سعر علبة السجائر يرتفع نصف دينار لدعم ذوي الدخل المحدود
ينص القانون الجديد للضريبة على فرض مبلغ نصف دينار لكل علبة سجائر كضريبة خاصة، وبحسب الخبر الذي نُشر في الدستور، فإن هذه الضريبة تعتبر بمثابة دعم جديد لصالح أصحاب الدخل المحدود.
في البداية أتساءل كما يتساءل الكثيرون، كيف تُعتبَر هذه الضريبة بمثابة دعم لأصحاب الدخل المحدود في حين أن معظم هذه الطبقة من الشعب هم من المدخنين..؟
وما هي آلية هذا الدعم..؟ وكيف يكون..؟
مرة أخرى، خبر مبهم كعادة التصريحات الرسمية، ليثور الشعب على هذا القرار ثوران يُرادُ به التوضيح، وبعد أن يتم التوضيح بحجج واهية، يَحِلُّ الصمتُ خضوعاً لهذا القرار، بل وبعد أن تُصبح علبة الـ Marlboro بـ دينارين، ستزداد نسبة التدخين والمدخنين، لأننا شعب يزداد شغفنا على شراء الشيء إذا ارتفع سعره، برغم ارتفاع الأسعار بشكل عام، لم أجد لهذا الأمر سبباً ولا تفسيراً إلا أننا شعب مغرمٌ بالمظاهر أولاً، وبالهَمِّ ثانياً.
بحسب احصائية رسمية لعام 2006، يُباع في المملكة ما يزيد على 350 مليون علبة سجائر سنويا، أي أنّ الضريبة الجديدة، وبحسب القرار ستُساهم في تحسين مستوى معيشة ذوي الدخل المحدود بما يُعادل 175 مليون دينار أردني سنويا، هل سنرى فعلاً تحسُّناً في مستوى معيشتهم خلال عام من الآن..؟ أرجو ذلك رغم أني أشك.
يا حكومتنا الموقّرة، ويا أصحاب القرار، ويا أيها الذي اقترح فرض هذه الضريبة، كم أصبح مجمل مبلغ الضريبة الذي يُفرض على السجائر مع الأخذ بعين الاعتبار الجمارك والضرائب الخاصة ورسوم المبيعات وغيرها من الإضافات التي تُضاف إلى سعر العلبة، وأين دعم الفقراء من كل هذا..؟! لماذا يزداد مستوى المعيشة سوءاً برغم العدد الكبير من القرارات التي “نقرأ” بأنها تدعم ذوي الدعم المحدود؟
إن التدخين ملاذ للكثيرين أن “يفشّوا غلَّهُم”، وإن ارتفع سعر “فشّ الغلّ” إلى مستوى لا يستطيع أصحاب ذوي الدخل المحدود الوصول إليه، فكيف “يفشّون غلّهم” بعد هذا؟
نحن شعبٌّ إن لم نجد ما “نفش غلّنا” فيه، سنفقع، هل الهدف من هذا القرار أن يفقع المواطن قهراً بسبب ارتفاع سعر كل شيء؟
لستُ آبه للنصف دينار التي ستضاف لكل علبة سجائر، إنما أشعر “بالمرض” عندما أقرأ خبراً لا تبرير له أو تفسير واضح، وكأن كل قرار يُصدَر هو آية قرآنية يجب أن نؤمن بها ونسلّمَ لها.
أرجو إعادة النظر في توقيت إصدار الضرائب بحيث تتناسب مع “الضربات” السابقة والتي لا زلنا نعاني آثارها حتى الآن.
إضافة: نشرتها الجزيرة توك.. اضغط هنا
أسامة الرمح
20th Of Sept, 2008
و ماله؟ خلّيهم يفرضوا ضرايب على السجائر! انشالله الباكيت يوصّل 10 دنانير! يعني العالم مش لاقية تاكل، تروح تصرف مصاريها على الدخّان؟ بلا منه احسن!
بكرة رح يصير في ضريبة على الهواء .. و بتشوف!
:alien: :angel: :angry: :blink: :blush: :cheerful: :cwy: :devil: :dizzy: :whistle: :w00t: :tongue:
:sleeping: :shocked: 
:pouty: :kissing: :heart: :happy: :getlost: :ermm: 
:wub:
والله أنا رأي أنها طريقة جديدة لأخراج المصاري خاوة من الناس , لأنه يتم أختيار اكثر السلع المهمة للشعب لرفع ضرائبها , مثل البنزين و الديزل و الكاز, يعني خازوق اخر , عادي تعودنا و بطلنا نحسسسسس
تحياتي :alien:
عن جد انو الي بحكيه اخوي قويدر صحيح
لازم الواحد يدخن يعني ؟ :angry:
خليهم يرفعوه بلكي الناس صارت تدور على شي غير الدخان
بتعرفوا !!
والله لو وصل 10 دنانير ..
الي بدخل إلا يضل يدخن !! :alien:
معكم حق والله
ان شاء الله ببطل حدا يدخن
بس متل ما قلت يا رقم 3 مو بس لو 10 دنانير يسير حقو والله لو اكتر كمان حيشتروه
ثانكس اسامه
2le rde esebo sltan wa mo sa2l wa brda ma ekol 2l mhm ed5n bstahl 5le edf3 bdl 2l ns lara lzeda bs lazm eshelo 2l dreba 3n 2l 2kl 3shan had drore 2ma 2l d5an mo drore wle bd5n bstahl 2la la e2emo fe kter 7alt nas ma m3ha tokl bs bd5n btgw3 7lha wa wldha wa bd5n wa lma emrdo ma m3hm et3lgo wa fe kl dwl 2l 3alm 2l d5an kter 3′ale 23′la mn 2l2kl m3da 3na 2l d5n 2r5s mn 2l2kl
والله يا عمي وبعد ان جربت التدخين لمدة 40 سنه – والآن صار لي تاركه قطعيا سنه ونيف – أرى ما لم يراه الشباب ليس لانني أفهم منهم لا – ولكن لانني مجرب فتره زمنية لم يصلوا بعد اليها – ومن هنا أرى أن التدخين عادة وليست حاجة وعليه يستطيع أي انسان على وجه الارض أن يتعامل مع هذا الحدث بكل سهوله ويسر من أجل الاقلاع عنه – ان شاء الله -
ارتفاع الدخان في الأردن ما راح يأثر على المدخنين بالعكس اللي بدخن باكيت في اليوم راح يدخن هسه 3 باكيتات وبتشووووفو
ارفعي يا حكومة و خلي الشعب ياكل هوا
وين ما في اشي مطلوب من قبل الشعب بتلاقي الحكومة نازلة فيه رفع أسعار ارحمونا ما خليتو اشي
و مالها الأرجيلة ؟؟؟؟ :happy:
اقتراح بفرض نصف دينار.. ضريبة خاصة على علبة السجائر
فرض القانون الجديد للضريبة مبلغ نصف دينار على علبة السجائر كضريبة خاصة. وتقترح المسودة النهائية للقانون زيادة معدل ضرائب اخرى على المشروبات الروحية.والمح مراقبون الى ان التوجه الجديد يعتبر بمثابة دعم جديد لصالح اصحاب الدخل المحدود والمتدني بشكل يحقق العدالة الضريبية لشرائح المجتمع كافة.ويشار الى ان المادة 407 لنسب الضريبة الخاصة على بيع السلع التي نصت عليها مسودة القانون النهائية تخضع السلع للضريبة الخاصة وفقاً للنسب المبينة إزاء كل منها (عدا السجائر) 2000 فلس ـ كيلوغرام والسجائر 500 فلس لكل عشرين سيجارة اي العلبة.
