هاد إشي وهاد إشي 
أحبُّ أن أسمع الأغاني المضحكة، وأشاهدها على موقع يوتيوب، وكثيرٌ ما أقوم بمشاركة ما أسمع أو أشاهد في صفحتي الشخصية على موقع فيس بوك، رغم انها لم تعد “شخصية” أبداً، وكثير ما أتلقى تعليقات على هذه المقاطع مثلاً بانه يجب عليّ أن أهتم وأركّز “فقط” على “مشاكل الأمّة” وقضية فلسطين، وكأنني نذرت نفسي لتغيير العالم.
لا يُزاودنّ أحد على وطنيتي أو وطنية غيري حتى وإن كنتُ أهوى الرقص في حفلات الليل، فهذا شيء وذاك شيء آخر، وإن كنت أكتب جاهداً لحلّ بعض المشاكل والأمور فهذا لا يعني أنني لا أملك الحق في سماع فيروز في الصباح وأم كلثوم في المساء، هذا لا يعني أنّ مشاهدة ستار أكاديمي أمر محرّمٌ علي، هذا لا يعني أنّني أقضي معظم وقتي في قراءة كتب التاريخ والأدب.
هناك سوء فهمٍ كبير، هل يعتقد احدكم أنّني سأعيش حياتي باكياً على حال أمتنا العربية كرجلٍ في سباقٍ أصابه اليأس فتوقّف في مكانه والباقون من حوله يُسرعون؟ “فزعتنا” الإلكترونية المؤقتة عند الكوارث التي تحدث في فلسطين واعتصاماتنا ومظاهراتنا وإضرابنا عن الطعام وعزوفنا عن العمل وتوحيد صور “بروفايلاتنا” وأصواتنا التي تعلو “وامعتصماه” وترحّمنا على من مات وتوقفنا عند الصفحة الاولى في كتب تاريخنا “العريق” وانتقاد الغير لأنهم لا يبكون ولا “يلطمون”، هي أسباب تراجعنا الفكريّ المستمر، فالناظر للخلف لا يتقدّم.
طلبوا منّي الترويج للمتسابق الأردني في ستار أكاديمي، فرفضتُ فقط لأنني لم أتابع ستار أكاديمي ولا أعرف هذا المتسابق ولم أسمعه صوته حتى، لذا فلم أروّج له ولم أصوّت حتى، أما من قام بذلك فهذا شأن خاص وأمر عادي، فقد يكون أكثرنا وطنية يُشاهد برنامج ستار أكاديمي، وما الضير في ذلك؟ هي حرية شخصية.
ما يؤسِفني أيضاً عبارة أصبحت على لسان الكثيرين وهي “خلصت المشاكل يا أسامة وجاي تحكي عن هاد الموضوع”.
وأنا بحكي: لأ ما خلصت المشاكل، وحتى لو المشاكل كانت علينا متل المطر، هاد ما بعني إنو خلص مُتنا وانتهينا وما نمارس حياتنا الطبيعية.
نحن شعبٌ لو بيعَ الهمُّ اشتريناه.
أسامة الرمح
5th Of June, 2010
أنا معك عزيزي فالهم ما أكثره وهو على كل باب .. لكن باب الله عز وجل أوسع باب ونقول للهم يا هم لدينا رب كبير.
ورغم هذه المآسي إلا أنني ما زلت متفائلة وأملي في الله كبير .. وأحب أن أعيش حياتي بالطول والعرض رغم المساحة الضيقة التي أعيش فيها إلا أن النظر لملكوت الله يكفيني .. تحياتي لك وبارك الله فيك.
[...] This post was mentioned on Twitter by Qwaider Planet, Osama Romoh. Osama Romoh said: هاد إشي وهاد إشي #مقالاتعنالأردن #مقالاتأردنية #مقالاتعنفيسبوك → http://bit.ly/a1D0Dx [...]
احسنت بارك الله فيك
“نحن شعبٌ لو بيعَ الهمُّ اشتريناه.”
حبيتها
عزيزي أسامه
أنا بتابع كل مقال أنته بتكتبه عل الأنترنت من فتره طويله .
