سواقين التكاسي في الأردن
عندما تقول: “تكاسي الاردن”، سوف يخطر ببالك مدى التقدم والازدهار الذي نعيشه في الاردن، ويسافر خيالك حتى يصل حدود المدينة الفاضلة، ولكنه سرعان ما يحط ريفيرس ويرجع على سقف السيل. المهم.. خلينا نحكي عن أنواع سواقين التكاسي في الاردن:
* التاكسي الهادي *
سايق هاد التاكسي مش مستعد يتعب حالو ويحكي معك، رايق عالآخر وما بدو يزعجك، خايف على راحتك الأخ! لا ااااا.. حنوووون.. مبين من شكله. من أول الطريق لآخره ولا كلمة، يعني مستر(بين) ما عملها بفيلمه الأخير. بس يمكن.. يمكن هه بنص الطريق يقطع الهدوء بكلمة ” من هون يابا ؟”، بيقولها بطريقة بيقطع فيها خلفك. عادي تحمل.. ونصيحة: جاوب على قد السؤال أحسن ما يرميك من السيارة.
* التاكسي الفايع *
فش غيرو بعرف بنات في عمّان، وفش غيره معجّب بحياته ومقطّع الحوت وديله، ما بعتقد انو رح يخليلك مجال تحكي، خليك مستعد، رح يحكيلك عن سالي ولينا وتمارا وكريستينا، يمكن تحس حالك بمسلسل (ماريا مرسيدس)، ومش بعيد انو يندمج شوي ويمسك ايدك ويشد عليها (اسلوب توكيد معنوي)، ازا عمل هيك لا تتحرك ولا تحكي ولا كلمة، خليك طبيعي، بس ازا زادها افتح الباب وانزل بسرعة أحسن ما تروح فيها!
* التاكسي الدكتور *
هاد مليان منه بعمّان، بكون معه بكالوريوس أو دكتوراه.. بس ما لقى شغل يا حرام.. فراح اشتغل على تاكسي (طبعا هوه هيك رح يحكيلك) سبحان الله يا شيخ، ويمكن يحكيلك إنو كان بشتغل مدير شركة في دبي، عاد هوه بعرفش إلا يعد شلونة (جمع شلن)، ولو تفرجت على وجهه بتلاقي علامات استفهام زي ماروكو واختها، المهم ادعي انك توصل بسرعة أحسن ما يكون مألف كتاب واحنا مو عارفين.
* التاكسي الأزعر *
أها، اجينا لغريندايزر، سايق هاد التاكسي بكون بلعب كراتيه وتايكواندو وجودو وشايتوكان وحديد وجبصين وشطرنج، بتميز بالشوارع المرسومة على وجهه، وقمة فرحته لما يسلخ الكف الخماسي اللي ممكن يجيب أجل المضروب. من هواياته: اللعب بالهاند بريك، والمشي بفاردة عروس. نصيحة أبدية: حاول لا تطلع معه بالتاكسي، وازا لا سمح الله ركبت معه، اعمل حالك هبيلة.. وإزا سب عليك مسبة قوية لا تحاول إنك تقاوم، احكيله حاضر، وإزا شفته شد على حاله، سِب على حالك قد ما الله يعطيك. بتضل المسبة أهوَن من هداك الكف.
أسامة الرمح
June, 2007
lol……..عنجد هاد الحكي 100% !! :]
ههههههههههههههههههههههههه جد همه هييييك
والله يا أسامة كالامك جواهر……….
ياااااااه.. واقعنا بطريقه ساخره ..
التكاسي بالاردن مشكلة بحد ذاتها, يصيطر عليها نوع من “الزعرنه” و “الكذب” الى حد ما, لا أعمم , لكن السواد الأعظم منهم!!!
الله بعين!
مشكور يا اسامة, دوماً رائع بمقالاتك وتعليقاتك…
عنجد نهفة
ويسلمو
حلوه حلوه حبيتون كيلون واخر وحده بتجنن .. هاهاها يعني عندك خبره فيهن
good verey good one thank u verey much
*(come and visit my site )(http://hobxhob.yoo7.com/)
welcome to any one
يسلمو اسامة،لتكون زمان اشتغلت سواق تاكسي ،مبينة الخبرة عندك .
this is very true …really funny too
look , i have created a new facebook group about that matter , please feel free to join and help me in keeping the group up.
i really enjoyed your writing .
all the best
the group called , taxis in Amman….search for it please.
