يوميات بني آدم الحلقة الثامنة – زيارة إلى معان
يوميات بني آدم الحلقة الثامنة – زيارة إلى معان
نعم، كانت أول مرة أزور فيها مدينة معان بحياتي، اتصلت فيي وزيرة الثقافة آنذاك ودعتني مشان أرافقها في زيارة ميدانية لمدينة معان بعد ما طلبت منها إني بدي أقضي يوم كامل مع وزير وأشوف كيف الوزير بشتغل أو “بتعب”، وفعلا حققت الوزيرة إرادتي ورحنا معان.
التقيت بوفد وزارة الثقافة مع الوزيرة الساعة 8 ونص الصبح، وانطلقنا باتجاه معان، أول ما وصلنا رحنا على مركز حكومي تابع لوزارة الثقافة في معان، أعتقد إنو مكتب تمثيل الوزارة هناك بس شكله ما بشتغل بشلن، دخلنا على المبنى وبعديها دخلنا على غرفة الـ Big Boss هناك، شربنا شاي مرتين وبعدين انطلقنا على مبنى بلدية معان، كان مبنى ضخم جداً وعليه حراسة لا بأس بها، كان باستقبالنا رئيس بلدية معان، دخلنا على مكتبه، كان مكتب فخم جداً وكبير وكان عدد الحضور حوالي 20 ، شربنا شاي مرتين كمان مرة وبعديها دخلنا على اجتماع لرؤساء المراكز الثقافية الحكومية في معان، كان هدف الاجتماع إنو الوزيرة تسمع ملاحظات وطلبات رؤساء هاي المراكز علّ وعسى شي يتنفّذ من هاي الطلبات اللي كان مُعظمها تطالب بإنشاء مكتبات بعدد كبير في معان، فكان ردّ الوزيرة غير متوقّع أبداً، الوزيرة طلبت منهم يستعملوا الانترنت في القراءة وتثقيف الناس في معان، بعد ما الوزيرة حكت هاي الملاحظة، الكل سكت.. وظهرت علامات تعجب على وجوه كل الحاضرين تقريباً.. الوزيرة اقترحت هاد الاقتراح لعدة أسباب منها التوفير ومنها تعليم الناس على استعمال الكمبيوتر في البحث عن المعلومات، ومع هيك السكوت “عمّ المكان”، يمكن ما عجبتهم الفكرة، أو يمكن ما عندهم نت.. الله أعلم.
شربنا في الاجتماع كاستين شاي، وبعد ما خلصنا، رحنا على زيارة ميدانية لإحدى مدارس البنات في معان، مديرة المدرسة كانت جايبة “مناسف” بمناسبة زيارة الوزيرة ووفد الوزارة للمدرسة، بعد ما لفينا كلنا في المدرسة والمديرة تحكي: أنا بناتي بتعلموا أحسن تعليم وأنا مدرستي حاصلة على جوائز وبلا بلا بلا.. دخلنا على صالة كبيرة، أعتقد إنها كانت صالة رسم أو مسرح قبل ما تتعبى مناسف، كان معنا مسؤولين كبار من معان بزي عسكري، وإجى حظي في طاولة المنسف مع 4 زلام بزي عسكري من معان، قبل ما يفتتحوا بوفيه المناسف كان بالي مشغول، انا بصراحة ما جربت آكل منسف بإيدي، وأنا في معان، كيف بدي أطلب معلقة؟ تفقدت المكان كله بعيني من غير ما أتحرك، أدوّر على حدا ماسك معلقة.. مافي. أدوّر على معالق هون ولا هون.. برضو مافي.
افتتحوا المناسف، وتاعون الزي العسكري بلّشوا ياكلوا، وانا خف عقلي.. انا مو من الطبقة الارستقراطية ولا يحزنون، بس فعلا ما عمري أكلت منسف بإيدي.. شغلة تعويد بس.
