راتب النائب في الأردن 2460 ليرة شهريا بس..!
في “مصخرة” جديدة تحدث في المَلعَب الأردني، قرر المكتب الدائم لمجلس النواب زيادة رواتب النواب ليصبح 2460 ديناراً بدلاً من 1960 دينار.
جاءت هذه الزيادة على صورة “بَدَلات”، فراتب النائب الأساسي 1500 دينار، ولكنه يتقاضى شهريا الآن 250 ديناراً بدل “سكرتير مكتب” أو بالأحرى “سكرتيرة أمورة” بالإضافة إلى 250 ديناراً للهاتف شهرياً، كما أن مبلغ 3200 ديناراً يُضاف إلى رصيده في البنك بشكل سنوي بدل سكن.
أولاً: تمت إضافة بدل جديد بقيمة 200 دينار شهريا “للضيافة”، يعني شاي وقهوة وهوت شوكليت وفرابتشينو، وكم كيلو كنافة للبيت.. كم مضحك هو اسم هذا البَدَل، قال ضيافة قال، يعني بالمشرمحي ضيافة وهز ذنب ومسخ جوخ، وأهلا وسهلا سيدي.
ثانيا: 250 دينار للسكرتير، آمنت بك يا ربي وللسكرتير أو “السكرتيرة” الحق في 250 دينار، ولكن لماذا قد يحتاج النائب إلى 250 دينار أخرى بدل مصاريف هاتف شهريا؟ إن رجال الأعمال وحيتان البزنس قد لا يدفعون هذا المبلغ في “شحن موبايلاتهم”.. يبدو أن القرارات “الخطيرة” التي يقرها مجلس النواب دوماً تحتاج إلى “كثر حكي” و “شوية أسافين”.. ما تشتريلهم الحكومة خط زين تبع الـ 5 ببلاش وخط أمنية المستحيل تبع أبو 10 ببلاش وتكنسل شركة أورانج من الوجود لإنو ما إلها داعي أصلا.
ثالثا: 3200 ديناراً سنويا بدل سكن؟ قال يعني النائب ساكن بالإيجار..!
وبحسب الخبر الذي ورد في صحيفة الغد الأردنية، فإن مذكرة نيابية تمت بسرية تامة طالبت برفع رواتبهم فوافق عليها المكتب الدائم.
أقول أنا وبرأيي المتواضع إن ما يحدث هو مهزلة كبرى في حق كل مواطن أردني، في حق كل من انتخب أو لم ينتخب، كم عدد ساعات دوام النائب؟ وهل من رقيب عليه؟
ما هو أكبر قرار تنفيذي صدر عن مجلس النواب في السنوات الأخيرة؟ أين هم النواب، فأنا لا أراهم.
نراهم فقط في التلفاز، يتبادلون الشتائم ويتراشقون بعبوات المياه المعدنية في جلساتهم التي ليس من العَجَب أن ترى فيها نائباً نائماً، ونائبين يتهامسون، هذا يتكلم عن ذاك، وذاك يضرب الآخر اسفيناً، وآخر “بكش دبّان”.
إن كلمة “نائب” تعني أن ينوب الشخص عن شخص آخر أو عن مجموعة من الأشخاص، اللي همه إحنا، وأنا هنا أتساءل; هل ينوب النائب عني؟ هل يأخذ بعين الاعتبار رأيي بصفتي مواطناً أردنياً عند التصويت على قرار أو قانون؟
هل ينوب عن أيٍّ فيكم فعلاً؟ وهنا أقصد “فعلاً فعلاً”..! هل يتحدث بإسمكم؟ هل “بستاهل” النائب أن يتقاضى 2460 ديناراً شهرياً لمجرد حضوره بعض الاجتماعات “المُمّلة” إلا تلك التي يحدث فيها “شوية آكشن”..؟!
باع النواب كلاماً في لائحات دعائية أحاطت الأردن من كل جانب وأنفقوا الملايين عليها، والآن يبيعون كلاماً يكتبه لهم من يكتبه، ليتقاضوا عليها المال..!
