جامعة البلقاء التطبيقية أصبحت شيكاغو
صورة أحداث جامعة البلقاء من خبرني
تُعرف مدينة شيكاغو الأمريكية بأنها مدينة العصابات حيث لا تخلو ساعة واحدة من جريمة قتل واحدة على الأقل بحسب موقع شرطة شيكاغو.
ما حدث في جامعة البلقاء التطبيقية صباح الخميس أشبه بما يحدث يومياً في شيكاغو، شاب يطعن شاباً آخر في رقبته مما أدّى إلى وفاته، وكسرعة البرق امتلأت الجامعة بعشيرة المغدور يحملون أسلحة نارية يطلقون منها الرصاص على مرافق الجامعة وزجاج الكليّات، فهرب الطلاب كلّ في طريق حتى أنّ المخابئ شبه الآمنة امتلأت بالطلاب ولم يجد الكثيرون أملاً في الهروب خارج أسوار الجامعة نظراً “للحصار” الذي أقامته أفراد عشيرة المغدور حول الجامعة وعند أبوابها ومخارجها.
تكتيك حربي رائع من أفراد عشيرة المغدور، وفشل ذريع للأمن الجامعي الذي هرب مع الطلاب.. فرجال الأمن الجامعي والذي تظهر الكهولة على معظمهم ليسوا مؤهلين لفضّ مشاجرة صغيرة واحدة، فمن المسؤول عن أمن وسلامة الطلبة داخل الحرم الجامعي إذن؟
ومن جانب آخر، من أين لكل أفراد العشيرة تلك الأسلحة الكثيرة؟ وما هي آلية ترخصيها وبيعها؟
حدثت مؤخراً العديد من “الحروب” المشابهة في الجامعات، وقامت الحكومة بتنظيم العطوات بين عشيرة القاتل والمقتول بعد حرق “مالطا”. لا نريد العطوات بل نريد أن لا تُحرَق “مالطا” أصلا إلا إذا كان رئيس الحكومة مستعداً لاستحداث “وزارة العطوات العشائرية”.
إذا تحقّق تصوّري بأن جامعة البلقاء التطبيقية أصبحت مثل شيكاغو، فمن المحتمل أنه يجب على كل طالب أن يحمل سلاحه معه إلى جانب كتبه وقلمه ومسطرته ومحّايته عند ذهابه إلى الجامعة، وقد نشهد في المستقبل انتشار شباب الـ “هارلي” في أروقة الجامعة وفتح مراكز تجارية لبيع ملابس واقية ضد الرصاص.
ربما قد حان الأوان لأن يسمحوا لأفراد الأمن العام بالإنتشار بشكل منطقي داخل “حرم الجامعات” تحسّباً لأي طارئ.
أسامة الرمح
8th Of April 2010
عن جد لازم توقف هاي القصص عند حدها والله الواحد صار يخاف يداوم عل جامعه وعن جد نص حراس الجامعه مختيرين وعفد حالهم
مشكووووور عل موضوع اسامه متل ما عودتنا طريقه عرضك للموضوع مشوقه
ما حد يحكي عن رجال الامن و يحكم من بعيد لا بعيد و ما كان هناك. مش ذنبهم انو الجامعة قبلت توظفهم و هم دايرين ورا لقمت العيش.
الحل أن الناس تعقل وتفكر .
أصبحنا في القرن الحادي والعشرين, وقمة العيب هذا الذي يحدث !
والله يا حبيبي هاي الاشياء مش جديده واكيد القصه على بنت 99% من مشاكل الاردن على بنات وهاد تحدي مع اني مع بعرف شو اللي صار بالزبط
شكرا اخ اسامه على الموضوع المهم وبتمنى تركز على هيك مواضيع عشان يصير في توعيه لانو مش بس بالبلقاء بكل جامعات الاردن
من الظلم تشبيه البلقاء التطبيقية بشيكاغو …. أنا عشت بشيكاغو 3 شهور و البلد هناك جدا أمان و استقرار حتى بعد نص الليل
يبدو أنك عمرك مازرت شيكاجو يا اسامة! والاحصائيات اللي بتذكرها غير صحيحة اطلاقا.
