يوميات بني آدم الحلقة السابعة – دعاية 0900
هوّه صحيح اعتزلت شي اسمو تلفزيون من زمان، بس أحيانا بحنّ ومين ما بحنّ ؟
بترك الموبايل بغرفتي، وبترك الانترنت وبترك المسنجر يحكي مع حاله وبسحب حالي عالغرفة التانية أحضر شي فلم عربي تافه وأقنع حالي إنو الفلم فيو فكرة، وأقنع حالي إنو الفلم صح وأنا غلط، أقنع حالي إنو الشرطة لما تيجي بآخر الفلم تحلّ المشكلة كلها ويخلص الفلم إنو في سبب مقنع جاب الشرطة فعلاً، مع إنو المشهد اللي بتيجي فيه الشرطة بكون في الصحرا أو في مكان مستحيل حد يوصله، بقنع حالي إنو المخرج فكّر بسبب مُقنع يجيب الشرطة “تقبض” على الشرير، وفجأة بتظهر البطلة وبتبوس البطل وبخلص الفلم.. أغلب “إذا مش كل” الأفلام المصرية القديمة هيك.. شكله نفس المخرج عمل كل الأفلام هاي.
المهم، ولما أكون “مندمج” مع الفلم بتطلع فجأة دعاية “من غير مقدمات”، بتطلع بنت يا حلوة كتير يا بشعة كتير بتغني: زيرو 900 وكمان 9 900 تربح 10 آلاف جنيه.
أنا بصير شكلي زي سمايلي المسنجر هاد 
والمشكلة إني بصير أغني معها، حفظت الدعاية وحفظت اللحن وحفظت الكلمات..وأشياءً أخرى.
بتخلص الدعاية هاي بطلعلي واحد بطل مصارعة حاطت الحزام الذهبي على كتفه وببلّش يقول: إنتا!! عايز تخسّ..؟ إنتي!! عايزة تبقي زي دول..؟ اتصلي بيّا. وكمان زيرو تسعميّة وابصر شو باقي الأرقام.
بعد ما تخلص هاي الدعاية بتطلع دعاية تانية بتحكي: عايز تعرف بُرجَك؟ (طب منا عارفه)، عايز تعرف مواصفات بُرجَك إيه؟ (طب منا بطلعه من غووغل)، عايز تعرف رقم حظك كام وحَجَرَك الكريم إيه؟ (لا كتير هيك)، اتصل على زيرو تسعميّة تيت تيت تيت.
بتخلص هاي الدعاية بتيجي كمان دعاية بنت متخلّفة بتصير تصرّخ: علي يا علي يا علي اتصل بيا يا علي على زيرو تسعميّة.. (طب بلكي اسمي مش علي؟)، وبالأخير بتغمز للشاشة وبتحكي بدلع: انا هُدى. (طبعاً شكلها مُش هُدى بالمرّة، شكلها فَوزية.. شلبيّة.. زبالة).
ربع ساعة دعايات فيها 6 أو 7 دعايات بس من تبعون زيرو تسعميّة، وبعدين برجعوا يكملوا الفلم، أنا شخصياً عند الدعاية رقم 3 أو 4 بكون فاقع ومجلوط وبقوم من الكنباية بحركة سريعة من القهر، ولازم أخبط بإشي وأنا قايم، بعدين بسبّ على الفلم وعلى الدعاية وعلى هُدى وقناة ميلودي وبسبّ على حالي وبروح أنام.
قال شو.. قال أنا هُدى.
أسامة الرمح
19th Of Dec 2008
هههههههههههه رقم تلفوني 0900 وكمل من عندك
بس والله معاك حق على فكره انا اعتزلت التلفزيون من فتره يعني بدي احضر شي بنزله من النت وبحضرو
hahahahahahahaha
yea that’s right wallah
ana nset kef shakel el TV ta3na
ههههـ .. والله قنوات وبدها تربح !!
