يوميات بني آدم الحلقة التاسعة – لأول مرة في البترا
يوميات بني آدم الحلقة التاسعة – لأول مرة في البترا
كنت بصف تامن لما كنت أتمنى أزور البترا، وصرت بصف تاسع وبرضو كنت أتمنى أزور البترا، صار عمري 24 سنة وأول مرة بحياتي أزور البترا كان قبل اسبوعين بس، كنت بس بسمع عنها وبشوف صورها.
صحيت الصبح وجهزت الكاميرا وقنينة مي واشتريت بطاريات ولبست “أواعي الشغل” وطلعت مع 3 من أصحابي وانطلقنا إلى البترا.
وصلنا للبترا وما لقيت كتير أشياء غريبة أصورها لإنو الناس كلهم ما خلّوا شي ما صوّروه، وانا من النوع اللي بحب أصوّر أشياء ما تصوّرت من قبل.. مشينا في “السيق” ووصلنا للمدينة الوردية.. برضو ما لقيت شي مميز أصوروا.. يمكن لما واحد من أصحابي صار يرقص قدام الناس زي الاهبل كان شي مميز أصوره، كل الدنيا صوّرَته وأنا صوّرته بس برضو بدي شي محرز.
نطلع فوق جبال وننزل جوا كهوف وننط ونركض ونحاول “نستكشف” أي شي ما حدا اكتشفو بس مافي فايدة.. صابني اليأس لحد ما لقيت الشي المميز أخيرا.. صاحب الصورة اللي فوق بدوي أصلي من البترا، عمري 800 سنة و8 أشهر بحسب تقديري، أول ما شفته قلت هاد ما فيو حيل يحكي، بجوز مات 6 مرات ورجع مرة تانية للحياة، كنا قاعدين في “كوفي شوب”.. هوه صعب أسمّيه كوفي شوب بس بقدر أسميه “مقهى سوبر أبو العبد”، كراسي خشب والسقف قماش والقهوة بالزبط زي تبعت ابو العبد ام الـ 15 قرش بس هناك بليرة..
المهم، اجى الزلمة صاحب الصورة لعنّا بعد ما ناديناه، سلّم علينا وسألناه: كيف بتتعامل مع الأجانب والسيّاح اللي هون وانتا بتبيع كماليات؟
جاوبنا وحكى: I have been living there in the cave for 40 years.
حكاها باللهجة البريطانية القديمة جداً، حكاها بطريقة مُتقَنة جدا ما شفتها بأي فلم بريطاني قديم.. أنا واللي معي انصدمنا وضلينا ساكتين دقيقتين من الصدمة، الزلمة طلع بحكي 6 لغات بإتقان تام وبشهادة أجانب، الزلمة بحكي اللغات بطريقة أحسن من الأجانب نفسهم، مع العلم إنو لا بقرأ ولا بكتب.
صوّرتوا بعد ما أخدت الإذن منو، واكتشفت إنو مُعظم البدو اللي بشتغلوا في البترا بياعين وعلى البغال والحمير، بحكو 6 لغات بإتقان غريب، بالرغم من إنو شكلهم لا يوحي بذلك.
مشينا كتير ووصلنا لمكان اسمو the end of the world وشفنا البترا 2 وطلعنا لأعلى قمة في آخر البترا ورجعنا للسيق كل واحد فينا راكب على حمار، أول مرة أركب حمار، بس الحمار اللي ركبتوا كان جد حمار، أحكيله إسرع مش راضي يرد، أحكيله مشان الله إسرع، مافي فايدة.. بعطيك جزرة بعطيك بطيخة.. ما بدو يسرع.. أرش عليه ملح أتغزّل فيه ما بدّو.. أغنّيله بحبك يا حمار.. بحبك يا حصان.. بحبك يا أسد.. وهوّه على نفس السرعة.
وصلنا لمكان ما لازم ننزل من الحمار، وبس نزلت اكتشفت إنو بغل مو حمار.. مشان هيك كان زعلان.