بكل شجاعة طلبت معلقة.. ويا ريتني ما كنت شجاع.. الكل صار “يرمقني” بنظرة غريبة، فحسيت إني عملت جريمة، أنا قلت انطخيت خلص بس واحد من الجنرالات صار يحكي: أهل عمّان يا سيدي ما بياكلوا بإيديهم بس في معان الوضع غير، لازم تاكل بإيدك.. الزلمة “شمّرلي” قميصي وصار “يفتفت” لحمة قدامي وحكالي: هيك منسفنا بتّاكل. أنا قلت خليني أجرّب، ويا ريتني ما جربت، خبصت الدنيا وعبيت الدنيا رز، والجنرال لسه “بفتفت” لحمة قدامي وهوه يحكي: هلا هلا في معان.. بس ما شفت ابتسامته لإنو شنبو كان مغطّي على نص وجهو، عندس تساؤل، لو ما كنت مرافق للوزيرة بهداك اليوم، هل كان الجنرال هاد شمّرلي قميصي بنفسه؟
المهم، انا حكيت الحمد لله شبعت، الزلمة ما خلاني أروح، ضل يحط لبن على الرز قدامي ولحمة، بس انا فقعت، لإني مو من النوع اللي بياكل كتير، اضطريت آكل كمان وأحكي الحمد لله شبعت، بس لا حياة لمن تنادي، كمان لحمة ورز ولبن.. صار دمّي كله لبن جميد.. هوه كان زاكي جداً بس المشكلة إني ما باكل كتير.
خلصنا من المنسف أخيراً، وقعدنا شربنا كاستين شاي كمان مرة، وبعدين انطلقنا بالسيارات إلى عمّان الساعة 6 المسا.
أعتقد إنو الوزراء بشكل عام بتعبوا كتير في شغلهم بما إنو في كل زيارة ميدانية لازم ياكل منسف لحد ما ينتسف، ويشرب 6 كاسات شاي ويجامل هاد وكل الناس تجامله، فعلا معهم حق يزيدوا رواتب الوزراء إذا كان الوضع هيك.
في النهاية بحب أحكي إنو أهل معان جد طيبين وبسيطين جدا ومعان مع إنها مدينة نائية نوعاً ما، بس أعتقد إنو الحياة فيها رائعة.. لولا المناسف اللي من غير معالق. 
No Offense Minister
أسامة الرمح
16th Of March, 2009
Rss
Linkedin
Friendfeed
Youtube
Twitter
Facebook
Deviantart
March 16th, 2009 at 7:14 pm
ta7shesh osama
3m ba7awel at5ayal el manzar el 5a6eer w sheklo jd beda7ek >>>>w 9ara7a jd ma3ak 7a2 y3ne sheklhom el wozara jd bet3abo fa ana ba2ool NA3AM LE ZAYADET EL RAWATEB…..wel ordon awwalan
March 16th, 2009 at 7:23 pm
المنسف مابتاكل الا باليد…..خدها مني يا زلمة…بس برضو الوزراء مو لازم ينزادوا الا ازا انزاد الشعب
March 16th, 2009 at 7:35 pm
والله انها حركه جريئه انك طلبت معلقه
هههههههههههههههههههههه
بس والله موقف جد تحشيش
شايف اديش الوزرا بتعبوا ؟؟؟؟
March 16th, 2009 at 8:28 pm
مان المنسف بدون ايد ما بنفع
March 16th, 2009 at 9:00 pm
y3na ok ana shishani bas y3ne mawaleed el ordon o aboi kol s7abo ordoneeyeh o bani 7asan allah yxaleehom .. o ana men wana walad o bakol b 2eede bas msh gader a7tarefha hae el sha’3leh lol
bas enu walla 7areega el wa7ad yakol b 2edo 
o y36eeha el 3afyeh wazeertna 
o yeslamo osama 3al gessa 
o sa7tain 3al mansaf .. walla shaheetni ya rajol 
March 16th, 2009 at 10:22 pm
هههههههههه لا عنجد رهيب يا أسامة،،ومناسف وبالايد،،بس بالله يعني ما انبسطت!!شكلك انبسطت ،بس ايش قصة الشاي هناك!!!
March 16th, 2009 at 11:02 pm
والله فرصة الواحد يعزمك على منسف !!!!!
