مليون أردني يعانون اضطرابات نفسية؟ مستحيل
قرأت الخبر في “عشرات” الصحف بصِيَغٍ مختلفة وكلها منقولة عن جريدة الغد الأردنية إلا أنّ الفكرة واحدة وهي أن في الأردن مليون مواطن يعانون اضطرابات نفسية بحسب فريق من الاختصاصيين الأردنيين الذي أجروا مسحاً شاملاً لمراكز الطب النفسي في الأردن أي أنّ الاحصائية لم تشمل المواطنين الذين لم يزوروا عيادات نفسية من قبل، وإن شملتهم قد يتضاعف العدد ثلاث مرات.
حاولتُ أن أبحث في الأسباب التي أدّت إلى هذه الاضطرابات النفسية لدى المواطنين ولم أجد إلا الارتفاع الفاحش في أسعار كل شيء، واختلاف سعر المحروقات من شهر إلى آخر، وانهيار البورصة وإفلاس الكثيرين، وهروب أصحاب مكاتب البورصات العالمية بأموال المواطنين، و “سواد الوجه” الذي يتعرّض له الأردنيون بسبب “طُوَش” النواب في اجتماعاتهم بالإضافة إلى خبرٍ نقرأه كل يوم عن تسهيلات جديدة أو علاوات إضافية يحصل عليها النوّاب وإعفاء جمركي يمكن للنائب بيعه متى شاء بسعر لا يقل عن 35 ألف دينار في كثير من الأحيان، وكأنّنا في بلدٍ إقطاعيّ يحكمهُ النواب الأفاضل.
كما أن الذهاب إلى بعض المراكز الحكومية لإنهاء معاملة ما ورؤية “الكشرة” على وجوه الموظفين هناك، سيتسبب للمواطن حتماً بالتشاؤم والضيق وربما العدوى من “الكشرة” وهذه أهم الدلائل على “انفصامٍ” في القريب العاجل.
أتساءل عن دقة هذه الدراسة، فإن كانت دقيقة بالفعل لكان الرقم 4 أو 5 مليون بحسب ما نراه في الشارع والحياة العامة، ولا أستثني نفسي من عدد المصابين باضطرابات نفسية.
وبما أن نسبة المواطنين الذي يتعرضون لكل هذه المواقف ويقرأون بل ويرون كل هذه الأحداث بشكل يومي كبيرة، فهناك احتمال كبير جداً أن يكون الطبيب النفسي الذي ستذهب للعلاج عنده مصاباً باضطرابات نفسية هو أيضاً، تخيّل أن تذهب إلى عيادة نفسية لتتأكد من “وضعك النفسي” فتجد الدكتور جالساً خلف مكتبه مُرتدياً قميصاً وربطة عنق و “شورت” سباحة.. لا تستبعد شيئا.
نُشِرت في:
موقع كل الأردن للأخبار.. اضغط هنا
صحيفة اللويبدة الاسبوعية.. اضغط هنا
دنيا الوطن للأخبار.. اضغط هنا
صحيفة السوسنة الحرة المستقلة.. اضغط هنا
زاد الأردن للأخبار.. اضغط هنا
البلقا نت.. اضغط هنا
أسامة الرمح
16th Of March, 2009
فعلا رقم غير دقيق والله بيعين
انا برأيي من كل 100 99 مصابين بعقد نفسيه
وتعددت الاسباب والعقدة واحدة
man 7abebee el sha3eb koloo em3agad
الله بعين
والله يجيرنا من الجاي
اللهم اخرب بيتنا احنا يا شيييييخ
اللهم موت كل الشعوب في يوم واحد
علشان يصحوا الصبح ميلاقوش حد يحكموهم بئا
انما احنا .. احنا هههههههه
احنا ولاد …
احنا بندايق الزعماء وبنعكنن عليهم
..