لا أرى أيَّ داعٍ لـ “مجلس نوّاب” في الأردن، فالنائب لا ينوب إلا عن نفسه.. ونراكم Next Time في مهزلة جديدة.
أسامة الرمح
25th Of June, 2008
يا أخ أسامة كتير ممتاز على هيك انتا مفكر انو النائب مركن على راتبو و اذا ما حصلو بطفر؟؟ يا ابني ما تنسى قديش دفع هالزلمة على حملتو النتخابية يعني بحبة بسيطة النائ رح يقبض 118080 دينار بكل الاربع سنين اللي اصلا لسا ما جابو تكالبف الحملة فالقصة مش راتب وما تحسدهم عليه
الشي التاني انو بدل السكن والتليفون مش غلط النائب ياخدها الغلط كل مواطن اردني ما ياخدها بالامارات ما ضل غير يحطولك بدل حارس للعمارة او بدل غيار زيت للسيارة.
دمتم و دام فضلكم
صباااح الخير ….
لووول……
جد … كل هاي بدائل … نيالهم ….!!!!!!!!!!!!!!!
طب ما يزيدونا نحنا كمان …
ع فكرة مدونتك رائعة …. و مواضيعها كمان … عم بقرأهم …..
للأسف فقد ورد خطأ كبير في مقالتك فقد قمت بتسمية الزيادة (ببدل) والصحيح انها نوع من انواع الرشوة التي تدفع لشخص ليبقي فمه مغلقا..
الاردن يعاني مشاكل اجتماعية واقتصادية تحتاج الى الاف الاشخاص مثل اسامة رمح ليتكبوا عنها ولكنها تحتاج الى معجزة الاهية لحلها وكلنا امل وثقة بالله عز وجل وحسبي الله ونعم الوكيل…
يعني سيد اسامة انا مش عارف شو بدي احكيلك
هذا النائب انسان الله بعتله رزق بغض النظر عنه هل هو نصاب ام محتال او غيره بس الله بعتله رزقه وهاي حق اله واللي وافقله على الزيادة اكيد ما زادها عالفاضي طبعا النواب هم الوصلة بين الشعب والحكومة وفي نواب كثر اشتهرو بأمانتهم ووصلو مواصيلهم
شغلة الراتب والرزق هاي شغلة ربانية لاتناقش
اما بالنسبة هل هم بمثلو صوتي بحكيلك وبصراحة مش كل النواب بمثلو صوتي
وشكرا الك وعطرقة عرضك للموضوع
ana bel nesbe ele ra7 a33mel metel ba2ee hal nowwab w :sleeping: w ensha2aalllaaa … eno el wa7ad feena yeshteghel haik 2 hours a day w yakhodloo shee 2500 liraa
mesh ghala666666666
ya 3ameee e7na sha3eb democratiii enta laish 3am te7sedhom ya osama
:angel: khaleeeeehom .. ma fe badal serelankieh balla 
?? w badal wa7deh lal massajjj w badall marah bel marra :S
saba7 el khair w 3a ra2yak welcome to jordan
يعني انتو مصدقين إنو النائب سائل عن هل 2000 دينار؟؟؟
ما هو بيجيبهم بيوم… هو بكفي ياخد هالكرسي عشان مصالحو تمشي….
ممتاز يا أسامة….
منستنى كل جديد منك 
:heart: :kissing: :pouty: :cwy:
you have a great blog here! ya3tik il3afye! really great effort! a great mind like yours should be appreciated and introduced to more people! critical issues you are discussing here in a sarcastic, up to the point, brilliant way!! Really enjoyable!!!
we would really enjoy having you at mahjoob’s forums! if you were not a member already! :whistle: :p
best regards!