March 16th, 2009 at 11:16 pm
شوقتني أصير وزير أكثر وأكثر
مصاري + مناسف + شاي
لو صحت لجدي ما مات
(لو ما كنت مرافق للوزيرة بهداك اليوم، هل كان الجنرال هاد شمّرلي قميصي بنفسه؟) اذا كنت ضيف عنده بشمرلك، الكرم الاردني بالأكل موجود بعنف لدرجة تصل إلى “اكرام الضيف دفنه من كثر الأكل”
الحمد لله ع السلامة، وصحتين ع المنسف
March 17th, 2009 at 2:15 am
الله يسامحك على هالعملة
، يعتي لو اكلت شوي و ما طلبت معقة كان احسنلك،
صحيح، الوزيرة اكلت من المنسف بأيدها؟؟؟؟
March 17th, 2009 at 11:32 am
3n jad 7elo elwa7ad y3esh youm fe 7ayat 3′ero 7ta yfhamsho ele bseer m3 mtl haik nas ya3ne wozara2 noab o haik ,ii wish that u have good time bs elsha3′lah ele laftat entebahe eno lasih bs el mansaf lazem ytakal bel2eed o ba2e el tab5at btetakal fe mala3k
ya3ne sho el3′areeb fe elmodo3 lao elwa7ad akal fe ma3la2ah ??????????
March 17th, 2009 at 12:50 pm
loooooool wallah 7eloo ele katbo ana ba7eb 7akyatak..hehehe m3k 7a2 be kol she 2olto …:-))
March 17th, 2009 at 1:37 pm
انا متأكدة انو هاي يمكن كانت احلى زيارة بتروحها بحياتك لانو الوضع يللي كنت فيه ما بتكرر الا نادرا وعالعموم عنجد حلوة اليوميه يا مان
March 17th, 2009 at 2:21 pm
بس شو قصة الشاي مرتين بكل جلسة:)
March 17th, 2009 at 3:25 pm
هلأ جد زي ما سأل محمد فوق…. بدك تقنعني انو الوزيرة اكلت المنسف بايدها؟؟؟؟ّّ!!!!!
March 17th, 2009 at 6:51 pm
3anjad sho 2eset el shay ele marteen!!!
ya3ne 3anjad alah y3een el wazeera 6 kasat bel youm w mafe 7amam zay el 3alam el wa7ad yesta3melo:P:P
March 17th, 2009 at 8:29 pm
أحيك أخي أسامة على هذا الإسلوب الرائع
وإسمح لي بنقل مواضعيك ووضعها في منتداي مع ذكر المصدر
كما أتشرف بإنظمامك لعائلة العباقرة العرب
http://www.arabgen.com
محمود الشقباوي
الزرقاء – الأردن
March 17th, 2009 at 9:47 pm
والله يا اسامة وضعك لوز لوز
انا وقعت من الضحك لا حتى فرطت من الضحك والله على كاسات الشاي
مان الوضع بمعان بده كمان زيارة عشان تصير (متعوده ديما)
وغلب حالك وجيب اللابتوب ابو ويارلس عشان ما تنقطع هناك
- بتذكر شبكة الانترنت بتروح وبتجي هناك
عالعموم لازم تجرب اختنا الوزيرة انو تودي بناتها تيدرسو هناك ابو فصل ونص بلكي صار عندهم انترنت على حساب الوزيرة
March 17th, 2009 at 10:15 pm
اكيد منظرك كان تحشيش و انت مشمر و بتاكل بإيدك الله يسامحك كان خليت حد يصورك كان اضحكنا شوي بس ليه كل شوي كاسة شاي بعدين بكل قعدة كاستين شو يعني فرض و لا عادات وتقاليد ولا شو؟؟؟؟؟؟؟؟؟؟؟؟؟؟؟؟؟؟؟؟؟
March 17th, 2009 at 11:42 pm
March 17th, 2009 at 11:55 pm
زمااااااااااااااان ما قرات كتابه منك كتاباتك لاني مهلوكه بجامعه والله
بس بتعرف والله انك ضحكتني على كاسات شااااي
بدي اصير اشرب 459606509 كاسة شاي يمكن تزبط واصير وزيره
ويعملولي وزارة شاي واصير الboss فيها
March 18th, 2009 at 11:18 am
كان مكتب فخم جداً وكبير وكان عدد الحضور حوالي (20 راس)..شو خرفان الجماعة هاهاهاها:lol:
THIS IS FUNNY
لو ما كنت مرافق للوزيرة بهداك اليوم، هل كان الجنرال هاد شمّرلي قميصي بنفسه؟
هممممممم,(دبور زن على خراب عش)والله لينسفك..:twisted:
أعتقد إنو الوزراء بشكل عام بتعبوا كتير في شغلهم…الخ
ياخي كتر خيرها اخدتك معاها واكلت منسف من وراها.وشربت شااااااي.وتوجبت اخر تمام..صحيح انك اكال نكار..8)
MAN this is SICK i LOVE it, its HILARIOUS …
March 18th, 2009 at 8:17 pm
لازم ناضل عشان ان ضل عايشين
March 18th, 2009 at 9:45 pm
نيالك طلعت ب6 كاسات شاي ومنسف!