اللهم افقرنا واغنيهم
اللهم خد مننا واديهم
اللهم شلحنا وغطيهم….:mrgreen:
ما بعرف ليه اول ما قرأت المقاله خطرلي هالمقطع من مسرحيه”الزعيم”……يمكن لانه احنا كمان ما بايدنا حيله الا نروح ع عيادات الطب النفسي “”اذا رحنا طبعا”
خخخخخخخخخخخخخخخخخخخخخخخ
وبقولك شعبنا متهني… اي من وين بدنا نتهنى؟؟؟؟
اكتر شي بحرق الدم انو المواطن لازم يشد الاحزمة لمواجهة الازمات اما النواب فالله لا يشبعهم الواحد كرشو قد البرميل ولسى ما شبع.. يا رب تشبعهم وبدل ما تكبر كروشهم تكبر عقلهم …
قولوا امين…
الاسعار، البطالة، قلة الرواتب، الفساد، المحسوبية والخ الخ الخ وكل هاد ولسى اضرابات ؟؟؟؟ الانفصام صار لازم تعدينا هلئ ودخلنا في مرحلة الهبل و الجنون ….
و هلااااااااا عمي ويلكم تو جوردان
ليه ضل شي بالدنيا يخلي الناس مرتاحة نفسبا و اكتر شي هاي الايام متعب نفسية الشباب الحب افتح على برنامج يا مسهرني على راديو روتاناواسمع الشباب المتدمرة بحكي الشب عن حبيبته الي تركته و شوي بده يفرط من العياط الله بعين مركب وماشية
مع هذا الواقع لابد أن يكون هناك ملايين المرضى النفسيين ، بل إن الإستثناء مع هذا الواقع يصبح متمثلا في كون الواحد لازال بكامل قواه النفسية…
الله يعين الشعب …
والله اتفرج بالشعب نصو بيحكي مع حالو والنص الثاني اخرس
شكرا إلك يا آسامة كثير ..
انا جدا مبسوط على هذا المقال يعني الشعب اللي انا منو كمان شوي رح يتحول من معقد نفسي الى مجنون بفعل فاعل و المجنون نيالو ما حدا بيطالبوا بشي
يعني هانت ان شا الله انبسطو يا شعب الحكومة رح تحل عنكم عن قريب
مبلغين أوى فى الرقم بس الأكتئاب ده مش بسبب البطالة ده تلقى الشباب الى بيحب له أكبر نسبة من الأكتئاب
ana belnesbah ele ba3ed 7ale menhom la2eno sawa2 el wa7ad beshta3′el fe keta3 5as ao 7okome nafs el she bel 5as fe estehlaaaaaaaaak lal moathaf bekol el sobol almomkenah la2 o fo2 kol haik enta lazem tkon daeman 3′altan ao tet7amal 3′alat 3′arak, ama el 7okome marrat beshta3′el bdameer o marat la2 bs bardo feeh nas etnaked 3laih o et-hadedoh be vitamin “wow so 3″asbet 3ano el wa7ad bedo yaser ma3o jonoon mesh bas eterabat nafseah
القطاع الحكومي واسطات ومحسوبيات (مع رقابة متواضعة) والقطاع الخاص واسطات وجمايل وعنصـــــــــــــــــرية وكيد وطمع في الراتب وطبعا راتبي عندهم كان 310 دنانير
اول ما جيت على مؤسسة في القطاع الخاص (بواسطةلان البلد ما ابتمشي الا بواسطة )و الاانا متفاجئ بمدير الشؤؤن بيقولي بشطحة ونطحه لا تفكر ترجع لهون(طبعا لانه بده يشغل قرايبه ونسايبه)
طبعا واسطتي المتواضع عمل اجرااته وبالكاد اشتغلت
طبعا النفاق والدجل والسحب على الناعم والنوم والاخطاء القاتلة والس والكيد والعنصرية والفلسفة والتخريب علي
اضف الى ذلك العقدة النفسية للعملاء والاداريين
فعلا القطاع الخاص ريحته طالعة (زي ريحة الابط ) وبده تهوية(مناقشة وكشف على الاعلام)انا الحمد لله اللي تركتهم
8)
الــــــــلــــــــــــــه لا يباركلهم ولا يريحهم ولا يهنيهم براتبي ويزيدهم هم وغم ويبتليهم ويبعثلهم اللي زيهم يربيهم8)
ارجو النشر
الا تسمي أيضاً فكرة نية ضرب إنسان آخر لأن لديه مظهر مختلف إضطراباً نفسياً؟ بل هو كذلك .ً
والله الله يعين هالشعب على اللي هو فيه
كل اللي بسير وما بدكز ياهم يسير معهم اضطراب نفسي
بتمنى تزوروني ع مدونتي وبتمنى من الاستاذ اسامه انو يزورني ويعطيني رأيو
http://www.road.maktoobblog.com
أحيك أخي أسامة على هذا الإسلوب الرائع
وإسمح لي بنقل مواضعيك ووضعها في منتداي مع ذكر المصدر
كما أتشرف بإنظمامك لعائلة العباقرة العرب
http://www.arabgen.com
محمود الشقباوي
الزرقاء – الأردن
المشكلة ان الشعب مضغوط….وبيفيش خلقه في بعضه …غلا الاسعار شح الامطار التهميش….