بس هيك بسيطة والله هدا ولا اشي على تكاسي عمان لو تعرفو النهفات الي صارت معي بالتكاسي اليوم كان يوم التكاسي العالمي ما شااااء الله\
Muhannad I joined your group and im so glad you liked my blog. thanks bro
rawana احكيلنا عن تجاربك
وازا اي حدا عندو تجارب كمان يحكيلنا عنها :p انا متأكد انو مليان قصص من هالنوع خصوصا في عمّان
هههههههههههههههههههههههههههههههه
مشكووووووووووور كتييييييييييييير
من زمان ماضحكت هالضحك و الله
ههههههههههههههههههههههههههههه
كلو كوم و جرندايزر كوم
عمان لم تكن يوما هادئةمن مشاكل سائقي التكاسي..منذ اكثر من ثلاثون عاما وضعت امانة العاصمة قانون الارقام الفردي و الزوجي ولم يفي بالغرض فسائقي التكاسي حافظوا على تقاليديهم و مستواياتهم التكسيةلذا ها نحن من جديد نقوم بوضع تقسيمة اكثر تطور و تعبير عن السائقين كالتي وضعها اسامة..ولكن انا و كاخت لكم انصحكم بركوب الباص او الذهاب سيرا على الاقدام حفاظا على الارواح…موضوع ظريف جدا يا اسامة شكراا لك..
هههههه الظاهر إنو أسامة نسي يخبرنا عن نوع (الشوفير المأنف) اللي إزا وقفلك أصلا بيكون جاي عحالو كتيير وهو بيقرر وين ياخدك ….. وبيكون نفسو يقولك إنت ما دخلك فهمت؟؟؟ شو هالعالم (سوفاج)
انا دايماً لما أطلع انا و اسامة مشوار بس نروح و كل واحد يركب منا بتاكسي لحالو بحكي معاه تلفون مشان أطمن عليه شو صارلو
ههههههههههه
اسامة صار هدف لسواقين التكاسي هههههه
بعطيك العافية سوما
اكيبد كالعادة My friend مواضيعك و أسلوبك من الاخر:P
هههههههههههههههههههههههههو والله معك حق اشي بضحك بس ما حكيت يا اسامه عن كيف سواقتهم اشي بخزي الواحد بوصل المحل الي بدو ايه و هوا شعرو ابيض من الخوف بسوقو مجاحشه جرب اطلع مع تكسي على طريق المطار واحكيلنا رأيك زي التصنيف الي حكيتو ……..اشي بضحك
:: أسامة الرمح :: » :: سواقين التكاسي في الأردن ::…
أنواع سواقين التكاسي في الأردن…
ااه انا هديك المرة اكلت بوكس من واحد منهم ظل تمي منفوخ اسبوع، بس والله العليم طراتو بوكس كمان، مكنتش مصحصح كتير.
يا جماعة الخير الله يخليلنا اياهم، لولاهم كان ما بنعرف وين في بنات بالي بالك
Nice and funny Osama – keep up the good work!
حلوه كتير يا اسامه يعطيك العافيه
بس الكلمه المعروفه عند سواقين التكاسي اذا وقفتهم احكيلو على شارع المدينه المنوره متلا بحكيلك لا انا رايح على دوار الداخليه يعني الاصح اذا حابب تغير مشوارك وتروح على دوار الداخليه يلا اطلع !!! انا شو بدي فيك اذا انتا رايح على مكان تاني !! وهاي كتير صارت معي واكيد صارت مع ناس كتير منكم :ermm:
أصفر
“اشي اصفر وجواته أزعر”, حزيرة قديمة تداولناها منذ أيام الصغر… لكني اصطدمت بهذا عمليا، حيث رماني حظي التعس لمحاولة الركوب في تكسي، بعد أن أعياني الركوب في الباصات، وانتهار الكنترول لي في كل طلعة: “قوم يا شب وقعّد البنت” يقولها وهو مقطب جبينه، فأقوم هروبا من الشر، وبعدا عن النقاش مع السائق الذي يتكئ على شماله ويرقب الكرسي الذي بجانبي منذ أن صعدت، ولو قلت كلمة لانقض علي كالزوبعة، وأراه نقل العدوى إلى الكنترول، الذي يراني ذئبا يجلس بجانب حمل، وطبعا هم المنقذون، وإذا حصل نقاش سأخرج من المعركة “بسواد الوجه”..
