يوميات بني آدم – الحلقة 4 – يوم في Gloria Jeans
أحيانا لأ مو أحيانا قصدي دايما بزهق من القعدة في البيت بعد الدوام إذا ما كان عندي تصوير حفلة أو شغل “برّاني” فبروح على Gloria Jeans’ أشرب أميريكان كوفي ومي إم الليرة، وبشبك نت عندهم وبحط السماعات وبشغّل إم كلثوم وسلطن يا عم، الجو حلو على الترس برا، والناس رايقة بس رايقة كتير مو شوي.
طلاب الجامعات بروحوا على Gloria Jeans عشان يدرسوا أحيانا، يعني بتقعد بتشوف بنت قاعدة بحالها عينها على كتابها تارةً وعلى الناس تارةً أخرى، وبتلاقي شب عينه على كتابه تارة، وعينه على البنت اللي بتدرس 100 تارة، الله يرحمك يا سيدي، لو كنت تعرف عن هالمكان كان ما ترك المدرسة بصف عاشر، كان صار بروفيسور هلأ، قصدي قبل ما يتوفى، المهم مو موضوعنا هاد.
بيوم من الأيام، حملت اللاب توب تاعي، نفسه اللي انكب عليه النسكافيه، ورحت على غلوريا جينز، قررت أقعد برا على الترس، الجو كان جميل وشاعري، والهوى كان بضرب يمين وشمال، يعني جو رومانسي جدا، كان في كتير ناس، اللي بدرس واللي بحكي، واللي بضحك، واللي بتحط مناكير على أضافرها، رحت حطيت أغراضي على طاولة صغيرة، وطبعا كالعادة بجيب وصلة الكهربا معي عشان أقدر أوصّل اللاب توب بالكهربا اللي جوا المحل، ركبت وصلة الكهربا ورحت أطلب شي أشربه، رجعت لقيت كل زباين غلوريا جينز مستعملين وصلة الكهربا تاعتي ومو مخليين ولا مكان فاضي إلي، همه فكروها تبعت المحل، عاد هيّه إلي.
انا قلت مو مشكلة، بطاريتي بتكفي ساعتين زمن، أكيد بعديها بلاقي مكان فاضي في وصلة الكهربا، مرّت أول ساعة، وما ألاقي غير واحد صاحبي جاي وقعد جمبي، بعدين اجى كمان واحد كمان صاحبي طلع بعرف صاحبي الأولاني، وبعدين اجى كمان واحد، هي صاروا 3 قاعدين معي على نفس الطاولة، مع العلم إني كنت حابب أقعد لحالي هداك اليوم “مع الاعتذار الشديد لأصدقائي”، الثلاثي المرح بلشوا يحكوا ويتناقشوا، يعني بالعربي قرقعوا راسي “برضو مع الاعتذار الشديد لأصدقائي”، خلصت الساعتين ووصلة الكهربا لسه مليانة، والمشكلة بطارية اللاب توب باقيلها 10 دقايق وتخلص، وراسي كان باقيله 5 دقايق وينفجر، هاد يحكي معي وهداك يناديني، وبقدرة قادر لمحت وصلة الكهربا ولقيت مكان فاضي أحط شاحن اللاب توب، رحت بسرعة ركبت الشاحن قبل ما حد ياخد مكاني، رجعت عند اللاب توب لقيته طفى، طبعا بدو يطفي مهو البطارية خلصت بجدارة، بس في شي غريب صار، بعد ما ركبت الشاحن، ما اشتغل اللاب توب، اعمل زبّط حرّك شيل حُط مافي نتيجة، اقتنعت 100% إنو الشاحن ضرب.
راسي صار زي البلونة، ووجهي صار زي البندورة، وعروق إيدي بدها تنفجر، أول شي كل زباين غلوريا جينز شبكوا كهربا على حساب أبوي، تاني شي أصحابي قرقعوا راسي “مع الاعتذار المش عارف شو.. هوه ضل فيها اعتذار..؟” تالت شي، وبعد ما رحت جبت شاحن جديد رجعت لقيت النت فاصل والمحل فاضي ووصلة الكهربا مسروقة والأميريكان كوفي باردة والمي إم الليرة مشروبة ومافي حدا يروّحني وكل تكاسي عمّان بطّلوا بدهم يشتغلوا على دوري وروّحت مشي.