وبذلك بيزيد استهلاك الدخان والقهوة….
والله مان ازا اجيت للصحيح كل الشعب والحكومة والنواب مريضين نفسيا بس شو بدنا نعمل الله يخليلنا الدي (احم احم) مقراطية
الي بتخلي شوية قطاع طرق يتحكمو ب خمسة مليون
لا يغير الله بقوم حتى يغيرو ما بانفسهم
اللي بتحكي عنو شي طبيعي انو يصير لما يكون الواحد قاعد بمكان ومو مرتاح
لانو كل البشر الحوليه بستنوا على غلطة
ومين هم النواب :هم الاشخاص اللي “”احنا”" اخترناهم لينوبو عنا
وكما المثل يقول اللي من ايدو الله يزيدو
الحال من بعضو .. يا جيراننا
عن جد أنا متأكدة إنه النسبة 5 مليون إذا مش أكثر مع دخول العراقيين ،إذا أنا لحالي عيلتي عددها 18 أخ وأخت كلنا معنا اضطرابات نفسية هاهاها وقيس على كل الوطن الحبيب .
شوف يا أسامة
هديك المرة طلعت الصبح بتكسي ولا المذيع بيحكي ليش بدنا دايما كل حياتنا تكون عسل بعسل إشي طبيعي تكون مرة عسل ومرة بصل
إلا السواق بقول بصل ببصل
وقيس هالحكي على كل الناس المسخمة إلي مش رح تلاقي كمان شوي الخبز في بيتها
المواطن ماكل (…..)
بحمل هم فواتير وضرايب وأقساط من كل جهة وراتبه لما بستلمه ب4الشهر بتلاقيش معه تعريفة
وبمضيها يوكل(……)!
وبدك الناس ما تمرض نفسيا وتتعقد؟
وبدك الشباب ما يبكي عحاله؟
إذا الواحد وهو عزابي مش لاقي يوكل فكيف لما يتجوز؟
وبعدين نوابنا الأفاضل سكان المريخ عايشين بدنيا غير الدنيا تاعتنا
والواحد بذبح حاله مشان يصير نائب لأنه العز بطم وبعم عليه وعلى كل قرايبه من جد جد جد جدوده لولد ولد الولد
والوظائف الحكومية ياعمي إذا ما عندك واسطة ماتحلم فيها
بس الصراحة أكتر ناس مبسوطين بهيك وضع هم الدكاترة النفسيين لأنهم بلحقوش شغل من كتر المفصومين والمعقدين والمكتئبين
وسلامتك
@NesReeN -
لسا نسرين منيح إذا معهم مصاري يروحوا عدكاترة نفسيين
أحسن إشي نختصر الطريق وندور بالشوارع نمعط شعورنا ونلطم خدودنا ونبيع علكة بنكهة الهبل
بتصدقوا؟
فعلا شر البلية ما يضحك
عم بقرأ مشاركاتكم ومش ماسكة حالي من الضحك
شكرا أسامة ضحكتنا عحالنا
مشكور اخي
علي المقال الرائع
http://www.link4soft.com/forums/
كيفك ابو السوم اشتئتلك كتير ولمقالاتك كتير حلو وبالصميم جود لوك ماي فرند باي
تحيااااااااااتي…واشوااااااقي
اههه شو انو كلامك صحيح 100% والله ما بسمع غير فلان النائب شاري ابصر ايش و فلان معمر بلد ولا قرية مو فرق بس شو يسو المشحتفين الي مش لائين يوكلو صار الواحد يتخلا عن كرامتو لشوية فلوس ولا شجفت ارض الله يلعن الفلوس وساعتها ازا بتنزل كرامت الناس لهدرجة والله يعطي الناس اجمعين
مرحبا أسامة، بالنسبة لتغير أسعار المحروقات فأنه موضوع طبيعي في العديد من الدول أما المشاكل بين النواب فأنه موضوع طبيعي موجود بالعديد من الدول وشاهدناه كثيراً…
أو السعودية 
أو سوريا!!!! أو مصر!!!
