلط الضوء على المشاكل الي بواجهها المواطن و محاولت ايجاد الحلول يمكن اسامه ما اوجد حلول و ركز على الانتقاد لاسبابه الخاصة بس الان الكره بملعبي و ملعبك احنا اللي لازم نبادر بايجاد الحلول =)
والله انت متاكد انك كاين بمدرسه
يمكن المدرسه اللي انتا كنت فيها هيك بس ما بصير تعمم الفكره على كل المدارس
انا بصراحه ما طولت بالمدارس الحكوميه يعني بس 12 سنه
كلامك في منو بس التعميم بكل الاحوال غلط
و قصة المدرس اللي بشتغل بعد الدوام اكيد مش غلط برأيي طول ما شغلو التاني ما باثر على شغلو الاساسي لأنو جد الله يعينهم شو بدو يكفي راتبهم
و قصة الزعرنة و الهماله هاي اكيد مو حكر عالمدارس الحكوميه هاي موجوده وين ما رحت بس زي ما قالو البعض الولد اللي مرمي بالشارع و ما معو يوكل مو زي اللي ابوه وزير…
تحياتي للجميع ……
على ما أعتقد إن الذي كتب هذا المقال ،،،،،، لم يتجاوز ١٢ سنة من العمر لم فيها من كلام سخيف ومبالغ فيه ….
تحية للجميع
انا بصراحة مش عارف ليش ماخد الموضوع بشكل مبالغ فيه جدا
اللي عمره ما دخل مدرسة حكومية راح يتخيل انها سجون
و واضح انك ما استحملت تمضي يومين على بعض في مدرسة حكومية
بغض النظر عن تجربتك وشو ممكن يكون صار معك جوا المدرسة
بقدر أكدلك انو مدارسنا الحكومية كما انها مليئة بالمشاكل والفشلة والمستهترسن من الطلاب والمعلمين , ولكنها مليئة بشكل اكبر بالنقاط المضيئة و المشرفة والناجحين من طلاب ومعلمين
على العكس الكثير من المعلمين يجب ان نرفع لهم القبحة ونحييهم تقديرا واجلالا على جهودهم الجبارة في ظل ظروفهم الصعبة
اسمحلي مقالك كما قال احد المعلقين مفال طفل عمره اقل من 11 سنة
so true !
walla 3a rasi
ههههههههههههههههههه
من الآخر
يعني شو بدو الطالب احسن من إنه يطلع ومعه خبرة بكل اشي
فنون قتال قوات خاصة قيادة وغيره
نيال اهله فيه
هههههههههههههههه
مواقف واكيد موجودة بأغلب المدارس الحكومية ازا مش كلها
بس كمان متل ما قال الاخ رامي في نقاط ايجابية وناس فعلا بتشتغل وبتتعب حتى تفيد الطالب وتنتج جيل قادر على تحمل المسؤولية
والمواقف الي متل هاي اكيد بتحصل وين ما كان
بس التعميم اكيد غير مسموح
واظن انك اسامة ما تقصد ابدا التعميم
بس شكرا لانك فعلا ادخلت البسمة على وجوهنا بتخيل المواقف الي حصلت
اخي اسامة مع كل الاحترام لك و لكن تصوراتك و افكاراك تخرج عن الواقع في الكثير من المقالات , بصراحة انا من المعجبين باسلوبك الشيق و الممتع في كتابة المقالةو لكن بعدك الكبير عن الحقيقة من اجل الخروج بمقالة فكاهية يفقدك احترامك .. .. فربما نسيت او تناسيت ان اوائل المملكة تخرجو من مدارس حكومية و اذا ما حدثت المعجزة و كان الاول طالب من مدرسة خاصة تكتشف عند اول جمعة و في برنامج يسعد صباحك بالتحديد ان فارس الحلقة “الطالب ما غيرو” هو احد طلاب المدارس الحكومية و لكن منحة دراسية انتقلت به الى احدى هذه المؤسسات الربحية “المدارس الخاصة” .. انا لا اخالفك الرأي بوجود بعض التسيب في المدارس الحكومية و لكن التسيب الاكبر موجود في المدارس الخاصة صاحبة الهدف الواحد و ذات شعار “خشخش جيوبك و ما بدنا نشوفك”
بصراحة يا اسامة اذا كنت اول الضاحكين على المقالات الفكاهية التي تمس فيها الكثير من فئات المجتمع فلا تنسى ان هنالك الكثير ممن يضحكون عليك .
و لكن اكثر ما اعجبني في المقال كلمة”ازا” و الله ولي التوفيق:)
@M-Hourani – اسمحلي يا أخي الكريم وليسمحلي السيد أسامة بأن أرد على تساؤلاتك. وللعلم انا دارس بمدرسة حكومية وحدة فترتين من الأول للتوجيهي ( اسمها أسيد بن حضير بالرصيفة)
ردا على أسئلتك المهمة:
1- هل تنكر أن أولائل المملكة من مدارس حكومية. نعم أنكر.بل وازيدك من الشعر بيت، لو سنحت الفرصة لطلاب المدارس الحكومية لتعليم مشابه لما يتلقاه اخوانهم بالمدارس الخاصة لوجدت على الأقل ثلاث جامعات اردنية في ترتيب أحسن 1000 جامعة بالعالم. (بدل من ولا وحدة) بمعنى أخر..لكان ارتفع مستوى التعليم بالبلد.