والله يا عمي حقك تكتب يلي بدك اياه بس انا شايف انو النائب بستحق هاد المبلغ حتى لو بس ضل قاعد في البيت لأنو اي مدير عام راتبو 2000 دينار او اكثر و مش كل النواب اغنيا و مش كلهم بكشو ذبان مع انو 90% هيك يلا بلكي هاي الزيادة حركتهم
Hi
I really loved and enjoyed reading the article
I feel sorry for the poor nowwab
keep it up osama
NEO
طيب حرام يمكن 99% من نوابنا ايتام اذا احنا ما شعرنا معهم مين يشعر معهم.
مش مهم كم رواتبهم بقدر ما المهم شو الي رح يترتب على هالرواتب؟؟؟؟؟؟؟
بمختصر العبارة بطلت تفرق لأنه شعبك يحتاج لقنبله ذريه .
الواحد بدل يحكي عل الفاضي والله تعبت قد ما حكايت شعبك ما بستوعب .. نحن بهبوط وهم بصعود .. الله يصبرنا
يا زلمة هدول مساكين…
خلي كروشهم تكبر كمان شوي ،،، لازم النائب يكون عندو كرش..وجاهه
كاسك يا وطن
حرام وايتام ها؟.؟… هههههههه ياخي روح, هو النائب سائل ب 2000 دينار, هاذ الراتب المبدئي مثل ما قال طباخ الريس
) حملته عملها ودفع عليها عشان الحصانة, وعشان يمشي اموره,
يا سيدي إن شاء الله كل الاردن بتصير نواب, بس خلينا نشوف مين الشاطر يفيد الشعب, وما اتوقع حد رح يفيد حد.
wallah meni w 3li 5lehom eshofo rez2hom
)
e3ni ballah men 2nt5bhom mosh 27na izan 5la9
97ah w 3afiah ( lo e3doni she 2kmen denar ma b2ol l2
kol wa7ad eshof rez2too w etokal 3a allah
w en sha allah eft7ha 3lana metel ma ft7a 3lihom
keep going
we r in Jordan
and there is a lot of thing to write a bout
عجبتني قال ساكن بالاجار…
والله مسخرة بجد.. اتوقع رح يرفعو الضريبة ويغلو الدخان عشان يقدرو يعيّشو النواب…
يا زمان الشقلبة… بس اكبر بدي اشتغل نائب انا :devil:
سلامممممممم
ياخ اسامه والله حكيك صحيح زيادات ورفع روا تب بلجرافه وهل الموظف الغلبان 50 دينار وما في غيرهم على طول العمر سواء ارتفع المحروقات او لم ترتفع المهم الغلابه لازمهم مصاريف وضيافات كثيره وطبعا ضيافته تختلف عن ضيافتنا يعني بده يصرف على اشاي والقهوه قد راتبي هذا اذا انهم بيشربوهم وطبعا عندك راتب الخدامات والبودي قاردات وصالون المره وبركةالسباحه وارقيلة الولد وكفي شوب البنت , وطبعا احنا ما حكينا عن اقساط المدارس ؟؟؟ يعني انت شايف قديش في مصاريف .
الله يا سيد اسامة:heart: مقالتك بتفش الخلق ولو في منك كتير كان الدنيا بخير و بنصير ما بنحتاج لنواب يدافعو عن حقوقنا قدك
وكل اللي بقولو هادا نائب وحقو وكلام فاضي ….. يوفر رايه لحاله عشان هاي البلد كلها نصب ب نصب لونهم صلحولهم شارع او زرعولهم كم شجرة او يعملو فيه اشي مفيد كل شهر ابدا من انو ابن النائب يرووح يسهر ب مكان من الي بالي :angel: بالك :blink:
Good Morning,
I thought blogs were for free speech, constructive one, rather than destructive one.
It is my belief that by focusing on irrelevant subject you will be getting a storm of attention. Try focusing on things with real content, and get real references. Read real news sources like the NY Times, or Washington Post, and tell people what you think about subjects they beleive are relevant to our nation.
Blogging is a responsibility but you sure look like another amounnews.