عنجد NIIIIICEEEEEEEEEEEEEEEEEEEEEEEEEE لااللة
يعني حتى علمياً القيادات إنعكاس لطبيعة هل شعب الرهيب 
أما بالنسبة للإجراءات الحكومية فهي في تحسن مستمر ووضعنا افضل من أغلب دول المنطقة.!!!!!! يا ريتك تشوف بس ليبيا
بقولوا ما في مصاري وكل اشي بحطوا بضهر هل شماعة إللي إسما حكومة!!
الشعب هو إمرض حالوا بإيدوا!!!! كل واحد ما بعمل إشي مفيد وشاطر بالشكونة وكل خريج مفكر حالوا حيشتغل مدير!!!!!!
وبقولوا ما في شغل وفي بطاله وسبحان الله سبحانك يا الله أول مرة بشوف بلد فيها بطالة ومليانه عمالة أجنبية مصريين صيينيين و حتى أسيويين!!!!! وفي بطالة
والأحلى كتير من الشباب والصبايا شايفين حالهم ما بعرف ليش!!!
بالنسبة للنواب فهني من إختيار الشعب
صدقني على أرض الواقع المشكلة فينا بالشعب وهاي مش اسباب للأمراض النفسية أبداَ!!!!
صح إنو الشعب الأردني شعب كشر بس والله إني بحبو
مش عارف كيف بحسو شعب راقي هلأ يمكن تصيروا تضحكوا حتى أكيد راح تضحكوا
إحنا الشعب القوي إحنا الشعب المتقدم إحنا الشعب القادم إحنا الشعب اللي ما في زينا إحنا الشعب المتفكر إحنا الشعب المتكبر
بس إحنا مش متكبر بس عشان القافية
وبوعدكم وباذن الله إنو للأردن مستقبل ان شالله بجنن
الله يشفيهم
بس يمكن فش بلد الا وشعبها بعاني من اضطرابات نفسيه !!
الكل تعبان نفسيا من ه اللي بيشوفه
hi ami
بيني و بينك كلام سليم … بس النسبة أكثر … و الوجوه أكشر … ” عجبتنس هاي” ^_^
و طبعاً ما بسثني حالي … الكل عنده مشاكل و إضرابات نفسية … و السبب واضح !!!
جد ما حدا بقدر يناقش !!!
على كل حال … تسلم إيديك أسامة و إلى الأمام !
