يوميات بني آدم 12 – رحلة إلى واحة الأزرق 
أحيانا بخطر ع بالي أغير جو وأطلع برّا عمان، وكل لما أطلع برا عمان مع أصحابي لازم تصير نهفة.. يا مقلب يا طوشة يا مصيبة.. المهم لازم يصير شي مشان ما ننسى هاي الرحلة.
حكت معي صديقة إلي وحكتلي إنها بدها تستأجر سيارة وتطلع مع صاحباتها على البحر الميت وأروح معهم.. يا بنتي بطلعش مع 4 بنات لحالي، ﻷ أسامة خليك كول، يا بنتي ما بحب، طب أسامة شو فيها؟.. المهم وافقت إني أروح معهم وبما إنو ما زبطت شغلة إنو نستأجر سيارة أخدت سيارة “أبوي” وخليت البنت تسوقها لإني ما معي رخصة.
قبل ما نتحرك من عمّان، فتحت عالنت أشوف شو في أماكن في الأردن غير البحر الميت ممكن الواحد يروح عليه، فتحت على موقع تابع لوزارة السياحة “الله يخليلنا إياها ولا يحرمنا منها” ولقيتهم حاطين معلومات وصور عن “واحة الأزرق”.. اللي بشوف الصور بحس حالو رايح على ميامي، انا قلت يسعد الله والله عمري ما رحت على واحة الأزرق، نفسي أزور واحة وأشوف لون المي فيها والشجر حواليها.
مسكت الموبايل وترن على البنت وحكتلها عن واحة الأزرق وعن الصور اللي شفتها وإنو هناك في خدمات سياحية وأشياء حلوة.. وافقت وغيرنا رحلتنا من البحر الميت لواحة الأزرق.
أخدنا طريق الزرقا، ووين في يافطة مكتوب عليها كلمة الأزرق نمشي وراها.. وصلنا الزرقا، لقينا معالمها تغيرت كليا مع الحفريات والتحويلات اللي بتصير هناك.. صفّينا مقابل المجمع القديم، ونزلت أشتري شريط كاسيت من المجمّع.. معلش السيارة ما بتشغل CD .. رجعت لقيت الشرطي بحرّر مخالفة اصطفاف مزدوج.. وأكلناها 15 ليرة.. بداية مُفرِحة لرحلة طويلة.
كملنا طريقنا باتجاه الأزرق.. هﻷ كان مكتوب في الموقع إنو الأزرق تبعد عن عمّان 65 كيلو.. بس إحنا ضلينا سايقين بالسيارة 200 كيلو لحد ما شفنا يافطة مكتوب عليها “الحدود السعودية 15 كيلو”.. يعني بالعربي كان باقي 7 دقايق ونص مشان نوصل عالسعودية.
طول الطريق واحنا ندوّر على أي يافطة مكتوب عليها واحة الأزرق مافي.. طب الأزرق من غير واحة مافي.. طب أي شي يدل إنو إحنا لسه في الأردن مافي.. كله مكتوب عليه الحدود السعودية.. الحدود العراقية.. لفينا ورجعنا وعلى طول لقينا يافطة مكتوب عليها الأزرق 25 كيلو.. مشينا في الطريق ووصلنا منطقة الأزرق.
دخلنا على المدينة عند المحلات والمطاعم، وتأكدنا إنو إحنا لسه في الأردن.. رحنا وقفنا عند مطعم سياحي فاخر نسأله عن طريق واحة الأزرق اللي فيه ميّه وشجر وأشياء حلوة.. دخل محسوبكم عالمطعم، ولقيت الجرسون وسألته: بالله لو سمحت أنا جاي من عمّان وبدي أروح على واحة الأزرق، كيف أوصله؟
الزلمة رَمَقني بنظرة غريبة وصَفَن فيي وضل ساكت شوي.. بعدين صار يضحك وحكالي: واحة الأزرق تبخّرَت من 11 سنة يا زلمة.
أنا خف عقلي وصار شكلي زي ماروكو، رجعت وحكيت للشلة اللي معي إنو الواحة تبخرت من 11 سنة وأنا في قمة الإحراج.. رجعنا لعمّان وطول الطريق يضحكوا علي.
أسامة الرمح
21st Of March 2010
الله يخليلنا اياها وما يحرمنا منها……ماروكو طبعا
loooooool
ههههههههههه ولسااااا،طيب وليش بالله محطوطة على موقع الوزارة وجاي يالبلد جاي!!!
انا بصراحة ما سمعت عن واحة الازرق من قبل .. بس كسبنا منك معرفة انو واحة الازرق تبخرت من 11 سنة
hahhahahahahahahahahahahah
9ar ma3i nafs el mawkef lama ro7t 3ala lebnan 2oltelhom bedi aroo7 a3mel rafting be nahr el Asi o 7akoli enu etbakhar bas ana dallet muserah o ro7t o la2eet el nahar o makan metbakher
bas 2oltak aJJI y5ali wezaret el seya7aaaaaaaaaaaaaaaa
Ameeeeeeeeeeeeeeeeeeeeeeeen
HAHAHAHAHAHAH 7elwee kteer rllly:D:D:D
احلى شي…. صار شكلي زي ماروكو
كتيييير بستخدم هاي الجملة
ههههههههههه
والله روعة يا اسامة
يلا يا سيدي ازا ضحكوا عليك ولا اشي انا لو مكانهم لنزلتك هناك وروحت
هههههههههههههههههههه
حلوة كتير
شايف كيف الوزاره دايره بالها عليكم
الله يخليلكم اياه
hhhhhhhhhhhhhhh
looooooooooool
عنجد تحشييييييييييش قال واحة الازرق ؟؟؟!!