للأسف المشاهد هو ضحية هذه الإعلانات الكاذبة وللعلم مجرد الإتصال عليهم، وفوراً عند إتصاله بصير سعيد ؛ ما بعرف انه بآخر الشهر رح ينجلط من الفاتورة ـ-_ أن رأيي لازم ما ندعم هذه القنوات الفاشلة الي هدفها التجارة فقط دون إفادة المشاهدين !
وشكراً
والله يا مسيو أسامة معك حق… عنجد كثير زودوها هيك
الفلم صار هو الفاصل اللي بيجي بين الدعايات
الحمد لله إني ما بحضر إشي غير المباريات يعني هالربع ساعة اللي بين الشوطين يتهنوا فيها
hehe i like the way you write.. interesting diary..
these ads are really driving me crazy but one cant get them out of mind..
للاسف اغلب القنوات العربية ما عندها سياسة للدعايات اللي بتعرضها، والمعلن ما عنده اي فكرة عن فلسفة التأثير في الدعاية، ومنفذ الداعية شخص ليس له دخل بهالكار، واللي بيطلعو في مثل هالدعايات أشخاص لا يمكن أن يكونوا طبيعيين…
والمحصلة أشخاص مفلوقين امام شاشة التلفزيون أو مرارات فاقعة عالآخر
بصراحة!!! انا كل اللي عاجبني بهالموضوع اني عشت شفت الحلقة السابعة من يوميات بني آدم قبل ما اموت من دعاية هذا البرنامج برعاية بنك الاردن
صدق يا أسامة إني مرات بنسى إنو كان في فيلم من كتر الدعايات
وشو قصة الرقص إلي داخل بكل شي
رقص بالدعاية ورقص بالفيلم ضايل يطلعولنا رقص بالأخبار
والوحدة فيهم مش مخلية مكياج ومش حاطاه واللبس حدث ولا حرج
بالاخر الواحد بطلع بتفرج مش عدعاية بتفرج على كباريه
ههههههههههههههههههههههههههههه
انا من زمان ما فتحت على قنوات الاغاني..
بس على قنوات الmpc`s شغال..
احلى اشي انو اغانيهم بضحك واشكالهم مسخرة العادة..
بعين الله يا سامو..شو بدنا نعمل !!
بدهم الناس الفاضية تكسبهم مصاري !!
هههههههه
طبعا ما لازم نضيف اي تعليق بعد كلامك لكن بصراحة حطيت ايدك عالوجع والوضع اللي بيجلط
من ناحيتي بصراحة من ناحيتي انه بطلت اضيع وقت عالتلفزيون
ma heye lel2asaf 9arat tejarah,w tejarah morbe7a kaman, la2eno fe kteer nas 2alelet 3a2el bteta9el fehom 3ala 0900 w mfakreen enhom ra7 yejebo eldeeb men delo,mish 3arfeen eno home elle jabo men deilo..
w hay lessa fe ra2ye enha al3an men tejaret el3abeed zaman,la2enha hay motajara fe elbashar w elsharaf bs be6aree2a `3eer mobashara…….
اه والله معك حق
شي برفع الظغط وبجيب القرف
ملل فظيع
واعلانات اسخف من هيك ما في
كل دعايات كوم ودعاية كرشك مدايقك انسىىىىىىىىىىىىىىىىى
عايز تخس وعايزة تكون واثقه بنفسك اتصلو بيا
طيب ماهو شكله بخوف الله ياخد الي بده يحكي معه عشان يزبط جسمه
بلاول قبل ما يعمل دعايه يخليه سنحته لطيفه شوي :>
مقال لطيف
3n jd mu m32ooleen eld3aeat…w f3lan elwa7ad bensa 2no kan b7dr film 2slan…..