احنا اذا سألنا حالنا شو السبب انو الشعب الاردني او نسبة كبيرة منو عم بيعانوا من مشاكل كبيرة منها اقتصادية واجتماعية ونفسية وغيرو وغيراتو ؟
ليش لما الحكومة بلزمها مصاري بتروح مباشرة للشعب المسكين وبتعصرو عصر حتى عضمو بتعصرو واذا في شوية مي بتنشفو على الآخر ؟
ليش لما شي مر اقب سير بدو يجي يخالفني بيكون بحكي معي كأني مجرم عملت جريمة كبيرة بحئ البلد وبحئ المجتمع ؟
ليش لما شي شرطي بيجي بطلب مني هويتي لحتى يتأكد من شخصيتي اذا كنت مطلوب او شي متل هيك ليش بيحكي معي بحقارة وبذدراء وبيعاملني معاملة كتير وسخة وهيك مع كل المواطنين بشكل عام شو السبب .؟
ليش لما فتحت شركات البورصة بالاردن الناس صارت تركض وتستدين وتاخد قروض من البنوك والرجال تبيع دهب نسوانهم ويحطوا مصاريهم بالبورصة ليش ؟
وليش الحكومة تركت شركات البورصة تشتغل بالبلد لآكتر من اربع او خمس سنوات كاملة وتركت الناس تغوص بشركات البورصة وفي ليلة ما فيها ضو قمر هجمت الحكومة على الشركات وسكرتها وخربت بيت الناس وتخلت عن الناس وعن مدخرات الناس وتحويشة العمر تبعت الناس يلي راحت عليها ؟
ليش الحكومة بعمرها ما تحملت المسؤلية تجاه المواطن الآردني ولا بأي شي نهائي ؟
ليش الحكومة دايما بترفع الاسعار ودايما بتزيد الضرايب ودايما عم بتعمص بدم المواطن ؟
ليش في الاردن عدد الشباب يلي ما متزوج عدد كبير ورقم كبير كتير ؟
وليش عدد العوانس بالاردن صار رقمهم مخيف كتير وخطير ؟
هل يا ترى لو المواطن هون مرتاح بيكون في اعداد وارقام كبيرة للعوانس من الشباب والبنات ؟
هل يا ترى فعلا متل ما بتدعي الحكومة المجيدة انو السبب هو غلاء المهور ؟ ههههههه
ليش الشباب بالاردن لما بيصح الو فرصة الهجرة للخارج بيركض ركاض لحتى يجهز اوراقه ولما بتجي ساعة سفرو بيكسر جرة ورا وبيطلع وهو عم يضحك وما بيكون عم يبكي على فراق الآهل والاحباب ؟
ليش حياتنا هيك بالاردن احنا الشباب حياة تعيشة وحقيرة وصعبة ؟
ليش هون الشرطي بيكون عبارة عن حكومة بحد ذاته ؟
وليش الحياة عنا كتير صعبة ؟.
طيب شو نعمل يا ناس وشو نساوي وكيف نتصرف وشو الحل ؟؟؟
فيكم يا جماعة الخير تعطونا شي حل هيك او هيك ؟
كرمالي يا ناس بدي حل ولوووووو
انا ما عمري رحت ع دكتور نفسي
بس انا تقريبا كل الاضطرابات نفسيه عندي
فحطو مليون و واحد
على فكرة! لمى حدا يحكي “اضطرابات نفسية” هذا لا يعني انو حدا مجنون او بنص عقل!!!
يتراوح الموضوع بين قلق للجنان!!! مين فيكم ما بحس بالقلق؟؟!! اي شي بعطل عليك سير حياتك يمكن اعتباره اضطراب!!! بس الفكرة انو الواحد بالأردن من كتر ما بشوف جد بصير فيو شي غلط!!! انا مع انو العدد كبير!! بس انا ضد انو يكون الموضوع مطروح للسخرية بدلا ما نعمل على معالجته!!