March 19th, 2009 at 4:41 pm
مشكور اخي
علي المقال الرائع
http://www.link4soft.com/forums/
http://www.link4soft.com/
March 20th, 2009 at 1:40 pm
كله ولا المناااااسف بعرفش اكلها ههههههههههههه
March 21st, 2009 at 6:18 pm
إذا لم تجدوا خبزا.. فكلوا البسكويت
وإن لم تملكوا مكتبة.. فاستخدموا الإنترنت!
March 23rd, 2009 at 3:11 pm
والله شكلك انبسطة بالرحلة كتير لانك شارب 6كاسات شاي وماكل منسف ورايح مع وزير والله يهنيالك
ومعك على السدر ضباط جيش يا بختك والله ماحد قدك
نفسي التقي فيك بجفرا بروح هناك من حين الى اخر
March 25th, 2009 at 5:11 pm
ههههههه …
بس عنجد كتير بتعبواااا ..!
March 25th, 2009 at 11:29 pm
Cooooooooooooooool Osama
glad u had a great time
March 28th, 2009 at 3:19 pm
زياره بسيطه نوع ما مررت من خلاالها بلعديد من التجارب
ولكن بنفس الوقت لم تكن نتائجها رائعه لانه وبكل بساطه
” ما كان لازم تتطلب ملعقه وتحرج حالك لو قلت انك صايم احسن من هلبهدله قدام هلزلام بس يلا الواحد بتعلم من تجاربه طبعا هما الحين اطلقو حكم عام انو كل اهل عمان ما بعرفو ياكلو المناسف غير بمعالق غير انك حتصير حدث مضحك بحياتهم كل ما بدهم يضحكو حيجيبو سيرتك
نيالك لقيت طريقة تكسب فيها حسنات كثيرهههههههه”
استمعت بلقرائه
دمت بود
May 21st, 2009 at 2:54 am
طول ما انا اقرا الموضوع كنت بحسب عدد كاسات الشاي.بس شكلهم الناس كرما بما انه في كل جلسة لازم كاسيين. وبالنسبة للمناسف مرة ثانية بلا ما تنفضح اعمل منسف في البيت وجاول تتعلم تاكل بالايد.
May 29th, 2009 at 2:39 am
ههههههههههههه قصتك قصك!!!
صارت معاي.. بس أنا كنت رح أنطخ هههههههههههههههههههههه
http://www.mohor.net
June 4th, 2009 at 4:25 am
شكراااااا مقال رائع يا اخي العزيز
http://www.link4soft.com/
http://www.link4soft.com/f2.html
August 12th, 2009 at 8:59 am
يا أسامة الرمح معالي الوزير مش انت و لا انا اللي منحكى عليه و ما تفكر قليل عليهم لانه ابن الدوله و ممثلها و اتحداك اذا بتعرف بنص شغله او ربهه انا ما حكيت هيك الا من حرقتى على كلامك اللى” بالاءل و الاءولنا و يا حرام يا فافي اكيد دياتك تحرؤؤ” و مش انا و انت اللى منحكي ومنقيمه, اما معان يا اسامه هاي مصنع الرجال و فزعة الهاشمين و فزعه لا كل اردني و اردنيه و اكيد كل واحد بيدخل معان لا زم ينقام بواجبه و اكيد ما بيطلع الا مبسوط.
August 29th, 2009 at 9:34 pm
ma ana saken fe m3n bdrooos feha o ma sha2 allah ahl elkrm wejoood
welmnasef mjlaleh allah b3na
3alkrm
la2 bs ma m3ak 7a8 3ndhom mrakez net kteeeeer \
bs mawdoo3 jmeeeeeeeel jda
August 31st, 2009 at 9:08 am
مش مستاهله بس بيهمنا رائى شباب و صبايا جامعة الحسين
September 28th, 2009 at 1:13 pm
حاسة انك كذاب او بتبالغ شوي او كثير لاني بعرف معان مزبوط ومافي هيك شي بعدين بهيك مناسبات ما بيعملة مناسف بعملوا بخاري باللحم البلدي