لا ليمون بعد اليوم
بما إني بكتب يومياتي كل شهر مرة، فكرت اخليها شهرياتي بدل يومياتي، أو إني أشد حيلي شوي وأحاول أكتب كل اسبوع.. يا سيدي كل اسبوعين المهم أكتب يوميات بني آدم بشكل منتظم زي البني آدمين.
ندخل في المهم، هداك اليوم طلعت الصبح من البيت وكالعادة عالدوام، إيدي على قلبي لإنو في شوية touchat في الشغل بين كم حدا وكم حدا، فخفت لأوصل الشغل ألاقي مجزرة أو حدا ضارب حدا موس أو بشفرة حلاقة، أو ألاقيهم كلهم ميتين، بعيد الشر.
ندخل في المهم، وصلت عالشركة وكان الوضع هادي، لا قتل ولا إجرام ولا إرهاب ولا ميليشيات عسكرية ولا اي شي من اللي كنت أحلم فيه، بس برضو كان يوم طويل وزنخ والدنيا حر وما حدا طايق حدا ولا انا طايق حدا ولا حتى طايق حالي.
ندخل في المهم، من كتر الحر والزهق والتعب، دخلت على حمام الشركة بدي أغسل وجهي، مشان أنعنش.. رحت لقيت بشكير، ولقيت “دوش” أول مرة أنتبهله، من غير تفكير، وعلى طول أخدت دوش.. ما هوه يا باخد دوش يا بموت من الحر، خلصت ولفيت راسي بالبشكير زي سندباد وطلعت من الحمام شو انسان جديد، قصدي بني آدم جديد.. ورحت عملت كاسة شاي أخضر وقعدت في غرفة لحالي أشرب الشاي وحطيت اغنية “بعدك على بالي” تبعت فيروز.. يعني بالزبط زي ما بصير في الحمام السوري.. فرفش.
ندخل في المهم، أخيراً خلص الدوام، وروّحت عالبيت ميت جوع، نسيت أتغدى وأول ما دخلت عالبيت لقيت أكلي جاهز بس مافي حد في البيت، صحن رز وملوخية و”جاج”.. يمي يمي وجبة غذائية منزلية صحية 100% .. قعدت بدي آكل، بس طبعا هالوجبة من غير ليمون ما بتنفع، قمت ادوّر على ليمون أدوّر على ليمون.. في البيت مافي ليمون.. بس عادي، في دكّانة تحت.
ندخل في المهم، نزلت عالدكّانة اشتري حبة ليمون وحدة، أول مرة بحياتي انزل اشتري حبة ليمون وحدة أو حبة وحدة من أي نوع خضار.. حسيت حالي عزابي في بلاد الغربة، أخدت الليمونة ورحت أحاسب، كم يا معلّم؟ قال: 30 قرش.. دفعتله 30 قرش.. وكمّلت عالبيت مشان آكل.
قعدت عالطاولة مع الليمونة، وجبت سكينة بدي أقطعها، لسه بدي أقطعها راحت خطرت ببالي شغلة..
ليييييييييييييش الليمونة الوحدة حقها 30 قرش ؟!؟؟؟؟؟؟ يعني هلأ لو بدي أشتري عصير ليمون طبيعي كم رح أدفع ؟ 10 ليرات ؟
على كل حال، الحمد لله إني ما فكرت اشتري “ضُمّة بقدونس” وخيارتين وشوية مخلل، يمكن والله أعلم كان دفعت 5 ليرات وانا مو مستوعب.
لا ليمون بعد اليوم.