ولأنني لا املك المال الكافي لاقتناء سيارة خاصة، فإنني اعتمد على “شعتلة” المواصلات ما بين الباصات والسرافيس… وإذا كان الحال ميسورا فإنني اشطح واركب التاكسي، ولندرة ركوبي في التاكسي فأنا أتعمد انتقاء سيارة نظيفة، ولي في ذلك وجهة نظر… بما أني دافع نفس المبلغ سواء ركبت في “شبح” أو “لادا”، فانا أختار سيارة عليها العين عشان أدفع وأنا مرتاح!
بعد أن وقفت طويلا في الشارع أكيل الشتائم لكل تكسي يمر ولا يقف لي, متعجبا لماذا لا يقف هؤلاء الـ (…) هل شكلي لا يليق، أم أن هناك سر في العملية! كنت أظن أن “التكاسي” التي لا تقف ” فاضية” ولكني عندما دققت رأيت في الزاوية رأس لا يكاد يظهر، إنها نفس إحداثيات الكرسي الذي بجانبي في “الباص”، ضحكت بعد أن جلست بجانب أحدهم في “قمرة القيادة” وهو يسرد لي مغامراته في سيارته العجيبة! وأنا أتقلى من عجلتي لألحق محاضرتي، وهو يتكئ على شماله، ذات الجلسة كاشفا الزاوية الخلفية اليسرى ، ويتهادى على المطبات، يوهمني أنه حلال المشاكل – يبدو أن أحدا يعرض عليه مشاكله وهمومه، ويجعله متنفسا له- ظن أني كذلك، لكني أشكو بروده الممل, وحديثه الذي في غير مكانه، أنا لا أريده أن يطير، فقط يشعر أني لعجلتي استعنت بالتكسي لأصل مبكرا، ولكنه قتل عندي هذا الشعور.
طبعاً (إن خليت بليت)، فعلى الرغم من كل الحالات المقززة والمنفرة، إلا إنني فعلاً في بعض الأحيان أسعد بركوبي مع بعض السائقين المثقفين واللذين بلا شك هم صورة مشرقة للبلد على الأقل في تعاملهم مع السياح…
بقلم:
زيد عبدالرحمن الشبيلات
يا اخوان انا عندي مشكلة انو كل ما اركب مع شوفير تكسي لازم اطاوش معاه هاد اشي اساسي مش عارف الحق علي ولا عليهم
عا كلن الله يفرجها علينا
xfox_335@hotmail.com
شو هالمقاله يا اسامه واللللللللللللللللللللللللله روعه :happy: :happy: :happy:
وفي نوع خامس
:angry: بتعرف يا اسامــــة و مع كل احترامي لإلك و للأخوة اللي علقوا على موضوعــك بس لو هؤلاء السائقــــين لقوا شغله أحسن كان إشتغلوها , ومش ذنبهم انهم هيك بتعاملوا مع الناس بس كل واحد بهمه راضي وبتلاقي الواحد فيهم بطلع من صباحية ربنا يدور ع الركاب عشان يرجع اخر النهار بقرشين لايش ولا لايش بدو يدفعهم؟؟ لبنته اللي بالجامعة ولا اجار دار ولا فاتورة ميه ولاولاولا…
اي الله يعينهم…فاذا الواحد منهم ما فش خلقه اول باول اي علي الحرام ليموت جلط وناقص عمر.
مع الشكر..