مع كل أحترام و التقدير و الجهود اللي بتقدمها للقراء لمعرفة الحقيقه
على أساس أنك مدون و ليس صحفي أو ليس تابع لأي جها رسميه أو غير رسميه . و بصراحة أنا شخصياً ما كنت بعرف أذا في أشي بالعالم أسمه تدوين إلا عن طريقك و حتى أذا بدي أعرف الخبر أو صحت الخبر بقراْ مقالاتك و اللي بيصير بالبلد الأردن أو فلسطين أو بأي مكان بالعالم. المهم توصيل الحقيقه.
أنا معك بكل شي أنته حكيتو بس أنا عندي أعتراض من ناحي طريقة ردك على القراء . أو اللي بيخلطو في حياتك الشخصيه . المهم كان المفروض أنو يكون ردك بطريقه أفضل من هيك و أقوى بكثير و خليني أحكي كان بأمكانك تطرح موضوع بنفس الطريقه لتوصل رسالتك للجمهور أو القراء مش بطريقه مباشره يعني كلام منك شخصياً .
و أنا بعتذر أذا تدخلت في شؤنك الخاصه أو العمليه .
وبتنما أنك تسامحتي
ِشــادي من قطر
الواحد شو ما كثرت المشاكل لازم يخلي مساحة للفرح و الحياة الطبيعية ,,
أنا نفسي صار معي موقف , يوم الهجوم على قافلة الحرية … كان يوم الإثنين , و كنت ناوي الثلاثا أطلع على إعتصام أمام السفارة التركية ,,
الإثنين المسا كنت بجفرا , فرن علي واحد و صار يتهمني بعدم الوطنية لإني قاعد بجفرا , بدال ما أروح إعتصامات
و ما بعرف إني آدمن لاكثر من بيج في الفيس بوك , و ساهمت في تغطية الخبر !!
ولو شو ما صار , الواحد لازم يضل فرحان و متفائل ع طول
كلام كتير حلو ومقنع اسامة
لا يزاود أحد على وطنية أحد اخر
يمكن ابسط الامور بحياتنا والي بنعتبرها اشياء تافهة تكون من أكتر الامور اهمية في مواقف اخرى
مقاييس البشر تختلف واذواقهم واتجاهاتهم ومع هيك كلنا بنتفق على نقطة مهمة ان الحياة مش
بس مشاكل وصراعات
الحياة فيها الضحكة وفيها النكتة ,فيها مشاعر فيها تجاوب وتفاهم مع الاخرين
ماحدا الا وبيحس بمعاناة شعوبنا العربية وخاصة فلسطين والمأساة الي عايشينها بكل لحظة
بس لولا فسحة الامل كان طقت قلوبنا من زمان
مقال حكيم واتفق معك بكل ما كتبت، مع أنني غير متابع لستار اكاديمي ولا بسمع ام كلثوم، بس جد هاد شي وهاد شي ثاني، اسلوب المناحة المتتالي كرد فعل على أي موقف هو اسلوب هزيل ولا يغير من الواقع شيئا، وعجبني آخر فقرة بمقالك أكثر، بالفعل لو الهم بثمن بتلاقي اغلب الناس بتتهافت عليه وبجنون كمان.
بالفعل والمشكلة انو هم بس ينتهي الاعلام من قصة فلسطين بينسوها وبينسو هلاوطان لحين ما اتسير مشاكل جديدة ,بعدين انا رأي انو الانسان حتى لو عمل جروب علفيس او نزل أغنية وطنية أو شعار وطني …ما رح اتحل أشي ,,,علفاضي وبالنسبة لحل قضايا الامة ..انحل قضايا المجتمع عشان نفضى لقضايا الامة و نغير الواقع عشان نقدر انقدم اشي للبلاد الي عم بتعاني …وهاي المقالة عنجد اجت علوجع …موفق يا اسامة
مرحبا سيد اسامه
المشكله انو اللي بيردو عليك شغل حكي بس يا زلمه والله لو انهم ليل وانهار عن جد بيبكو على فلسطين وقضايا الامه وحال الشعب العربي وغيرو وغيراتو الواحد مااااااااااااا بيزعل بس همه نفسهم مش هيك وعارفين هاد الحكي بحب احكيلهم اللي بيتو من قزاز ما يرمي على الناس حجاره وانتو بما انكو (محموقين ) لهدرجه روحو ساوو موقع واعملو زي اسامه وما تسمعو اغاني ولا تحضرو تلفزيون وادعو الناس للجهاد واتبرعو لغزه بعدين انت يا سيد اسامه انطلقت ببدايه واضحه للكل ما عدااا (المتخلفين والمفلسفين ) كلنا بنعرف انو اسامه وطني واسامه بيحل بعض القضايا ويناقش بعض القضايا وينتقدها بس ما اجى اسامه وحكى انا شيخ اسلام وهاد حرام وهاد حلال ومع انو بنتمنى انو يصير اسامه شيخ وربنا يهديه ويهدينا كلنا وكل المسلمين (بتمنى يكون مقصدي واضح باخر جمله )