التعليم ليس حق للجميع التعليم حق لمن يريد أن يتعلم
أه والله فعلا لازم نحمل سلاح معنا قبل دفاترنا خصوصا انو بهيك هوش همجية بطلو يفرقوا بين شب او بنت بضربو اي حدا بطلع بوجهم … وياريت انو الاسباب مهمة … حتى كلمة تافهة بتعطيها قيمة … والامن خليه مرتاح احنا الله لا يردنا عيشونا ساعة وأكتر بإرهاب ..
والله يا سيد أحمد المرة هدي السبب مو بنت … انا طالبة بالجامعة وعرفت انو السبب الشب اللي قتل كان بسب على عشيرة الشب اللي مات وقامت الدنيا وماقعدت ضربوه فراح طعن واحد منهم طعنتين سببت موتو …
يعني بحسبه بسيطة بناء على أرقامك بطلع عدد جرائم القتل بشيكاغو ٨٧٦٠ سنويا..بينما أرقام الشرطة بتحكي إنو في ٢٠٠٩ كان في ٤٥٣ جريمة قتل..
والله جننونا انا خايف اداوم عالجامعة بعدين زي ما حكو الشباب الامن كلهم كبار بالسن بس شاطرين يفتشو عالهويات لما ما بكون في مشاكل وبعدين يلعن البنات اللي قتلتو بعض على شانهن ونفسي اعرف سبب المشكلة؟
يا سيدي اهو كله برتقال
Recent crimes reported in Chicago by the police department.
http://chicago.everyblock.com/crime/
Source: Chicago Police Department
والله احنا عنا في الجامعه رجال الامن اعمارهم من 50 واطلع واذا ما اله الواحد كرش متر ما بوظفوه وبس هب اول ما تصير مشكله ولا واحد ببين فيهم بيجوا بعد ما اتخلص عشان يسجلو اسامي بعدها بتلاقي الطلاب الي عملوا المشكله موجودين ولا اكنه عملوا شي تسيب اصلا رجال الامن بخافوا من الطلاب ومن العشائر وروؤساء الجامعات ما الهم مصلحه ولا بدينار واحد يضيع عشان نطرد طالب عمله مشكله والباقي انتوا ادرى فيه
اللينك تاعك بحكي عن الجرائم بشكل عام.
@أسامة الرمح –
I think you posted the wrong link. Here is the correct one:
http://chicago.everyblock.com/crime/by-primary-type/homicide/
احنا عالم مسخرة
اسامة قاعد عن مصيبة صايرة بالبلد وابو *** بقلو معلوماتك غلط …
يا رجل اللي مات هو الموضوع واللي صاير بالسلط كمان
على الله العوض ومنه العوض
في البداية اتمنى ان لا يصطاد احد بالماء العكر يا اسامه
اي عصابات ؟
العشائر اصبحت عصابات ؟
كنت اعتقد بان العشائر عي من دافعت عنك وعن اصلك عندما هربتم الينا واستضفناكم
ارجع للتاريخ يا عديم التاريخ
لا تصطاد بالماء العكر
عيب على اصلك ( ان وجد طبعا ) .
الامن بجامعة البلقاء الهم وظيفة واحدة, طرد الطوشة للشارع و تسكير الباب و الاستنجاد بالشرطة بس.
و هسا جديد بكلية عمان جايبين موظفات امن شغلتهم يدوروا بالطوابق, و كل مايشوفوا شب بدخن قبل المحاضرة او صبية بتشرب كاسة نسكافية او حدا بحكي بتلفونه. بطلعوله زي الجن من جنبه ” ممنوع التدخين بالطابق يا شب”, “ممنوع التلفونات “, ” ممنوع الشرب بالطابق”.
بس في شغلة وحدة ما حكوها, “مش ممنوع ترمي حالك من الطابق الثاني” او “مش ممنوع انك تعمل طوشة , بس الله يخليك اعملها عنجد الباب عشان نعرف نكحشكم للشارع و نسكر الباب و نقعد نشرب شاي”.
خربانة خربانة
waallah allah yr7am ele twafa o 3za2na la kol 3babed
@mohammed khader –
يا أخ محمد اقرا العنوان والمقال وبعدين تعال ناقش. أنا معك انو اسامة بدو يحكي عن السلط وعن الزلمة اللي مات وهذا موضوع مهم. بس شو دخل شيكاغو بالموضوع وليش نقول انه السلط زي شيكاغو (هذا ليس خط باص) وهو مافي أي وجه تشابه بينهم؟ خلينا بحالنا وبلاش نرمي بلاوينا على العالم.