سلام
بدك الصراحة لو كانت هاي الشغلات ما بتيب سوقها ما كانت انتشرت بهاي الكمية الهائلة فالعتب مش على القنوات بس , كمان العتب علي بقظي 10 سعات وهوه على شاشة التلفزيون واول ما بشوف الدعية بروح وبتصل!!!!!!!!
ومن الناحية الاخرى في لسه قنوات محترمة الواحد ما بنجلط (على قولك) بس يحط عليها
سلام
بكرا تطلع وحده تقولك : عايز تشوف مدونة اسامه الرمح , اتصل على زيرو 900
LOOOOL
اصلا في اكتر من عشر افلام ما عرفت نهايتها بنسى انو في فيلم
خاصة ميلودي افلام قال شوووووووو ميلودي تتحدى الملل لا لازم يكون (( ميلودي تجلب الملل)))
have you seen :
زكي يا زكي يا زكي زكي يا زاااكيي
and the people dancing behind the girl!
DONT MISS IT !
and the
جوايزنا نقدية .. و كمان عربيييةةة
تلاتة تلاتة وااااااحد
wallah it’s a good way to LMAO sometimes
أقول ردد:
يا ليل…مطولك
ولا حياة لمن تنادي الله يخلف علينا من هالدعايات
هى هى هى هى معك حق الواحد بحس حاله متابع الدعايات وكل شوي بيقاطعوه بحطوا مقطع من فلم
شو هاد ، اشي بفقع عن جد
والله يا أسامــــة … هو معك حق 09000%
بعدين إشي طبيعي لما تحضر فلم مصري تنجن … و تنجلط … هادا منيح إزا ضليتك عايش عادي … او بصيبك كوابيس ( مصرية )
و أحلة إشي بالفلم … لما واحد يضرب التاني ( بكــس أو تشف )
بطلع صوته بعد ما يخلص الفلم …
نصيحتي إلك … إزا بدك تحضر … إحضر (أمريكي )
غير هيك إنسى …
شو جاب لجاب … من هوليود لل أهرامات … looooool
ههههههه
كله كوم وبوبي وصاحب التايت الاصفر كوووم…..فقعوووو قلبي:x
انا مقاطعه هاي المحطه اصلا..بقطعو الدعايات بالفيلم مش العكس
ساعه دعايات وربع ساعه فيلم
hehehe…nice
هههههه
اسلوبك بطرح مميز تقوم بجذب العديد من الاشخاص
ليقومو بقرائه ما كتبت وهم مليئون بتشويق لمعرفه النهايه
وانا احد هاولاء الاشخاص
واشكرك على كتاباتك المميزه التي تدخل البهجة الى قلوبنا
وبالنسبه لقضية الاعلانات ما بتلاقي قناه الا وموجودين فيها
بالنسبه لي ما بقعد على التلفزيون الا نادر جدا وعلى شي معين بدي اياه
-نصيحه اوعى تفكر تغلط بيوم وتترك النت وتروح لتلفزيون يا اما نت يا اما نام وما بدك هشغله كلها-
وهيك شفت بعينك نتيجه قرارك هاد
هههههه
عادي في الاف المحطات والقنوات ،ببساطة ازا ما عجبتك واحدة شوف واحدة تانية، اهم شي صحتك ولا تنجلط ولا على بالك
hehe te3jbny ya 7aj osama
معك حق انا اعتزلت التلفزيون من 5 اشهر تقريبا وتفرغت لدراستي بتضل تنفعني اكتر من دعاية زيرو 900 ………..
ههههههههههههههه انا بس اسمع اغنية زكي يازكي باخد حبة تحت اللسان .وزكي يا زكي يا زكي !!!!!
بصراحة أخ أسامة قصتك مع ميلودي كل الناس بتعاني منها
…… يللا هيك الحياة شو بدنا نساوي!