المصدر:
جريدة الدستور الأردنية
انا مع هذه الضريبة ومع زيادتها ايضا
المدخن قاتل لنفسه ومن حوله …خلية يدفع وانشاء الله هذه الخطوة تخفف نسبة المدخنين
اي مين ذا بيرسنتج اوف سيلف كيليرز :cheerful:
ana bera2i inno hay a7san 6arebeh la2noo 3ala el akal betser el nas et7awel et7′afef do7′an o ana law makan el sha7′s barfa3 el 3elbeh la 7 jd meshan el nas ma e6a7′n
b9ara7a wa ana 3am ada5een a5er segara qabal ma y9eerr 3alaha 50 qarsh zyada b7ki ano mn al 2a5eer lazeem y3mlo 9′areeba ll mashee fe al share33 wa al tnafoos wa al 5areaya alee bn5raha jad ano al wa7eed qareef hak m95ara lazeem ynazloo sa3eer al do5an wa al mshrrob blki al nas tnsa alee feo fe hak as3arrr
بالنسبة الي لو يصير البكيت مليون دينار رح ادخن لانه اثبتو علميا المدخن نسبة اصابته بالجلطة اقل من الغير مدخنين فـ مع ارتفاع الاسعار والغلا ما بدي تصيبني جلطة وغير هيك خلينا نموت على البدري يعني على البكير لانه هيك وسعر برميل البترول 160 دولار كيف اذا ضربو ايران اكيد رح نشحد لانه رح يرتفع فـ نعم للتدخين :happy:
ana men as7ab el da5l el m7dood …. shab bd5en wobshrab wo b3bi bnzeen la syarti wo bshtri 5obez kol yom ….. kol hai el sel3 3malha betzeed wo ana ratbi el shahri hwa hwa ,,, wo mesh shayf ay she men t7seen el da5l aw raf3 la mostawa el 3aysh ta3i ….. ana sar 3ndi kna3a dayman eno ay karar betl3 menel 7okomeh eza kan mktoob fe eno la msla7et el mwa6en m3natoo aklna 5ara , wo had eli 3m y9eer ,,,
mshkooor ya osama 3al mwdoo3
شو هاااااااااظ … بكفبش بعت السيارة … كمان ابطل ادخن ……… والله حراام
:cwy: :cwy: :cwy: :cwy: :cwy: :cwy: :cwy: :cwy: :cwy:
بتعرفوا,احنا اهمل شعب بالدنيا ,لانا خلينا اهمل خلق الله يركبونا,ولكو انتوا الي بتتفلسفوا وبتقولوا خليهم يرفعوا سعر الدخان سالتوا حالكوا لمين هاي الشركه اصلا ومين المستفيد من الرفع؟؟؟؟؟بس تعرقوا لمين هاي الشركه بتعرفوا انكو اغبياء,يمكن ما بهمكةا الدخان لانكو ما بدخنوا بس بكرا رح يرفعوا سعر اشي بهمكوا زي العلكه مثلا او الواكس ورح تتخوزقوا,انا مش زعلان عالدخان انا بحكي على المبدا لانو الغلاء موتنا وكولو بدون سبب,بتحججوا بالبنزين هاي البنزين رخص ليش ما يرجع كولشي زي اول وبتنحل كل المشاكل وبخف التضخم.انا قرفت هالعيشه ونفسي انقلع او اموت اشرفلي,وداعا ايها المركوبين
انا مع انو الحكومة ان ترفع الضريبة على كل شيء حرام ويضر بصحة المواطن ليس لانني مساند لقرارات الحكومة بل لاني مساند لصحة المواطن ولجيب المواطن وانا واحد من الناس الي كانت دخن 3 باكيتات دخان وانا الان بحمد الله مقلع عن التدخين من 5 سنوات
والفرق بين المدخن وغير المدخن هو كالفرق بين الشجرة الميتة اوراقها وبين الشجرة المثمرة حيث تبتعد عنك الامراض وتشعر بصحتك مهما كانت هناك لذة في هذه السيجارة فاللذه في الابتعاد عنها هي افضل بكثير
الامر الاخر لو ان موطننا الكريم يثور لنفسه بان يقاطع كل سلعة تقوم الحكومة برفع سعرها لوجدنا الحكومة توزعها بالمجان بعد شهر من قرارها لكننا شعب لا نكترث حتى اصبحنا نكته عند الشعوب العربية فعندما ارادت الحكومة اليمنية رفع الاسعار خرج الشعب عن بكرة ابيه وقال للحكومة لتكونو مفكرينا الشعب الاردني
برفعو الغاز بنقول سمعا وطاعة وبرفعو المحروقات بنقول بمونو وبرفعو المواد التمونية بنحكي امين متى سيكون لهذا المواطن كلمة وراي وموقف
مجرد سوال يحتاج الى اجابة
فهل من مجيب؟؟؟؟؟؟؟؟؟؟
شو هاظ !!! الدخان والمشروبات كمان !!! يعني اللي مثلي عايشين على هيك سلع راح ننقرض !!!
لا … استنو شوي … راح يرفعو سعر علبة الكولا لانها مشروبات غازية … والغاز كما تعلمون ارتفع سعره !!!
وبدي افهم كيف النص ليرة الزيادة اللي راح يدفعها المدخن اللي اصلا ما معه يدخن , رح تصل للطبقة الماكلة هوا … يعني اللي بدخنو ؟ ويعني لنص الشعب ؟ :getlost:
والله ما هي خبرية يا حج…
شو بدنا نعمل ؟؟ :cwy: :cwy: :cwy:
:shocked:
انا ما بدخن بس بيحكوا انه بخلي الواحد ينسى همه…………
بس هاد الحكي كله فاضي!!!!!!