مصطفى الرمحي mostafaalramhi@yahoo.com :heart:
wallahi el mawdoo3 7elo wella 2a7la menno elta3leeeq wlsa5er. yeslamo hal2edeen
hhhhhhhhhhhhhhhh 7lweh kter hlmkalh ya osamh w3n 5ad anta a36ethm alwasf alkamel l swaken altkase bs 6b3an mo alkol a7na bn7ke bshkel 3am :devil: :devil: :devil: :devil: :whistle:
شو بدنا نيحكي بس اجا الصيف
و من (…) اذا لقينا تكسي, مررات بتمنى اكون بنت حلوة عشان يوقفلو بسرعة و اروح على الجامعة بدون ما اتأخر و عشان ما اوكل بهدلة من الدكتور, اللي اصلان هو مش دكتور, يا مهندس يا اما معيد, بس بدو بفرض شخصية
يا سيدي خلص منمضيها طوش مع الكنرولية بهل صيف ,,,,,,,,, ولا اكونلك فكر
سلام
يعني في اشي من اللي حكيتو صح كثيير و مقالاتك حلوه صحيح مش بمستوى
محمد حسن الزعبي بس والله حلوه
و لو يا سيد اسامة انو تحاول تكتبها بلغتنا احسن و ( ازبط) يعني مثلا
بلاش من ( هاد . ازا . هدول . مو ) يعني بتعطي انباع احلا خصوصا انو انته بتتناول مواضيع من واقعنا الاردني
يعني بكون فكاهي اكثر و كل اللي بقرولك يا خالي من حالاتنا احنا
و لا تزعل مني بدك تتحمل كل الاراء ولا شو رأيك :angel:
lool… sheklak kont sawag taxi ya osama ….. la b3ed elshr 3anak…. bs 3anjad kol kalamak sa7 …. lazem ne3mel mokafa7a la sawageen eltakase … :happy:
u touch the reality
mosh la hal darjea :pouty:
ههههههههههه
ياه من شوفرية التكاسي في الأردن ياه
بلاوي ألا من رحم ربي
أنا بسعى لأخذ الرخصة عشان أرتاح منهم
طبعاً أنت نسيت نوعية مهمة من شوفرية التكاسي :
هاي النوعية لا يعرفها الشباب ولا النسوان المحجبات و لا العجايز لأنهم باختصار ما بحلمو يطلعوا مع هاي النوعية .
هاي النوعية مستعد أنه يطنش طابور شباب عشان بنت لابسة ” بابا سمحلي و يلا نشطف ” و ضميرهم كوشوك بشوف الست الختيارة يلا يلا واقفة على حيلها و بتستنى تكسي عشان تروح على الدكتور بروح بطنشها عشان يطلع صبايا لابسين على الموضة .
هاي النوعية بتلاقيها دايماً قدام الجامعات و المولات أذا كنت شب على السريع بسأل وين طريقك و يون ما كان طريقك بقلك مش طالع أما البنت فطبعاً بطلعها حتى لو كان طريقها على الصين
حلوة حلوة بس مبالغ فيها
معلش انته يا اسامه بتحكي لمصلحة الاردن ولا لاتشهر حالك احنا للااسف بنحكي على بعض بنحكي للعالم انه احنا متخلفين وبس وكتل مابدك الدنيا ماتنقد الاردن مشان محمد قويدر انته كمان حبيبي تشوه سمعة الاردن مشان تشهر حالك وتحكي انك بتعرف تنتقد يا ابو العريف
روعة!
لسا في انواع مختلطة بين نوعين…
وفي انواع اسوء بكتير من هيك
بس هدول الأنواع الرئيسية
very nice dude really funny that’s exactly what’s going on
لا اله الا الله ، أأنت تسخر من الواقع؟؟! أي واقع هذا الذي تسخر منه؟؟؟!! ولماذا؟؟ يبدو أنك تحتقره
وتخجل منه لدرجة أنك تسخر من كل شيء يحدث فيه حتى لو كان هذا الشيء تافها
أنصحك بأن لا تستمر في السخرية منه لانه قد يسخر منك أنت يوم من الأيام
تقبل مروري..فهذه أول مرة أقوم بالتعليق فيها على هذه المدونة
وبالمناسبة بدل من أن تسخر منه الأفضل أن تقوم بمحاولة لاصلاحه بدلا من هذه السخرية..هذا واقع كيف تسخر منه؟؟ الواقع غير قبل للسخرية أبدا “من اسمو واقع ليش لتسخر منو”
[...] سواقين التكاسي في الأردن [...]
الرجل عم يمشي بالتاكسي ليل نهار فالاصح نعذره وناخذ البوكس هههههههه
انا سائق تكسي ويا اسامه مع احترامي الك ولا لشباب العلقو على الموضوع بسخريه انتو من جماعة (بابا اعطيني مصروفي )……….
الحمدلله انا طالب جامعه ادرس الهندسه واعمل كسائق تكسي حتى اعتمد على نفسي ادرس نفسي في الجامعه واحصل على هذه الشهادة التي عبت وشقيت من اجلها وبعدها ارتاح في مجال عملي كمهندس……………
………………………………….اليس كذلك يا اسامه………………………………….