مشان هيك المرشحين بكونوا مقطعين بعض لحتى ياخدوا هالكرسي
وما بصدق يوصل الواحد لحتى يمسك بأيديه ورجليه وسنانه بالكرسي ويعطيها :sleeping: لا وبدبحوا الدنيا وانا وانا ورح اعمل بكونوا عاملين حالهم :angel: بس هم بالأصل :devil:
جد اشي :angry:
http://www.rumonline.net/viewPost.php?id=4713
هنا مقال بعنوان تحميلة للنواب وهو مقال ساخر
اتمنى الاطلاع عليه
الي ماله حظ لا يتعب ولا …………………………………..
والباقي عند النواب
كيفكو شباب وصبايا؟ بتمنى تكون معنوياتكو عالية دايما..أسامة شي حلو التفاعل مع الأحداث والكتابة عنها هاد اشي مو غلط أكيد…هي شغلة الرواتب صارت غير معقولة مع ارتفاع الأسعار! يعني هل النائب ممكن يأدي مهمتو صح ازا كان مكسور عليه أقساط أولادو بالمدارس؟! أو مش قادر يساعد ابنو على الزواج؟! 2460 دينار شباب احنا مستكترينهم لأنو لسة شباب وما عنا زوجة ولا أولاد فبنشوفهم دحة يعني بكفو بنزين وموبايل وتشي تشي كل يوم وفنجرة وما بخلصو!! بس تخيل انو انت متجوز وعندك ست او سبع اولاد وبنات متلك وانت شاب ومعهم انت وزوجتك؟؟؟؟؟ شو بدو يكفيهم 2460/8=307 دنانير لكل شخص وأنا أصحابي اللي بياخدو راتب 350 بيشكو الطفر وساكنين ببلاش عند اهلهم وبياكل ببلاش عند أبوه !!!احنا لازم نركز على الأشياء اللي بتأثر علينا وعلى اقتصاد بلدنا متل اشي اندفع عليه مئات الملايين بحركة وحدة!! يعني راتب كل نواب العالم لميت سنة لقدام!!!
صدق يا اسامة معك حق بكل حرف قلته فهي المصاريف لازم تروح للفقراء المعبييم الشوراع و لازم يصلحو فيها المدراس و المستشفيات الخربانة .
زيادة ال 250 دينار ( آخر بدل ) ما بييجوا قد راتبي الي عم باخدو حاليا … والباقي عنكم
يا اخوان جايين تحكوا انو النواب مو سائلين على هالزيادة و هالراتب وا نا بعرف هادا الكلام
بس ما دال مو فارقة معهم و معهم مصاري مش اولى هاي المصاري تروح للفقراء او المحتاجين او مش اولى تروح للشعب
اخخخخخخخخخخخخخخ بس
الله بعين مشكوور خيو اسامة
يا اخوان ما تنقوا عال2460 دينار الله يستر ما يجيبو للنواب سيارات من ألمنيا ب 35 مليون يورو زي م أعطوا المجلس الماضي…والله مهزلة انا مرة سألت الدكتور في الجامعة مين بوضع ميزانية مجلس النواب و اذا في حدا بيعترض عليها..؟؟ ….خلصت المحاضرة و ما جاوبني و خلص الفصل وحاموت و أنا مش عارف الجواب…شر البلية ما يضحك..
Nice subject to be raised, I was wondering about a different topic too, the Governmental vehicles in Jordan, as a small statistics to look at, there is at least (and number can be verified) 1000 Gov. cars which are 2000cc and above; this type of cars consumes at least 20Lt. per 100 Kl., so let us look at the following:
1 car consumes 20 Lt per day (at least)
per month = 20×30 = 600 Lt.
600 Lt. = 483 JDs
483 Jds/car/month = 5796 JDs/car/year (At Least)
so for the 1000 cars = 5.8 Million JDs
what does this number says; it is equal to one family consumes four Kg of bread per day.