ضيعة ضايعة
انا لا ادري عندما نطرح موضوع قابل لنقاش ومهم نخرج عن الموضوع بطريقه غريبه اشكر الاخ اسامه على الموضوع وهو دائما يمتعنا بقالاته واعتبرهابنظري نبض الشارع بينما لا نريد ان نفسر كل شيء حرفيا واريد ان اقول ان كلنالنا اصل ولا يقدر اي انسان على الارض ان يفتي عن اصول الناس وكلنا اولاد عشائر لاننا كلنا من قبائل عربيه اما الذي نتحدث عنه العصبيه القبليه والعنصريه التي تؤدي الى هذه الحوادث ونحمد الله على اوطاننا العربيه التي هي اكثر امانا من اي بلدان في العالم
مش لهالدرجة؟؟؟ تصير البلقاء شيكاغو ؟؟؟؟ بالهسرعة ؟؟؟ طيب كل جامعات الاردن فيها مشاكل و طخ و قتل و لاسيما الاردنية…. معناها كل جامعات الاردن شيكاغو… الله يبعدنا عنهم…
القصة و ما فيها الناس صارت مضغوطة كتير و تقييد حريات الطلاب و الهيئة التعليمية فبيلجأوا الشباب للنزعات القبيلة الصغيرة.
و المعروف عن الاردن انه مجتمع قبلي … بس طريقة القتل كانت مش طبيعية ابدا؟؟
بس احنا مو لازم تأثر فينا ابدا و نكبر عقولنا و نرتقي الى تفكير حضاري و منطقي اكتر…
و نلجأ لدينا و صلاتنا.( اهم شي ) وهيك لا بنصير شيكاغو و لا شي….
السلام عليكم
يجب على وزارة العليم العالي ان تتخد الاجراء الحازم في الجامعات الاردنبة لطلبة الذبن يفرضون العنف في الجامعات
والاجراء وهو فصل اي طالب يعمل المشاكل
بعدين مع هل مشاكل لازم من الجهات المسؤله ان تتدخل وتحل هل مشكله انا شايف انه اكثر جامعه فيها مشاكل هي جامعه البلقاء التطبيقيه حسبي الله ونعم الوكيل
@amjad shokran 3ala kalamak el zoog kteer goltelee estadaftona we ma fee asel
jad la ta3leek
kol enaa2 yanda7 bema feeh
عرب…….شيكاغو قال.!!!!!!!!!!!!!!!!!!!!!على شو قتلو لشب شو اخد حبيبتو منو ؟؟؟!!!هههههه امتا بدو يصير عنا عقل والله مش عارفة .سؤال يطرح نفسة …يالله حياة الجامعة مسخرة هالايام والله مسخرة
يعني انتو تركتو كل اشي ودققتو بس على عدد الجرائم في امريكا برأي القاتل لازم ينمسح فية الارض عشان ويروح مؤابد عشان يكون عبرة لغيرة لانو هادي مو اول مرة يعني صار تقريبا كل شهر في نفس القصة مرة في الاردنية ومرة بالهاشمية وهي البلقاء ما بعرف وين الوحد بحط عقلة بس يعمل مشكلة اضربة بس مو تقتلة.
جامعة البلقاء جامعه فاشله الشب انقتل بطريقه بشعه جدا الله يعين اهله ويصبرهم والمفروض القاتل يقتل بنفس الطريقه ليكون عبره لغيره لو شو مكان السبب مافي داعي يقتل لانه عارف انه رح ينحبس لازم نطبق العين بالعين والسن باسن والبادي اظلم.
ياجماعة العالم وصل للقمر واحنا نطاوش على مقعد او بنت والفاتل مش طالب ,امن الجامعه يتشاطرو على الطلاب ياريت جامعتنا تتغير بس لنحس بامان واهلنا يطمنوا انه رح نرجع للبيت بسلامه بس هيهات .
يا اخون هادا دليل ع التخلف..تاحنامش متحملين بعض..انزلوا ع لاشارع وبس اطلعوا بواحد تطليع بتقوم القيامة السؤال ليش احنا هيك بغض النظر عن سبب مشكلة البلقاء في متلها كتير..الله المستعان
يا جماعة هذا الجهل عمى على قلوبنا .
