أخطر 4 مناطق في الأردن برأيي 
تناقلت مواقع الأخبار الالكترونية منذ أيام تقريراً خاصاً لموقع “كل الأردن” يبرز أخطر 7 مناطق في الأردن حسبما يرى ضباط وأفراد الأمن العام، وقد تم اختيار هذه المناطق اعتماداً على حذر الشرطة الشديد عند الدخول إليها حتى في حالة نشوب مشاجرة داخلها، وكما في الأفلام المصرية، فالشرطة تأتي في “آخر الفيلم”.
وبحسب التقرير فإن اخطر 7 مناطق في الأردن هي: حي الطفايلة في عمان، منطقة اللبن، المنطقة الجنوبية من سحاب، الشونة الجنوبية، الحي الشرقي في الرمثا، أحياء متفرقة من معان ومنطقة الشلالة في العقبة.
لم يغب هذا التقرير عن ذهني طيلة أسبوع، وكلّما فكرت فيه ضحكت، فكيف توصف أي منطقة في أي دولة مستقلة في العالم بأنها “مُغلقة”؟ فكلمة “مُغلقة” لا تُطلق إلا على المناطق التي لم يتم حسم أمرها سياسياً كما هو الحال في منطقة “فاروشا” المغلقة بقبرص والمتنازع عليها منذ ما يُقارب الثلاثين عاماً.
بعيداً عن صحة أو عدم صحة هذا التقرير، ومن خلال متابعتي للأحداث المحلية أولاً بأول، خصوصاً هذا التقرير والتعليقات التي وردَت عليه حيث تحدّى كاتبو التعليقات بعضهم البعض على أنّ منطقة كل واحد فيهم أخطر مما ذكِرَ في القائمة، فسأكتب هنا قائمة بأخطر 4 مناطق في الأردن حسب وجهة نظري المتواضعة.
ترأس القائمة الجامعة الأردنية لأنه لا يكاد يمرّ يوم حتى نرى عِراكاً بالادوات الحادّة أو انتفاضةً بالحجارة أو حرباً عشائرية بالأسلحة، يكون سبب الخلاف في معظم الأحوال “ليش تحكي مع هاي البنت؟”.
تليها جميع “كوفي شوبات” الأردن لمدة 90 دقيقة في حالة وجود مباراة بين الوحدات والفيصلي حيث لا يُنصَح بالتواجد في تلك الأماكن خصوصاً إذا كانت المباراة نهائية.
لا ولن تخلو القائمة من مستشفى الأمير حمزة ومستشفى البشير بسبب الأخطاء الطبية الفادحة التي شهدناها والتي أودت بحياة مرضى، إضافة إلى “النظافة الزائدة” في مرافقهما والوجود الدائم والفائض للأطباء خصوصاً في قسم الطوارئ.
أخيراً وآخراً، الشارع اللي ورا بيتنا فيه كلب كبير مسعور ومفلوت.. إذا إجت عيلة الكلب هاد وصاروا شلّة وكلهم سعرانين، نعتبر المنطقة هاي مُغلقة؟ والشاطر يفهم.
الصورة: مدينة فاروشا – قبرص
أسامة الرمح
28th of Dec, 2009
وين هاي اللبن؟؟
[...] This post was mentioned on Twitter by Osama Romoh, Qwaider Planet. Qwaider Planet said: RT @osama1: أخطر 4 مناطق في الأردن برأيي | مدونة أسامة الرمح→ http://bit.ly/5Hpy1J [...]
والله يا اسامة كلام مدوزن
الجامعة الاردنية ومثلها اغلب الجامعات من اخطر الاماكن في الاردن
يعني اللي بروح على الجامعة هاي الايام لازم يلبس واقي رصاص
الكلب ومقدور عليه .. لكن ماذا نعمل في الباقي!!!! تحياتي لك على هذه المعلومات المفيدة
لأ يا معلم إحنا منطقتنا أخطر heheheheh
إنو يعني المفروض أكون مبسوط إذا منطفتي أخطر؟؟؟
أنا من النوع لما أقرأ أيا خبر على Jordanzad أو عمون
بحب أقرأ التعليقات قبل الخبر hehe لإنو بتبينلي قديش إحنا شعب فهمان P:P:P:
مرحبا
يا سيدي انا كمان كان الي نفس ردة الفعل لما قرأت المقال
الموضوع بلش يجنني من وقت ما صارت مشكلة حي الطفايلة و مشكلة الصمادية و المومنية…انا كنت ساكن بالجوفة و من زمان محظور علينا انه ندخله لأنه فيه زعران
بس الموضوع مش موضوع مناطق مغلقة أو مفتوحة…بالنهاية سكان المنطقة كلهم عشيرة واحده و فخار يكسر بعضه…خطولرة الموضوع انه هيبة الدولة انهزت
العشائر أصبحت تتحدى القانون بشكل علني…وهادا سبب رئيسي في عنف الجامعات كمان
بس بالمقابل أنا مش مقتنع أنه الشرطة ما بتدخل هناك…لو أجت شكوى لمكافحة الارهاب أظن انه بخمس دقايق بقلبوا المنطقة على راس اللي فيها…السؤال وين وزارة الداخلية حتى ترد؟
صدقني انا فهمت عليك
لأنو معك حق كل هاي المناطق اللي ذكرتها اللي فيها زي اللي ورا داركوا
مع اطيب التحيات
Wla m3ak 72 3mo osama klamk mzbot 100% w ana man al mo2yden:D
الله عليك يا أسامة
مو بس منطقة حي الطفايلة خطر كمان منطقة مرعبة جدا وخاصة انو انا بعرف شو الوضع الي بيكون فيه لاني ساكنه بالقرب منو ياريت يكون في حل لهاي المنطقة