من أحلى أيام حياتي.
أسامة الرمح
6th Of Sep, 2008
يا مان انا قبلت اعتذارك بس يا صديقي اذا ما لزينا عليك في وصلة كهرباء,واذا ما اشربنا مياتك وقهواتك .. لشو لعاد احنا صحاب واذا كان سوء الحظ راكبك هديك الفترة فياريت ما تاخدنا شماعة لتعلق عليهاانتكاساتك في ذلك اليوم اللعين :devil:
مع اعتذاري صديقي :angry:
as alwyas:)good job my friend..
يا زلمة الغلط مش عليك أصلا , الغلط على الي دلك على جلوريا جينز لول , و فوتك المحل, ما أحلاك , بعدين ما أنتا قلبتها على روسنا هو ضل فيها أعتزار . خلص أسامة أنا بدي أبطل أروح على جلوريا , بدي أصير أروح على “كاسبر” أنا والأصدقاء التنين التانيين :angel: :whistle: ولا شو رايك يا رقم واحد ؟؟؟
رحنا على كاسبر ما لقينا كهربا وروّحنا.. خليه ينفعكم :devil:
والله يا صديقي التاني .. الموضوع الو حيثيات تانية بعدين بشرحلك ياها .. وخلينا نكون أحسن منو وننسحب من جلوريا على مكان تاني متل اللي حكيتو على الأقل بنلاقي وصلات build in خلقة في المحل وممكن نلاقي صبايا مع الطلبات بيستنو بلا من صحبة أسامة بيك لانو الوصلة عندو ما بتسع :whistle:
أهههه صحييححححححححح …. يوم طوشة الحقرتلة مع الvalet تاع دير القمر :w00t:
رُبَّ صديقٍ باعَ صديقَهُ لأجلِ وصلةِ كهرباء :angry:
Thanks mayada, forsa te7kilek kelmeh :tongue:
loooool..what can i say kol al 7a2 m3hooooooooooooom:P:P i mean ur friends akee bemenooooooooooooooo
:P
you really helped :ermm:
loooooooll…am waitting for the third friend
:P
lol then ur waiting for 3edwan, he will eat me when he reads this epi :w00t:
yay then jad can’t wait:P..alahoma la shamata
and this will be the last epi. b yawmyat bane adam 
u wish :w00t:
no i don’t…am tryin to find a time for dreaming
:P
will talk about this offline :tongue:
i think u ll never leave gloria cuz u keep going there 2 find that girle
“alle ……. 3la table” :tongue:
ضيف هاي الحلقة على الليست!!
hehehehehehehehe walla y 3my when u wnt 2 set alone u will lose everything in the world trust me bas ana mry7 7aly coz i dont have a friendz my friendz is music ( Romance , Trance , DjMix , tamr ) bas yalla y seedy try anuther day 2 set alone but set hidden :w00t: :w00t: :w00t:
yala c u y man bbye
7akeeetlak
ma etsa7eeeeeeeb
5alayleeeeeeeeh
loooooooooooooooooool
مان اشتقت لجلوريا جينز
القعدة مميزة هناك مش عارف ليش
هون بدبي رحت عليه بعد اجازتي بعمان مرة, بقلعط, كلو فلبينية وكئيب وما بندخل ابدا..
