إعلانات ما بعد محاولة الانتحار
إن الأزمة الاقتصادية “لا أقصد العالمية” إنما “الشعبية” التي نعاني منها في الأردن تدفع أصحاب المحلات والشركات دوماً للبحث في سبلِ تقليص الخسائر، ومما يُلاحَظ في “البزنس” الأردني أنه مَوسمِيّ ويَتبعُ الأحداث التي تحصل كل يوم، تماماً كالبورصات العالمية تتأثر بالأخبار نزولاً وصعوداً أما بورصتنا فتتأثر بالنصب والاحتيال نزولاً ولا صعودَ إلا لأجلٍ غير مسمّى.
إن قصة محاولة انتحار الشابة “جيهان” قبل أيام، ربما تُعطي أصحاب المحلات والشركات دوافعاً لإنتاج ما هو جديد، وتغيير طريقة الإعلان ليتلاءم مع ما يتحدّث عنه في الأردن وفي هذه اللحظة أكثر من عدد سكان الأردن.
إن لم يكن عيباً أن يهتف الجمهور الحاشد أمام العمارة التي اعتلتها “جيهان” بهتافات تقول: نُطّي نُطّي.. فلا عيب في أن تنشر شركة عقارات الإعلان التالي:
للبيع عمارة سوبر ديلوكس في موقع مميز عدد طوابقها 18 تصلح لعمليات الانتحار امامها ساحة كبيرة تصلح للتجمهر حيث تتسع لأكثر من 4 آلاف مواطن وعلى شارعين يكفيان لوقوف 100 سيارة و 400 تكسي و 7 باصات مؤسسة. يتميز سطح العمارة بسورهِ الرائع والمصمّم خصّيصاً للقفز منه دون جهدٍ أو تعب كما يصعب على أي رجل أمن الوصول للسطح بسبب وجود أجهزة حماية ضد الشرطة وكل ومن يحاول أن يُعرقلَ عملية الانتحار.
وإن لم يكن غريباً أن نقرأ خبراً عن محاولة انتحار فاشلة شبه يومية، فلا غرابة في إعلانٍ لشركة أجهزة كهربائية بهذه الصيغة:
مفاجأة.. انجح في الانتحار 3 مرات متتالية واربح غسالة فل أوتوماتيك مع سشوار.. الكمية محدودة.
وفي نفس السياق، إذا قرأنا بعمق كلمة “محاولة انتحار فاشلة” نستنتج أن معاهد الشهادات المعتمدة سيكون لها نصيب الأسد في هذا “البزنس”، ويكون إعلانها بهذا الشكل:
برنامج تدريب وتأهيل الراغبين في الانتحار.. للفقراء والمساكين، للذين غلبهم القهر والظلم، للذين يصرخون بلا جدوى، للمتدمّرين عاطفياً، للمرضى النفسيين، لقارئي الأخبار اليومية الذين يكادون أن يُصابوا بالجلطة، للذين أفلَسوا بسبب البورصة، نقدم لكم كفاءات أجنبية متخصصة تضمن لكم عمليات انتحار ناجحة، وسيحصل “الطالب” على شهادة مُصدّقة من “وزارة الأموات” تؤهلك لانتحار ناجح.
أمّا شركات تنظيم الحفلات، فلن تُحرّك ساكنة في هذه المناسبات، فلا مانع من عروض تأجير كراسي مع صيوان يضعه المُنتَحِر أمام العمارة التي سيقفز منها كي لا يُعيقَ حركة السير وكي يجد المتفرّجون مكاناً يجلسون فيه بدلاً من مشاهدة المسلسل “عالواقف”، ولا ضررَ لشركة تنظيم الحفلات أن تقدّمَ عرضاً خاصاً لتصوير عملية الانتحار 2 كاميرا فيديو مع “مكسر” بالإضافة إلى هدية الموسم 150 صورة مجانية.
ولن نستثني أبداً شركات “الخلوي” من هذا “البزنس” أيضاً، فستكون خطة تسويقية رائعة إن قامت احدى هذه الشركات بتوفير “خط المنتحرين”.. احكي مع الجرايد والراديو والتلفزيون والشرطة مجاناً.. شبكتنا تغطّي حتى 23 طابقا.
وستتنافس الشركات الأربعة في الأردن على هذه الخدمة، فالثانية ستمنح تغطية شبكة حتى 30 طابقاً، والثالثة حتى 40 طابقاً وهكذا تجري العجلة… على أجسادنا.
