يوميات بني آدم 10 – قمة الأرق
بتكون الدنيا حر بتنام بتصحى بتلاقيها عم بتمطّر، وبعدين مع هالشغلة؟ بتنام مرة تانية بتصحى بتلاقي الدنيا نار، مش مشكلة عادي، إجى الصيف مع إنو غريب شوي هاي السنة بس المهم إنو إجى أخيراً مشان نعرف راسنا من 
رجلينا.
أنا شخصياً مافي بيني وبين الصيف أي عداوة، لحد أول مبارح، اتزكرت إنو في تار بايت بيني وبينه.
كنت نايم بالليل بأمان الله، تعبان من الشغل وهلكان وبس بدي أرتاح، حطيت حالي على الفرشة اللي حاططها على الأرض ونمت. لا تخافوا عندي تخت بس بحب أنام على فرشة دايركت.. المهم هديك الليلة نمت 6 ساعات وصحيت خلالهم تقريباً 50 مرة بسبب “البعوض”، هاد اللي ما كنت عامل حسابه.. إنو الصيف بيجي وبجيب معه البعوض، وهاتلك يا قرص، كل شوي بعوضة، كل شوي بعوضة، ما خلّوا قطرة دم بجسمي إلا وشربوها، شكلهم بعوض من ذوات الدخل المحدود أو من الطبقة المتدنّية.
يمكن أحد أكتر الأشياء اللي بكرهها إنو حدا يصحّيني من النوم لما أكون تعبان، بس البعوض ما استوعب هاد الشي، قمت من النوم معصّب وصرت أتحلّف للبعوض، كل شوي أضرب إيدي في الهوا وأوقع على الأرض، أقوم أحاول أضرب البعوضة أوقع على الأرض، رجعت نمت رجع البعوض استلمني، تقريباً كرهت حالي.. وطول الليل على هالمنوال.
تاني يوم رحت جبت هاد الجهاز اللي بنحط فيه اشي لونه أزرق وبشبكه في الكهربا وبطلّع ريحة حلوة بتقتل البعوض، تأكدت قبل ما أنام إنو الغرفة تشبّعت بريحة هاد الإشي وتأكدت إنو الشباك مسكّر وإنو مافي إشي بطير في الغرفة، ورحت نمت برضو على الفرشة وبرضو عندي تخت بس بحب أنام على فرشة دايركت..
وبرضو كنت ميت تعب وبس بدي انام، وبرضو نمت 6 ساعات وصحيت بدل الـ 50 مرة 100 مرة مستغرب ليه ما قرصني البعوض !!
فعلاً.. هاد هوّه قمّة الأرق.
أسامة الرمح
21st of May, 2009
man same beseer ma3ee man
حل الأرق انك تشرب زعتر >> مقتبسة من احد الختيارية الي عندنا بالحارة .. ما علينا
الأحلى انك اشتريت الجهاز بس على فكرة اسمه بالانجليزي VAP ..
اعطيتك الإسم احتياط لو حبيت تاخذه على الصيانة مستقبلاً
ما علينا المهم ! .. مرة تانية بتنام على التخت وبتركب ناموسية !! هههههه
فرصة انه نعملنا شركة بخاخات لقتل الحشرات اتوقع انه مشروع تجاري على هالصيف ولا شو رايك 
..
= بس جد عجبني انك المرة الاخيرة صحيت عشان كنت مستغرب ليش البعوض ما اجى !! هههههه
او ليش !! شكلهم الحشرات مفكرين يعملوا استعمار او احتلال لمنازل المواطنين هههههه بس خذ مني وانا اخوك احنا اقوى منهم
بس بيني وبينك اذا انهم الحشرات بدهم يرفعوا الاقتصاد فانا معهم
على راسي أسامة وشكراً إلك لكتابة هذا المقال الرائع
على فكرة والله قبل ما بلش اقرا الموضوع كنت بحاول اقتل بعوضة جننت اهلي وهي بتلف وتدور
شكلها بتختار وين بدها تقرصني .بس ما لحقت .وانا خايفة انه اخوانها بها الليلة ينتقمو مني .يسلموو اسامة مقالة رائعة فعلا 
الباعوض
أكتر اشي بكرهو بالصيف……..