بس في عرض منيح, امريكان كوفي حتى الاشباع ب عشرة درهم :devil:
لوووووووووول اسامه منيح معناتو خليك لحالك هالايام وارتاح لبين ما اخلص امتحانات :blush:
صحيح الاجتماع الي حكينا عنو رح يكون بغلوريا جينز مو ؟ :devil:
تخفش بجيب لك علبة مناكير .. قصدي وصلة اضافية :alien:
LOOOL
I liked this one..
you wonderful sarcastic way to entail your story lool
well done
wish you all best my dear friend,
menha lel a7san
له له له يا اسامة.. حزنتني عليك.. كلو منك ابقى علق يافطة عل وصلة (وصلة ابوي مش ابو غلوريا) و ع طاولتك علق (احترس اسامة شايف الديك سحلية او السياج مكهرب او اي شي من هذا القبيل) بلكي بتتحسن الاوضاع
dakhlak dakheelak weno hada Gloria secrets hehe Oops..azdi jeans?
Ummm take it easy ya man – it happens
bs what can u do when the bad luck strikes u
any ways I liked the part where they used it, frankly its ur fault, leish toskotelhum
any ways nice story o zaman 3annak osama :happy:
kepp it up
مان فعلا قصة الوصلة هاي قصة الواحد لما يجيب معه شغلة على اي محل بصير لكل زبوون حق فيها
بعيين الله
وشكرا الك شاركتنا يومياتك
ملاحظة
اول تعليق الي من زمان
شو هاد? :angel: و الله قلبتلي راسي يا أسامة..بس روعة يعني عيشتني الحالة و عصبتني و كرهتني بالاول و و التاني و اللي ما اجى و ضحكت بالاخير :cheerful: ..برافو أسامة برافو و لا ممكن يوم مواضيعك تفقد رونقها و قدرتك انك تنقلنا كل المشاعر الصعبة و الحلوة..حتى انك خليتني أحط غلوريا جينز على لائحة و بمقدمة الاماكن اللي رح زورها لما يوم من الايام رح زور الاردن…و يومها بليز ما تنسى الوصلة..حتى ما نضطر نحتاج الغريب..هههههههههههههه:tongue: …روعة يا عم و اكتر من روعة :w00t:
يا سلام على هيك قصص :tongue:
loooooooooooooooooool
بحيات رحمة نغريد يا اسامة انك تحكي الصحيح, صرت تشتغل بالاعلان؟
مرحبا اسامة
:angel:
انا في الحقيقة دائما اقرأ مدونتك وكتابتك تعجبني دائما أتمنى لك كل اتوفيق من خالص قلبي، وتحياتي لك
تعليق بسيط : شو بالنسبة لغلوريا جينز دعاية للمحل ولا شو
لووووووول يا عليي يا اسامه عانيت كتير :sleeping: بسيطه
تعيش وتاكل غيرها .. :angel: المره الجايي حط آرمه ممنوع الاقتراب والازعاج :blush: ..
وللمخالف عقوبة بدفع الحساب كاملا :tongue:
لووول
hada jazahon jayeen ysalok :tongue:
baseta, bet3awedha
try macho picho w 2d3ele..
i love their sofas :whistle:
والله يا اسامه ذكرتني لما الواحد يوخد معوو شاحن عالجامعه
بصير ملك للجامعه
ويا حظك يا نصيبك اذا لحقك دوور او قدرت تروحووو معك
يسلمووو على هالاسلوووب الرائع
شكرا
دايما هيك في البلد لي بجيب اشي جديد بالله ياخوي شوي لو مافية زعل ياخوي عشر دقائق
لذلك يجب عدم اظهار الجديد بس بس كيف بدنا ناعرط في الجديد :wub:
وين موقع جلوريا جينز بالزبط؟؟؟؟؟؟؟؟ :blush:
بالتوفيق أخوي بارك الله فيك
:angel:
ههههههههههههههههههه مش طبيعي انتا على فكره انا شفتك اكتر من مره في غلوريا المرة الجايه رح اعمل فيك مقلب ازا بتسمحلي :whistle:
روزي حبيبتي في عندك واحد غلوريا عند دوار الواحة و عندك واحد غلوريا كمان مقابل مكة مول هدول اللي بعرفهم :blush:
وكاتب تحت (من أحلى أيام حياتي)ها lolzz
يوميااااااااااااات من الااااااخر هههههههههه
:whistle:
مقال رائع
هاهاها ، عنجد حظ مش طبيعي بس شو بدك تعمل انا بقول اشتريلك بسكليت منو ما بتنقطع منو بتبطل تلاقي وقت تقعد في غلوريا :tongue:
أسامة …. وين الصديق الثالث ؟؟؟
ولا شكلوا ما أستوعب المقاله كلها ؟؟؟ :blush:
………………………………………..