اللي بحب يتعلّم انجليزي أو أي لغة، سيبكم من المعاهد والكلام الفاضي وشدّوا الرحال للبترا.
أسامة الرمح
4th Of April, 2009
Rss
Linkedin
Friendfeed
Youtube
Twitter
Facebook
Deviantart
April 4th, 2009 at 3:57 pm
..nice..
ana kman nfse ashoof elpetra … neyalak
April 4th, 2009 at 3:59 pm
wlk w7yaaaaat rabi ank nhfah… ana mo z3lanah 3′er 3la kast al2hwa alle b denar, b3deen ma btzkrak hay alre7lah b r7ltak ljam3t al petra??
kman honak 3ndak sa7b ahbal w l2wal marrah bmro2 saro5 fw2 aljam3a w bnktshf anu rakm kwlyt al2dab…
bas alfr2 wselt almwaslat ma kant 7mmar kant b2rah 7mrrah
miss u man
April 4th, 2009 at 4:00 pm
man leeh ma katabett 3anee ana kont el daleel el saya7ee we ana kaman elee ektara7et we ana kaman kol shee
April 4th, 2009 at 4:12 pm
hahaha ana kaman sar ma3e mawqef shabeeh fe, bas eno kan ye7ke ma3e bel badawi faj2a sar ye7ki ma3 el soya7 bel Russy! fa sar yeshra7lna eno keef el wa7ad hon bas be3rf ye7ki bedon ma yoktob w yeqra2:P
April 4th, 2009 at 5:03 pm
لووووووول نايس والله يا اسامه, بس انا مستحيل أغامر واركب على حمار او حصان او شي بيمشي على اربعه كمكم
لانو بخاف “,انا ما بعرف البترا الا بالاسم فقط 
, ان شاء الله بيجي يوم وبزورهااااااا.
April 4th, 2009 at 5:41 pm
walla ya man … mneee7 enkom enbasato .. akeed eno ele kan yer2os metel el ahbal … 7ama2ee
looool …
mnee7 ele 7aketo atla3 ma3kom
yalla baseeta …
peace
April 4th, 2009 at 5:55 pm
انا روحت البترا بالصف الخامس بس حرمت اعيدها لانه كتييييييييير تعب..بس بعد معلومه اللغات هاي فا من بكرا انا هناك..بتعلم كل اللغات مع الاكسنت شو بدنا احسن من هيك
بس الله يسامحك اذيت مشاعره للبغل…هيك خليته يحس بانعدام الهويه الارضيه
keep up the good work
April 4th, 2009 at 6:06 pm
كتير رائع
…. شكلي بدي اروح الم اغراضي و اعيش بالبترا خلي العمو البدوي يعلمني لغتيين انا مسامحتو بالباقي و عقبال ما يبطل بنفسي اروح على البترا.
April 4th, 2009 at 6:16 pm
فكرتك جايب اشي جديد يا صاحبي, هاد صاحبنا انا مصورة من 8 سنين ومصور كمان فاطمة الالمانية بس برضو برافو عليك اللي اخيرا نزلت عالبترا وشفتها,, انت متاكد انه اللي كنت راكب عليه بغل؟
April 4th, 2009 at 6:31 pm
يعني حسب حكيك….