وفروا حق بكيت الدخان واصرفوه ع بيوتكم احسنلكم
إلى رقم 18
نورنا يا سيدي لمين هاي الشركة أصلا ؟؟؟
يا تعليق رقم 1 عشانك ما بتدخن مو فارقة معك يا سيدي بس احنا معناش ناكل و بدنا ندخن شكينالكو اشي ؟ ياخي كون محايد و حط حالك محلي
أكثر المدخنين بالأردن هم من الطبقة المعدومة ومادون المتوسطة, ويعتبر التدخين ملاذهم من هموم الحياة المختلفة ومنها غلاء الاسعاء وقلة الرواتب, فأذا ارتفعت اسعار الدخان اكثر فاكثر, لن يجدو شي “يفشوا” غلهم فيو, مما يساهم بأنهم “يطقّوا” ويموتو من القهر, وبهيك الحكومة بتكون قضت على الطبقة المعدومة وجزء من الطبقة الوسطى, وبضل الناس الي راضية بالوضع الحالي … :devil:
انا تركت الدخان الحمدلله وبطلت تفرق معاي :blush:
مش غلط برضو بسير ارفعو ارفعو ارفعو :happy:
احسن ما ترفعو الاكل والبنزين
خرجكم الله لا يردكم يالمدخنين
إن شاء الله بيضل سعر الدخان يرتفع حتى يبطل في بالأردن ولا واحد مدخن
مقاله رائعه وتعبير اجمل … :heart:
المشكله مش برفع الاسعار المشكله في الشعب لانه كل شي بيرتفع سعره بزيد الطلب عليه في الاردن طبعا على عكس غيرنا لانه لو شعب ثاني كان عمل اضراب او مظاهره …
مع العلم انه احنا الي بنخلي الحكومه ترفع الاسعار لانه كل ما يرتفع سعر شي بنطلبه اكتر وما بنهتم بالسعر ولا حتى بنفكر نعمل شي يوقف هالارتفاع :dizzy:
وشو هدفك من هالمقالة؟؟ إنو اللي نزل القرار يرد عليك؟؟؟؟ متل ما ردت عليك “وزيرة الثقافة”؟؟؟.. وبعدين تكتب مقال بعنوان” صحاب القرار يرد على مقالة أسامة الرمح” وهيك بتزيد شهرة صح؟؟؟
صدقني أنا أتابع أخبارك أولاً بأول وأيضاً مقالاتك التي أرى فيها كل يوم هدفاً “ناقع”.. وبئس الهدف
زي ما الكل حكا انو اغلب ذوي هالدخل المحدود مدخنين …
لا هي اول شغلة ولا اخر شغلة تحت عنوان لذوي الدخل المحدود.
يعني ممكن نحكي والله انها خطوة منيحة بس هاد اذا وصل ذوي الدخل المحدود منها اشي … الله يخلي ولاد الحلال
وزي ما الكل حكا انو اغلب ذوي هالدخل المحدود مدخنين …
وكمان لما يرتف الدخان مش بس المدخن الي بيتضرر عندك التاجر والموزع وصحاب المحلات….. ويا حرام يا ذوي الدخل المحدود
مرحبا..
كيف الحال.. فلم سعودي .. خ**
كيف الدخان.. فلم اردني .. مش خ*** بل أخ**
المنتج المواطن.. الممثل المسؤول.. مكان التصوير هون وين ما انت..
المخرج هو المحرج .. زي ما حكيت اسامه عشان المظاهر..
العمل يعرض طول السنه لانه كلها رمضان ..
بلش العمل يخرب .. فقعة معي ..
فركش .. كل واحد على داره … بطلنا عمي
قلبناها مسلسل تركي
كيف الحال :getlost:
الله ياخي انها خطوه ممتازه .. يعني الي مس ملاقي يوكل شو هالي جابره يشتري دخان بدينار او دينارين الباكيت .. مش لو يشتري فيه . كيلو موز لولاده .. مش احسن .. بس المشكله انه احنا بالفعل شعب مظاهر .. و(((عرط)))
اسامة هاي اول مرة بسمع واحد بيحكي مزبوط و كمان معا احصائيات يعطيك الف عافية عشانك بتحكي صح مش واحد معطينو ميكرفون وبس ببعبع زي يل واكيل و غيرو عشان تفيد يل وطن لازيم نعرف وين بيغلط و هيك عرفت بس بدك حدا يصلح عاد
ألين من كل عقلك شو هالتعليق هاد ؟
الى صاحب التعليق 29
انت من يكتب ليرد عليه الناس كما افعل انا الان ..
وليس اسامة الرمح .. اراه يكتب ليرد عليه كل مواطن بما يراه مناسبا ..
بغض النظر عن موقع المواطن في البلد ..فكلنا جند من اجل خدمة هذا البلد من طالب واستاذ وعامل نظافة ومدير ووزير ونائب وموظف قطاع خاص .كلنا جند من اجل خدمة البلد ..
قد ارد على مقال معين باسمي وقد ارد باسمي وبجانبه منصبي وفي النهاية
ردي هو رد مواطن بغض النظر عن المنصب
رد الى التعليق رقم 29 , ألين ,
الاحظ في لهجتك أنك لا تعلمين وين الله حاطك , و مش عارفة شو تكتبي أصلا, و مش عارفة شو إلي عم تقري ولا فاهمة أصلا شو الموضوع, يعني لا أستغرب أنك تكوني بالكتير عمرك 15 سنة .
لأنك قاعدة بتعارضي لمجرد أنو “ياي أنا كتبت غبر عنهم” , بدي أطلب منك طلب واحد , و هو أنك تشرحيلي ما هية المدونات , و ليش الناس بتكتب , عند الكتابة عن أي موضوع لا يسعى المدون للشهرة , وأنما لتغيير الواقع الغبي , الذي يحتوي على الكثير من أمثالك, بعدين شو الي بدك أياه أنتي بالضبط ؟؟
أسامة يسكر المدونة ؟ و كلنا نسكر مدوناتنا , مشان حضرتك ترتاحي مثلا , و اذا مش عاجبك , أنا بقلك و متأكد أنه أسامة معي 100% , ما تفوتي على هالمدونة مرة أخرى.
أسامة أستمر و كلنا معك أخي العزيز , و سيبك من هالتعليقات التافهة الي بكتبوها و همة جاهلين .
الهم أني صائم .
بشار بركات :angel:
يسلم ثمك يا ابو العدوان و على راسي اسامة
انا ما بدخن بس كلامك منطقي كيف بدهم يدعموا ذوي الدخل المحدود و كلهم بدخنوا يعني بدي افهم :pouty:
طب أنا بدخن Parliament lights, كم ح يصير؟؟
ذوي الدخل المحدود هم أكثر الناس تدخيناً، اعتقد بانه قرار تشجيع للتدخين أكثر من هو قرار مانع لذلك، كل شخص سيدخن تحت شعار “أدخن لأدعم نفسي”،
السجاير مقابل الغذاء :angel:
السلام عليكم..