مدمنة غلوريا جينز : يعني أكيد شفتينا لول …
على فكرا … دليناهم على الشحادة , سبقونا على البواب :getlost:
واخيراً وليس اخراً شكراً على هل مقاله
يلي ذكرتني بمقوله “شوف مصايب غيرك بتهون عليك مصيبتك”ورمضان كريم وكل عام وانت والامة الاسلامية والعربية بالف خير
انا الحقيقة من اشد المعجبين باسامة الرمح وللذلك لي الشرف ان ادعوك يوما الى كوفي دونية -الرابية
ليكون منطلق مدونتك الى العالم
وستكون قريب من الكثير من الصحفين حيث ستشعر انك في نقابة الصحافيين
اذا قبلت دعوتي فارجو ان تتصل بي :getlost:
لووووووووووووووول
و اخيرا اخ اسامة رجعت لمواضيعك الحلوة و زي ما انت ملاحظ رجعت الردود و رجعوا القراء زي اول مش متل قبل فترة شوي كانت المواضيع وضعها صعب
على العموم بسيطة يا مااااا ما شفنا ايام حلوة زي هيك :getlost:
شوقتني اروح كل يوم على جلوريا عشان اسلم عليك :cheerful:
بس انت انو فرع بتروح؟؟
تحياتي
take it easy osamah :kissing: dont U know the sharing theory thing
great job broo :wub:
m3 enu 7aseet-ha 2lbt Chat !!! bs niceeeeeh
anywayz ya Osama : 7abit el mawdoo3 ,allah ywaf2ak:)
allah yr7amo la gedaak law sa7atlo ma maat bs maaat !! :S
salam,osama..
….
7eloo wasfak la el mawkef bjad ,, btshed el kare2 w by5ales kera2et kol el post
marat el wa7ad by7taaaj ennu y23od la7aloooo
have a nice Times
شكراً إنكم عشتوا يوم من أيامي :tongue:
مساء الخير
ما لاقية كلمة اوصف بيها خفة دمك وحلاوة روحك وبساطة اسلوبك بالمقالات
بس حبيت اعرف انه اي فرع من فروع غلوريا تروح ؟
انا بالنسبة الي شبه ساكنة بالفرع اللي بمكة مول وبالذات ايام الجامعة
بس حسيت من كلامك انه معاجبتك فكرة الدراسة بغلوريا صح ؟
سلامي
هلووو..
شكرا Zainab على تعليقك.. انا ما بروح على الفرع اللي عند مكة مول، بروح على فرع تاني :tongue:
بالنسبة للدراسة في غلوريا، عادي لكل زمن عادات مختلفة، كل واحد يدرس وين ما بدو :tongue:
allah y3eenak 3la haik youm,,l2eno ma b3raf she kent r7 a3mal law kent makanak,,w ma ba3raf kef sabart 3la il nas ele a5ado il wasleh,,wallah neyalak 3la haik tooleh bal!!!
w jad jad kteeeer 3ajbatni fekretak w taree2tak bil ketabeh cuz she jdeed w 7elo kteer kman,,,,
keep it up :cheerful:
Welcome Razan ^_^
هاااااااااي..
يعني قرأت المقال حوالي 20 مرة “بدون مبالغة” وكنت كل ما بدي أعلق أتراجع كل ما بدي أعلق بتراجع..بس أنا بدي أعلق..
حلو كتير يللي بتكتبوا .. “يوميات بني آدم”!!! رااااائع يا “راااائع”.
قلتها وسأقولها لك” كن دائماً نارٌ على علم” ، وحاول أن تُبقي هذه النار مشتعلة.
