يوميات بني آدم الحلقة الخامسة – كل عام وانتم بخير
اليوم آخر يوم رمضان، بالنسبة إلي ما كان آخر يوم رمضان، كان أول أيام العيد، طول اليوم وانا برا بخلّص معاملات هون وهناك. رحت عالشغل مشان أخلّص أوراقي معهم، رحت عالبنك في سيتي مول وقّفت على طابور 8 دقايق، طبعا الـ 8 دقايق بالنسبة إلي كتير كتير، ما بحب أوقّف عالدور. وبعدين كان عندي meeting عمل مع “احدى الشركات”، صعب أحكي اسمها حفاظاً على سريّة العمل. :p
المهم، الشوارع اليوم كانت غير شكل، مليانة سيارات وكل سيارة مليانة ناس، والشوارع مليانة ناس، والسوق مليان ناس، والناس مليانة أكياس، والأكياس مليانة أواعي، والأواعي بتحكي “مشان الله البسوني بس شيلوني من الأكياس”.
كنت واقف بستنى تكسي عند الدوار السادس، طبعا والشوارع مسكرة كلياً، وقّف أول تكسي، ركبت، حكالي كل عام وانتا بخير، واسم الله عليه وجهو بشوش، حكتلو وانتا بخير يا رب تسلم، حكالي وين ان شاء الله ؟ حكتلو، عالجاردنز.. فجأة انقلب وجهو وحكالي: لا عمي الجاردنز أزمة.. حكتلو مو مشكلة ونزلت.
نفس الموقف صار 10 مرات مع 10 تكاسي خلال ساعة وانا واقف تحت الشمس والجماعة بستنّوا فيي.. سحبت حالي وامشي امشي امشي، باتجاه الجاردنز.. المسافة كلها تقريباً 5 كيلومتر، المهم وانا ماشي في الشارع جمب السيارات وأزمة، يعني السيارات واقفة وانا بمشي، لقيت تكسي في الأزمة ماشي، الحلو انو فاضي، حكتلو طالع ؟ حكالي ويييييين ؟ ( دواوين درجة أولى الشب )، حكتلو عالجاردنز، حكالي، لأ.. برضو بطريقة الدواوين.. سبيت عليه بعد ما مشيت بعيد عنه، وضليت أمشي ساعة ونص لحد ما وصلت للمكان اللي بدي اوصلو.. الأزمة بعدها شغالة، ولما وصلت شفت نفس التكسي الدواوين هاد مرمي في الأزمة ووصل بنفس الوقت اللي انا وصلت فيه.. تفرّجت عليه وحكتلو: أزمة آه ؟ ورحت لحال سبيلي..
يعني لو ركّبني معه شو كان خسر ؟ بالعكس، كان سلخ مني 5 ليرات وهوه مرتاح.
المهم، انا حبيت أعيّد عليكم، كل عام والكل بخير، وعقبال ما أجيب سيارة قولوا آمين.
أسامة الرمح
29th Of Sept, 2008
ان شاءالله بتجيب سيارة..
بس لما تجيبها رح تصير انت تعلق بالأزمة.. :whistle:
بس بيني وبينك.. كزدورة بالشمس ولمدة ساعة بتكون كسبتها رياضة وساونا مع بعض.. ولا روحة النادي..
وكل عام وانت بخير
وانت بالف خير
الله يرزقنا ويرزقك سياره
حتى نريح الوالد
من طلبهاا
لانوو بحس حالي بطلب عروووس…………….وبس :angry:
كل عام والكل بخير، وعقبال ما تجيب سيارة …… آمين
وانت بالف خير يا رب…
عالعيد الجاي ان شاء الله بنعملك لمة من الشباب بلكي جمعنا حق دايهاتسو :angel:
كل عام و إنت بخير. أزمة التكاسي شكلا مش بس عنا بلنان!