و الله يعين الناس على الظروف الي هي عايشيتها! و الحمد لله على كل شيء
تسلم ايدك علي المقال وعلي المدونه الرائعه
اتمني لك التوفيق
الغالي
http://www.alqaly.com/vb
دردشة
http://www.alqaly.com
بعين الله يا شباب نحنا ابتعدنا عن ربنا فبصراحة بنستاهل أكتر من هيك
احنا زي ما احنا عرق الهبل فينا وين ما نروح والكل عايش وبيحلف انو طفران وما معو ولا ليره ولمه اجت نهضة البورصة الشحاد والمنتف والى داير على حل شعرو والمشحر كلللللهم طلعت فلوسهم وحطوها بالبورصة … بالله عليك هلشي ماهو مرض نفسي يلي بيحرم نفسو واهلو سنين عشان بالاخر يسلمهم لناس مو ناقصهم شي ويضحكو عليه مهو غصبن عنو بدو يمرض يمرض نفسي لئنو هوه بالاساس مريض خلقة لئنو سمح لنفسو يحرم اهلو من العيشة الهنية
يا سيدي المرض احنا جبناه لأنفسنا وسلامتكم
ma tsa3bha ya bashar el7ayah ma bedha ela shoet 7ekmeh ana ele ma 3ende sewa -16- saneh bamlekha we basayes elhayah 6ol ma hee mashya ma3e sa7 we lahala al7amdllah
ma 3akestney laenoh el7ayah bta3ref enh eza tflsaft 3le
badrobha belshebsheb
bashaaaaaaaaaaaaaaaaaaaaaaaaaar 3adey ma ttaser belly 3am beser we eshkor rabak enhom ma be3maloo akter men heek blash ne3tared we nakol dareb belgezam 7ata n7kee bas .
يا اخي كل العرب يعانون اضطرابات نفسية بسبب حكامهم و ليس الاردنيون فقط
http://www.fekrysoft.com
مشكور اخي
علي المقال الرائع
http://www.link4soft.com/forums/
http://www.link4soft.com/
المشكله تكمن في الاخفاق علي المستوي العربي ونصيحه مجربه لمن يريد اان يحيا بدون امراض ضغط وسكر وغيرهامثل الامراض النفسيه 1-عدم متابعة نشرات الاخبار -2- عدم الاستماع الي تصريحات القاده العرب والمؤتمرات الصحفيه بعد القمم 3-عدم الاهتمام الزائد بمباريات المنتخبات القوميه العربيه 4-عدم الاكتراث بفوضوية الحياه وزحمة الشوارع والمرور والفساد الاداري واخيرا ان يحيا الشخص كل يوم بيوم ويقبل الحياه كما هي فلن يكون هناك ازمات نفسيه
لان جميع العالم يعاني من كساد اقتصادي وهذة مشكلة عالمية نشكر اللة انو لسة احنا ببيوتنا ونشكرو على الامن لانو نعمة .زليس عيبا ان نراجع طبيب نفسي
شكراااااا مقال رائع يا اخي العزيز
http://www.link4soft.com/
http://www.link4soft.com/f2.html
بس مليون؟ ههههههههههههههههه
ازا وقفت على مليون بسيطة
يا جماعة طولوا بالكم … و الله إنه اللي بشوف مصيبة غيره بتهون عليه مصيبته و الله إنه احنا بنعمة بس مو حاسين فيها لأنه دايما بنحس انه اللي صار معنا ما صار لغيرنا و انه مصيبة كبرى و ما حدا رح يقدر يحلها … و انا ما بستثني حالي أنا أول الناس بس المشكلة انه احنا بنصير نتلطم و نندب حظنا من غير ما ندور ع حل ( و انا هذا اللي بعمله بعد ما اندب حظي
) …
صحيح امه في مشاكل بالبلد بس و الله انها بتهون جنب المشاكل اللي بتسمعها قاعدة بتصير بكتير من دول العالم و صحيح انه احنا هون مش في دولة مثالية بس لازم نقتنع بسياسة انه احنا أحسن من غيرنا و غيرنا أحسن منا … المشكلة الحقيقية انه احنا شعب بسيط و تفكيرالمعظم منا بريء و بسيط و ساذج أحيانا لدرجة انه كلمة بتجيبه و كلمة بتوديه من غير ما يكون في اله رأي خاص أو قناعة ثابتة أو مبدأ واحد يمشي عليه دايما بنسمح للظروف تتحكم فينا و تأخذ القرارات عنا في الوقت اللي لازم تكون الظروف اختبارات لمدى تحملنا و صحة خياراتنا … و ببساطة كل شخص أكيد رتب أولوياته بالحياة و المكان اللي هو فيه هلأ سواء كان وضع مادي أو اجتماعي أو نفسي هو نتيجة القرارات اللي اتخذها بناء على الأولويات اللي حددها مسبقا ..هلأ أغلبنا ما بعرف انه هذا هو اللي بصير دايما بدءا بأضغر قرار من حياتك انتهاء بالقرارات المصيرية الكبيرة بس بطريقة أو بأخرى هذا هو النظام و هذه هي الحياة
yes i agree with u osama,
el ordon mlyaneh nas m6arben nfsyan….