يا حرام لا هيك خلصان ولا هيك خلصان بس ازا الناموس حبك شو نعمله بسيطة بتهون يا صديقي
بتعرف شي, نيالي…. البعوض ما بسترجي يقرب علي, ربيته منيح …
قبل سنتين مره إستلمني البعوض, النكته صحيت الصبح لقيت على الحيط إلي جنبي 3 بعوضات مفعوصين …. ما بعرف كيف بس شكله ضربات عشوائيه …..
hahahahhahahhahahhaha kteeeer 7lwiiiiii el makal……ya mskiiin ya soooma shu hal noomi hay hehehhehehhe
really nice one osama…bs el mohem ennak ma betbgares hala2
ااااااخ خخخخخ بس ولك حلي عني ……
هالنزاع لمتى بدو يستمر ياصدقي والله مابعرف صرلي من مبارح وانا زهقيت ….. اللي بدو يقرص يقرص بطلت فارقه ………والله يـــــــــــــــــــــعين 
الله وكيلك : انا اول اسبوعين
ما قدرت انام من الناموس كمان
بس قبل يومين رح على الصيدلية شريت جهاز صيني لطرد البعوض ب 3 نيرات
وقالت لي الصيدلانية “اذا بدك جهاز ياباني : موجود ب 6 نيرات”
نقزت وقلت : “ليش الياباني بطرد الناموس والصيني منظر ؟”
قالت: “لا لا , التنين اار جود بس هدا الصيني ما بدوم كتير اكتر من سنتين تلات”
رديت :”اوك اصلا ان بدي اياه 3 شهور وبس ”
وشريت معه علبة ب 2 نيرتين
المهم : رحت نمت نومة وصحيت لقيت الجهاز طافي لحاله ولقيت 12 قرصة من الناموس وهو رقم قياسي وكانه كان يريد ان ينتقم مني
وبعد التحقيق في الموضوع اكتشفت انو اخوي الصغير اجا الصبح الساعة 7 وطفا الجهاز
وانا صحيت من النوم 7 ونص
تخيل
14 قرصة في نص ساعة
هههههههه عن جد تحشيش ..
بكرة راح تصحى 150 مرة مستغرب انك ماصحيت 100 مرة مستغرب … هههههه
هههههههههههه … والله يا أسامة مش عارف شو بدي أقلك
دمك … خفيف
وعقلك … نضيف ….
و ظلك …..خفيف
و نفسي أنتفك ……..تنتيف هههه
والله جد مقال حلو متلك يا مان !
ملاحظة: إزا ولعت معك و إجيت بدك تقتل “النموسة” بأيديك … سيبك من الحكي الفاضي لأني حاولت كتير و عل فاضي !!!
ظلك … لطيف … (خطأ مطبعي )
لازن الحكومة ترش الشوارع
دخيل الله البعوض قتلني
احكيلكم شويه معلومات عن البعوضه بما اني لسه ما اتعرضت انقرص لسه ما هجمو علي الله يستر
عنـدها 48 سنا , الها 100 عـين في الراس, الــها 3 قلوب
, الها 3 أجنحة في كل جانب, لها 6 سكاكين في خرطومها ولكل خرطوم وظيفة خاصة 
, لديها نظام يعكس لون الجلد في الظلمة إلى لون بنفسجي حتى ترى الجلد بشكل واضح, لديها جهاز تخدير يساعد على غرس خرطومها 
دون ان يشعر الإنسان بأي ألم لكن الالم يبدأ عند امتصاص الدم . لديها جهاز تحليل دم فهي لا تأخذ أي فصيلة دم بل من النوع الذي يناسبها فقط 
, الحمد الله شكلو ما بعجبها دمي عشان هيك ما بتقرصني 
لديها جهاز يعمل على تمييع الدم حتى يجري بسهولة في خرطومها, لديها جهاز شم قوي جدا تستطيع من خلاله شم رائحة العرق عن بعد 65 
كم. وهي التي قتلت النمرود عندما اراد قتال الله.