نعم يوجد شباب من سواقين التكاسي توجد فيهم صفة الزعرنه والهماله ولكن ليس كل السائقين.
اريد ان اوجه سوال لي اسامه؟؟؟؟؟؟؟؟!!!!!!!!!!!!
اسامه لوكانت حالتك الماديه ليست قويه وتريد ان تتحدى نفسك وتعمل كمهنة سائق تكسي لتستطيع العيش والدراسه هل تعملها وبصراحه؟؟؟؟
اانا معك يا صاحب التعليق باسم ( صاحب تاكسي)
انا ايضا اعمل في شركة خاصة واعمل ايام العطل على التاكسي في الحقيقة اقول لاصحاب التعليقات الساخرة لو طلبنا من احدهم ان يعمل سائق تاكسي ما بكمل يوم لانو عنجد الله يعينو لسائق التاكسي وانا لا انسى ان هناك بعض السائقين المتهورين او بالعامية (الولده)
لكن هناك دائما ضغوطات من صاحب التاكسي فانا اعمل مع احد اصحاب التكاسي كل يوم جمعة هذا الاسبوع لم يعجبه الايراد وطلب المزيد من النقود يعني هناك ضغط من صاحب التاكسي ومن بعض الركاب الزنخين والولدة والبنات الخالصات وغيرو وغيرو
والله يا أسامة انك طقع و اشي فاخر عالآخر…يا ريت في منك كم واحد زيادة خلي هالشعب يفرفش شوي:lol:
أخي سائق التكسي أشكرك على تعليقك ولا يوجد عيب او مشكلة في أن تشتغل عالتكسي لتعلم نفسك والله يوفقك وتوخذ شهادتك بس المشكلة مش باللي زيك وصدقني في شوفيرية تكاسي محترمين وبدك تبوس عراسهم من قد ما انهم محترمين بس المشكلة بالشوفيرية التقزيز اللي من لما تأشرلهم لحتى ما يوصلوك بطلعوا الشيب من راسك,وصدقني في كثير منهم محترمين ومؤدبين والله يوفقك بس الواحد بده ينفس ويحكي عن النوعية المعفنة من شوفيرية التكاسي.
طيب خلينا نحكي عن الشوفيرية المناح والعاطلين
في شوفير التكسي -الحج-الزلمة الكبير فوق ال 50 سنة- اللي بكون لابس دشداشة بأغلب مشاوريه هذول الواحد بقدر يتفاهم معهم ويطلع ويوصل عمشواره بدون ما ينحرق دمه وأعصابه وكثير بحب أطلع مع اللي زيهم بس مرات في منهم بطلعوا تقزيز ولولا الشيب اللي عليهم بكونوا زيهم زي الشوفيرية الزعران ,بس المشكلة أنه ما بتلاقي منهم كثير بالشوارع بعد ال 8 بالليل
في شوفير التكسي الشب الهادي اللي بكون مهندم ومزبط حاله عمره بين 25-35 ومبين عليه انه زلمة بده يسترزق ومش شغل دوواين ولا عرط ولا تقزيز وكمان الواحد برتاح معه بالمشوار وما عنده عداد خربان ولا قديم ولا منطقة مقطوعة هذول ممكن نلاقيهم لحد الساعة 10 بالليل ,
هسه في شوفيرية تكاسي شباب بين 19-25 محترمين والله يخليهم لأهلهم كمان طالعين يسترزقوا وما عندهم فرق بالراكب شب أوبنت وبوصلك وانت مرتاح وبتقدر تتفاهم معه وما بغلب ولا بعملك وجع راس ومن أي طريق رايح وهاي مسكرة وهاي طلعة ونزلة ومن هالحكي -اللي مثلهم موجودين لحد الساعة 12 بالليل بس مش كثار
أخر نوع وهو النوع السيء والمقرف والي لما من أول ما تطلع معه بسألك وين رايح وبعد ما يفكر ويقرر أنه يركبك بحكيلك يلا ماشي أطلع مع أنه مش طريقي أو بعمل حاله أنه مطلعك رفع عتب كأنه مطلع الراكب وبده يوصله ببلاش هسه من هون بنقسموا لانواع كثيرة واكثر نوع بكره هو اللي طول الوقت بسب عالناس وعالدنيا اللي حوليه ومفكر حاله انه لما يسب بصير اشي كبير ياااااااالله شو بنقهر منهم بس بدي أعرف ليش بسبوا طول الوقت والله أنه اشي مقرف هذول برفعوا الضغط لانه ما بتعرف كيف بدك تتعامل معهم وبالطريق كل حكيه زيه وساخة بوساخة ولما ينزلك بده يلطش بريزة ولا