اللغات ما بتنحكى بعمان بتنحكى في البترا…
لازم يعيدوا صياغة خطط التنمية الثقافية ويركزوا على على عمان بدل المناطق الأخرى لحتى نوصل لمستوى 3 لغات مش 6….:P
April 4th, 2009 at 6:33 pm
LOOOOOOOL
coz ma 3mre ro7tha lsa 
walla mn el 2a5r
nshalla tkono enbasa6to
w nshalla ashof el petra ana kman
April 4th, 2009 at 8:10 pm
guys iv ben never to petra and i would like to go , these days i finished uni and looking for some tourist scale anyway eza 7abeen ento eshbab o el bnat tro7o o ma 3mrkom ro7to balke nazmna re7leh e7na hoon yalle 3l modawneh o 7atta osama eza bedo yeje kman marrah ahla o sahla p.s we can arrange it 4 the boys and girls u can keep on touch on (ah.afif@yahoo.com) o osama jad i like ur way in writing le putit la pa eh julite
April 4th, 2009 at 9:15 pm
y3ni da5elk leeeeeeeeh esmo 7mar
w tele3 ba3′el y3ni ma ab3′al mn el-7mar ella el-ba3′el
April 4th, 2009 at 10:06 pm
والله انا رحت عليها قبل سنة وضلنا نمشي لحد ما قلنا بس صحيح كم اخده منك اجرة الحمار لانهم كانو بدهم يركبونا ببلاش بس ما رضينا المشي صحة يا اخي
April 4th, 2009 at 10:15 pm
مرحبا اسامه الله يعطيك العافيه انا بستغرب لهلأ لرحت البتراكييف قدرت تصبروماتزورهابعدين مسكين هالبغل لأنو مسالم هيك عملت في احناطبعنا البشر بنستكردالضعيف وبنصب غضبنا عليه يمكن من قسوة الدنيا عليناالله يساعدنا
April 5th, 2009 at 12:20 am
buhhh dabsheh
April 5th, 2009 at 7:31 am
نيالك يا أسامة شفت البترا شو أحكي انا صار عمري 31 وشكلي ما راح أشوفها
April 5th, 2009 at 9:05 am
جد نصيحة الي لسه ما شاف البتراء ورم يروح ويلحق حالو انا يمكن رحتها 7 مرات وكل مرة بتكون احلى بس الي بفاجئك اكتر الاولاد الصغار الي اعمارهم ما بتتعدى ال 10 وبيحكو ست لغات جد شي عجييب طلعت الشغلة مو بالدراسة والشهادات
April 6th, 2009 at 1:44 am
والله انك نهفه.يسلمو اسامه عالموضوع كتييييييييييييير طريقه الكلام حلو وسلس
April 7th, 2009 at 10:30 am
مشكور اخوي اسامه على المقاله الجميله ….
انا ابن البتراء وبجد انه في اكثير من الناس بحكو لغات وحتى الغات الي تعتبر صعبه مثل الصيني والياباني والكوري وطريقه تعلمهم من الاحتكاك بالسياح الاجانب من خلالها بتقوي عندك مهارات الغات ….
وبتمنى انك قضيت امتع الاوقات بالبتراء ويا مرحبا بيك باي وقت بزور البتراء
April 8th, 2009 at 6:58 am
بصراحة قصة رائعه
وممتعة واسلوب اكثر من رائع
تقبل كل المودة والاحترام .. أحمد الجراح
April 8th, 2009 at 12:09 pm
واحنا عربي يا لله نحكي بس ضروف الحياة هي علمتهم ويهنيالهم
April 10th, 2009 at 8:15 am
والله كلامك صحيح لانو انا زرت البتراء وشفت كمان اطفال صغار بحكو اللغة الانجليزية و بأتقان .
April 11th, 2009 at 9:47 am
3njad nice one
bs bde a2olk
lma shoft el 5azne la awl mara ma 7saet eno elha wahle
sa7 mafe she kteeeeeeer
bs mo la haldarje
bs lsn sokan el petra esmhom( elbdoooool) hadol kano sokan tlpatra elaslyeen
sar mshakl baenhom w baen el7okome
3shan a5rjohm mn elkolhof
ele hme hala sakneen feeha
sknohom b mant2a bjaneb el patra 3mlolhom msaken hnak
bs hala 3mlhom elra2ese
trmeen elpatra
t5ayl ena bn3rf wa7d esmo abo 3bdala
brooo7 3la brtanyaaby3ml dwrat trmeeem la 6olab elathar
ebno elkbeer mtzawej espanye kant za2era la elpetra
fe kteeeer 3a2laat mtzwjeen mn ajanb
hnak 3lakat.hom m3 m3 elsa2e7aat mtel elajanb
enftaa7 mo 6be3e hnak
ana blnsbe ele hay elashya ele tfaj2t mnha
kona n3ml zyarat b eljam3a lmodet 3 aw 4 ayam b elpetra
t5yl enhom ele bnja7 b eltwjehe mnhom bwdooh ydros bara
swaa2 kan bnt aw shab enftaa7 thakafe fazeee3
April 12th, 2009 at 7:37 pm
el mohem enbasetet l2nek shefet el petra wela l2………..??