مشكورر جدا
http://8tf.net/
موضوع جميل مشكور اخ اسامه
اول شيء لازم نتفق عليه جميعنا
انه مافي بالبرلمان الاردني اي نائب من بلد تاني
يعني ماعندنا نائب مصري و لا سوري و لا الماني
الله وكيلك كلهم اولاد بلد
و تاني اشي انه حكومتنا الرشيده مافيها و لا وزير اجنبي
يعني ما عندنا وزير استرالي او فيتنامي او مغربي
الله وكيلك كلهم كمان اولاد بلد
و كمان بحب اذكركم كلكم انه لم اشاهد اي شرطي سير اجنبي
شرحه كلهم اولاد بلد
فرجاءا مافي داعي ننتقد النواب زي كانهم مش نحنى
و لا نتطاول على الحكومه زي كانهم مش نحنى
و لا نتجاوز بالافاظ على شرطي السير كانه مش من قرايبك
سادتي
المشكله فينا نحنى
اللي الواحد فينا لمه ربنا ايمكنه من اي انسان بيشتغل فيه و بيعمل فيه العمايل
و للاخ اللي طلب حل للمشكله هاي انا عندي الحل
الحل بسيط جدا
كون كويس مع الناس لمده عشر سنوات بس
و اذا كل واحد منا كان كويس مع الناس عشر سنوات رح تظبط
و لما تسمع انه في انتخابات برلمانيه يا ريت تصحى من النوم و تروح تنتخب انسان بيفهم
و بلاش سلبيه مهي مبيوعه , شو بده يعمل يعني , بيطلع زي اللي قبلو
و لما تكون عم تسوق سيارتك يا ريت ماتسرع عن سرعه الشارع و لا تقطعها وهي حمرا و حاول اتكون متل ما انت بدك الكل يكون
و لما اتشوف واحد عم يتطلع فيك ابتسمله و قوله امشبه علي لاني حاسس حالي بعرفك بس مش متاكد
مش تقوم و تضربه و تقوله شو مش عاجبك لتكون يا ابن ……………
الحياه ابسط من هيك و الحكومه اللي مش عاجباك لازم اتذكر انها مشكله من ابناء بلدك
و المجلس النيابي اللي مش معبي عينك هاد انت انتخبته او تقاعست عن انك تعدله يوم الانتخابات
الكلام موجه للجميع و انا اولكم
و لا تنسوا انه الاردن جنه بولادها اللي همه انتو
واضف جنب المليون 40 مليون عندهم احباط وكتئاب من حكامهم ومن
الدنيا.شكرا
شكرا على هذا المقال الرائع
http://www.shbabsmart.com/vb
http://www.shbabsmart.com
ياخي الدنيا بتمرض الواحد
رد على مقال اسامة حول تكشيرت الاردنيين
والله يا سيد اسامة المشكلة الاردني هي ليس اسعار الوقود وليس غلاء الاسعار ولا ولا ولا ولك السبب الذي سوف يجيب الجلطة الى كل اردني شريف
وهو المنافقين الى درجة انة هو كرة نفسة من الكذب والنفاق والدجل من خلال الردود يعني يا كاذب احنا عيشين في الجنة ما في اي مشاكل كل بلد وكل شعب عندة مشاكل وهموم حتى دول الكبرى والصناعية وين الاردن منهم خلين نعترف مرة ولو بدك استاذي منافق المبجل انا اعرف انك مخابرات او متصل
عندما يكون كل حياة الشعب يقررة مخابرات على هذا الشعب السلام لان المخابرات اكثر حياتة يقلب الحق باطل ويزوق الامر السيء
اضافة الشعب الوحيد الذي ليس عندة مشاكل وهموم هم سكان المقابر الاموات
الذي خذ الملوخية ورح انت اقذر انسان وجد على البسيطة