مثلا انت رحت نمت واحد ثاني بطبش التلفزيون واحد ثالث زي حالاتي بشرب بريق شاي و بخلص بكيت دخان و هو بستنى بالكنترول تبع ميلودي يحن علينا و ينهي دعاياتهم السخيفة……
بس بدك الصراحة :
كل إشي بتكتبه: أنا و كل صحابي اللي منتابع مدونتك منظلنا أسبوع و احنا نسولف عنو و كل ما نتذكر نصايحك قبل زيارة الأردن بنسخسخ من الظحك
على كل حال سلمت يداك ….. و بوركت أناملك ……
طيب انا معاكم ان الاعلانات سخيفه مرررررررررررررررررررره
والافلام مافى فكره خالص
بس نفكر شويه مع بعض اذا هذي القنوات ماعرضت اعلانات سخيف زي 0900 كيف تكسب وتظل شغاله عشان تعرض الهباب العربي
وبتالى ينسطل الى بيتفرج ويبطل يفكر يعني وبصراحه لو كان الاعلان فيه وحده حلوه ولا بشعة ما تفرق كثير…
والمهزله مستمرة
وما خفى كان اعظم
يعني صراحه ضرورى نعذرهم
والله يهدى الجميع
if you like to have some fun please call 0900 ####
ههههههههه
انا هيك بعمل 
الدعايات شر لا بد منه ولا كيف القناة بدها تمشي
بس انا لقيت حل
يعني ازا الواحد بتابع اشي بشكل دائم سجله و بعدين شوفه من الاول و مشي عن كل الدعايات
و اني وي مش بس القنوات العربيه مليانه دعايات القنوات الاجنبيه كمان نفس الشي
بس انا معك انه فيه دعايات سخيييييييييييييييييييفه و بترفع الضغط
و انا كمان ما بتابع تلفزيون الا اشي يفيدني دنيا و اخره
والله كله صاير شبه بعضه بهالتلفزيون حتى تبعون الدعايات وكلها برامج وأفلام سخيفة وبقلدولك كل الأفلام الأجنبية!!!!
بس بالأخير التلفزيون شر لا بد منه – بده يستحمل الواحد ازا بدو يحضرلو فيلم بالأسبوع!!!
hhhhhhhhhhhhhhh
من كل التلفزيون يا اسامه ما لقيت الا ميلودي ؟؟
اتحمل لأنو انتا اخترت
حبيبي يا أسامة صحيح انواللي بتحكي مزبوط لانو مش بس ميلودي كل القنوات هيك
و الله اخي الكريم انك صادق
يعني لا افلامنا و لا قنواتنا الفاشلة الها هدف
هدفها نشر التفاهة و الخلاعة
يعني بتمنى اشوف فيلم بيخدمنا او إلو هدف بيخش الدماغ
لكن للأسف ما في اهداف لافلامنا العربية
الله يعينا على إعلامنا اللي مش عارف يعمل شي
تقبل حبي و سلامي
هلأ كل واحد ما عندو شغلة اشتغل بالتلفزيون
الله يعنا
فضيع يا اسامه جد الله يحميك
ميلودي .. تتحدى الملل
هههههههه عادي ما هو تعودنا على هالهبل بالتلفزيونات العربية ! جماعة مصدقين حالهم سيبك منهم
طب ما دام كل القناة قرف ومسخرة بتجبروا حالكم انكم تشوفوا اشياء سخيفة ومسخرة ليش؟؟؟
انا بعتقد في اشيا اهم واولى انو الواحد يشغل حالو فيها مو افلام ميلودي وزيرو 900!!!!!!
