هيا لنتزوّج
لاشك في أنني أريد أن أتزوج، وأن الكثيرين منا يريد الزواج ويحلم به، لا شك في أنني أريد حفلة زفافي أن تكون مميزة، ليلة رومانسية يملأها الفرح، وتلبس الابتسامة شفاه جميع المدعوّين، لا شك في أنني أريدها ليلة لا تُنسى.
لن أتحدّث عن أحلامي وتخيلاتي فهي كثيرة، لكنني لاحظت في آونة ليست بعيدة عادةً غريبة في أعراس عمّان، ألا وهي البذخ الشديد الذي يعمّها، إضافة إلى عادات غريبة جداً، فكثير من الأعراس لا تخلو من تقديم “الشراب”، بالإضافة إلى الرقص “الخليع جداً”، فالمتحجبة تنسى أنها متحجبة معللة ذلك بأنه “عرس”، وهل العرس عذر للفتاة أن تعرض نفسها للمدعوّين كالبائع يعرض “بضاعته” خلف زجاج المحل؟ فأنا لم أسمع بأي فتوى لهذه القضية من مُفتي “مصر” ولا عجب إن أفتى بها بحجة أنها تحقق الفرحة والألفة بين الأقارب وبالتالي “صلة الأرحام”.
أعجبَني في أحد الأعراس “تزقيف” الوالد لابتنه التي “رقّصَت” كل المدعوّين بهز خصرها، ويا نيال ابوها فيها.
ولا عجب في أمر هؤلاء المغتربين الذين إذا أرادوا الزواج قدِموا إلى الأردن لإقامة الحفل فيه، فالأردن في نظرهم بلد “متحرر” ويسمح بكل مالا يُسمحُ به في بلاد “الغربة”.
لماذا ينقّطون “ليرات دهب” تُرمى على الأرض لتقوم الأم وحاشيتها بلمّها؟ لماذا أدفع آلاف الدنانير لتكون زفّتي على متن “هيليكوبتر”؟ ألا تكفيني حفلة عائلية بسيطة في قاعة فندق جدرانها المودة وزينتها الابتسامة و”نقوطها” الحب؟ لستُ فيلسوفاً إنما تُزعجني رؤية طبقات شعبنا الكريم أحدهما فوق السحاب والآخر لا يستطيع الخروج من كهف الفقر..! أين الكنز الذي لا يفنى وأين “وَلا تَبْسُطْهَا كُلَّ الْبَسْطِ فَتَقْعُدَ مَلُوماً مَحْسُوراً”.
ما نفع المظاهر إن كانت تلبس شيئاً جميلاً، في حين يعمُّ الباطن شراً وسوءاً وبغضاً وكراهية، فقد خُيّرتُ مرةً في أن أعيشَ في قصر من ذهب مع فتاة لا أحبها أو أن أعيشَ في كوخٍ مُهترئ مع فتاة أحلامي، فاخترت الثانية، فقد لا يعود المال إن ذهب، وسيذهب معه كل “المدعوّين”، أما الحب فهو ما بُنِيَت عليه البشرية منذ آدم وحواء.
لستُ أنقض الأعراس كلها ولست أقف ضد أن يفرح الناس في الأعراس، ولستُ مُتعصّباً إنما تهمني المصلحة العامة ويهمني أن يعيش الجميع بسلامٍ آمنين، انطلاقاً من مبدأ “أنا إنسان ونحن بشر”.
أسامة الرمح
7-6-2007
أتفق معك أسامة ..
فقد أخذت الدنيا الجميع حتى نسوا من هم ومن اين خلقوا ولم خلقوا .. وليتهم بذلك سعداء ..
بل أراهم كلما أترفو انفسهم اكثر ازدادوا تعاسة وشقاء وضجرا ..
معك حق اسامة
الي بهتم بلمظهر او بلمصاري وكل حياته تفكير وقلق كيف يأمن مستقبله ..