والله يا اسامه يمكن هاي تاني مره بحكيها
انو هادا الموقع اكتر موقع بفتح عليه
لانه عنجد موقع حلو كتير وتقريبا قريبت اخلص قراة كل مقالات
خليك هيك وما ترجع للخلف
واتوقع انه احنا كلنا معك
سؤال يطرح نفسو وين بيجي هاد غلوريا جينز؟ :angel:
Gloria Jeans Coffees… El baddad Building,,, hade el 3emara ele beshrae3 el madeneh el monawara .. janb kaziet el e7ejawee … 3aleeha burjjj tweeeeeeeeeeeeeeeel …. :angel:
الى الأمام يا اسامة مع يوميات بني آدم لاننا بحاجة لنعرف كم من بني آدم أصبح العدد بين هالناس
nice osama.. ya sadeeqe btw.. ana shoft kol elle sar feek,. 3adi osama.. allah be3eenak 3ala mobtalak… o mola7aza a5eereh el bent ele kanat todros hay my GF law sama7t ya3ne la tjeeb seeeret.ha :alien:
مان انا بقوللك ايش تعمل ، روح على جلوريا جينز اللي قبال مكة مول ، خد معك وصلة كهربا 10 متر او 15 بكون احسن :happy: خد قهوتك و اطلع فوق فوق عالسطوح ، اقعدلك في زاوية و مد السلك للشباك لتحت عند الشباب اللي بشتغلو تحت ، و انا بضمنلك هاي الخطة 100% انها تزبط ، ع اساس انو ما حدا قرأ هاد الحكي :tongue:
ilove it osama obsra7a she jameel ojded :wub:
ههههههههههههههههههههههههههه يا حرام بس كلامك مزبوط قي قليلين زوء كتير بس يلا يوم وعدا نرسي على المقال جد روعة :tongue: :tongue: :tongue: :tongue:
عن جد انك بتفش القلب يا اسامة هلا انا عشاني محجبة بعاني من مشكلة التميز لما تيجي بنت لابسة الى على البحر بصير الكل بعاملها باحترام اما الي بتكون ساترة حالها محترما الي قدامها بصير يعاملها اي كلامو هاي مشكلة اغلبية المحجبات . انت عن جد كتير ممتع بتمنالك النجاح بحياتك باااااااااااااااي
تعيش وتاكل (سرقة وصلة كهربا تانية) ههههه
ههههههههههههههههههههههههههه
هيك اللي بدو يقعد لحالو والا بلا …..
ما شمتت بس يامه بتصير هيك قصص خصوصي لما تكون حابب تكون لحالك وتقعد بمكان عام
ما بتعرف منين اجت المعارف
هههههههههههههه
واالله صرعتوني , بس ضحكتوني
بتعرف لو مكانك ايش بعمل والله العظيم كان
ضليت ابكي اسبوعين زمان .
بس سؤال هلأ جد اللي علقو اول شي همو اصحابك اللي كانوا معك , والتعليقات اللي بتنزل باسمك انت اللي كاتبهم
ولك تقديري واحترامي …
انا لو منك كان انتحرت بنفس اليوم وريحت راسى ..بجد شى مو طبيعى هههههه
الموضوع كتير ر ر ر ر ر حلو لانه جلوريا بتذكرني ب سم ون كنت احبه ه ه ه ه ومازلت ********************************************************** بس الله اعلم
alak 2slob kter 7loo btmanalk 2l twfee2 w 3ala fekra tol ma 2na ma b7m 2kra2 kteer bs ktabatak jazbatnee kteer btman dalak tktob dayman coz ktabatak lazeeza
really allah y3enak
3n jd ana f83t mrarty mn elel3′ol
bs yllah el2a7ed malhosh 3′er 97abo
jd ur site z proffesional
صباح الخير جميع، سعدت بالمرور على هذه التدوينه الرائعه والجميله لكم مني أجمل التهاني وأعطرها
أعجباني قصتك كثيرا لأنها حدثت معي أكثر من مرة, وأعجبني كثيرا طريقة سردك للموضوع وكأنك تتكلم مباشرة بدون تصنع.