هذا يعني اذا كان لديك ميتم حر يا اخي اسمع اغاني وبصوت مسمع للجميع كي اعبر اني “سو فري” اشي بخصني ,الامر يتوقف على مدى جدية الشحص ليس الا . في شباب “افراطه” همومهم اكيد زيهم مابعنيهم ايش يعني الجدية حياتهم على بعض اصيدلي صيدة بنات مش غلط بالجملة او اعملي شوارع برلين على قصة شعري ولو تسال البعض يكون ردو عاوز اخل من الي انا فيه
نحن نستفيد من التاريخ ما انتصر منتصر وهو فاقد للجدية مطلقا وعلى مدار التاريخ وهنالك اشخاص رفعوا حالة الجدية عندهم الى درجة انهم حرموا على انفسهم مجرد الابتسامة حتى يحققوا الغاية ودفاعا عنهم جعلت اصابعي العشر ان تضرب لوحة المفاتيح في الابتوب مسرعا حتى يتبين الكاتب انه ليس كل خاطرة يخطر بباله يكون صائبا فمن البديهي من وظيفة المخ ان ياتي بكل شي يثبت صحة ما تفكر فيه فلننتبه الى افكارنا لانها تتحول اجلا او عاجلا الى افعال ولا نريد ان نخلق جيلا دنيئا في الجدية والمثابرة
لذا ان لم يكن هموم الامة من اولويات امورك فحاول ان ترفعها من درجة “فوراكزامبل” مية الى اعلى لكن لايعطيك الحق ان تتخطى على اسيادي واسيادك الذين جعلوا اولى اولوياتهم تحرير الارض وعودة الحق الى اصحابه …. واعلم يا اسامة ان من لايكن اولى اولوياته هدفه ويستغل كل مايملك لتحقيق ذلك اعلم قد ينجح لكم لن ينل الامتياز مطلقا لذا لااجد في مقالك الا طابع ال”لاجدية” وهدما لمعنويات المتميزين الم تسمع من طلب المعالي سهر الليالي ؟ كما وان مقالك اجده اساءة لرموز الامة الذين ضحوا بالغالي والنفيس وكرسوا كل لحظة لتحقيق اهداف الامة النبيلة فعذرا لااوافقك الراي فحماستي وشغوبي يجعلني ان اكرسي كل تفكيري واهتمامي فيما اريد تحقيقة للامة رغم انف اسامة . فاذا كانت درجة حماسك في قظية ما قليلة لايجعلك ان تنتقد الاعلى منك بل يجب ان يتولد لديك طموحا الى ان ترفع حماستك “اذا ما كان الامر محمودا” الى اعلى ما هو عليه بل ان يزيد تقديرك له لا ان اسئ له بقصد او لا . او انتقده.
كما وارجو ان يظاف زر اخر خاص للذين لايعجبهم المقال كمثيله للذين يعجبهم المقال. كنوع من العدالة .
Osama ana la7azet lamma 3melet share 3al o3′nyeh, w shofet il comments , w sara7a ma 7abbet a3mal comment la2eno fi nas mn illi 3emloolak il comment r7 yez3alo, fe3lan ana la7azet had il ishi mo bs mn halla2 mn zaman, eno il nas bedhom yak sorry b hal kelmeh “tedfen 7alak m3 il mashakel w bas” y3ni wala zay k2enak bani 2adam zayak zayhom w mn 7a22ak tenbaset w t3mal illi bedak ya, anyway i’m with you Osama, e3mal illi bedak ya w ba3ed ma shofna il mawadee3 illi btoktobha t2akkadna enak zalameh 3ndo wa6anyyeh aktar mn ay 7ada tani… keep up the good work Osama, God bless you
كلامك سليم أسامة ,ما بعرف شو بتتسمى هاي التنظيرات الي بنسمعها كل يوم ,بس فعليا هادا احد اسباب انا بنرجع لورة ,هاي المثالية الي دايما مطلوبة منا لازم تكون سوبر مان عشان الناس ترضى و كانو احنا انبياء او ملائكة يعني لازم بغض النظر عن الموضوع لو شو ما تعمل الا ما يطلع حدا يحكيلك ليش ما بتعمل كذا او ليش بتعمل كذا المثالية شئ مش موجود و احنا بشر و لابداع برأيي بجي لما الواحد يعمل اشي بأريحية و بحبه من دون تكلف و بدون تصنع زيادة الخير خير بس كمان المطالبة بالمثالية ممكن تأدي لاحباط كتير من الناس ,لانو فوق طاقة اي حدا.