Till when are we going to pay the Gas invoice for the Gov. cars which are highly consuming type of vehicles, in addition to their insurance, spare parts and other, and the nice part is that the drivers of these cars use them as if it is his own private car, which I mean he has paid for it and not the Tax Payers .
This topic may seems very silly for some of you, but have a look at it and see how much millions of JDs are thrown out which can be used for establishing a medical center in an area of the country, or buying some medical equipment for a small hospital in a needed area in the country, will 6 millions be beneficial for a useful community needed project or not?
Thanks for having this area to talk about such topics.
انا حاب احكي لواحد اسمو (البواب) كاتب تعليق انو ما بفكر بهاي الطريقه الا الي بكون عن جد بواب و يسلمو اسامه
يا بلاش :whistle:
مسكين النائب ناقصه مصاري ومنتكب مهو :whistle:
والشعب عايش بنعيم وليس طفران الا شوي :happy:
fe3lan ya bawab enk bawab .. sho rezgeto ma rezgeto ??? hay el mezanyehe lal nowab msh yzabto feha eshy mn masayeb hal balad ???
thnx osama … keep up the good work
طب ليش ما صرفوا 250 بدل بدلالات و أكسسواراات …مشان ينوروا التلفزيون و هوما قاعديين و أكييد لما يحكوا ثقة و موافقة…… نحكي جد هو النائب بدو مصاري و لا يخدم الناس,,, مشان أذا الشغلة مصاري و علاقات هايني ضمنت وظيفة بالمستقبل
well 2460 JD a month is not allot, compared to the inflation rate in Jordan. but talking about the efficiency of the representatives is something else..
مسخرة الوضع صار :s
زيادة النواب ، منطقية خاصة في ظل ارتفاع الاسعار الغير معقول ، يا ريت تنظر الحكومة للشعب على اساس انهم نواب ، ويزيدونا 50 دينار بدلا من 200 دينار
لا تعليق .. على التعاليق :whistle:
كل هاد و الحق علينا احنا و كل واحد بيعرف شو عمل عشان يصير هيك انا ما بدي احكي بس كل واحد بيعرف غلطو
أنا كمان أتفق معك تماما وأعتقد أن وجود مجلس النواب هو خسارة لنا وليس له أي ميزة لأن النواب هم هم ما بتغيروا ولا يوجد لدينا أحزاب فعالة غير جبهة العمل الإسلامي الذين (انكحشوا) بطريقة أو بأخرى من المجلس.. فأصبح المجلس كما قلت عبء على الدولة ومكان لتسيير مصالح بعض الأشخاص.. وإذا قرأت كتاب كفاحي لهتلر (ما تخافو) ستجد أفكار جميلة لديه حول هذا الموضوع وهو يلخص قعلا حال مجلس النواب..
مدونة رائعة ربنا يوفقك يا أسامة
كثير من الي انكتب صحيح
بس في شغلة ما انطرحت انو نادر ما يكتمل النصاب في جلسات النواب وهذا اكبلر دليل على الاستهتار وعدم وجود متابعة :sleeping:
لازم يحطوا للشعب 1000000 بدل كل شي عالطفر الي احنا عايشينه .. يلعن ابو المصاري وبقولو ليش قضايا السرقه عم بتزيد … عراسي الحكومه والله
اولا بحييك اخ اسامة مدونة رائعة كل موضوع احلى من التاني..
الله يوفقك..
بالنسبه لزيادة رواتب النواب ضحكني كم البدلات اللي عملوها الهم وما بعرف شو البدلات اللي بتنصرف للمواطنين عنا
ذكرني بنكتة الاردني اللي سال الاماراتي عن راتبو وبللش يعددلو الاماراتي عن البدلات اللي بياخدها فوق راتبو ولما سألو الاماراتي كم راتبك قللو 200 دينار سألو بدل شو قللو بدل ما أشحد :blink: ..
