كاسة نسكافيه.. بـ 130 دولار
على فكرة: هاي مش صورتي انا بلبسش نضارة
كانت أول مرة أدخل فيها كوفي شوب جفرا.. وكان أول لقاء “ودّي” بيني وبين المخرج السينمائي “رفقي عساف” وكانت تالت مرة أدخل فيها “وسط البلد” هاي السنة وكانت أول مرة أشرب فيها كاسة نسكافيه تكلفني 130 دولار إلا كم سنت.
حكولي إنو الناس بتاخد “اللابتوبات” تاعونهم معهم عالمقهى وانو في هناك “وايرلس” .. وايرلس في وسط البلد.. حلوة هاي.. المهم أخدت “اللاب توب” تاعي معي مشان اعرض على المخرج أول حلقة من مسلسل كنت أنا وصاحبي “منذر” بنعمله.
طبعا أول القعدة طلبنا “مشروبات” يعني نسكافيه على قهوة على أرجيلة، وقعدنا نحكي ونتعرف على المخرج أكتر وحكينا وضحكنا ويا ريتنا ما ضحكنا، لسه بضحك أول ضحكة انا وبدي أضرب “كفّي بكفّ المخرج” إلا إيدي خابطة بكاسة النسكافيه وما ألاقي إلا “اللاب توب” شرب كل النسكافيه اللي كان في الكاسة.
انا شفت المنظر من هون، وخفّ ضبان عقلي من هون، رحت بحركات سريعة نشفت الكيبورد تبع اللاب توب ونيّمته على بطنه نام يا حبيبي نام.. مشان ينزل النسكافيه “الذي تشرَّبته الدوائر الالكترونية التي تدخل في تركيب وصناعة أجهزة الكمبيوتر المحمولة”.
روّحت عالبيت واللاب توب لسه “نايم” على بطنه.. اسمالله عليه.. “حطيته” عالمكتب وجبت “مفكّات” وشوية أشياء للصيانة وقررت “أفكّه” وأنشفه وأزبطه.
كل “برغي” أفكّه حطيته بمكان آمن، برغي ورا برغي.. بكل رقة ونعومة و fair and lovely .. أنا بصراحة كتير بخاف على اللاب توب لإنو فيه كل شي.. وكل شي فيه مهم كتير، المهم عملت ورشة بغرفتي وممنوع الدخول وهنا منطقة عمل ونأسف لإزعاجكم وكل شي إلو دخل بالعمل الدقيق.
ساعتين أفك فيه.. وبعدين ما خلص “تفكيك”.. جبت سشوار وصرت أنشّف.. وريحة النسكافيه عبَّت الدنيا.. اجى ع بالي نسكافيه بس والله منا شارب.. المهم أنشّف وأنضّف وبعدين رجعت ركّبت كل شي متل ما كان بالزبط، وشغلته.
اللاب توب والله اشتغل.. وارتسمت على شفتاي ابتسامة فرحة لما شفته اشتغل، بس للأسف الكيبورد ما اشتغل.. انا قلت سلك فالت نسيت أركبه.. فكّيته مرة تانية وتأكدت انو كل شي راكب تمام. وشغّل يا ولد.. مافي فايدة.
قلت الله بعين بودّيه على محل تصليح اللاب توبات وبدفعلي 10 ليرات وأمري لله، دخلت عالمحل وأعطيت الزلمة اللاب توب، أول ما أخده فكّ الكيبورد بحركة وحدة ومن غير ما يشيل ولا برغي.. الزلمة طلع بروفيشنال عالآخر.. الزلمة ألقى نظرة على اللاب توب من جوا وعلى طول حكالي: بدو تغيير كيبورد.. 95 ليرة .. يعني 130 دولار..
انا فكرت حالي مش سامع منيح.. حكتلو: معلش شو حكيت؟ حكالي: 95 ليرة.. كنت بدي أحكيله 95 كندرة اللي يرموهم عليك وانتا في مقابلة وقدامك جمهور كبير، بس سكتت.. مش احتراماً إلو لأ، بس الزلمة كان “نص قُطُر” إيده تُعادل مقاس خصري على مرتين.. فقلت بلاش أتكسَّر أنا واللاب توب سوا وأصير بدي 95 “قُطبة” بوجهي بالإضافة إلى الـ 95 ليرة حق الكيبورد مع العلم إنو يمكن أخسر أشياء تانية مهمة بحياتي من ورا الضرب اللي رح آكله.