“طلبوا منّي الترويج للمتسابق الأردني في ستار أكاديمي، فرفضتُ فقط لأنني لم أتابع ستار أكاديمي ولا أعرف هذا المتسابق ولم أسمعه صوته حتى، لذا فلم أروّج له ولم أصوّت حتى، أما من قام بذلك فهذا شأن خاص وأمر عادي، فقد يكون أكثرنا وطنية يُشاهد برنامج ستار أكاديمي، وما الضير في ذلك؟ هي حرية شخصية.”
انت لسى ما روجتلوا … أبدا .
>>>> ما وراء الخبر <<<<<<
نحن شعبٌ لو بيعَ الهمُّ اشتريناه , بالفعل !
سلم ايديك
amazing … klamak sa7 wallah
isma7oli asharek ma3kom ilra2y…
yemken kalam osama o kalamkom sa7ee7 ..o kol wa7ad 7or b ra2yoo…
bs yemken ili bekono 3aradook aw be3ardook 3ala tool bestano mennak inta kol ilashya2 ilsa7 aw daiman yekon mawkefak methali gher kol ilnas…le2anhom makhdeenak mathal a3la momken..o 3ena kol 7ada bekon mas2ol 3an shaghleh beser mathal a3la o mamno3 yefarjy 3ala 7ayato aw ara2o ilbaseta …ma ba3raf men ween btejeelna hai ilafkar…bs mo 3ashan homeh bekrahook aw daiman be7awlo ye7beto men maqalatak…ma3lesh ista7mel ilkol iza kan ra2yo bel 2eejab aw bel salb…
thx:)
منتديات عروس الحب
http://www.3-7b.com
http://www.3-7b.com
http://www.3-7b.com
http://www.3-7b.com
http://www.3-7b.com
http://www.3-7b.com
http://www.3-7b.com
http://www.3-7b.com
نعم هي حرية شخصية فلولا السيء ما عرفنا الجيد ومن قال انعلينا ان نجلس بقوقعة من الزجاج لنتابع ما يفرض علينا ونتاثر به لا بغيره ان الانسان خليط بين الخطا والصواب والجيد والسيء ولكل شيطانه يحب ان يطلقه لينفث به ضغوطاته وماقد اعتبره جيد قد يعتبره البعض سيءهي مسالة نسبية وبين الابيض والاسودالكثير من المعقول واللامعقول كفانا ما نحن به من تخلف ولننظر لمبدا وآراءالشخص نفسه التي يعرضها لنا بمحض ارادته لا ما يتجمل بها لارضاء الغير ليسمع التسفيق والتهليل … انا شخصيا احترم رايك واقدره وقد ولدتنا امهاتنا احرارا……..
من المضحك المبكي إطلاق الأحكام بناءً على ظواهر الأمور، كم من خريج علوم سياسية لا يعرف أين تقع فلسطين ولا شكل المسجد الأقصى، وكم من أمي يقص عليك تاريخ أمتنا بمتوالية زمنية وتحليلية… كم من سائق تكسي مهذب وابن عائلات عريقة صايع ومنحرف، كم من شيخ عينه زايغة وكم من شاب غض العمر وغاض البصر… كلامك صح 100%
شو دخل طز بمرحبا
مهو يا أبو شريك اللي بيقول “خلصت المشاكل يا أسامة وجاي تحكي عن هاد الموضوع” قال يعني هوه اللي بيدافع عن القضايا العربية.
وبالنسبة للهمّ فأنا بدي اشتري سيارة (هم جديد) علشان أخلص من هم شفيرية التكاسي الزنخين.
مشكور كتير على المواضيع الجميلة التي تقدمها في مدونتكم
يوتيوب عروس
يوتيوب عروس
يوتيوب عروس
يوتيوب عروس
يوتيوب عروس