الله يعين هالشعب على هالغلا وهالعيشه
ويعين نوابنا ع صرف هالمبالغ :dizzy:
مشكور اخوي اسامه على كل اطروحاتك الرائعه والتي تمثل الفكر الواعي لشاب من شباب الاردن المثقف
جميل ان نكون وطنيين وندافع عن حقوقنا وحقوق الشعب000 قبل كل
شيء وقبل ان ننتخب هذا المرشح الم نكن نعرف واجباته وما له
وما عليه وكم يتقاضى في الشهر مثله كمثل اي موظف آخر
ولكن للاسف الشديد اغلبيه النواب بعد الفوز ينسون او يتناسون
كل الوعود ولا يتذكرونها الا في الدوره النيابيه الجديده ليكسبوا
الفوز مره ثانيه
الرواتب او البدلات هذه حقهم العام مقابل تعبهم في الجلسات
وانت ادرى الناس ما يحصل في هذه الجلسات
وعلى فكره بفكر انزل نفسي للانتخابات الجديده ولكن من دون عمل
حمله دعائيه بتكلفني مئات الالوفات لاني طفرانه وما بوعد الناس
بأي اشي لاني بدي احسن وضعي قبل كل شي واللي بدو ينتخبني الله
محيي واللي ما بدو بكيفو
الشكر الجزيل الك اخوي على هذه المدونه الرائعه التي استطعت ان
ابث فيها بعض مواجعي
وآآآآه يا دنيا الالم والله يكون في عونك يا ماما شو تحملتي تعب
no comment
ana br2e lazm ya5do rateb kbear l2no -ya 7ram- df3o kteeeeeeer w 2lel lma trsh7w
b3deen blnsbah la bda2el altelfonat ymken anta ya osama ma bt3raf ano kol na2b ashtra aktar mn 1000 denar bta2at w kan yrshe feha alnas.
b3deen anta btfker aslan alna2eb sa2el b alrateb ana bsmn m7afzte 6l3o tnen nwab alhom 3laka b alm5drat w wa7ad mnhom a5o ansajan b 2deah m5drat..
alwa7ad fehom nafesh resho 3la asas ano wzer w ashe mohem w ana mt2kdah ano beno w ben 7alo btef 3la 7alo
ana mn r2e yshelo kol almjles l2no wallah 7ram a7na nokol hwa 3shan ndf3lhom rwateb w m3 hek hma -nateen 3lena w mdlean ajrehom-
mn al2a5er azh2na 7da yd7ak 3lina mst3deen ndfa3 d3ef alle bndf3o hl2 bs wa7ad ytla3 bne 2adam w m7tram
والله يا اسامة من هالحديث مو غريب انو تنرفع الأسعار لأنو في مين ______
والله يعين الي مش نائب
:cwy: :cwy: :cwy: :cwy:
(يعز من يشاء ويذل من يشاء)
:angry:
ضل انزاوجهم !
O:
طيب بدل سكن وتلفون وسكرتيرة وسريلانكية يعني ما بطلعلهم على اساس اللي عاملينو للبلد ما حدا عملو!!
…
بس يا ريت يطلعو شوي عالشعب المسكين في ظل ارتفاع الاسعار والناس اللي ما عندها راتب من اصلو
مافي بدل شحدة؟؟؟!!
و ما تنسى السياره اللي اقل اشي 500000
انا بدي اشتغل بالأردن وياريت تلاقولي شغل الله يرضى عليكم
شكرا
والله بعد الخبر صار الواحد يا زلمة محتار شو يشتغل عشان يجرف المصاري بالكريك. فقبل قراءة هذا الخبر كنت اقول احسن شغلة الواحد يعمل دولة وشرطة سير وامانة وبلديات ويجهز الشوالات ابو خط احمر.اما بعد هالخبر فاحسن للواحد يشتغل نائب .لانه عمل دولة شغلة صعبة وفيها وجع راس .اما شغلة نائب فشغلة سهلة وبشوية “تخويث “ومناسف بصير الواحد نائب من نوائب هذه الامة التي كثرت نوائبها وجاء ما يسمى بالنواب ليزيدوا الطين بلة