3a fekra ana ray7a youm el 5ames 3al petra ma3 8esem el 3amrha bl jam3ha w bedna n9′al 3 days bs wallha maklha ham hal mashey bs shekly ra7 arkab baa3′el 
April 14th, 2009 at 2:03 am
انا قربت اطبق ال21 و لحد الان ما زرت البترا
زرت اماكن تانية مع المدرسة ناسي شو هي لاني كنت صغير
بس خلص لما اتخرج بدي اخد لفة حول الاردن و اتعلم ال6 لغات من بدو البترا
April 16th, 2009 at 4:46 pm
ana ro7et 3al petra bi saf sabe3 o ma 3edtha
bs fe3lan enak nahfeh:D
April 27th, 2009 at 7:06 pm
عنجد انو هاد الزلمة عراسي ال بزنس بزنس لو شو ميعمل بس انا صار نفسي أروح واتعلم ال6 لغات كمان و انا بحب كل البدو لأنهم هم الأصل في هذي البلد
May 21st, 2009 at 2:47 am
جد والله اغلب الي بكونو يتعاملو مع السياح في مناطق السياحية بتلاقيهم مش متعلمين ومع هيك بيعرفو كثير لغات بحكم تعاملهم مع الاجانب.
وعلى فكرة البغل الي ركبته شكله ما بيعرف عربيبس بيعرف الست لغات الي بيعرفهم صاحبه لو انك جربت واحدة منهم كان زبط الموضوع
June 4th, 2009 at 4:23 am
شكراااااا مقال رائع يا اخي العزيز
http://www.link4soft.com/
http://www.link4soft.com/f2.html
June 14th, 2009 at 8:23 pm
الله يرحم جدك انت واياه واياه
عأساس انك ما بتعرف (الحمار )يعني
و “العمو البدوي”عجبتني هاااي كتير
طالعة من شلاطيفكو الناشفة بتجنن
يا عمو اسامة
الله يرحم ايام ال…….
June 15th, 2009 at 2:12 am
lesh ma 7abet petra ………i love it …….u r odd…in gd way ……lol…….anway i’ll leave the univ and go there so i can speak 6 languages ………..lol ………bs 2oli bi3almo programing lang??????????……lol 3shan enasb ta5sosi.:P
June 19th, 2009 at 5:42 pm
والله لازم يحكي اكترمن سبع لغات السياح بيجو من مختلف البلدان الاجنبية مش بخاطروا بدو يتعلم سبعة خلص بدي اروح اشتغل غاد والبس بدوي عشان اسير اعرف احكي سبعة بس مش هلأ السنة الجاية هلأ بدي اضل معكو لاحقة على اللغات خلينا عربي
June 30th, 2009 at 4:35 pm
تعرف شو المفروض الشي المميز الي تصورو
لما انت ركبت الحمار
ههههههههه
تسلم اسامة
July 12th, 2009 at 3:02 am
bye
July 16th, 2009 at 11:19 pm
ireally like it……
August 23rd, 2009 at 2:43 pm
(ازا ضلينا عايشين)
)))
بس المقال روووعة
October 13th, 2009 at 12:15 pm
haha 3njad 2a5er sm3a 2na bdros pharmacy oo lesa ma b7ke english mzbo6
m8ala ra23a my friend
bs 2na kman 9ar 3omre 19 oo shway oo lesa ma shoft 2l ptra 3′aer bel 9owar
February 24th, 2010 at 10:50 am
الف شكرا على الحلقة
http://8tf.net/
March 14th, 2010 at 1:24 pm
يبدو انك بتحب تتخوث كثير يا اسامه والي بسمعك بقول هذا من وين جاي