بالله خلينا نبقى بالموضوع الرئيسي و نسيبنا من تفاهات الشعب المسكين المحتار اللي مش عارف شو يحكي لانو ما عم يفكر قبل ما يحكي….و خلينافي “تخريفات” و ” تشريعات” الحكومة النصابة اللي عاملة زي المنشار طالعة تاكل و نازلة تاكل..كأنو الشعب بجهة و هي بجهة نازلة تمص دم الناس بداعي و بلا داعي و تستغل اي فرصة لتضحك عالناس اللي لا من تمها ولا من كمها و الحق علينا صراحة..شو ما يعملوا فينا بنضل ساكتين اسم الله علينا..لحد ما تمادت الحكومه لابعد الحدود..
الفساد على قفا مين يشيل و النصب والاحتيال و السرقات..و حاميها حراميها..
ف مع مين بازبط عم نحكي؟
بكل بساطة الدولة لا هدفها مواطن( الله لا يردو ) و لا هدفها اصحاب الدخل ” المفقود” و لا هدفها تحسن اقتصاد الافراد..
الدولة يا قراء يا كرام عارفة انو اغلب المدخنين من الطبقة الي ” ملتعن سنسفيلها” و بتعرف انو اللي عم تعملو لا لهدف مصلحه الناس..ولا البيئة..ولا الصحة..طز شو فارقة معها!!!
من ايمتا عنا هيك قرارات بناءة؟؟
لا ما عنا..
الحكومه بس عم تدور عاشي تعملو و ما حدا يلومها..
ليش مين بلومها؟؟
رفعت اسعار المواد الاستهلاكية و البنزين و شو ضل؟؟
بطلنا ناكل..بدناش
بطلنا نروح و نيجي.. بلا منها..
قالولك هالمواطن شو عم يعمل..؟ قاعد ما بتحرك لا بصرف بنزين ولا بياكل؟؟
و للاسف اكتشفوا انه المواطن حاطط ايدو على خدو و بندب حظو..و بدخن..!
و عم يحكي مع هالسيجارة..
اللي الله لا يردنا ازا دخننا او لا .. كتير خايفين ع صحتنا؟؟
عهالعيشة الي عايشينها بهالبلد؟والي عندو راي تاني..ما يضحك عحالو لانو الكل هيك صاير فيه ليش نسرح ف بعض..
واللي مو عاجبو المدونة واالي مكتوب فيها..يكتب رأيو اللي
” كتير” فارق معنا.. و يفرقنا بريحة طيبة..
اصلا بقطع ايدي ازا اللي حط هال” كانون” ما كان بدخم..
بس شو فارقة مع عيشتو؟
زي ما رفع اسعار المحروقات ما فرق معو..ولا المواد الاستهلاكية..لانو اسمالله عندو كل شي على قفا مين يشيل..بتلاقي الدزله صارت تصرفلهم بدل دخان..اصبروا شوي و حتصير..
و لو ما صارت..صدقوني حيرفعو سغر اشي جديد ..عشان اصحاب الشأن العظيم بالحكومة..يقدروا على حق الدخان !
بكرا حيرفعوا اسعار حفاضات الاطفال..عارفين ليش؟؟؟
بحجة ” تشجيع السكان غلى تنظيم الاسرة ”
و القى وعدك يا مواطن…:sleeping:
الله يعوض نرجع لعيدان المنوخية ارخص واحسن !! :getlost:
كاسك يالي ما اللك غير كااااسك
besara7a ya reat il kul yibatel tadkheen o inshalla hada il ishi yiseer. bas il moshkileh ya ikhwan ino il osa mish oset rafe3 se3er il dokhan. il osa ino kul ishi se3ro irtafa3, darebeh min hon o min honak o il sha3b il maskeen mish 3aref min wein yila2iha. o ili bi7azen o min il mo2sef ino kul hal masari la jebet flan o 3ilan. o ba3deen meen ya3ni thawi il dakhl il ma7dood!!!!! mahowi aktar min nos il sha3b bil 2ordon min thawi il dakhl il ma7dood!!!! ino ana ma ba2eyed thoura dib irtifa3 se3r il dokhan! bas akid ba2ayidha law kan 3a se3r il khobex willa il jibneh willa il khodra!!!
3ala kolen homeh shatreen la2ino hada il sha3b 3aneed, o mitl ma 2olto hal nos lera ra7 tkhali il sha3b tidakhen aktar!!! o hine 3arfeen hal shi lil 2asaf!
ليش الناس عم تسمح لحالها انها تفرض خياراتها واراءها على الناس؟ يعني برأي الناس اللي مع فرض الضريبة كرمال صحة المواطن ومش عارف شو.. انتو عم تفرضو المبادئ والقيم واساليب الحياة خاوة على الناس وهاد شي مش صح ابدا. مش انا ولا انت ولا هوة منقرر شو الانسب لصحة المواطن وبنفرض عليه ضرايب. هي الشغلة بالاجبار؟؟ كان الاولى الحكومة تفكر بصحة المواطن لمن رفعوا اسعار المواد الغذائية كافة واهمها مصادر البروتين والحديد وفيتامين ب 12 متل اللحمة والعدس والحليب واللبن وغيرو.. صار المواطن اللي ع قد حالو معرض يصير عندو فقر دم وهشاشة عظام ومش عارفة شو كمان.. والحكومة شو عملت عشان تحافظ على صحة المواطن؟ ولا شي
ملاحظة: انا مش من المدخنين.
وبعدين مع هالقصه ما بدهم يخلصونا من مسلسل ارتفاع الاسعار
يا اخوان في ناس ما بتلاقي دخل .. اقسم بالله انه ما في دخل
وبعدين مع هالمشكله لمتى الشعب بده يضل ساكت
وبقلك عشان دعم المواطن
السؤال الي بده اساله دعم المواطن ولا دعم صاحب القرار
بكره برفعوه 15 قرش زي كل مره والمستفيد اصلا مش اصحاب الدخل المحدود بل اصحاب الدخل اللامحدود وهي اصلا شركة التبغ والسجائر شركه حكوميه بس رغم هاد كله ما راتفعت الضريبه على دخول الملاهي الليله واماكن الدعاره
بدي اعلق على حكي رزان
والله يا رزان انا معك انه بطل دخان و يعني انا مدخن وهيك غصب عني راح ابطل دخان
بس بكره راح يرفعوا الخيار وراح نحكي انه الخيار مش منيح
يلا ينبطل خيار
بعد شوي راح يرفعو الخبز ونحكي اصلا الخبز عاده قديمه بلاها ما بدنا اياها
شوي شوي راح تلاقينا مناكل تراب حتى يرفعوا سعر التراب ومنموت من الجوع
القصه مش قصة رفع دخان , القصه قصة رفع بدون ما يحكي الشعب اشي وهاي مشكله كبييييييييييييره
وشكرا
تحياتي لجميع الاخوة اصحاب الأراء المضحكة المبكية في نفس الوقت ..