أسامة الرمح
12th Of April, 2009
سخرية رائعة من الواقع
looooool..jad sho had sayer elkol yenta7er …7ata 3ena bnfs elsahre3 fe wa7ad bedo ywale3 jaret elgaz be 7alo..hehheh….7ata shofo el link o ed7ako 3la jnan elnas
http://www.jordanzad.com/jordan/news/117/ARTICLE/14596/2009-04-11.html
عالـم بيتفنن باستغلال “الاشياء” لمصلحته ..
استغفر الله العظيم , الدنيا اخر وقت .. , بس انا نفسي اعرف هيك شغله ,انو ليش لحتى تنتحر؟؟, ازا موضه احكولي لحتى افكر بالموضوع, لوووول وساعتها يستغلو انتحاري لصنع شامبو باسمي
awesme
ههههههههههههههههههههههههههههههههههههههههههههههههههه
ع فكره انت بجد رهيب ضحكتني كتير مو شوي
بس انا لهلا كان نفسي افهم رجال شو كان يحكيلها كان يحكيلها انزلي ولك دنيا حلوه !!!
ولا شو بزبط ؟
مصائب قوم عند قوم فوائد !!
jad hona ad7ak w ad7ak thoma abki
wallah 3eeb …
3n jad eno had el shabab el9a3ed…
انا بقول شركة الريدبول تعمل دعاية وتسير توزع بلاش على المتفرجين
متل ما بوزعو على المتظاهرين وشباب الجامعات
بدها تنتحر وافهمنا
ليش حاطه شنطه اواعيها جنبها وليش حاطه رجل على رجل؟؟؟
لله في خلقه شؤون
الله بعين بس شو بدنا نحكي غير هيك بس النتحار او محاولة الانتحار عمروا ما كان حل لمشكلة وبعدين شو هالعالم الغبية اللي بحكولها نطي نطي
لا جد الفكرة حلوة و اضفت نوع من التغيير و كسر حاجز الملل عند الشعب غير هيك لو بدها تموت كان نطت من الاول بس هي بجوز عجبها الشرطي و ابصر شو اموت و اعرف شو كانو يحكو؟؟؟؟؟؟؟؟؟؟
ههههههههه
احلا اشي الي بهتفو نطي نطي !!!!!!!
جد انه الناس مشاطيب هون
raaaaaaaaaaaaaaaaaaaae3a be koll ma3na el kalema…ya36eek el 3afyeh osama…da2man mobde3..
اصبت كبد الحقيقة الكل كان بدو ينهش ويطلع مصاري من ورا الحدث
وما حدا كان هدفه حل المشكلة الجذرية وتسليط الضوء عليها
اعلام ضعيف للاسف تجاري بالدرجة الاولى
سيء جدا ان الانسان ما بختار قدره
والله معك حق..هم يضحك وهم يبكي..والي بدو ينتحر الو عليي اروح اقعد عالكراسي الي تحت العمارة وبما انو عندي هواية تصوير راح اتبرع بالتصوير المجاني لتنمية هاي الظاهرة الفريدة من نوعها بالشرق الاوسط..ومعاً لتخفيف الاعباء عن كاهل حكومتنا وبلا من من مليون مواطن سنوي يخففو مصاريف هههههههه
يعني ازا فكرنا فيها بالمنطق والعقل في انسان بدو ينتحر بروح بحكي للعالم امسكوني عشان ما انتحر بامكانها لو جد حابه تنتحر من الحياه الي لسا ما شافت منها اشي راس مالها حبل وتشنق حالها يعني كل اللي صار دعاية بدعاية وشو في من وراها الله اعلم يمكن هادي تطبيق واقعي على انو 95 %من الشعب الاردني بعاني من الامراض النفسيه كما نشر قبل فترة ههههههههههههههههههههه الله يكون في العون
مع هذا المستوى من المقالات والتعليقات لا استغرب اقدام المزيد من الناس على الإنتحار
والله ضحكني كتير هالمقال ويمكن كمان يوقف واحد من اهل المنتحر ويقول الي بدو يتفرج بدينار وقتيها بمليين و بعد شوي بتطور الدنيا و بصير الي بدو يتفرج لازم يقطع تكت عشان يدخل ويتفرج
احلى تحية لرجال الدفاع المدني
والله الواحد مو عارف شو بدو يحكي يعني لو شوماكنت المشكلة بس مابفكر بالانتحار بس صج قهر كأنها طالعة رحلة ماخذة معها اواعي وتحكي تلفون ومعها زجاجة مية وتلولحي يا داليا
وعلى راسي مان
بعدك عني انتحااااااااااااااااار
ههههههههههههههه
لم أكن أعرف أن الانتحار يجر وراءه قاطرة كاملة من النجاحات و خلق فرص العمل ، بالإضافة إلى المساهمة في ازدهار الإقتصاد ، حتى قرأت مقالك هذا يا أخ أسامة.هههههه
كنت دائما اضحك ثم اضحك في هذه المدونه ولكني الان ابكي عل مستوى هذا الفكر (الراقي)
ana sra7a zh2t mn enas kolhom 2ad ma be7ko menne o 3lai wallah b7ie jihan 3la shja3tha o jad law kol el bnat zyha ana raye7 anta7er o sam3na a7la slam la nas elle mthaden nfseyn o 3tfian o enne a3′raq a3′raq a3′raq
ههههههههههههههههههههههههههههههههه
ليه ما يعملو مسابقات برضو في آحلى انتحار , اجمل قفزة , اشنع موته
والله الواحد تعب من هل العالم شو بدنا نعمل …
يعني مع احترامي للجميع
بس مش اول انسان بفكر بالانتحار
انا مش فاهم ليه معطين الموضوع اكبر من حجمه ؟؟
الاذاعات والتلفزين والانترنت
وابصر شو ّ!!!!