ههههههههههههههههه…..
الناموس وما أدراك ما الناموس
والله أنا مريحه راسي وحاطه المروحه علي يعني ما بتتحرك
إزا بتيجي ناموسه أودام المرحه بتلزقها بالحيط
أحسن حل
جربوه
بلا مكيف بلا هم
واحترنا يا صلهة من وين بدنا نبوسك
عادي ويك بتكون بتتفئد الساعة كل شوي حت ما تغط بالنومة:( وتروح عليك نومة
يروح منك دم ولا تروح عليك نومة صح؟:roll:
واالله راااااااااااااااااااااااااااااااااااائع
طب انت كون حدق واستخدم معهم اسلوب المباغتة , ونام عالتخت بدال الفرشة …
هههههههههههه كتيييير حلوه يسلموو
بس انا ولله مشكلتي مش من القرص…مشكلتي مع الصووت تبعهم
يعني عندي انقرص الف قرصه بس تحل عني وما تظل حاايمه فووق راسي متل طيارات ال F16
أحسن حل تلبسلك جرابة لمدة 5 ايام متواصلة, و بعدين تشلحها و تعلق فردة على الشباك و فردة على الباب
و أشوف أي قارصة بدها تسترجي تقرب
الي بلاردن هاد مش بعوض
لو تشوف بعوض الخليل اصلا ما بموت لو بخيت عليه كل علبة الريد
والله انك تحشيش يا زلمة
تحياتي لالك وكل عام وانتوا بالف خير بمناسبة عيد الاستقلال
عجبني رد oxygen و ما في اشي زيادة
عنجد بتجنن
كتير حلوه وحكياتك من الاخر
والله اجيت على الوجع المشكلة مو انها بس بتقرص كمان بتطلع صوت بخلي الواحد يقرف حالو يعني لو بتقرص و بتطير اخف بلى المرة الجاي رش الغرفة ريد و سكر الباب و الشباك و اطلع هيك بتقتل كل البعوض يلي بالغرفة
تحيه طيبه وبعد
بصراحه مو عارف من وين ابلش وكيف بدي ابلش عندي حكي كتير بس بحب دايما اختصر (واحد مش عارف ينام من القارص) شو بهمني انا من هالقصه كلها اذا واحد مش عارف ينام من (القارص) في ناس مش عارفه تنام من الجوع وفي ناس مش عارفه تنام من البرد وفي ناس مش عارفه تنام (لانه في قوارص بشريه بتمص في دمهم ليل لنهار ) بديش الت واعجن في الحكي بس هذا الي عندي
شكرا
ماشاء الله موضوع جميل ماقصرت
LOOOOOOOOOOOOOOOOOOOOOOOOLZZZ
GREAT1..
lool
7elo kter elmawodo3
elmoshkleh eno sa7 w hay moshkltna
طريئــــــــــــه حلوي … رش (( بفبآف)) ابل م تنــــــــــــــــــآم
تعرف أني انبسطت كثير لما قرأت المقال مو لإني أتشمت فيك لا! بس لإني عرفت أخيراً إنه فيه أحد غيري بيعاني من هالشغلة!!