والله المشكلة لما تجتمع الكلاب مع بعض
دير بالك اسامة بلاش يصيرو يستخدمو الاسلكة
بس قياسا مع الحجم والعدد كلية عمان اخطر من الاردنية
wallah enak btfham……
هههههههههههههههههههههههه والله كبير باخر جمله حكيتها ….و انا اللي فهمتك ….عنجد انه كلاب و مسعورين…..و بالاخر كلها ان شالله بتنطخ هههههههه
طيب في مناطق خطرة مش على اساس انو الاردن بلد الامان ولاهاي النظرية ذهبت ادراج الرياح بس انا وين ما اشمشي بحس انو في خطر خصوصا في المحجمع القديم وقت الانتخابات في الجامعة الهاشمية الله عليعها بتقد بتفكر قبل ب3 ايام كيف بدك تروح وين بدك تتخبى وقت المعركة
غريبة ……………. أعيش في الأردن ولم أسمع في هذه المناطق أبداً طيلة 16 سنة و7 أشهر و4 أيام و15 ساعة وأبصر كم دقيقة وبصراحة غالب المناطق تحتوي على خريجة حبوس
و شو بالنسبة للغويرية بالزرقاء الابية ؟؟ ليش مش ضايفينها معهم ولا صارت ما بتخوف هالايام
ween el zarka! …wella le2no lobna el kawsheeh o 3abdallah abo ras matoo …serna 7arf sa2et ….loool heek mafee 3adel le2no zo3ran el 3’weereeh o el mojam3at o janna3a o jabal elabyad o akeed hay el7ossien … lesa ma tel3o tak3od o lesathom fehom power :/
……ان كان الامر على الخطورة فلخطورة ليست في المكان بل بالاشخاص المتواجدين بل في عقول هؤلاء…. وكما قلت الكلاب …
رداً على الشجرة الأم :
الكلب مش مقدور عليه لإنه قبل سنة كان بحارتنا كلب فالت و بلغنا الشرطة و البلدية
قالولنا يا عمي اشتريله لحم مسموم
أو طخه
اذا البلدبة بتحكيلك طخه
ثاني يوم بتيجي الشرطة تعتقلك لإنه سلاحك مش مرخص
احترنا يا قرعة من وين نبوسك
ana bs 7abeh a7ki eno el ordonyeh abadan ma bt5awef, la2eno ana hala saneh rab3a w la hala ma sar eshi kteer be5awef odami… el bashar b6abe3ethom bt5an2o m3 ba3ad sewa2 bl ordon aw bara,,, fa ya ret ma nesma7 lal esha3at w el7aki eli ma eli 5alfeyeh 9a7 y2aser 3alena… la2no bseer bl ordonyeh osas bs msh bl ahameyeh w elmubala3′a eli 3m te7ku feeha, el amen blordonyeh mazru3 zra3a, 5susan ba3ed a5er 6osheh…
اذا كل واحد بيقدر يحط مناطق مغلقة هيك في كتييييييييييييييييييييييييييييييييييييييييييييييييييير يالبلد
I agree with u , Jordan university is not safe at all they want to apply some security measures by the name of safety like installing cams and hidden ones but it will be used to control the student and limit our freedom , i wounder who give them the right to monitor our activity instead of that they should use some real security not weak guards that good for nothing but to wounder in there cars .
Thank u ..
والله معك جق الجامعات مكان عرض العضلات الأول والمشاكل فيها شهرية مش موسمية
صراحه احمد ربكو انكو عايشيييييييييييييييييييييييييين هاد اهم شي
روحو جربو العيشه خارج الاردن
تلاقووووووووووووووووووههههههههههههههههههههههااااااااا من مره
الله يخلينا الاردن وما يحرمنا منها
انا مواطنه مغتربه عن الاردن ((دوله عربيه )) ادرس فيها
معاناتي كتير كتير
hhhhhhhhhhh wara darkom ah
…….. 6ayeb ween 9wel7 feh b3d el 7arat feha ma btnd5al bedone ta9ree7 men 2hlha 
((7ay el t3amra))
اخي انا اول مره ادخل الموقع هذاء الذي اعطاني اياه صديق
ولكن صدقني ما اعجبني لانك انت وامثالك ناكري النعمه
ولا تذكرون الاردن بشي جيد فقط تبحثوا عن اشياء سيئه . ليش
ايش هو السبب .يااخي مو معجبكم الاردن اتركوه سافروا الى اي دوله تريدونها
Why always talking about jordan? jordan is the country that gave you respect and made you a human being. . if u don’t like it simply leave it and go to any country that spit on your face and treat you as an animal or even worse. Jordan will be always first
By the way i am from lebanon , but i respect this beautiful
country. !