و بالتأكيد على رأس القائمة ( اخي اسامة ) ..
بصراححة لا ادري كيف قادتني خطى القدر الى هذه المدونة ،، قرأتها بشغف من وجد ضالته بعد طول غياب ..
اضحكتني حينا نعم ،، ابكتني احيانا نعم ..
ولكني عدت بعد كل هذا الى نفسي لأكتشف كم كنت اجهل الكثير عن وطن لا احمل منه سوى جواز السفر !!
اردنية انا ؟؟ نعم ..
ولكن ( يسميني البعض —-> مغتربة !! ) ربما …
كنت ادري انني اعشق هذا البلد بكل قطرة دم فيني ،، ولكني بكيت من سذاجتي عندما دخلت هذه المدونة لارى ما كنت لا اراه و اعرف ما لم اعرفه من قبل !!
سلمت يمينك اسامة …
وللحديث صلة
بعين الله والله دماررررر
ولا يهمك لا ترد ع كلام الناس مثل ما قال ابو ودييع
انت مقلاتك مثل العسل اكتب واكتب واكتب واحنا معععععععك
اكثر شي انا موافق انو يكون عليه ضريبة هما الدخان والخمرة عقبال ما ينقطعوا ونرتاح من همهم
احسن,,,, يا ريت يعملوهة خمس دنانير
خطوة حكيمة من حكومتنا :happy:
والله يا أخ ashes ما لي الا ان أشد على يديك و أحييك .
رد بسيط على “ألين”..
ليش تحكي عن أسامة هيك؟!.. اه؟ليش؟ موحرام؟
كيف بتحكي انو بيسعى وراء الشهرة؟ انتي بتعرفي شو اللي بنيته؟ حرام ما تحكي هيك والله حرام0
ما بيسير تحكي عن حدا وانتي ما بتعرفيه منيح.. وبعدين الرسول بيحكي:”إنما الأعمال بالنيات وإنما لكل إمرء ما نوى” ،يعني ما بيسير تحكي شي وانتي مو عارفاه منيح.
أسامة..
ما يهمك مثل هيك حكي طيب؟
:devil: انا برأيي كمان فترة قصيرة كتير راح يعلبو الهوا ويبيعونا اياه واللي ما معه يشتري الهوا اللي بده يتنفسه ينمحق ويموت الله لا يرده
طيب وبعدين يعني ؟؟!!
عنجد وبعدين ..!
بدكم الصراحة الواحد المفروض يدفن حاله وعلى الحارك ..
انا اشجع تهريب الدخان في هذه الحالة.. ولا ضير في القتل والسرقة حتى نلبي ابسط احتياجاتنا من النيكوتين.
ولا اقولك.. بلاش دخان.. بنحول على الحشيشة بما انو ما في عليه ضرايب..
شعاري من الان: معا من اجل ان نصبح مهربي دخان — معا لنصبح مدخني حشيشة.
Amr Hourani .. أعتذر عن النشر الكامل لتعليقك.
تحياتي
اول شي مساء الخير
بعدين يا اخي صاحب المقاله
يعني احنا ادرى من الحكومه بمصلحتنا
يعني الحق عليهم سهارانين وبفكرو ليل ونهار عشان يطورو مستوانا
وايش يعني اذا ارتفع الدخان مع العلم انا مدخن
بس اكيد ما رح انكون اعرف من الحكومه بمصلحتنا
يعني قضية التدخين اذا كان ضروري او مش ضروري هاي حرية شخصية :alien: ….لكن زي ما احنا شايفين معظم الشعب بيدخن خصوصا البرولبتاريا….ولا اخفيكم انو ما حد حيبطلو حتى لو صار سعرو 5 دنانير…انا من رايي يحطو ضريبة على الخمرة يخلوها 250% ..وعلى الشغلات الي ما بيقدر يجيبها الا البرجوازيين……
عشان هيك من شان الله اتركونا بحالنا وخلينا نفش غلنا مع صاحبنا “الدخان” :wub:
أخواني الأعزاء لازم الواحد يدورله علي بلد ثانيه انا بدخن 4 بكيتات في اليوم يعني رح يزيد المصرف 2 والعمل نهج من البلد يعني نطفش او ايش نعمل الي بيطلع القرار راتبه 4000 الاف دينار بدون اللف والدوران مش مفرقه عندههوا بيدخن سيجار ب100 دينار شو يعني ؟ حشش يا خوي احسن ونسا:whistle:
والله يا عمي ازا وقفت عالدخان عادي مش مشكلة
والله هالايام ازا بدك تفوت عالحمام عفوا بهالجملة بدك تدفع فلوس هي المي ببلاش
احنا ما علينا الا بالحكي
بلبنان رفعو اجرة الاتصلات عالموبايلات
احتجو كل الطلاب واغلبية الشعب يوم واحد بس
شوفو كم خسرت الشركة ورجعت التعرفة متل اول وارخص كمان
لأ واللي بيقهر انو سرنا عبرة للكل بالغلا وبتشمتو فينا
انا شفت صور حاملينها الطلاب في الاحتجاج مكتوب عليها
(نحن ليش الشعب الأردني)
بيرضي الحكومة والشعب هادا الحكي……………..؟ :sleeping:
حابة احكي مرحبا اول شي
تاني شي انا مو مع انو الحكومة ترفع سعر اي شي بضر او بفيد
بس بما انو الحكومة مسؤولة عن الشعب والشعب ما بيئدر يعمل شي غير الحكي
انا بحب احكي انو ما دام اغلب المدخنين من الطبقة التعبانة والمدخنين طبعا اغلبهم من الرجال يعني اللي بيصفروا على بيوتهم وولادهم والقدوة لولادهم(بغض النظر ازا كانو اناث او ذكور)يعني السلطة العظمى في البيت فلمى بيلائي انو ابو انحرئ دموا لما غلي الدخان(اللي بيسبب السرطان الو ومو لحالو طبعا بيئزي اللي حولي ولادو ومرتو طبعا)وما انحرئ دموا لهاي الدرجة لما اشياء تانية بتخص الجميع غليت (يعني كل شي غلي) ازا ابو ما زعل على الاشياء الاهم ليه يزعل على هادا الشي اكتر من غيرو(شكلو الدخان بيعطي مزاج كتير حلو مشان هيك المدخنين من سيجارة وحدة بيهدوا وبيصيرو ناس ارقى في المعاملة وعصبيتهم بتختفي تماما لانو لا سمح الله انو الشخص يعصب لانو من الطبئة التعبانة فكيف الحكومة تسترجي وتغلي الدخان ما بتخاف انو بالاخر هالشعب التعيان يطلع بايدو شي)
انا مع هذا القرار, خلي الناس تبطل تدخين احسن انشاءلله يرفعوا 20 دينار احسن واحسن
اسامة اعتقد هذا أول مقال غير جيد لك , للأسف!!!!!!!!!!!!!!!!!!!!!!!!!!!!!!!!!!!!!!!!!!!!