بقلم: أسامة الرمح
21st Of June, 2008
دخيلك والله يا اسامة ،يعني اذا مافي ليمون ماراح نموت اكيد،30 قرش ولا حرام هيك.شو مالها الملوخية والجاج من غيره،حط عليها خل،ههههه.الله يكون بعونا يا رب. :cwy:
بانتظار يوميات او اسبوعيات او شهريات جديدة ،الك مني احلى تحية
walla my friend u are right loool … w ma tkon 7atetha 3al cridetcard el 30 2ershh loooollll .
ma 3aleena man 3ade eza el basal sar 7a2ooo 60 2ersh wel bandoora 85 … shway 7ass 7alee baia3 khodra :S .. ma 3aleena el mohem kolshe ghelee w khaleeha 3a alla loool :tongue:
ما الك الا حامض اللمون… رخيص.. ونفس المفعول بالاكل.. وزيادة أنه بعمل خزق بالمعدة ههههههههههههههههههه
ههههههههههههههههه يا اسامه
خلينا دخل في المهم
عجبتني حرب الشغل وين لحكينا عنه يا اسامه عن هجرت الشباب الاردني
ولا مطقعلي
ودخل في المهم من الاخر الموضوع
تحياتي لالك :heart:
الله الله ما احلى العزوبية << بخفف دم… :whistle:
بس عنجد الملوخية مش زاكية بدون ليمون…
وانا لو مكانك وجوعان كنت نزلت في الطنجرة لاني ما رح افكر لا في ليمون ولا في كمون المهم… البطن،،لانو بس يشتغل البطن بيشتغل المخ معاه….
ريتو صحة وعافية… :cheerful:
تحياتي
3adi 5lekom 9be3ien kman shoe r7 e6er el wa7ad eshtree 7bet roz kol eom mo lemonah ea zalameh 5leha 3a allah
والله الواحد لما يكون جيعان, لا بسأل لا في ليمون ولا في “بطيخ”… :devil: :devil:
بده يسكت معدته الواحد!!!!
صحتين على قلبك الملوخية”مع الليمون”…
سلاااااااااااااااااااااااااااااام
30 !!!!!!!!!
الملوخيه اصلا مو زاكيه ههههههههه
و الله انا كل ما اهلنا بالضفه يبعتوا ليمون .. بروح بحكي لامي مش جايين يبعتوا غير ليمون ما يبعتوا شوكالاته بون بون .. عرفتوها يا اخوان؟ .. اتاريتو الليمون غالي !!
أسامة المرة الجاية احكي لـ أمّـك انها تتركلك ملح ليـمون ،، كتيـر زاكي مع الملوخية :blush: ،،
يعني كمان ارخص من الليمون مشانه متوفّر بالبيت بكون
بس اسحك تحط معلقة صغيرة ، بصير يصرصر الأكل:dizzy: ، اليوم بطلت تشتري ليمون، بكرة ما عاد تاكل ملوخيـة ،، بيني و بينك احسن، الملوخية بتلزّء بالسنان و ليفة الجلي:happy: خخخخخخخ
في انتزار يوميات جديدة كمان شهـرين زمـن :tongue:
حجي اسامه .. صحتين وعافيه على الملوخية لانها من أكتر الأكلات المفضلة عندي هي والبامية بفص توم … بس ياخوك ليه ما ناديتني ولا شاطر تلطعني للساعة 2 بالليل وتروح على امك تاكل ملوخية .. يا سيدي على العموم بدنا يوم .. وتعزم فيه الشباب والصبايا هون على ملوخية أو بامية .. ويا سيدي من دون ليمون واوعى تقل عقلك وتعمل مناسف :whistle:
tyb sho r2yk abel modeh shraeyt ana 7bet ellaymoon b 60 2ersh :angry:
:whistle: :blink:
la2 men youm w tale3 benseer ne3mel youm tabkhet mlokhieeh w youm tanee tabkhet lamooon la7alooo LOOL
dude u know how many times i did that .. not the shower thing… inno going to the supermarket getting one lemon so i can eat my favourite meal MLOKHEYYEH !!!!! aaaaaa3 rules!!
والله ألف صحة وهنا
بعجبني على فكرة أسلوب تفكيرك
لازم نتقابل ليوم
مع أني تقابلنا مرة .. أكيد مش راح تتزكر
المهم ندخل بالموضوع
تسلم يازوق وبستنى إلي جاي وبلاش شهريات
نقصها شوي
درر والله يا أسامة
عنجد الملوخية من غير ليمون ما بتتاكل مع إني بحط ليمون على كل شي
بس شكلو مش بس لا ليمون بعد اليوم
في كتير أشياء رح نضطر نستغني عنها ونبطل حتى نحبها عشان هادا الوضع
ورح يضل هيك الوضع بالعكس رح يصير أسوء كمان
طول ما احنا هيك
الله يستر من إلي جاي
يا اخي اسماه بالاول الف صحه وهنا شهيتني ع الملوخية
تاني شي اذا اجت ع قد الليمون اللي ب 30 قرش بسيطة بنقدر ندبر حالنا بدونو بس هالشغلة طايله كل شي بالسوق الواحد بنزل ع دكان صغير يجيب كم غرض بدفعلو 7 او 8 ليرات وبطلع ع شو مابتعرف
خليها لربك يارجل الله يفرجها……..