يا سيد أسامة الرمح ” نحن نطالب بتعديل القانون الذي يمنع دخول قوات الأمن العام إلى الحرم الجامعي وذلك من خلال جهودكم الطيبة ”
الكارثة العظمى إنو العشيرتين “أردنيين” يا خسارة
(ثقافتنا)
فقاقيع من الصابون والوحل
فمازالت بداخلنا
“رواسب من ” أبي جهل
ومازلنا
نعيش بمنطق المفتاح والقفل
@mohammad hamadah –
2llah y3en 2hl 2lle twfa
w tool ma fe nas bfkro mtl 2lsayed 2mjd r7 ndal bhal38lye w n3ml 2ktr mn heek kman
7sby 2llah wn3m 2lwkeeel
ما بقدر اقول الا ان العبابيد حاولو حرق السلط بمن فيها الا ان اشاوسنا اوقفوهم عند حدودهم
bashkor osama 3al mawdoo3, ana 3am baqra2 w masdomeh wallah 3omro ma bseer feena 5aair tool ma e7na b haad tafkeer…alla yehde bas…ana ma darset bl ordon w y3nee 2a3det 5 sneen bl jam3a b7yate ma sm3et eno sar 5na2a la dargeh eno ygeebo shorta ..la2no il kol by7trem qawneen il jam3a w kol taleb by3ref eno law 3mel eshe zay heak ra7 yntred….sho il wa7ad raye7 yt3lam wala y3mel 3esabaat jwa jam3a sho asle7ah bl jam3a…!!!!hada mkan 3elem esmo 7aram jam3e y3nee lazem yo7tram..lel asaf….
والله الواحد صار يخاف ع حاله يوم الاحد العجارمة والعدوان والثلاثاء طوشة عاديةعبابيد وسلطية واجت اربع دوريات بس عالفاضي ما اخدوا ولا واحد ويوم الخميس القتل وصار اللي صار ((والله يرحم المقتول ويسامح القاتل)) ويصبر الاهل ع هيك خلفة
قلتلي الاشارس الله يخلف على الشرطة اللي حامت عليكو واللي دافعت عليكو والله لولا لشرطة كان هسة بنترحم عليكو
كلنا اخوان يا امجد انسى الماضي وخليك بالحاضر والله يرحم المفقود ويرجع الغايب ويهدي النفوس والسلام
الله يخلي نشامه الوطن يا ريتا وصدقيني ما احد يخاف من ولاد الأصل كلهم ولاد عم وخوان وما بصير الكلام الي بنحكى والسلام
يا سلطي انا مش من الطرفين لكن الواجب انك ما تحكي على اولاد عمك والله بحب الأردن كلها من دون اي تمييز
الأردن أولا
بتمنى من الشباب ينسو الي صار ويصيرو بأحسن حال
والبنات يختصرن على الأخر
ان شاء المولى ما بتتكرر ويعم الأمان
عندنا عقول بس ما بدنا نشغلها لأنه الي مثلنا بده يشوف افلام مباحه وصور عاريه وكلام فاحش وبدون صلاه ولا عباده بس مسخره
يا رب الهدايه من عندك لجميع المسلمين امين
الأردن اولا
صح لسانك يا النشمية ربى والنعم من اهلك
الحمد لله احنا احسن من غيرنا وبشكر كل واحد بدى برأيه وشكرا
والله يا احمد انه البنات مش سبب المشاكل لكن حسبي الله ونعم الوكيل في كل واحد بيحكم من بعيد وانا بحكي انه الوطن بأمن اكتر من اي بلد تانيه وشكرا الأردن أولا
الحل يا عزيزي لمثل هذه المسائلة في كل الجامعات الاردنية
بسيط جدا
تعديل اسس القبول وازالة جميع انواع المكرمات
في هذه الحالة لن تجد في الجامعة شباب مش فارقه معهم ومعدلاتهم متدنية
الى اخي العبادي والسلطي انتبهوا كويس يوجد مندسين يعلقون تعليقات محرضة وساقطة مثلهم فيدعون انهم سلطيون أو عبابيـــــــد حتى يوقعوا بينكم الفتنة والمشاكل فانتبهوا جيدا ولا تنجرفوا وراء الزنادقة والفئران
مسكينه هالحكومه وشو بدها تتحمل لا تتحمل
اي دوله في العالم تعتبر نفسها متحضره في القرن الواحد والعشرين يجب ان لا يكون فيها ازدواجيه في القضاء.