2-شو دخل معاملة طلاب المدارس للطالب الجديد باحترام الاردنيين لاخوانهم العرب ؟ شو دخل سؤالك بالمقال؟ ليه بنحب نقرأ بين السطور و بننسى السطور نفسها؟ في عندنا مشكلة بتقبل الاخر، لازم نعترف فيها عشان نعالجها. شايفين حالنا اشي كبير، واحنا عاديين جدا…بل مستوانا في انحطاط اذا ما تداركنا الوضع.
ثالثا : ليش دايما بتحب تعطي صورة مش كويسة عن الاردن ؟
يا صديقي نقد الذات اسلوب بناء، والمراجعة الذاتية من أهم وسائل تقويم السلوك، لما واحد منك و فيك ينتقدك، معناه انه شايف شي انت مش شايفه، لازم تهنيه، وتشكره، وتسعاده لتصحيح هالخطأ لأنه هدفه مصلحتك ومصلحته اللي هي مصلحة وحدة.
رابعا : يعني انت بدك يكون كل اشي مثالي ؟! اه انا بدي كل شي يكون مثالي. في خطأ؟ يعني أحسن الواحد يطمح للعوج؟؟؟
يا اخي اتطلع على مدارس الدول الثانية ساعتها رح تعرف انه احنا بالف
نعمة …! فعلا احنا بألف نعمة مقارنة مع مصر و السودان و الصومال…وكل الدول المتخلفة جدا بمجال التعليم. واذا طموحك انا نصير مثل اثيوبيا مثلا..بأكدلك رح نصير زيها بعد أكم سنة…بس ما بضمنلك اثيوبيا تضل زي ما هي. لأنهم بيطلعو للأحسن مش للأسوأ
وبعتذر اذا كنت حاد شوي بردي…بس موضوع التعليم بالأردن مسببلي أرق، وبتمنى من كل قلبي أصير وزير تربية ل 5 سنين .بدون راتب ولا امتيازات. لأنه الوضع مأساة…للأسف.
عمو مش احسن ما تكون تنط ومسحل بنطلونك زي ………با زلمة صيبك انا درست في الوكالة الي بطلع ازلام ورحت على الحكومة وعشت تجربة علمية جميلة
مرحبا .يعني عن جد انا اسفه انه وصلت المرحله لهون.لهالدرجه صرنا المعلمين ما النا قيمه؟
لهالدرجه وصلت المسخرة!!!!!!!!
انا معلمه انجليزي ومدرسه حكوميه كمان وبدرس مختلط اولاد وبنات.كتير بنعاني مع الطلاب واولياء الامور وبنقول معلش بضلو اطفال وواجب اهلهم يخافو عليهم.والحمدلله بنشتغل وبنحاول ضميرنا يكون مع شغلنا.لكن عن جد مش عارفه شو احكي بعد الي قراته
يعني من وين نلاقيها من المديره؟من الطلاب ؟من اولياء الامور؟من التعب الجسدي ؟النفسي؟؟؟؟؟
شكرا انه احنا صرنا سبب لاضحاك الناس
شكرا لانه هاد الي قال عنه ربنا (علم الانسان ما لم يعلم)صدق الله العظيم واحنا يمكن انوجدنا سبب لايصال العلم للناس بس المعروف والواجب ربنا بيكافئنا عليه
اما انتو فحسبنا الله ونعم الوكيل
هههههههههـ
شو بدكـ احسن مـن هيكــ؟؟
مـدآم صـآر فيهـآ فنون قتآال +اصحـآب سوآبـق!!
بس مع ذلـك يعني الاساتذة والمعلمين مش زي بعضهـم.. في هيكـ وفي هيكــ
والله انا شايف ما في شي عاجبك وكلامك كله شغل كوميديا ,واحد متلك مفروض يكون كوميدي وبس لانه غير هيك ما بيطلعلك
يعني من هالحكي الواحد بحس حالو كاين يروح على دار احداث مش مدرسة
صديقي قضيت 12 سنة في مدارس حكومية بين الزرقاء والرصيفة .. تخرجت منها بأعلى المعدلات والمؤهلات ايضا وكانت لغتي الانجليزية في الجامعة تفوق لغة طالبات درسو بمدارس الانترناشونال وحاليا بدرس دراسات عليا في لندن بالمحصلة انا نتاج مدرسة حكومية
بالاضاة الى انو كان الي تجربة العمل في مدارس خاصة بالادن وشفت لوضاع اسوأ من هيك
عنجد هيك ؟؟؟؟؟؟؟؟
الحمد لله عمري ما دخلت مدرسة حكومة