بعدين يلي بده ينتحر ما بستنى الناس حتى تلتم حواليه
هاد اسمه حكي فاضي ومسخره
وياريت انه يهتموا بمشاكل البلد الاساسيه
مو بهالحكي الفاضي هاد
مقالة من الاخر وتعبر بالفعل عن مجتمعنا الاردني ومدى تأثره بالاحداث خصوصا الداخلية منها .. محاولة انتحار الشابة جيهان فتح اعين المسؤولين حول ظاهرة وان لم تكن جديدة لكنها ستصبح يوما ما اشبه بوباء وهي ظاهرة الانتحار والتي تكون دائما مرتبطة بالوضع الاقتصادي الصعب الذي يمر به اغلبية الشعب الاردني والسؤال هنا هل كان وضع جيهان وعائلتها الاقتصادي والاجتماعي مزري للغاية لكي يدفع بجيهان لاتخاذ خيار الانتحار
حكي فاضبي مش اكتر
ممكن اسال ؟؟
حد بيعرف ليش بدها تنتحر ؟؟؟ شو ناقصها بكفي انها عايشة في الاردن
وكمان اللي بدو ينتحر عطول بيطلع وبزت حالو مش بضل فوق وماشالله جايبة العدة والشنتة وكانت كمان تحكي خلوي انا خفت عالرصيد ليخلص
بس احلى شي انو كيف نزلوها مسكوها زي الجاجة المفعوصة
اسلوب نقدي رائع لواقع اقتصادي اردني تجاري استغلالي بالدرجة الاولى دون رحمة ……………………….
بس الي بدو ينتحر ما بحكي لكل الجوردن الله يعويض
اسامة اسلوبك مميز تستحق علية المرتبة الاولى في التدوين
انا كنت اتوقعك اكبر …… الله يحميك وبالتوفيق ان شاالله
لوووووووووووووووووووووووووووووول
مش بهاي الطريقة بتنحل المشكلة ,,,,
أو أي مشكلة بالدنيا ,,,, ليه ما بنلجأ لله … و بندعيي …
كله بدل على نقص الإيمان ,,,,,
…
الله يهدي الجميع
حتى الإنتحار في ناس بتستفيد منه!
عجيبة!
الموقف كله غريب ومش مفهوم وقصة معها شنطة وبدها تنتحر
مش عارفين هي فعلا البنت مريضة ولا كله استعراض ولا شو القصة
الله يهدي
لا حول ولا قوة إلا بالله
الموضوع مبين , البنت قرفت من هالعبشة , و شكلها كانت بدها تلفت الانتباه بس انو انا لسة عايشة , يا سيدي موضوع شيق و بستحق القراءة
رهيب يا اسامة
الله لااااااااااااااااااااااااااااااااااااااااااااااااااااااااااااااااااااااااااااااا يردها
ok the story might sound at some point kinda funny, but please consider the situation as a whole picture, this girl might chose the wrong way to express whats happening but at least she chose sm thng, she chose to scream to shout to go there n she tried ,
im not saying tht her action is right but sometimes you reach a point that you just cant see wats beyond
you just knw tht this is it n theres no where to go n nothing to do,
el hamdullellah tht were nt Jihan, bt all of us has part of her, blv it or nt we do we want to scream n do we wnt to be heared, Jihan made smthng terrible n maybe stupid by trying to commit suicide but wat is the right to do !!!