اللي بأيدو العطوات وفناجين القهوه همه نفسهم المستفيدين من هالمهزله واللي بايد العطوات وبمشي فيها من الحكومه بكون فاشل مش قادر يفرض نظام الدوله على مجموعه هالزعران.
الكلمه لازم تكون للدوله والقانون واللي مش عاجبو يدور ع بلد ثاني .
سيطرة الدوله لازم تفرض فرض وبالقوانين المدنيه وان اضطرينا القضاء العسكري بقوم بالواجب.
اول مره بسمع انه في حد دافع عن اصل حد
واللي بقرأ كلماتك بحسب انه جماعتك حرروا القدس
استحي
@ا�جد -
عبر عن رأيك …. ساهم في تغيير العالم العربي
قم بالتعبير عن أرائك من خلال اكبر مؤسسة للاستبيان في العالم (يوجوف سيراج)
سجل من خلال الرابط و اكسب بعض المال من خلال اشتراكك في استطلاعات الرأي
http://my.yougovsiraj.com/go.aspx?id=ff3d0fd7-2b41-4172-8b6e-658a7099252f
دَعُوهَا فَإِنَّهَا مُنْتِنَةٌ!
قال تعالى:
“يّا أيها الناس إنَّا خّلّقًنّاكٍم مٌَن ذّكّرُ وّأٍنثّى وّجّعّلًنّاكٍمً شٍعٍوبْا وّقّبّائٌلّ لٌتّعّارّفٍوا إِنَّ أَكْرَمَكُمْ عِندَ اللَّهِ أَتْقَاكُمْ”
جاء في صحيح البخاري:
أن رجلين من المهاجرين والأنصار تشاجرا فَقَالَ الأَنْصَارِى ُّيَا لَلأَنْصَارِ. وَقَالَ الْمُهَاجِرِى ُّيَا لَلْمُهَاجِرِينَ. فَسَمِعَ ذَاكَ رَسُولُ اللَّه صلى الله عليه وسلم فَقَالَ:
مَابَالُ دَعْوَى جَاهِلِيَّةٍ
قَالُوا يَا رَسُولَ اللَّهِ كَسَعَ رَجُلٌ مِنَ الْمُهَاجِرِينَ رَجُلاً مِنَ الأَنْصَارِ.
فَقَالَ
دَعُوهَا فَإِنَّهَا مُنْتِنَةٌ
قال النبي محمد صلى الله عليه وسلم:
“يا أيها الناس ألا إن ربكم واحد، وإن أباكم واحد، ألا لا فضل لعربي على أعجمي، ولا لعجمي على عربي، ولا لأحمر على أسود، ولا لأسود على أحمر إلا بالتقوى، أبلّغت؟ قالوا: بلّغ رسول الله صلى الله عليه وسلم”.
قال رسول الله عليه السلام:
يا معشر قريش إن الله قد أذهب عنكم نخوة الجاهلية وتعظّمها بالآباء. الناس من آدم وآدم من تراب.
السبب فى هذا العنف هو الدكاترة اللى بيعلموا لانهم اسوء مثال لهم لاواذا بدكم تعرفوا عن هذا اسالوا ايش عملت دكتورة وحشية عندما طلقها زوجها بعد خمس شهور زواج اخدت 20000دينار ولم تترك البيت الا وهى قد خربت العقش الجديدبمادة الفلاش للتنظيف وتهددة بما هو اكثر يعني ذكرتنا بالكويتية اللىقتلت خمسين امراة انتقاما فى يوم زواج طليقها يا جماعة الفساد من فوق وهم اللى بيغذوة هاى هى الجامعات يا حضرات واسالوا الوحوش كلها
هذا الكلام خطير ومؤثر بنفس الوقت
الا انك حكيتي الحقيقة والحقيقة جارحة
التعليم حق لمن ارادة وبابة ليس مشرعا للجميع
انا طالب بالبلقاء وسمعت الخبر وانا بكازاخستان اذا المصاروة اللي معاي بالشغل صاروا يعرفوا بالقصة
ولكم حتى الشعب الروسي انتقدكم الله لا يشينكم
طلاب جامعة البلقاء معظمهم لا يفقهون من الحياة الا القشور
وانا اقول معظمهم لا اعمم
والبنات يا حرام شماعة مشاكل الشباب
اما الدكاترة فهم براءة من مشاكل معاتيه الطلاب براءة الذئب من دم يوسف وبكرة بس يطلع الشباب على الشغل والغربة بيعرفوا شو معنى المعاملة اللي كانو يتعاملوها