كل عام و انت بخير صديقي
و ان شاء الله يصير كلنا معنا سيارات و الي معاه يزيده
حكيت بموضوع كتيير مهم بس بالنسبة لسائق التكسي الي حكيت عنوو هادا مبين انو بدور على صبية و هيك ناس بدهم ترباية
الله بعين
و ان شاء الله ينعاد عليكم بالصحة و العافية
اول شي كل عام اونت بخير،ثاني شي المشي منييح كثيير .رياضة :angel: ،وكمان 5ليرات توفير .يعني بالاخير انت كسبان.
كل عام وأنت بالف خير يا صديقي…
عامر الخليلي :blush:
كل عام و انت بخير
آآآآآآآآآآآآآآآآآآآآآمين تجيب سياره واجيب انا سياره
وانتا بألف الف الف خير :cheerful:
:angel:
مبروووك الشغل الجديد ..
طمنا..
ذكرتني بترويحه صويلح مشي :tongue:
yala baseta betseer kteer
kol 3am w 2nta b2alf 5er
w 3sakom mn 3wado
nice one as usual.
3okbalak o 3okbale elsayaraaaaaaa…. :happy:
ههههههههه
اليوم طلعت مع سواق تكسي حسيت حالي راكب سرفيس
كل شوي ياخد واحد ويركبه معي
انا استحملت اول مره ومرتين
المهم عدادي بطلع تلت دنانير على حسبتي اخد على طول الطريق عشره
الله يهنيه :blink:
hehe.. yomak kan mnl 2aaaaaaaaaaaaa5er :cheerful:
HaPpY FeaST 4 all..
ana ra7 a3mal 7ale santa w ajeblak a7la car :tongue:
الازمه بالشوارع كلها عشان البنزين رخيص يا عيني
والناس فاضية يعني الواحد ماشي وبتطلع باللي حواليه ما حد شايف قدامه من الشوفات اللي بشوفها وكل ما يشوف وحده وفصلها تفصيل تقول انه بدو يخيطلها فستان بتنزل عليه الهداية وبحكي _(( اللهم اني صائم )) يا رب استر على خلقك …
وشوفيرية التكاسي لو ما كانوا دواووين كان ما بتعرف تركب بالتكسي واحلى ما فيهم وهمو يطعجوا اتمامهم
وكل عام والجميع بألف خير
وسلامي للكل
why 5 jds
did he pick u up from heaven ?
nice 1 man
keep it up osaaaaama u rock man
yaaaaaaaaaaaaaaaaa rab allah yrzo2ak a7la sayara w y5afef al 2azme bel balad AW A ANAS TSER TRKAB BSKALETAT AWFAR W A7SAN W REYAHAD BENAFS AL WA2ET
walla man alla yeroz2ak a7la saiara … w rokhsa ma3ha bel marra … fe siarte lal be33 eza beddak
bbet7ebha enta la2no kteeeeeeeeeeeeeeeeeeeeeeeeeeeeeeeeeeeeeeeeeeeeeeeeer :alien:
Wallahi mawqef min el 2a5er… kan nefsi tseer ma wa7ad min hal taxai hay 3ashan ye3raf ghala6o :devil: !!
Kol 3am ow wel gamee3 be 5air
ان شاء الله بتجيب احلى سيارة بس ما تعلق بالازمة فيها انت كمان
وانت بالف خير يا اسامة..
راحت عليه ال5 ليرات..هو الخسران..
ما بعرف ليه الناس بتقطع رزقتها بايديها..
وازمة الجاردنز كانت خراااااااافية امبارح..رحت اجيب بنطلون من الجاردنز واول مرة بروح للجاردنز من عند دوار المدينة الرياضية دايما من عند دوار الواحة..الشوارع كانت مفللة عالاخير..ولما لقيت صفة عند المحل عطول اجت سيارة وسكرت علي :angry: وحكتلي صاحبة السيارة انها مش مطولة وقعدت حوالي 10د وهي مسكرة علي وما اجت..لقيت طريقة اطلع منها المهم وخلصت من المشوار..