من هم اصحاب الدخل المحدود ؟؟؟ لا مانع عند الكثيرين من زيادة ضريبة على السجائر و المشروبات الكحولية لمصلحة دعم مشاريع الوطن الحبيب .
ولكن نلاحظ ان اصحاب الدخل المحدود وحسب التوزيع الجغرافي موجودين في المناطق النائية في شمال و جنوب الوطن . نفس المناطق التي ذهب ضحيتها الاف المواطنين بضياع ثرواتهم في قضايا افلاس البورصات العالمية , وبالملايين .!!
يا ترى هلى بحاجة تلك الفئات للدعم ام اهل عمان الغربية عم الفقراء وبحاجة لدعم اكثر من قرى اربد ربما ..
الدعم يجب ان يكون على شكل مشاريع تنموية او دعم مستشفيات و مدارس او مقابل دعم لانزال اسعار المواد الغذائية التي يحتاجها المواطن الفقير وليس مواطن تشغيل اموال البورصات..
ولله حرام :cwy: :cwy: :cwy: :cwy: :cwy: :cwy: :cwy: :cwy: :cwy: :cwy: :cwy: :cwy: :cwy: :cwy: :cwy: :cwy: :cwy: :cwy: :cwy: بدي ادخن خاوه
والله حرام بدي ادخن :devil: :devil: :devil: :devil: :devil: :devil: :devil: :devil: :devil:
عنجد اول قرار بحبوا من الحكومة
لانو مو قصة مضر او لا او حرية شخصية
بس لو بتشوفوا شو بسوي الدخان مو بس امراض كان جد بتقرفوا عيشته
يا زلمة الناس بطلت تستحي صاروا يفطروا برمضان عشان سيجارة اي ان شاء الله يرفعوا لالف دينار بس اهم شي نبطل قرف..انا حاقد على الناس و الدخان مو عشان شغلة دخان بس لانو صار الدخان موضة و صار الي عمروا 10 سنين بدخن فاحسن شي يغلوا عشان يبطلوا و زي ما حكى احد الاخوان الشغلة بسيطة و بتقدر تتركوا و الي بحكيلك ما بقدر بكون كزاب و ضعيف
اما الباقي فعنجد ما في داعي يرفعوا الاسعار
هسه كلنا قاعدين نحكي و نعارض بس جد و اولهم انا عشان ما حد يتفلسف وقت الجد ما حدا بضل هووون :sleeping:
عااااااااااااادي بطلت تفرق خلينا نأكد على فكرة السفر والعيشه بره مدام الاسعار نفس الشي بين بره وهون ، لا والله بره احسن على لاقل بره الدخل بغطي غلاء الاسعار وبتعيش مستور ، مش بتعيش مديون ، بس يا ترى بره وين برأيكو ههههههههههههه. وسلامتكو :w00t:
ولك اسامه, لو وصل سعرو 10 ليرات بدك نظل تيجي تدخن عنا انتا وشركتك؟؟؟
بلكي هيك بنبطل نشوفكو وبنصير ندخن عراحتنا :tongue:
انا برأيي انو لو يصير بكيت الدخان 10دنانير والله ما حدا رح يبطل التدخين للأسف!
يعني في ناس مدمنة على اشياء سعر السيجارة يمكن يوصل 5 دنانير! والوضع عندهم طبيعي ولا زي كأنو صاير شي وانتو عارفين شو قصدي
مرحب……..
يا ناس بدي احكي شغله اولا : احنا شعب تافه بس شاطرين بالحكي زي النسوان لكلكلكلكلكلكلكلكلكلكلك……
بالنسبه للدخان الي بدو يتركو بتركو ما يحكي ما بقدر لانو كذاب ابن كذاب …
وبعدين شو يعني كل شي هالايام زي العمى يعني ميتين من القلة ومن السم(( الله لا يعطينا عافيه))..
انا بالنسبه الي الدخان مزاج وما في حد ما بقدر يتركو بس بدنا واحد ((يحكنا على المنخار)) …
الي بدخن ايكتر والى ما بدخن الله يبعدو
اصلا شعب عربي متخلف…..تفو :sleeping: وغبي
الله معكم باااااااا :tongue: يييييييي
السلام عليكم
:whistle: o0o0o0o0o أصلاً احنا منيح اللي ما بنتعاطى خمور
جد يعني
والله وحياة غلاوت أهلكو عندكو
بمسك 20 JD
بدخل السوق برجعش معي أجرة الترويحة :getlost:
وصحيح مالها الهيشة عظيمة جداً بتسببلك سعال ديكي (حيشا السامعين) :getlost:
نراكم الرفعة الجاي للأسعار :cwy:
انتم البنات شاطرين بس اه يقطعوه ويرفعوا سعره وما بعرف شو لانه انتم ما بتدخنوا وما بتعانو مثل ما احنا بنعاني لحتى نأمن الكم الحياة ان شاء الله يرفعوا المكياج ويقطعوه قبل ما يفكرو يرفعوا الدخان :angry: :angry:
والله ما ضل عليهم غير ضريبه على النفس يركبوا عداد لكل مواطن و يعدوا كم نفس بالثانية بل باجزاء الثانية طبعا ماهو حق الحكومه ااااااااااااااااااااااخ بس لو ا…… غير …… و ….. خليها على الله .
بس ما يرفعوا سعر الفوتكا:cwy: لانو هيك جد بيفقع الواحد :angry:
ya 7asheeeeeeesh anta
5rmeeeeeeeeeeeesh !!!!!!!!
يحبون المال حباَ جما ,,,, هدول طمعوا فينا واستهبلونا يا عالم مش هيك التعامل مش هيك الحياة الشغله مش دقاره يعني الحكومه بدها تخاف على صحتي أكتر مني و بعدين دعم الفقراء بكون اسمو زكاة مش صلبطه ………. بس الجوعان بضل جوعان …. اشي بقررررررف :blink:
والله ما انا عارف شو اللي لازم يصير بغلا هالاسعار يعني بعين الله هيك الواحد بيحكي ويا رب السترة وربنا كريم ورمضان كريم
انا مع هذا القرار و كان من الواجب ان يصدر من فترات بعيده جدا لأن كثير من اطفالنا من الجنسين دون سن الرشد اصبحوا من المدخنين فقط تقليدا لمن هم اكبر سنا منهم على الأقل صغير السن هذا لن يستطيع السير بسهولة و يسر في طريق الأدمان و مع تعليقات الأخوة الكرام على القرار سيزداد شغف المدخنين بالسجائر و ذلك رفضا لهذا القرار نفسيا و لكن مع مرور الوقت سيصبح هذا القرار هو الأصح و شكرا لمن اتخذ هذا القرار و الله من وراء القصد. :heart:
طيب كيف صار سعر الحشيش هالأيام
:):)
عادي مش فارقة بس أهم اشي التبغ عشان الفرطة
الله لا يشبعهم!!! أنا x-smoker والحمد لله بس هادول بدهم يدعموا جيوبهم ذات الدخل غير المحدود!!! أشوف فيهم يوم إن شاء الله!!! من $#@% إزا بوصل قرش للفقراء!