لما الواحد بعيش بسيط ومبسوط وراضي بعيشتو بعيش سعيد كل عمرو
موضوعك اكتر من رائع موضوع مهم كتير لان اغلب الشباب بعانو منو …
مشكور وتحياتي لك
انا اتفق معك اخي اسامة وهاي الظاهرة كل مافيها تزيد لدرجة انو الشباب بطلو يقدرو يتجوزو لانو ام العروس بدها صالة ابصر وين والروس ابصر شو بدها يا اخي خلينا عزابيه اشرفلنا
مرحبا انا معك اسامة صرنا ننسى حالنا انا المسلمين انه في حدود للادب ماشي انا مع انه نعمل حفلات وسهرات واعراس يتعب الواحد عليها بس بحدود الاداب والتقاليد اكثر من مرة حضرت هاي الاعراس حسيت حالي ب نادي ليلي اشي بعقد والله العزوبية حلوة بلا زواج بلا هم وغم هيك احلى واريح
اممممممممممممممممم
نكون واقعيين الكل بده يتزوج لانه هاي سنة الحياة انه الكل يتزوج
بس بالنسبة للبذخ الي بلاعراس انا شخصيا لهلا ما حضرت عرس فيه بذخ والعرس الي عتبرته بذخ لا يعتبر بذخ بجانب الي حكيته.
حلو الواحد يعمل عرسه بفندق كتير مرتب بس بنفس الوقت يقتصد مش بخلا لا سمح الله بس يعني عشان المعازيم الي رح يجو زياده والي رح يدفعوك فلوس قبل ما تطلع من الفندق
عموما بوجهة نظري الي امي مش موافقه عليها لو شافتني ميته بلا عرس وفنادق بلا قرف الناس رح تعلق لتفقع عشا عائلي لاهل العروس والعريس بمحل مرتب واطلعو شهر عسل انبسطو ما اظن رح تسافرو ع محل مرتب بعد شهر العسل :>
اسامه صديقي مقاله ولا اروع
في البداية احنا أهل الأردن مختصريين الطبقات الاجتماعية يعني يوجد لدينا فقط طبقتين الأولى الأغنياء جدا ” يلي هـمة فق الريح” و الذين يكافحون للخروج من كهف الفقر! في كل يوم أدهش كم نحن شعب متناقض…. أما بالنسبة للبذخ الشديد في الأعراس و طلباتها اعتقد نقصا في الحب و الرضاء النفسي و فراغ كتيير كبير في قلوبهم وعاطفتهم! لو كانت السعادة مختصرة على الماديات بعيدا عن الروح و الحب و الاحساس كان ما عمرت الأرض و كل واحد بيستنا يكون من الطبقة “يلي فوق الريح” علشان يكون سعيد بحياتو..
اسامه انا بالنسبه الي صرت ادور على الاعراس قصدي هدول الاعراس اللي كنا نحضرهم واحنا صغار اللي بتلاقي الكل مبسوط وعنجد فرحان للعروس والعريس.
هلا لا الناس رايحه تعلق وتنتقد وتشوف هي شو لابسه وهي باديش فستانها والاهل بدل ميصححولنا النظرة اللي تشكلت عنا بسببهم للاعراس بتلاقي لا .
بعدين جد يتلاقي الوحده على اساس محجبه ما بتخلي بتكون هي نجم الحفل.
لا هلا DJ ما عاد ينفع لازم نجيب المطرب شخصيا كله مشان الناس وياريته عاجبهم
الناس عمرها مارح ترضى لو شو كنت عامل جد
فانا بحقق احلامي في عرسي بحدود المعقول ورح يكون مميز مو لاني جايبه نانسي عجرم ولا لاني لابسه فستان ابصر اديش حقه لا بس لانه رح يكون يعكس حبنا لبعض مع بساطة المظاهر
صوتت بلا عالتصويت المطروح مش حمبلية
بس لحماية الناس من التمثيل الاردني
ما يموتو من لدحك او يصير عندهم مرض جديد من نوعو
وبس خوفا عالمصلحة
salam oride azawaja bi fataftn mothajiba akhla9iya motadayin maghribiya 3omroha mabayna 19anasila 23 waini antadiro aljawab min koli fatatin targhabe azawaj wa salamo 3alaykom
wallha ma3ak 7ag ya osamha w 3ajbtney el ne8ta el athretha bl nesbha ll banat el mo7ajabat ely benso 7alhom bl 3ores w be3teebro eno el 3ares zay a5ohom
ضاهرة عفنة منتشرة في كل أرجاء الألم العربي , أقصد العالم العربي
لأول مرة ادخل مدونتك , وبصراحة اسلوبك رائع وجريء و مواضيعك متعددة ومتميزه ,موفق بأذن الله
شكراا علي المقال الرائع
معك حق اسامة العرس صاير بالاردن كتيير مكلف واذا الشب بدوا يتجوز رح يحط اللي فوقه وتحته لحتى يتجوز وما بكون الكل راضي والزعلانين اكتر من الراضيين وهالايام راحت كل العادات والتقالبيد الحلوة بالاعراس اللي بتبقى متوسطة وبتعقد تلات ايام لكن بهالظروف بدك تمشي مع الوضع اللي عايش فيه والتطو ر بس مع كل هذا لازم الانسان ما تكون الاعراس كتيير بذخ ومكلفة علشان ربنا ييسرلوا بحياتوا لانه ربنا ما بحب المبذرين ………
فعلا اشي بجنن … معك حق وهاي الظاهره كتيير منتشره في الاردن
سلمت يمينك على ما كتبت فعلا
انت كتبت عن شي نراه في هذه الايام
من بذخ لدرجه عاليه جدا ومن تناقضات غريبه من فتيات محجبات يشلحن الحجاب من اجل عرس !