حسيت حالي مهمة 
بالمناسبة أنا انبسطت كثير لما شفتك حاط رابط مدونتي عندك
والله عن جد موضوع من الاخر
يعني ما بعرف ما ضل مواضيع بالعالم غير هاد الموضوع
بصراحه اسمحلي موضووووووووووووووعك
يعني وحكينا وعدنا وزدنا وشو استفدنا
مهوه الكل بشكي من هالشي
يا ريت يكون في اشي احسن من هيك
ولا تفكر اني بردي مقهور ولا اشي
سلانتك حبيبي وسلامة بدنك من كل قرصة بعوض وعقبال ما اتجيب كونديشن وترتاح من البعوض واتريحنا من المقالات الي بتفتح النفس
ومعلش اذا كان تعليقي همجي شوي بس ما في طريقه احسن من هيك للتعبير
الحق عليك …
مين كان بالغرفة اول؟ البعوض ولا انت؟
انت لو ما انك احتليت مكان العوض وازعجته ما كان عملك اشي …
هههههههه
والله القصة مش بس معك يا حج أسامة……
يعني أنا بدرس بجامعة الطفيلة …. والمنطقة زراعية والحشرات كتيرة وعندها مناعة دائمة من جميع المبيدات الحشرية
والبعوض بالذات عنا مش طبيعي وتقول هوليكبتر طاير فوق راسك وعنده أسلحة مخترقة للغطاء أولاً ثم للجلد …..
يعني لو لفيت حالك بالغط بقدرة واحد أحد بتدخل هالبعوضه لجوا وبتوكل منك شوي
ولكن بعد الخبرة بالموضوع لقيت حل ……
وهو انك تجبلك مروحة صغيرة ذات الثلاث سرعات والتي يمكن تسليطها …..
فما عليك إلى أن تسلطها عليك أثناء النوم …. مما يمنع وصول البعوض إليك بسبب العاصفة التي سيمر بها …. وبعينك الله على المرض تاني يوم
ههههه
حلو المقال يا سمسم اخترت موضوع الكل حيعاني منه الحين
اسلوبك بطرح مميز كما هو عهدك
شكرا الك
yeee 3ade gdan m3 2ne bnam 3al 10 bs bardo b97ale kamn mara bkrh el 9ef bs b7bo bt3awad bdhm y3awdo el gafaf bdamna bala mo2a5ze
حلوة
هذا اكيييد مش بعوض
يا زلمة البعوض بيعمل ملاريا
هذا ناموووووووووووووووووووووووس
طبعا كلو بيسبب قلق بالليل
الحمد لله انا ساكن عالرابع وما بعاني من هاي المشكلة
هههههههههههههههههههههههههههههههههههههه
والله ليلة من الاخر
لاتذكرني بالبعوض
شكراااااا مقال رائع يا اخي العزيز
http://www.link4soft.com/
http://www.link4soft.com/f2.html
الظاهر انو محدود
الارق ما رح يجي من البعوض انا ما بصحى عليه
@aMahrouQ – عنجد بتحب تمزح يا اما بتحب البعوض ***
الله بعين انا اعداء انا والصيف بسبب الناموس اخي لا بنفع النوم عليى التخت ولا vap
ولا شي الله يساعدك اسمع انتا جرب المروحة هية عضو فعال ههههههه
ليلة سعيدة وانشاء الله ما يكون فيها بعوض
كنت صرخ ولم الجيران
ييجو يحاربو معك
انا حاسه بمعاناتك خاصه بالجامعه الهاشميه كانوا في حملة ذبابه لكل طالب الله يعين
قمة الروعة
والله معاناتك صعبة
الله يوفقك يا رب
ويرزقك من فضله يا رب
جيل
انا البعوض عمره ما قرب علي مع انه ماما وبابا بيقولوا نه البيض الزنخين بيلتم عليهم البعوض بس العكس وانا دونا عن كل اخواني بتعرفو ليش ؟؟؟ لانه لو تيجي الدنيا علي متل البركان من حرها بنام بالحرام اللي كنت انام فيه بالشتاء عشان القارص ما ييجي علي طبعا كل الناس بتستغرب هاد الموضوع حتى انا المهم انا ما بآمن باشي لونه ازرق وريحته حلوة واسكر الشباك نهائيا
احسن شي حط كريم ونام…
خد مني نصيحه مجربه..
ان ما عندك كريم بينفع تدهن حالك زيت زيتون .. مع الحر بتصحى مئلي بس بضل اهين من البعوض
haha 7ta 2na b7o6 had 2ljehaz 2bo re7a bs 3l fa9′e
mobde3 da2man osama
هههههههههههه … تجربة جيدة
ايش اسم الجهاز بدي 3 منه.