يا اخوان المصيبه الكبرى مش هووووووووون
المصيبه الكبرى انه وصلني خبر من ناس موثوق فيهم
انه بعد شهرين او تلات بالكتيير
كل اشي راح يرتفع سعره 3 اضعاف
وراح يصير سعر البترول زي سعر الميه ؟؟؟
طيب نزل البترول اوكي
بس راح يرتفع كل اشيييي ( هادا قرار عالمي )
الي حكالي هادا الخبر قلي زمان انه راح يرتفع كل اشي وما صدقته
بس هالمره راح اصدقه ومش عارف ايش بدي اسوي
يا اخوان انا طالب وباخد مصروفي 400 دينار و والله ما بكفيني
بتتوقعوا انه اهلي يعطوني 1200دينار مصروف ؟؟؟
انا مع احترامي للجميع حاب اعطي رأيي بصراحه .
بصراحه وبكل محبه الله لا يردنا .
ليش ؟
مع ارتفاع اسعار النفط عالميا قل استخدام البنزين ومشتقاته من قبل معظم سكان العالم , في الولايات المتحده مثلا قل استخدام البنزين بنسبة 30% من قبل الشعب الامريكي , واصبح اعتماد الشعب الامريكي على السيارات الصغيره , يعني الشعب الامريكي تأقلم مع الارتفاع .
اما الشعب الاردني , زاد استهلاكه للبنزين والديزل , وصرنا نشوف السيارات الكبيره بتزيد بعمان , ليش ؟
احكيلكم ليش .
لأنوا احنا شعب جكر اول اشي , بنحب نجاكر , بس الحلو بالموضوع انوا قاعدين بنجاكر بحالنا , ثاني شي احنا شعب مفشخر , بنحب الفشخره , بتلاقي الواحد شايل خلوي اخر موديل وراكب سياره ماتورها قد راسوا ونازل عرط بشوارع عمان , وبتلاقي معهوش يشتري خبز لدارو .
بتيجي نتائج التوجيهي وبتلاقي الي نجحلوا ولد او بنت بتلاقي فرقع فوتيش والعاب ناريه ب 500 دينار , وبس تروح عدكانة الحاره بتلاقي على ديون على دفتر الحساب ب 200 ليره .
هيك احنا دايما بنحب الصرف , بنحب نشتري اغراض ما الها داعي بحياتنا , بنحب نصرف على امور ماالها داعي .
والله انا لا بلوم الحكومه ولا بلوم حدا على ارتفاع اسعار , تنا نعدل تصرفاتنا السخيفه بالاول وبنطل نصرف مصارينا على امور ما الها داعي , بعدين بنيجي نحكي عن غيرنا .
تقديري للجميع
والله هاي الحكومة لازم يصير فيها ثورة كاملة والله اذا ضل الشعب ساكت زي هيك رح توصل ل 100
i guess eno el do5an eshe bedorr el ensan ..
so lazem ymna3o mn aslo..
welle be2ool “ana ma b2dar abattel 3aNNo” ma bekoon 3endo eradeh ..
thx god ene ma bada5en :angel: :heart:
b3deen m3 da3m l foqara2,
3a hay l 7ale kol l nas r7 tseer mn l foqara2, bsara7a ana male o mal l nas asahem fe da3emhom, l bdo yesahem yro7 o yetbara3, ama hek le da3m l foqara2 bs, tyb b3d kol hal darayeb kman yro7 mn l wa7ad 20 dinar fl shahar? y3ne msh 3aref sho 27ke? allah b3een
ملاحظه صغيره
ذوي الدخل ( غير المحدود) معظمهم بيشتري دخان اجنبي، يعني الحكومه مش واصلها اشي من ضريبته
يعني الضريبه رح يتم اقتطاعها فعليا من ذوي الدخل المحدود
وتوزعيها على ؟ :happy:
احنا الشعب الاردني شعب بنحب الفشخره ولما يزيد سعر شغلة بتلاقي كل الناس زاد طلبها علي بي بريطانيا زاد سعر القهوة 5 سنتات الشعب سوى اضراب أضطرو ينزلو سعرو اقل من قبل بي اليمن بطلعو بي لافتات نحن ليس كالشعب الاردني وشفنا اخر شي اضراب الفيس بوك ودخلو ناس بهايم بقولوك هدا ضضد المصلحة العامة وين المصلحة العامة احكولي؟؟؟ انو الشعب يصير شعب شحاد وممنوع نحكي للحكومة لأ أحنا بنتمنى الخير للاردن وكلنا بنحب الاردن بس شعبنا المشكلة بكره حالو ومش عارف شو بدو ومش عارف وين الله حاطو
خليهم يزيدو ويرفعو الاسعار بدي اشوف لامتى الشعب بدو يضل هيك ولامتى رح يقلك ما ئلي دخل صار اضراب ولا ما صار
اللهم نفسي وبعدني عن السياسية هدا شعار كل مواطن اردني واخر شي بنحكي ليش الغلا بزيد
من فرعنك يا فرعون قلهم ما لقيت حدا يردني
اشي والله بقهر وبفقع الواحد
maaaaa2 maaaaaa2 :sleeping:
بالنسبة للضريبة الخاصة “النص ليرة” ما هي تأكيدات وصولها لذوي “الدخل المحدود” والا تذهب لجيوب “فلان وعلاّن” !!
وهل ذوي الدخل المحدود “ما بدخنوا”؟؟!! حتى نرفع اسعار الدخان على “البرجوازيين الي لحالهم بدخنوا” بضريبة غريبة !
مع العلم ان الدخان اصبح من الضروريات “لفش الغل” مع غلاء الاسعار المتزايد للسكر ورغيف الخبز!!
على الحكومة ان تبحث عن ضرايب جديدة منطقية!!
كضريبة على تنفس الهواء.. وضريبة لاشعة الشمس الساقطة!
او ضريبة على “عاهرات” نوادينا الليلة المتزايدة!!
يكفينا مسخرة…
وجد “كفااااااااااااااااية”!!
وحدوا الله شو ضريبه على الدخان هي احنا يالا ويلا مدخنين ونيستون يعني 160 بكره الزلمه بقطع الخبز عن الولاد وبجيب دخان والله يا ناس كلمالنا بنرجع لورا على قوله استاذ علوم ارض امريكا بتوصل الشمس واحنا لسا بنفكر شو في على القمر :angry:
انا بامل انو هذا القرار راح يخفف عدد المدخنين مع اني ما اتوقع وبامل تنصرف هذه الضريبة لاصحاب الدخل المحدود مع اني متاكد 100 % انو مش راح ينصرف اكثر من 5% والباقي …..