صديقي اسامة ،،
صدقني حتى الخوض
في موضوع هذه المسرحية يثير الاشمئزاز…!
هذا الإنتحار بأتيكم برعاية زين
ل ^_^
زين……..عالم جمي
HADAA 3ANGAD HABAL AL MA3HA MOBILE WA SHANTA HAI BDHA TNT7R ?????????????????/
ana fakart bs el EMO o el PUNK ele bnt7ro tel3t el da3we 3ame …… o 3′er eno sm3t el mt7agbat klmalha bl wade ya 5osaraaaaaaaaaaaaaaaa ya nas e97o
لأول مرة أضحك ثم أضحك ثم أبكي….العالم بتخوتو على البنت و بحكو انها بدها تلفت انتباه… ليش يهني مستعدين تحطو حالكم مكانها عشان تلفتو انتباه؟؟؟ الله يعين العالم… و بعدين جد كان في ناس يحكو نطي نطي؟؟؟!!!!! و ايش لو طلعت أخت واحد من هل الشباب اللي مقكرين البنت فرجة و لا سمح الله نطت؟؟ موقفه راح يكون حلو جدا انا متأكد…
تحياتي يا أسامة و يالتوفيق
الله يلطف بشعوبنا ، لم يتسبب الرجل الابيض بهذه الازمة العالمية الا وهومتشبع بغرورالعظمة وان اقتصاده هو الاقوى وسوقه هي الحرية بذاتها ويا للاقدار رجعت اللعبة عليه، لننتظر كيف يتحد العالم من غيرك يا ابيض ويساهموا بحل الازمة ولتعرف بان الكون فيه غيرك وافضل منك ………….
بتعرف والله لازمني انتحار !!
ماشاء الله تبارك الرحمن
جهد مميز ..
ومعلومات استفد منها بشكل كبير
سأحتفظ بمدونتك لدي لأنني سأعود لها كثيراً
وجدت بها ماأبحث عنه
بالتوفيق أخي الفاضل
الله لايردها اذا هي مش سألة عن حياتها الناس بدهم يسألوا
had 3njad mn 2l waqe3 wo mn 2l momken hek y9eer bs sho bdna nsawe …..
nice os and good luck
هاد هو البزنس بستفيدو من كل شي حتى من الموت
شكراااااا مقال رائع يا اخي العزيز
http://www.link4soft.com/
http://www.link4soft.com/f2.html
بما انو هاد اللي بدها اياه الدنيا واللي فيها انا عمري ما راح انتحر لو انطبقت بلاوي الدنيا علي مش عشان اشي بس عشان خالف تعرف
اه هاي حلوة بيعملو مسابقة لاحلى واجراء عملية انتحار والفائز بيربح قبر مجاني
فكركم في حدا بيشارك والله الجائزة محرزو
هههههههههههههههههه
sa7 wallah m3ak 72 9ar el ent7ar moda be bldna…
allh y3ena 3l ayam el jayeh.
الشرطي الي انقذها طبعا ما صدق على الله وبنت قدامو وما صدق انو ينقذها وصار الكل بطل عشانها هسا والله لونو زلما ولا شب كان ولا واحد بالساحة ولا دورية ولا شرطي كان بالساحة
thank you
http://8tf.net/
الغريب كل ناس تضحك على بعض مدري ليش كدا؟.شكرا
شكرا
http://vip611.com/vb
http://vip611.com/up
http://vip611.com/game
http://vip611.com/dlil
والله بستغرب من النفسيات المريضة التي تسخر من حالة كآبة مرت بها هذه الشابة ودفعتها للتفكير بالانتحار, انا بالطبع لا اشجع على مثل هذا التصرف ولكنني اخجل من المواطن العربي عندما يعتبر حدث مثل هذا مثير للسخرية والضحك عند البعض. مع العلم بان المواطن العربي يعاني من كل أنواع الامراض النفسية على اختلافها بسبب ما يعانيه في البلاد العربية من ظلم وقهر وتدعيس بالكنادر!!! فالأولى بنا أن ننظر لبعضنا البعض بعين من العطف والرحمة لا بعين الشماتة والسخرية. يالله ما احوجنا الى اتباع نهج الرسول عليه الصلاة والسلام في الأخلاق والعطف والرحمة.