Sa7tain ya Osama – elmohem u ate, o el mloo5yeh akleh zakyyyyyyyyyeh.. o ma btetakal 2ella b lemon fa 3ashan heik msh mohem el 30 2ersh, elmohem enak akalet
:happy:
لوووووووووووووووووووووول
معك حق
مش بس لا ليمون و كمان لا شيء بعد اليوم
مشكووور يا حلو
شوف موقع اجبد سارق الفكرة منك
http://www.ejjbed.com/show_section.php?news_id=850§ion_id=1
يعطيهم العافيه بتعبوا بكتابة الاخبار و الافكار :angel:
صحة و عافية
بس بلاش مناليمون مرة تانية
mn al end ya osama hehehehe
malo ml7 allemoon a7sn o asr3
o la laemoon b3d aleuoooooom
يا اسامة ازرعلك شجرة ليمون على البلكونة او في حاكورة البيت بتوفر على حالك حق الليمون :cwy: :devil: :sleeping:
:tongue:
حسيت حالك بغربة ؟؟؟ هذا كيف لو انت طالب جامعي من الشمال تدرس بأخر الجنوب ؟؟؟ , انسى الليمون , والبقدونس والشوب , والدش , والمنوخية , و و و و و … بتروح عالشقة “اللي اجارها صار ارخص من بكسة الليمون” وبتحط راسك وبتنام من التعب والمواصلات اللي انسى اجرتها … ومال الموازي ؟ صار ارخص !!!
المهم اكلت ….الف عافية …. :tongue: :w00t:
enta leh share lemoneh kamleh alla yesam7ek sho bedk feha ta3al ana ba2jrk hehhe .. el3asraa fe 10 :tongue:
بلا هاليمون… طب كيف بكرة لما نبطل نقدر ناكل غير رعي…شو كل شوية حشيش بدنا ليمون الهم…لا والله وفت..ولا شو..؟؟؟
أسامة شو بدك بالليمون?هو الدنيا ناقصها حموضة?ما حياتنا صايرة كلها حامضة على محمضة على كتير مرمرة… :tongue:
خلينا ندخل بالمهم..بعد طول غياب عن مقالاتك برجع و بلاقيك متل عادتك منور و مبدع و رائع..و مقالاتك لساتها ساحة واسعة نرتاح فيها و نحكي لا و نعم..و نحط النقاط على الحروف..المقالة على مستوى عال متل كل مقالاتك جمعت فيها الوجع و البسمة..الله يوفقك و تابع هيك و لا تبخل علينا بيومياتك…
menni mennak blaha el mlokhyeh kolha lol
sa77a osama
m3ak 7g almlo5yah ma bttakal ella m3 lmon xkrtny b7sly ya zlme
صحتين …
مش بس لا ليمون بعد اليوم .
لا لأي شي بعد اليوم..