كل عام والكل بخير يا رب
امين يا سيدي ان شالله انا وياك بنرتاح من جميلة التكاسي
:tongue:
يا زلمه والله كل ما فينا بننضغط والله قرفنا والله قرفناااااااا في مقوله او نظريه بتحكي كثره الضغط تولد الانفجار بس انا اللي شايفو عنا بلاردن انهم نفو النظريه الاولى واكدو انو ضغط الى ما لانهايه وشكرا الك يا مستر اسامه وانشالله دوووم
kol 3am wenta be5er
o el 3awad be salamtak ya zalmi
hahaha
el mhm wselet wela la2?
هههههههههههه
عادي اهل التكاسي صاروا يشوفون نفسهم
يارب اتجيب سيارة ولاتوصل احد معااااااااك
وكل عام وانت بالف خير
مقال ساخر وجميل شكرا الى الأخ حسام الرمح على هذا المقال نعم والله انا بنواجه مشكله صعبه من التكاسي على كلا بسيطه الله يرزقنا ويزقنا سياره يا اخ حسام
thx very much
enshalla ya rab btjeeb syara
kol 3am w enta b5eeeeeer :cheerful:
يعني الله بعين اللي صار معك صار معنا اكثر من مره ….الله يرزقنا جميعا سيارات بس الاهم نقدر نصرف عليها…………. وكل عام والجميع بخير
السلام عليكم
كل عام وانتم بخير :heart:
ان شاء الله تجيب السيارة
بس بدي سؤال ,,, شو نوع السيارة الي بدك تجيبها؟؟
والسلام عليكم ومع السلامة……….. :sleeping:
اميييييييييييييييييييين بس ما رح تستفيد رح توصل مشوارك بدري ازا رحت مشي صارت السيارات هون اكتر من اهل البلد نفسهم :getlost:
سلاااااااااام
و الله انا بصير في نفس الشي ,,, يعني بموت وانا واقفة على سادس لانو التكاسي بازمة وبدون ازمة بتدلالو … جد التكاسي بعمان شي بقرف وكل واحد بحملك جميلة اذا ركبت معو كانو راكب ببلاش … احلى شي ليلة العيد ركبت بتكسي بحكي انو بدو ربع ليرة زيادة … سلامة خيرك وقفة عيد … يعني جد السيارة على كل مصاريفها اهون من سمة البدن الى بتصيب الواحد من التكاسي
وانت بخير سيد أسامة…
وبالنسبة للتكاسي هاي أكبر مشكلة بعاني منها الكل مش بس أنت…
لما بدي أروح من الجامعة على البيت ورا مدرسة المنهل بضاحية الرشيد ثلاث أرباع التكاسي ما برضو يوصلوني بحتجوا إنه المنطقة مقطوعة.. بدهم ينزلوا ويحملوا بنفس الوقت… يعني مش هيك الطمع!!! حتى مرات بقلهم ياخدوا دينار مهما كان العداد (عادة بطلع 60 قرش) وما برضو بس هديك اليوم واحد رفض الدينار بس مشي لقدام شوي رجع بده يطلعني… قلتله لأ شكرا !!! شفتوا الطمع شو بسوي؟؟؟
آآآآآآآآآآآآآآآآىمين ..
بتستاهل احلى سيارة
الله يعطيك ويزقك 10 سيارات مرة وحدة..
أنا جديدة على هاي المدونة والصراحة عجبتني.. حلوة
ما شاء الله عليك.
عامل اردني وصديقه المغتربين يجهلان استخدام المصعد فيعلق بهم !!!!
للمزيد تابعونا
عامل اردني وصديقه المغتربين يجهلان استخدام المصعد فيعلق بهم !!!!
للمزيد تابعونا
هههههههههههه وانت بخير ولو انها متأخره
بس بتعرف عن جد اشي بقهر وبعل وبسبب الجلطه لما يقلك التكسي وييين ولأ أزمه ودايماً بتصير معي وبكون جاي على بالي اعمل معاه متل نظير الله يمسيه بالخير
هههههههههههههههههههه
يلا ان شاء الله احنا التنين بنشتري سياره
انشالله بجيب سيارة
وبعدها بدعيلك باحلى سيارة
تو ناعلى العيد
موفق على السياره
LOL
3njad kalamk sa7e7 y2taa3 shar el taxi w shar el2zmat