با حرام الجامعة الاردنية ……………
المفروض الجامعات تكون بعيدة عن مثل هاي الامور
بس بظل الوضع في الاردن احسن من بلدان كثيرة
اقل ما فيها بنقدر نطلع في الليل …
وياريت تحسب جامعة البلقاء التطبيقيه (المركز)
مدونه جميله بتحس فيها روح الشباب الاردني
شوف انا دخلت كل المناطق اللي بتحكي فيها و بحب احكيلك اشي
اهالي المناطق هاي مش زعران او سلبيين بالخلقه او الفطره
البيئه حولتهم لهيك
غياب البرامج التنمويه و الرعايه الصحيه و البنيه التعليميه همه بيخلوا اي انسان يصير هيك
جرب تسكن في اللبن او الغوييريه او حي الطفايله و قولي شو متوفرلهم من خدمات و برامج تنمويه بالمقارنه بكثير من مناطق عمان
ليش دابوق تتحول لمنطقه تنمويه مش اللبن او الغويريه
عشان الصوره توضح , منطقه تنمويه معناها اللي بيفتح مشروع فيها الدوله بتعفيه من اجزاء كبيره من ضرايبه و تراخيصه او تلغى كامله
سيدي الكريم الاردن بلد جميل جدا
بس بحاجه الى اخلاص الجميع و تفانيهم بالعمل
و الجيش قادر يحل كل الاشكالات هاي بس اذا تدخل الجيش الكل بيصير ايقولك الدوله بتعمل تجاوزات على حقوق المدنيين
و الكل بيتذكر كم اشكاليه الجيش العربي حلها في الاردن عبر السنين
و حمى ابناء هذا الوطن من غدر الغادرين
حمى الله الاردن بلدا لكل عزيز النفس قوي الهمه
لايوجد في الاردن مناطق خطره مع الاحترام والتقدير اللاخ اسامه وبنسبه لجامعة البلقاءليس العيب بالامن الموجود ولكن العيب بالطلبه انفسهم فانتم من يحمل السكين والمشرط بدل ماتحملون القلم والكتاب
يقول النتل من طلع من داره اتقل مقداره.نحمدالله
على ىالنعمه
تعا شوف شارع الجامعة في اربد الساعة 7للساعة9 بس اوعى المواس متل الهوا
بس شكلو الكلب تاعكو بخوف هسة ما حد بزورك خطر الاقتراب ههه
انا بحط الحق على الأمانة
لازم ماتخلي ولا كلب مسعور بالشوارع !!!!!
@SOMEONE – ” 5susan ba3ed a5er 6osheh” طلعت منك مش منا =)
انا برأي
1- ان تكون من فصيلة وتمر في طريق يكون فيه 3 او اكثر من ابناء الفصيلة الاخرى والعكس صحيح
2- ان تشارك في عرس يحوي تعليلة (اذا ماصبتك طلقة بلاقيك ازعر عالباب)
3-تقطع اي شارع من شوارع وطني(يا سيارة يا يتوقع بمنهل)
4-حدود بلد عربي اخر
نعم هذه المناطق خطرة جدا. وتستحق ان تدمر بالكامل. اتدرون لماذا لانها مناطق تحوي اردنيين مؤصلين. يجب ان يطردوا ويوضع بدلا منهم 70000 الف ضيف قادمين من الغرب. يجب القضاء على كل الهنود الحمر في هذا البلد ولان العشائر هي من يوقف مشروعكم فيجب التحريض ضدها. لماذا لم يذكر تقريرك مخيم الوحدات ومخيم البقعه ومخيم اربد فهي اخطر بألف مره من المناطق التي ذكرتها. وهي المناطق الملأى بالكلاب المسعوره.لقد ضحى الاردنيين كثيرا لاجلكم. وانتهت التضحيات ولن نقدم المزيد.فمن تعليقاتكم يرى القارئ انكم فئة حاقده على هذا الوطن
كلام مزبوط الموضوع كتير حلو
كلام مزبوط و الموضوع كتير حلو
أووووووووووووووووووووووه ه ه ه … يا عيني ! إبداااااع كالعادة !
اه الكلاب هههه عنجد هدول همه اخطر شي .. اه بعدين دايـــــــــــما بكونوا مسعورين !@
طبعآ اللبن من المناطق الخطيرة جدآ..انا بشتغل فيها من 8 شهور..طول الشتوية محاصرة ليطلعوا جزء بسيط من المطلوبين في تجارة المخدرات وعالفاضي..الطالبات اللي درستهم متوحشين وبهددوا بالقتل ذبحآ…عينك عينك..لا بتدخلها المواصلات ولا الشرطة..والقصور بتفرض الانسان يتسائل بس ما يفتح تمو..من اين لهم هذا؟؟؟
ابشع ايام بحياتي