انا مابقول الا الله يرحم المغدور مع انه انا ضد اي عمل يسي الى اللاردن لكن انه نرمي اناس بالباطل هذا حرام الي قال انه الطوشه على شان بنت ممكن..! لكن كمان ممكن انته شخصيا ممكن تعمل مشكله على شان بنت جيرانك اوبنت عشيرتك اذا فيه حد تعرضها صح ولا تقول لا لانه اذا معملت هيك رح تكون جبان وهنا نشير الى الحديث الشريف ان كل مؤمن مات دفاعا نفسه وماله وعرضه فهو شهيد
ولكن ليس هذا الموضوع فكل معتدي يجب ان ينال جزاء مافعل
ولكن من اعطى الجاني الحق ان يقتل وكل المومن على المومن حرام دمه وماله وعرضه وان تهدم الكعبه الف مره افضل عند الله ولا يقتل مسلم
فلا الشرع ابح القتل ولا العرف العشائري ااباحه فما ذنب الاب الذي ربا وسهر اليل وكدح النهار وبعد ان صار الولد شابا في عمر الزهر قطف قبل اوانه وأأسف على الطاله وشكرا
@اساÙ�Ù� اÙ�Ù�اصجÙ�Ù� – انا مابقول الا الله يرحم المغدور مع انه انا ضد اي عمل يسي الى اللاردن لكن انه نرمي اناس بالباطل هذا حرام الي قال انه الطوشه على شان بنت ممكن..! لكن كمان ممكن انته شخصيا ممكن تعمل مشكله على شان بنت جيرانك اوبنت عشيرتك اذا فيه حد تعرضها صح ولا تقول لا لانه اذا معملت هيك رح تكون جبان وهنا نشير الى الحديث الشريف ان كل مؤمن مات دفاعا نفسه وماله وعرضه فهو شهيد
ولكن ليس هذا الموضوع فكل معتدي يجب ان ينال جزاء مافعل
ولكن من اعطى الجاني الحق ان يقتل وكل المومن على المومن حرام دمه وماله وعرضه وان تهدم الكعبه الف مره افضل عند الله ولا يقتل مسلم
فلا الشرع ابح القتل ولا العرف العشائري ااباحه فما ذنب الاب الذي ربا وسهر اليل وكدح النهار وبعد ان صار الولد شابا في عمر الزهر قطف قبل اوانه وأأسف على الاطاله وشكرا
يعين الله مثل جامعة ال البيت
بصراحه طرحك للمواضيع يا رمح حلوه
لكن…….. أنت ركزت على موضوع أسلحه عشيره المغدور………..
ونسيت الموضوع الرئيسي و الأهم وهو أن طالب جامعه حامل سلاح “موس ” والحادث اللي صار……….
جد انو الامن في الجامعة مسخرة والله لونو في شوية وعي ما دخات كل هاي الاسلحة علجامعة والله كان رحنا فيها
السلام عليكم للأسف اصلا مو اشي غريب لأن الجامعات صارت مكان للقتل والمخدرات والزواج غير الشرعي لا للتعليم الواحد صار يخاف من اي اشي ليبتلي بولاد الناس لكن الواحد ما بحكي غير حسبي الله ونعم الوكيل أخر زمن تكثر فيه الزنا والمعازف والقتل أنا لله وانا اليه راجعون
<
اللي بيسمعك بيحكي عنها انها جامعة
طلاب جامعة البلقاء معظمهم لا يفقهون من الحياة الا القشور
وانا اقول معظمهم لا اعمم
والبنات يا حرام شماعة مشاكل الشباب
اما الدكاترة فهم براءة من مشاكل معاتيه الطلاب براءة الذئب من دم يوسف وبكرة بس يطلع الشباب على الشغل والغربة بيعرفوا شو معنى المعاملة اللي كانو يتعاملوها ….
بس على فكره احنا بالغربه من عاني من العنصريه بس يخساره العنصريه متفشيه ببلدنا وانتوا من نفس الجنس وبنفس الجامعه ومن نفس الدين والوطن… حسبي الله ونعم الوكيل
<كل اناء بما فيه ينضح
فعلا الواحد لازم يكبر عقله وعبر صح عن البيئة الي تربى فيها-