2keed 3emlo hai el 5otwe 3ashan 5ayfeen 3la se77et sh3bna mn el do5an eli r7 ymoot JALTA mn hl qararat :angry:
o walla lw 3njad r7 y3too lal da5al el m7dood eli howe nafso r7 yedfa3 el nos el zyadeh kan ma bz3al bs estnno b3d hl qarar km seyarret range o b.m o ferrari r7 tzid bl balad hdol 3adi ma ya5do mnhom darayeb o ydallo ykbro b krooshhom :getlost:
:w00t:
الافبلع عن التدخين من اسهل الامور لدرجت اقلاعي عنها اكثر من 100000000000000000000 مرة
:sleeping:
اممممممممممممم..
لم أتوقع منك أن تقوم بنشر تعليقي ، فكل مرة أكتب فيها تعليقاً لا تنشره، والأدهى من ذلك ردود أفعال بعض المعلقين من مُناصريك على تعليقي!! .
“لإنك قاعدةبتعارضي لمجرد انو ياي انا كتبت غير عنهم.. ما هذا يا صاحب الكلام؟؟ “بشار بركات”.. أنا لا أًعارض بل هذا رأيي فقط ، والواقع “الغبي” الذي تريد تغييره ، لا يتم تغييره بهذه الطريقة ، طريقةالسخرية “والنمرقة” .. أيُغير الواقع بالسخرية؟؟ أوتُفيد شيئاً هذه الطريقة؟؟طبعاً لا تُفيد شيئاً غير “الضحك” ، الضحك على الواقع!! وليس إصلاحه
كي لا يحدث لبساً، أنا لا أنشر معظم تعليقاتك لإنها تحتوي على عبارات غير صالحة للنشر. أرجو التزام الأدب والأخلاق عند كتابة تعليق وإلا فلتجدي مدونة أخرى تنشر التعليقات من غير مراقبة بعيداً عن هنا.
تحياتي يا ألين.
تعليق سريع قبل آذان المغرب.
ألين..
هذا واقع أغبى من الغباوة بحد ذاتها!!!
وإن أردت من أسامة أن ينشر تعليقاتك فلا تستخدمي كلام مو منيح متل ماحكى أسامة.. وإلا فلا تدخلي لهذه المدونة أبدا.
لا بالعكس انا بايد هاد القرار و هو القرار الوحيد اللي بايدو لانو اللي قاعد بدخن قاعد يكلف الدولة اكتر من 2 مليون كل سنة لا ياسيدي خليهم يا كلو خ*** لانو اللي بدو يدخن خللي يدخن .
انا شخصيا كنت ببريطانيا و لاحظت انو سعر بكيت الدخان 7 باوند يعني 10 دنانير اردني ولسه في ناس بدخنو هناك
خطوت رغع سعر الدخان فكروة عالمية و منيحة بس هل فكرة رفع سعر علبة اللبن من 50 قرش لا ليرة فكرة عالمية و منيحة؟؟؟؟؟؟؟ :angry:
جاء ردي عليك متأخر أيها “الأسامة”..
بالنسبة لتعليقاتي لا أجد فيها أي شيء مُنافي للأدب.. أنا فقط كنت أقول رأيي بكل حرية وأريحية.. عادي خلي عندك سعة صدر وتقبل إنتقادات الآخرين.
سأظل أرتاد مدونتك بين الحين والحين الآخر أتعرف لماذا؟ لأني أريد أن أعرف أين ستوصلك سخريتك للواقع.. بالمناسبة ، أنا لا أنكر أن جرأتك تعجبني ولكن “جرأة مع طموح للشهرة” برأيي لا يفيد شيئا
“تحياتي يا أسامة”.
انا اول مره بسمع هاد الخبر و عن جد انه خبر سااااار ان شاء الله يوصل غلاء اسعار الدخان لأقصى حد اللي نبطل نشوف حد بدخن ياااااااااااااااااااااااااااااااااااااارب
ليه هلسلبيه؟؟
ليه هلتخلف؟؟
يعني ازا انت بتحكي انهم بدخنوا من الطفر طيب مش ابدى انه الواحد يشتري اكل بحق باكيت الدخان؟؟؟ او حق الارجيله؟؟؟
انا بصراحه بحزن على كل مدخن و بعرف انسان عمره 35 و عنده سرطان في الدم من كترة الدخان و للأسف بستنى الموت و هسه بدا يصحى على حاله:( الله يشفيه و يهدي كل شبابنا
المواطن اغلى ما نملك
والباقي عندكم
ولله شو ما تحكي ما راح تعبر عن هالحكومة اللي عندها كل شي غالي الا الانسان الله يقويهم ويباركلهم
<من خلال خبرة 15سنة بالتدخين بحب احكيلك انو نسبة البنات اللي بدخنو (في السر ) اكثر من نسبة الشباب بكتيييييييييير بس البنت بطبعتها بتحب تظهر على انها بتكره كل شيء غيرصحي .
شو هالحكومـة اللي مش لاقيالـها شغـلة
مـآ بسمع غيـر الضريبة والضريبـة
بكرة بسير ضريـبة علينا احنـا ازا كنّآ عايشين ومش بعيدة عتسير عالهوآ…!!!
كـل هـآد وما بدهـم الناآس”تشـرد” للخارج؟!؟!
بتـوقع لو يصح للشعب يطلع بره الاردن ببطل فيهـا حـدا.. :/
اولا بعتقد انه الي علق ع المقال والحكي الي انحكى كتير,وما ضل عندي اشي احكيه ,بس بدي احكي انه المسؤليين بالبلد هاي بدهم يانا نطلع من اواعينا لانهم مش عارفيين شو يعملو.مرة غاز,ومرة كاز,ومره اكل,وشرب يعني بدهم مش يجلطونا بدهم يخلونا اموات ونحنا عايشيين,وبتحكولي لذوي الدخل المحدود؟؟؟كل الشعب ذوي الدخل المحدود.
مين ضل مش محدود؟؟انا بشتغل ب300 دينار وجوزي ب600وعندي طفلين عمرهم 2و4وما بلحق اخر الشهر الاوعلينا دين صار.
يعني شو نعمل؟؟عنجد مش لازم نسكت ونرضى ونخضع زي دايما,لازم نقاطع كل هاي البلد.والله لمدة اسبوع بس وشوفوا شو بصير,يمكن لعلى وعسى المسؤلين يحنو علينا شوي,وبحكي هادا الحكي وانا مدخنه وجوزي مدخن وبندخن قرب ال3 بكتات باليوم,يعني امسك ولادي واقتلهم احسن؟؟بدنا حل,وما لازم نسكت
وحسبي الله عليهم