خليته يغيّر الكيبورد ومديري في العمل دفعلي المبلغ لإني بستعمل اللاب توب في الشغل.. ما أحسنه.. بس يا رب ما يخصمهم من راتبي.
أنا البني آدم المسخَّم ومن منبري هذا أطالب شركة نستلة بتعويض عطل وضرر بسبب اللي صار.. مشان يتعلموا يكتبوا على كاسات النسكافيه تحذير: النسكافيه يمكن أن يتسبب في دفع ما قيمته 130 دولار إذا انسكب على اللاب توب.
بقلم: اسامة الرمح
14th Of May, 2008
hahahahhaha mo tabe3e enta ya zalameh
goltellak ya dude el nescafe mish mnee7a la madee7a… ok asef asef lol dabsheh
loooool nahfeh el wade3, 7amdellah 3al salameh
tab jarrabet trakkeb keyboard bel usb
?
thx for the share
osama …jad jad jad da7aktne sho had bs mesh 7az 3afera …shaef hae a5ert elebda3 taba3ak enta
لما قرات العنوان فكرت شكلك فايت محل فخم بعمان وشارب نسكافيه وتخوزقت بحقو …
يالله الله بعوضك مان.. تاني مرة لبّس اللابتوب مريّلة ههههههه
يا سيدي الحمدلله على السلامة. الحمدلله ان النسكافية ما اجت مكان تاني كان كلّفك اكتر بكتيييير!
ya salam ya somiii shu had , nice ;p i like
بحييك على حسك الفكاهي , هاي المواقف المشكلة ولا عالبال ولا عالخاطر ولا الواحد حاطها بالحسبان
تاني مرة لا تنفعل كثير يا أسامة , فنجل عيونك و اضحك ضحكة عالية لكن لا تقعد تضرب كفوف ولا تحيي !
و ان شاء الله نشوف مسلسلاتك و أعمالك الإبداعية عن قريب
تحياتي
ايش يا مان منيح ما دفعوك حق الكاسة اللي انكسرت
وياسيدي فداك الكيبورد والرام واللابتوب كلله بس المهم تكون مبسوط
hello man
Allahh b3wdk
I check ur site from mobile,u make somthing 2 make ur site browsing easy liike wap???
C u
يا سيدي عنجد إنو هالبني أدم متبهدل من أوّل ما صحي وطلع ونسي يغير أواعيه ونسي يفطر ونسي يغسل ونسي اللابتوب ونسي الموعد… هو بصراحه نسي حالو بالاخر وصحي ولقا حالو بحلم..
عنجد إنك تستحق تسكيفه كبيره يا رجل عالحس والنكهة الفكاهيه على طعم البابريكا اللي عندك يا معلم..
إذا بتتكرّم علينا وبتضيف تسكيفه زي هالاشكال :blink: مشان إنضلنا نزكفلك ليل ونهار وليل ونهار وللصبح
hehehehheehehhheheeeeeeeeeeeeeeeeeee……
tayb hik kteeer mni7 ,hl2 bseer ur PC mamno3 tiji 7alt”
” sleep mood ”
daymn msa7 se7 :w00t: …heheheheh
9a7 9a7 nescaffeh!
walla alcomputer fe hay al2yam 9ar “23′la ma namlok” yalla ajat salema!
bas 3njad ta7shesh
:cheerful:
hhhhhhhhhhhaaaaaaaaaaaaaa
t3esh w takol 3′erha
looooooooooooooool 3njd l2alla love it!!!!!
hhhhhhhh al t5ayal b3d ma allah yefrejha w baba yerda yjebli laptop heek yseer feya b3eed elshrrrrr
hhhhhhhhhhhhh
osama u r the best!!!