واعلق على بعض كلام الاخوان العرس غير مكلف الا اذا جعلتموه مكلف
يعني بصراحه اللي بدو يتزوج بتزوج
غريب انو بعض الاشخاص عندما يقول بعض الاشخاص هناك صعوبات ماديه في الزواج من ناحية العرس! ياخي العرس مش لازم يكون بفندق وتدفع عليه 20 الف دينار ! انت ومرتك اولى فيهم !
الرسول صلى الله عليه وسلم قال : من استطاع منكم الباءة فليتزوج
بما معنى الحديث الباءة وهو الزواج
ما قال من كان معه مليون دينار يتزوج يعني مش تبذخ لدرجه انه بعض الناس تدفع مبالغ جدا وارقام خرافيه في الاعراس !
[...] This post was mentioned on Twitter by Mohammed Eshbeata, Osama Romoh. Osama Romoh said: RT @OsamaRomoh هيا لنتزوّج http://bit.ly/9yygCC [...]
والله الى معو مصاري الله يهنيه و هو حر يعمل اللي بدو ياه..
واللي ما معو يشتغل و يحمد ربو على كل شىء و يصرف على قدو
و ما منا ننكر انو تسعين بالمية الحق على البنت و اهلها!!!!!
بدك تاخد بنت بدهم بفندق فلان و مهر فلاني
خالي كان يحب وحدة 5 سنين و اهلها بعرفوا اجا يطلبها و هو وضعو المادي منيح و عرض 10 الاف مهر(ممتاز كتير هادا المبلغ بالاردن)المهم طلبوا اهل العروس 25 الف!!!!!! على شو مش عارف
كلام رائع جدا وصاق جداً
كلام رائع
intaaaa zalameh RA2E3 !!!!
بصراحة المقال جميل ولامس واقعنا في الاردن وللاسف .
لو كان الاغنياء بس هم اللي بتلاقي عندهم البذخ لبلعناها ولكن للاسف كثيرين من بسطاء الحال او المستورين بتداينو عشان هذه المظاهر والخلل هنا في تقاليدنا فكل ما ذبحت خرفان انته مضياف اكثر وكل ما دفعت اكثر ونهبت اكثر معناه انك مهم وقوي وشاطر.
مشكور على المقال اخي الكريم ولكن هنا اود الوقوف على جملة ((فأنا لم أسمع بأي فتوى لهذه القضية من مُفتي “مصر” ولا عجب إن أفتى بها بحجة أنها تحقق الفرحة والألفة بين الأقارب وبالتالي “صلة الأرحام”.)) بصراحة لا احبذ التقول على السنة الغير او استباق الامور والفتاوى او التهكم الاستباقي.
نااااااااااااااااااااااااااايس
الكلام جميل
عنجد بكفي فشخرة
مرحبا المقال كتير حلو بس بقدر اقول انو هاد بس بالطبقه الغنيه كتير لانو الطيقه الفقيره او المتوسطه مابعملو هيك وكمان ماننسى الشي المنيح في ناس مابتهتم لهيك شغلات ابدا