ربع ليرة مش لانه ما معه فراطة حتى بطلوا يحكوا انه ما معهم فراطة صاروت عندهم عادي اذا العداد 2.75 بوخذوا 3 دنانير ولا بطلعوا بوجهك واذا طلبت الباقي بتسمع حكي اله اول ما اله اخر زي يا زلمة جبتك من اخر الدنيا ولا المنطقة مقطوعة وراح ارجع فاضي او بجحرك زي اللي بقولك اقلب وجهك ما في باقي ومن هالحكي,نوع أخر بكون من الشوفيرية اللي بكون قصير ولابس بوط رياضة ومرجع الكرسي متر لورا بحيث انه الكرسي الخلفي ما بوسع حدا من جهته ويا دووب اجريه واصله الدعسات والكرسي مايل للاخر وفي نيونات زرقة او نهدية بنص السقف ومسجل صيني كله ضواو ملونة باقي الاضافات المرمية هون وهناك عالتابلو والسقف وجميع انحاء التكسي هذول بعملوا حالهم زعران بس لما تحكي معهم وتوخذ عليهم بالطريق بتلاقيهم مساكين وما الهم دخل بس كمان الواحد يدير باله منهم ما بتعرف شو نفسياتهم,وفي نوع زي المذكور فوق الشوفير اللي مش مخلي بنت الا وبعرفها متجوزة ومطلقة وختيارة وبالبار والكباريه والحارة والشغل وكل النسوان بحبوه وبدهم اياه بس هو بتعفف وبختار اللي بده اياها وطبعا حتى الفلبنيات والسرلنكيات ما خلصوا من شره الله يعينه عحاله شو انه مريض نفسي بضلوا طول الوقت عالخلوي بحكي مع صاحباته الوهميات وبحب معهم ولما تسأله بقولك شغال من ال 9 الصبح لل 12 بالليل ومع هيك بعرف بنات وبطلع معهم وبحب وبعربد بس ابصر اميت بلاقيهم وفي كمان الشوفير الاستغلالي اللي بده يشلحك مصاريك بالخاوة بشرط الف شرط قبل ما تطلع معه هو بختار الطريق وبحكيلك بوقاحة انه بده يطلع معك 2 او 3 لانه بده يسترزق وبوخذ منك عداد زيادة
u know jrabt arkab m3 kl anwa3 swa2een el takase, 3njd wa9ef dqeq…..
مو كل الناس زي بعض يعني في المنيح وفي العاطل بس للامانة انا من بوقف تكسي لازم ادعي انو يارب يرضى ويسكت وما ينفتر على المشوار الي بدي اروحو خصوصا ازا كان عمان الشرقية يعني وقتها بدو يا يزلني او يعصب او يحكيلي معلش اسف يختي بس بهاي الحاالة شو نعمل حسب مزاجي يا انو ببهدلو او انو يعصب وبنزل وبكسرلو الباب بس باغلب الحالات بنزل وبختصر الشر من هون ليجي شفير مرضي وما بحكي لو حكيتلو لف عمان بدينار للامانة في شفرية ماشالله اشي بفرح بتمنى لو انهم كتار لانو بصراحة مو كتار يعني بكون هادي وما بعترض وراضي بنصيبو ومقتنع بشغلتو يعني هية بتصفي اخلاقيات مهنة باي مكان ان كان تكسي او شرطي او موظف او مدرس يعني وين ما كان في هيك وهيك
وشكرا لطرح اسامة هيك موضوع بطريقة حلوة وفكاهية واقعية
شكرا يا سيد اسامه على هيك موضوع بس للاسف الشديد انك انت مبالغ بالموضوع جدا فمن هم من يعملون على التكسي هل هم من بلد اخر اتوقع انهم من الاردن واتوقع انه لك اقارب يعملون على التاكسي فهذا كلام عاري من الصحه وهوى مردود على صاحبه وعلى كل كل انئ ينضح بما فيه واتمنى من العزيز القدير ان يجور عليك الزمن وتعمل سائق تكسي لارى بعدها تعليقك على هذا الموضوع انت وكل من يتهم السائق بهكذا اتهامات فهناك نماذج مشرفه وترفع الراس وان خليت بليت يا صديقي وارجوان لا تنزعج من هكذا مداخله وان تقبلها بكل صدر رحب فلو انك تقود مركبه بداخل شوارع عمان يوميا وتمشي قرابة400كيلو بالازمات ما تكلمت بهذه الطريقه عن سائق التكسي وكل الاحترام والتقدير
السلام عليكم ..