ho ana ro7et 3le had al cafe aslan mo hal 2ade 7a2a hay al cup ok :tongue: aslan had al makan kteer r5eee9:wink: o kamana ana aklat 3endo pizza markretta o pizza 5odar o ba3deen r5ee9 130 dolar
looooooooooooooooool
:):) :cheerful:
walla 2nak kteeeeeeeeer funny
3njd d7ktne allh ej3lha a5er o akbr msaebk :cheerful:
ya alla ma 2n3′shakkk wooow :dizzy: :w00t:
بكل بساطة بتستاهل مش قد المزح ليش بتمزح ولاشاطر تعمل حالك زلمة وتكب النسكفية على البتوب
hi ana awal mara bd5loo 3la almoqa3 bs jd 2kteer alkalam 7loooooooo
o ana ro7it hada almakn o jd hoa makan 2kteer 7loo
ya rayt eseer fe amman aktar m7alat metal hada alnoo3
thx good day 4 all
verrrrrry funny :cheerful:
this is not funny, especially using dirty words about the technician who fixed your notebook, i think you need to behave your self.
كل اشي بعمان بدو فلوس … النسكافيه كيف طلبتها ؟؟؟ لانو اذا حلوة بتفرق و السادة و الوسط بتفرق..اكيد طلبتها وسط عشان هيك بس 130دولار لاكن قسما بالله ما تشوف النوم اذا كانت حلوة لا انت ولا الابتوب
hiiiiiiiiiiiiiiiii
alah b3wdak ya saied osama bs lazem t7afez 3la sh3′latk aktr ymken l2no el pc tb3k mn sh3′lk enta mo t3ban fe lw eno elk ma knt mbso6 hl ad l2no mmken tkon bl hospital yala mara tanieh der balk
bye
hhhhhhhhhhhh… eno kteer funny gad 7abeet keef kateb … o lazem t2ol be elmal wla be el3ial so el7mdelah 3a elslameh … (^_*)
basitaaaaaaaaaaa tole3 el nescafe mesh la 3omro teneh mara tloblo 3asir hek system el lab top s2al mjareb
لا سلامته والله يروح الشر عنه وبنستفيد من هاي القصه تشربوش نسكافيه جنب الكمبيوتر ياعالم
u paid $130 4 a cup of nescafe, not only u i paid a diamond ring 4 1 pizza!!!!!!!!!!!!!!!!!!!!!!!!!! :shocked: :w00t:
و لله في خلقه شؤون
و الله انك من اللاست يا زلمه
“كل برغي أفكه حطيته بمكان آمن، برغي وراا برغي..بكل رقة ونعومة fair and lovel
هههههههههههههههههههههههههههه
والله دحكتني وأنامش جاي على بالي أضحك… حلوة هادي”جبت سشوار وصرت أنشّف” هههههههههههه
تحياتي الك
ههههههههههههههههههههه
اسامه الي بدو يصير جمممممممممممال بدو يوسع باب دارو
والي بدو يحمل labtop بدو يتحمل شركة نستله
هههههههههههههههههه
looooooooooooooooooooooooooool
alla be3en hhhhhhhhhhhhhhhhh :w00t:
هههههههههه
احمد الله الي اجا على الكيبورد
انا مره كنت طالع مع صاحبيتي وانكبت على اجري كاسة النيسكافه
وكنت راح ابكي من الوجع وضليت قاعد
و حكت لا ما اجا علي
وهيه تحكيلي ماله وانا بدي ابكي واحكيلها ما مالي اشي :blink:
من الرائع و الأروع أن يمر بالإنسان حلوها و مرها ,, لكن الأكثر روعه هو صياغة مجريات الأمور ليتعلم “المواطن الكريم” من كاسة النسكافيه الله لا يسهل عليها
أكثر من رائع
msh 7elweh
BAYEKH!
ana metlak kaset shay kalafatni 75 lera o bardo ma shrebt-ha ele sherebha el laptop :-p
هههههههههههههههههههههه مقال جميل جداا استاذ اسامه
ههههههههههههههههههههههههه
نفس الموقف الي صار معي
بس انا صلحت الكيبورد لحالي ومشي الحال
حزنتني يا زلمة يا حرام هههههههه