والله يا جماعه ما في غير لما بدكم تحضروا افلام تجيبوا سيديات او تنزلوا عن النت احسن الكم ولصحتكم ولاعصابكم بيكون الواحد مشدود بدو يعرف شو بدو يصير بروحوا بحطوا دعايات والمشكله بتلاقي افلام والله بتجلط بتخزي ما بتلاقيها الا حصلت على اكبر نسبة مشاهده او اكبر ارباح واخدتلها جائزة من الجوائز ولا الدعايات قال واحد عم بمشط على المراي قامت انعكس ضو على وجهه تخيلوا شو السبب؟
صاحبه من البيت التاني ملمع كندرته وصارت تلمع كتير لدرجة انها عكست الضو
مسخرة
هههههههههههههههههههههههههههه
بطلنا تلفزيون زماااان
الدعايات بتعمل شلل رباعي فعلاً وبتخليك مش بس تحفظها وعمرك ما تفكر انك تطلي لا زيرو ولا تسعميه بتتشاءم من الرقم
زكرتني بالتلفزيون , ئبل فترة خلصت امتحانات الفاينل بالجامعة وبلشت العطلة , لئيت انه الوالد فاصل النت , يعني ما كان عندي خيار غير التلفزيون والمطالعة , ئضيت اول يومين ئدام “التي في” بس متت وانئهرت كنت احضر 5 دقايق مسلسل , وتلت ساعة دعايات تافهة , بالاخير فضلت الكتب على “التي في” , واستسمحت الوالد يرجعلنا النت , لانه بطلت العيشة عيشة بدونه , ولك تقديري واحترامي…
لو وقفت عالاعلانات بسيطة عملوا قنوات خصوصي عشان الهبل هاد على اساس انهم بربحو فلوس بالهبل و بحطو اسئلة سخيفة حتى الواحد يتصل …. يعني من بين كل 5 قنوات عادية بتلاقي قناة الاحلام الي رح تخليك فوق الريح بس ب (( كبسة زر )) على قولتهم والله شي مسخرة ولا البنت بتكون بتشبه _____ واميص منها ما في.
ولا انتو شو رأيكم؟
والله بتزكر مرة قررت اعد كم دقيقة للمسلسل وكم دقيقة للدعاية ،،، اجا المسلسل 10 دقايق و ربع ساعة الدعاية ،،ويرجع المسلسل مرة تانية بيزودوه دقيقة قال يعني 11 دقيقة و الدعاية نفس ما هيي ربع ساعة ،، طبعا جلطة الا شوي الدعايات ،، و ما في ازنخ من دعايات الام بي سي و ميلودي افلام وروتانا سينما ييي شو بيطولو فيها
شكرا اسامة عالموضوع
hi usama
very good
thanks
your comment is
الاعلانات وسط الافلام اكثر شي خلاني اكره التلفزيون واذا بدي فيلم بروح اشتريه او اشوفه على النت .بيجيبو النوم من كثر الاعلانات الهبلة .والمشكلة انك بتشوف وشوش الله اعلم من وين بجيبوها شكلهم عمدا بدهم يطفشونا
hahaha hada bzabt sho bseer ya 2lahe sho haad o b2ole el 3arb 2hel tatwor o toknologya bs bdhm yksabo FLOOs o salmtk la 2l sha3b etafran salmthom o na3na3
الله هههههههه والله ضحكتوني ما ازنخم في العادة وانا ماما لما تطلب مني شي متفقين اعملو بالدعاية بس فترة زهقت وبطل اتابع كتير وبعدين انتا بتكون تحضر فجئة بتيجي دعاية ولما يخلصو الدعايات انتا اصلا بتكون ناسي عن ايش بحكي الفلم
الله يعينا ناس فاضية ههههههههه
يبني يا اسامة يمكن
انت علي
وهي هدى بجد
كنت اتصل
يمكن
تخيلو يا جماعه انا مره كنت بحضر بالدعايات قطعوها و حطو فلم يا سبحان الله (هههههههههه)و بعدين الصدف الهنديه كترانه بالافلام اكيد سبحان المخرج الي بخلي الشرطه تيجي بعد ما يخلص البطل من كل شي و يقضي على الاشرار
جد جد حكيت اللي بنفسي ميلودي دعاياتهم وفواصلهم اشي بخزي الله بعينا بس ما زلنا نبحث عن قنوات بتقدم اشي منيح