اولا مهندس
انا شفير تكسي بشكر كل واحد قال مو كل سواقيين التكاسي عاطلين او زعران او عامليين حالهم فلاسفه ….
مو كل اصابعك واحد هاد المثل ينطبق علا كل شيئ سواء شفير تكسي او باص او دكتور او ي ومهندس كمبيوتر وعندي محل وتكسي وبشتغل في المحل نص نهار وعلا التكسي نص نهار وبدون تفاخر لو تقعد مليون سنه ما بتعمل الي عملتو ولا بكون عندك ثقافه مثل ثقافتي واذا علا الفلوس معاي فلوس بعيشوك انت وابنك وابن ابنك…ليس نوع من الكبر والله الي لا اله الا هو. رد علا كلام اكثر الشباب الي علقو بس لانهم جمعو الحابل بالنابل وما فرقو بين الي بخاف الله وبدور علا رزقتو والي بس طالع يحمل بنات ويدردش او يطق حنك ..اخي الكريم الله يهديك لمى تحكي شفير او سائق تكسي لازم يكون عندك معلومات كافيه عن المجتمع لانو السائق من المجتمع واذا انت في الاردن ومسلم وبتخاف الله راح تلاقي في فئتيين من السواقين اشي ماشي علا كف الرحمن وبقول يا رب سترك واشي ما بخاف الله ولا بعرفو حتى…..الله يهدينا جميعا…كل شي اساسو الدين ..بدك تعرف حالك او تعرف غيرك منيح اطلع علا دينو وقوه ايمانو …الله يثبتنا علا دين الاسلام وعلا اعلاء كلمه الله ويقوينا لنحرر اراضي المسلمين والمسجد الاقصى ويحسن ختامنا وختامكم …
hhhhhhhhh …..Mod7ek entaa ..lazm a7keelak yaa kbeeerna b8darsh
طيب يا زلمة على هالحكي اللي انت كاتبه التكسي الهادي نعمة من رب العالمين ليش زعلان؟؟؟
لو كلهم من النوع الهادي بضل احسن من القلق اللي بصيبك منهم
شفيرية التكاسي ولاد عالم وناس من الاردن مش من الفضاء يعني عينة من المجتمع المتنوع تبعنا على كل شفير تكسي ازعر احسن من ازعر عواطلي..فبس ضيف التكسي المحترم وبالباقي صح
بصراحة انا من المعجبين بمقالاتك و مدونتك الرائعة , وشرف كبير للاردنين ان تحصل مدونة اردنية على جائزة عالمية.. لكن كان بودي ان تكون مقالتك عن كفاح هذه الفئة من الشعب(سواقين التكاسي)و خروجهم قبل بزوغ الفجر بحثا عن لقمة العيش و ما يكفيهم لسد جزء بسيط من التزاماتهم و متطلبات الحياة. لا اخالفك الرأي بوجود فئة من السواقين الين لا يعكسون صورة مشرفة عن هذا البلد الطيب, ولكن هذه الفئة لاتقتصر على سواقين التكاسي فقط و انما تجدها في العديد من فئات المجتمع و في النهاية هم شي لا يذكر امام ابناء الوطن النشامى و النشميات الذين يعكسون صورة الاردن المشرفة و الذين عاشو من اجل هذا البلد مخلصون وفيون لهذه الارض .
ف عتبي كبير عليك لان مدونتك واجهة اردنية منحناها ثقتنا لما لمسناه فيها من الابداع في الكتابة و طرح المشاكل باسلوب راقي..
و السلام ختام
كلو حكي كويس بس اذا انت يا سيد اسامه بترضى انو حدا يسب عليك او يضربك مش كل الناس زيك
وبعدين سائق التكسي بضل بني ادم مش مسخره
عن جد انت الظاهر عندك مشكله او عقده من هالبلد وانا بنصحك تلحق حالك وتشوفلك طبيب يمكن يساعدك