انا اصلا ما بعرف انو في واحة للازرق مهية كلها صحرا ؟؟؟
يللا مش مشكلة المهم غيرت جو !!!!! ولفيتو بالسيارة شوي !!!
والله لو كنت معاكم كان متت من الضحك
ووزارة السياحه ليه عامله يافطه في النت
لكن الرحله كانت حلوه اكيد
ههههههه هاي مو رحلة هاي سمة بدن الله يسامحك بتعرفش انو الويب سايت تاع الوزارات ببهر شوي بس عشان يقنعو المواطن الاردني بشغلات خيالية وغير هيك كيف ما معاك رخصة هذا طلعت زيي يلا بنطلعها كمان عشر سنين شو ورانا هههههه
يااااااا حرام مش مقلب ،،، ههههههههه تعيشوا وتاكلو غيرها
Hahahaha, ya maskeen ya Osama… ya zalameh iza el ba7ar 3enna mayyit beddak tlagi fe 3enna WA7AH la2 w jamba 5adar w shajar !!! ,,, ayy walla sa3ebeh ya man !!!
3 kull 7al ,… el 7amdllah 3al salameh =
Wolf Zain
الواحة ما تبخرتش ! موجودة .
أو بالأصح بقايا الواحة لا زالت موجودة ، وأنا زرتها أكثر من مرة .
الواحة تعاني حالة استنزاف لمواردها المائية ، لأن معظم المياه تذهب لري عمان!!
غير هيك يعني في حدا براسه عقل بيفكر إنو الأزرق بعيده عن عمان 65 كيلو!
إلّي عليك علا.. بس بما إنو الشغلة فيها 4 بنات .. ما بتفرقش الواحة جفّت ولا بعدها مليانة مي.
ومليح الي ما فتتو جوا السعودية ، ولا كان أخذوك أقاموا عليك الحدّ .. وأخذوا الأربع بنات سبايا.
هههههههههه
جد ضحكتني اسامة
حبيتك يا معاذ….
الواحة موجودة بس الجرسون سرح بصاحبنا الرمح.. له له يا زلمة..
http://aramram.com/episode/564
مضحك جدا
تسلم اخوي
دعم فني
هههههههههههه
وياما حتشوفوالاهمال.في كتير مش في السياحه
الله الهادي
الله المستعان شكر.لك
loooooooooooooooooooooooooool
و سمعني سلام ماروكو للصبح
تعيش وتاكول غيرها
المشكلة إنه البنات ما لاقوا غير أسامة يطلع معهم على الرغم إنه كاتب مقالة عنوانها معقول عملها وائل كفوري، شكله كان عايش الدور.
والله يا أسامة ما بعرف على إيش أعطوك جائزة أفضل مدونة بصراحة حاولت أطلع بشيء مفيد منك بس ما استفدت شيء غير إنك ناقم على البلد وما بيدك حيلة، لكن حاول بدل ما تضيع وقتك بشغلات فارطة تقرأ وتشوف العالم لوين وصلوا، الناس عم بتفكر بكوكب جديد تعيش عليه !!!! بتعرف ليش؟؟؟ أكيد علشان في ناس بتعطي لواحد زيك المرتبة الأولى في المدونات.
الله يعوض عليك، على فكرة اللي زيك بعيش على جراح الناس بس ما بداويها.
مغترب انت شخص متخلف جدا والمدونين وقارئيهم في الأغلب هم ناس محترمين مش زيك.. كيف دخلت البنات و وائل كفوري بالموضوع؟!
Osama thx a lot man jad il blog post mosally jeddan o feyyo fekra qaweyeh
insa il mogtareeb hada sheklo bany2adam mo3aqad nafseyyan
انا بصراحة ما سمعت عن واحة الازرق من قبل .. بس كسبنا منك معرفة انو واحة الازرق تبخرت من
http://www.7mmel.com
http://www.7mmel.com/vb/
حصل على الجائزة العالمية للتدوين !!!
أول زيارة لي للمدونة للتعرف على ممثل العرب وفي أول مقالة يحكي عن مغامرته مع أربع فتيات خارج عمان !!
هو مفكر ليبرالي كما سيرد وهو يعتبرهم أصدقاء ، كما لو أنني دعوت اخته للخروج معي للبحر الميت فلن يرفض بالطبع…
السؤال: لماذا يتم اختيار هذا الشخص كافضل مدون في العالم ؟
الجواب: لأنه يمثل كل ما يطمح الغرب لتحقيقه بهدم آخر القلاع الحصينة في هذه الأمة النافقة المنافقة…الشباب.
وفقك الله يا أخ أسامة والى الأمام!!!
يعني يا شباب اللي مش عاجبه المدونة مع السلامة
ليش التجريح
أسامة بيعبر عن رأيه و الحالات اللي بتصير معه و هو حر
وليس مطلوب منه أن “يداوي الجروح” كما يطلب البعض
فهذه مدونة وليست البث المباشر أو أمن FM
بالتوفيق يا أسامة يا رائع مع أنني لا أتفق معك في كثير من الآراء
المهم طشيت مع الصبايا و لا هذا لا يعتبر مشوار؟:)
كل التحية لك اخ اسامة
osama allah yesam7ak el 7a2 3aleek law 7aketle kan a5adtak 3al wa7a o bel monasabeh el garsoon a3tak ma2lab
la2no fee wa7a tab3a lal ma7meyah el ma2eyah tab3et el RSCN b3deen kol el FB taba3e malyaan sowar elha ma sa2alet lesh ?????