يسلمو اديك على اليوميات هاي انشالله المرة الجاي ما تكون حبة الليمون بنص ليرة (( غلا مع النفط )) :cwy:
dont worry kol eshy sar zay elnar w enta mw2f 3nd 7abt lemon
alnas tel3o 3al 2mr ya zalame :heart: :sleeping:
كل ما واحد بيعرف يطق كلمتين على كيبورد بيعمل مدونة
يا ريت الحكي الو معنى
يعني و شو دخلنا بلمونتك خيوا
ما في معنى من هذا الكلام شي
وين المغزى اخي
انت دمك كتير خفيف بس شو بدنا نعمل لازم نوكل ليمون لانه كتير مفيد :tongue:
hey osama nie wat u write i like it …. bas fe3lan zai ma bet2ol al yom w ana bel taxi sme3et 3ala radio eno fe wahad beshke men se3er al mlo5eya 2al sho wa7ad bebe3ha al 10 kg be dinar wahad tane bebe3ha 4 kg be dinar tab 3ala 2olak sho al fare2??? :getlost:
hey sa7teen o 3afya ya rb 3ala kukken alla be3ena :cheerful:
Osama.. sho hal ham elle 7amloh… ya zalame fe nas ma btakol w 7asra 3aleha el khobez, shoflak mawdoo3 tane… m3 kol e7terami elak :cheerful:
بس بصراحة حبيت الموقع و صحتييييين
ندخل في المهم هههههههههه كل شوي تحكيها بس الغريب انو ما حد شافك وانت حاطط البشكير على راسك؟؟؟بلشغل ههههههههه
وبعدين ما في اطيب من الملوخية على اتنين فلفل شططططططططططة
تحياتي الك أخ أسامة
وبالهنا والشفاء
يسعد رببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببب هاليوميات شو بتجنن الف صحتين هنا وانتا بتحب اغنيه بعدك عبالي كمان متلي
مع تحياتي نور برعيت اموره زعرا
ياسيدي معك حئ ما ضل اشي رخيص الا البني آدم
انت متل حالاتي انا مرة انا وصاحبتي كنا ماشيين فا اجت عيني على تفاح بشهي شكلة وهاد الحكي طبعاً مو هلأ السنة الماضية المهم ايش بدك في طولة السيرة اجينا اخدنا تنتين ورحنا لنحاسب طلع حئهم التنتين 70 قرش يعني الواحد انسدت نفسه بالعربي بدل ما تنفتح
stupid article
وبعدين دخيل الله يا اسامة هو الليمون ضروري كثير:evil:
المشكلة مش بالملوخية مع او دون ليمون المشكلة انو اليمون مهدئ كتيييييييييييييييير للاعصاب واحنا كتير محتاجينو بهل فترة حتى مهدئ الاعصاب بطلنا نقدر نجيبو
ههههههههههههههههههههههه
ana kteer m3jba bektabatk waq3ea mea almea 5alek 3m tktblna daymn thanx
مرحبا شباب يعني ما بتصدقوا ازا بقلكم من امبارح وانا عم بدور على مكان التعليق المهم
انا اول مره بعرف عن اسامه ومقالاته الحلوه كتير وجد جد جد
انا اول مره بكون مهتم بهيك اشياء
لاني بحس كل حكي لاجرايد والمقالات يا هز دنب يا كله كزب
بس جد اسامه غير
وانشالله يا اسامه تضلك غير
والله يا ابو الأس انك صادق
مليوخية بدون ليمون ما بتنفع
بس محسوبك في بحوش البيت شجرتين ليمون
الله لا يحيجنا لدكانه
بعيد عنك نص دكايكن البلد صارت صيدليات
Osama ya SaddiQi e7ne el 7amdeillah allamh men3em 3leena b jeeran 3ndhom shajareh laymoon
)))) o sho kaman y3ne jamb el 7ai6 .. mafe da3i tno6 o tetsha3ba6 o temza3 el bloozeh aw el ban6aloon eza 7azzak shwae mzaffet 
fa ana bansa7 elle 7ab yakol laymon yeshtari hadeeyeh shatlet laymon lea jeranhom 
Regards
AbedArslan
إذا علبة الخل الكبيرة أرخص من حبة الليمون الوحدة
الله يعين
يسلمو اسامه على الموضيع هاي وبالنبه للاخ اللي بحكي انو كل واحد بطق كلمتين عالكيبورد بكتب مدونه . حابه احكيلو انو بعرف اول شو يعني مدونه؟ او انت شو بتكتب ؟؟؟؟ اوليش ؟؟؟؟ المهم عقوله الاخ اسامه كلام حلو يسلم تمّك
3ala fekra 2nta sha5s kteer lazez
عاد الليمون زاكي يا زلمة ليه ما عندم في الدار يا مسكين
لاليمون بعد اليوم
)
سحقــآ