جنود مصريون “شرفاء” .. أم حكومة مصرية “حكيمة”..!
إن قارئ خبر تدمير جزء من الحدود “الغزاوية” المصرية واختراق الفلسطينيين الجدار الحدودي ودخولهم الأراضي المصرية بلا قيد أو تقييد ليثلج الصدور ويفرح القلوب بالرغم من أنه يحمل في طياته مالا نعلم بعد.
هل قام “مبارك” بالسماح للفلسطينيين بالدخول فعلاً؟ أم أن ذلك حصل رغماً عنه ؟
وهل قال مبارك “لقد سمحنا للفلسطينيين بالدخول” لكي يُخفي حقيقةً قد تكون حقيقة بأن هناك جنوداً مصريين “شرفاء” سمحوا للفلسطينيين بالعبور ؟
هل يعود زمن “الأحرار”؟ وغالبيتكم العظمى تعرف ما معنى “أحرار” هنا ..!
هل يُحَمِّلُ “مبارك” الفلسطينيين جميلةً في الكلمة التي ألقاها ؟ أيبني جداراً من اسمنت لا يُبنى إلا للكلاب الضالة، ومن ثم يقول “دول ناس جعانة خليها تدخل تشتري اللي هيه عايزاه”..؟!
حسناً.. ماذا بعد ذلك..؟
قال “مشعل” وهو مستلقٍ على سريره: إن قرار دخول الأراضي المصرية هو قرار شعبي ولا يد لحماس فيه.
يا مستر مشعل، من أين للشعب الذي شوّهتم صورته القنابل والمدافع و “البلدوزرات” ليحطموا “جداراً حدودياً”..؟
لندع الكذب جانباً ونبحث الموضوع من جانب آخر.. من جانب اسرائيلي و”سياسي”.
هل هي فرصة اسرائيلية لإخلاء غزة ؟ هل سيُعتبر ما حدث “نزوحاً” أو “لجوءا” مثل 48 و 67 ؟
أترَونَ معي اقتراب نهاية المقاومة الاسلامية ؟
أتوجه في نهاية موضوعي برسالة إلى حماس، وأقول: إزا انتو كنتو بدكم تحرروا فلسطين، ضروري يعني تلزقوا بالكراسي لحد ما يموت شعب فلسطين من الجوع..؟
ويا فتح: إلا ما ييجي يوم والمفضوح ينفضح وينمسح فيه الأرض.
أسامة الرمح
24-1-2008
يعني مش عارف شو بدي اعلق
بجد المسألة صارت تخنق كثير
ما حدا عارف مين مع مين و مين على مين
حماس بتحكيلك اشي و فتح بترد باشي ثاني
و الاعلام ماشاء الله عليه
بحكيلك اشي ثالث
وين الصحيح ما بتعرف
اما بالنسبة لموضوع أهل غزة الصمود
عن جد قلبي و احساسي معهم و الله يعينهم و يصبرهم و ينصرهم لانه شعب جبار بالفعل
و بالنسبة للأحرار اللي بتحكي عنهم
أكيد ان خليت بليت يا صاحبي
بس ما أتوقع انه هدا كان قرار حسني مبارك و الباقي عندكم
تحياتي و احترامي لك يا اسامة
الله معهم ما بدهم لا حماس ولا فتح اصلا كل منظمة زي ما حكيت اذا قعدت على الكرسي بتلزق ببيعوا اهلهم بأقوره عشان مصلحتهم الخاصة
حبيبي اسامة الى الامام
اللي بدري بدري و اللي ما بدري بقول كيس عدس!انا معاك بالنسبة لمبارك فهو ما حكي هيك الا لما انحط في الأمر الواقع!مش كتير بوافقك الرأي بالنسبة لحماس لأنو لولاها لكان عنجد الشعب مات من الجوع!مع العلم اني ما بوافق على كل اللي يتعملو !الله ينصر اهل فلسطين و غزة من دون حاجة لا فتح و لا حماس..
شكرا على المقال:)
حقيقى انا لامست تلك المعضله على الطبيعى نظراً لسكنى بمدينة الاسماعيليه القريبه من سيناء ولكن ما قرأتموه شئ والحقيقه شئ آخر لقد صل الاخوه الفلسطنين – اعانهم الله – الى ابعد من 300 كلم داخل الاراضى المصريه وكم كان هذا مربكاً للأسواق عندنا فقد وجد بعض التجار عديمى الضمير والدين هذه الفرصه ليبيعوا السلع بأكثر من 10 اضعاف ثمنها اسغلالاً منهم لظروف الاخوه الفلسطنين فى حين وقف البعض الاخر بجوار اخوانا الفلسطينين
انا معكم حقيقة انه لم يسمح لأخوانا بالدخول – اى الحكومه – ولكنى لا اعرف يقينا
فى النهايه اتمنى من الله تحرير ارض فلسطين الطاهره من اعداء الله
لا تعليييييييييق انا بكره حمااس كتيييييييييييير وبشوفهااااا زي العمي بتعرفو شو منسميهم بغزة عنا(الاذقان المتخنزرة)كل واحد فيهم بيكون وموصل ذقنه لاجريه وبالاخيييييير بيروحو يتبعو سياسة (التطريز) بتعرفو شو يعني تطريز؟؟؟ انا بحكي شو يعني
التطريز في المصطلح الحمسااوي يعني: وضع عشرين رصاصة في اقدام الشباب كي يتم بترهاااااااا طيب ليش بيعملو هيك( كي يدخلووووو بهم الجنة) وعلى فكرة همي هلحين لزقو بلكراسي عفلق ما راح يقومهم عنهاااااااابس بدي احكي شغلة هادي حماس ولا بلاش اكمل احسن اللي لحسن يطرّزوني انا كمان
يا اسامه رمح انت بتذكرني ب أسامه فوزي اللى كان ينتقد الجميع ويسخر من جميع الاطراف .. وانت بتتبع نفس الطريقه اللى ممكن تضحك القارئ ومن غير الممكن انها تقنعه بشئ وتغير وجه نظره لأنو حتى انتا ما بتطرح وجه نظر او توجه حول الموضوع اللى بتطرحه.. وبالنسبه لهاي المقال برأي انو حسني مبارك نحط بالتأكيد بالأمر الواقع وبدليل انو بعد ما انتهى الفلسطينييون من التزود بالطعام واللوازم الاخرى بدأء النظام المصري ببناء جدار عازل شبيه بجدار الضفه او جدار برلين !!
وبالنسبه لحركه فتح والسلطه الفلسطينيه فهدفها واضح جدا لا يتعارض نهائيا مع اهداف الكيان الاسرائيلي..اما حركه حماس برأيي هي على الطريق السليم بأهدافها ووسائلها وبخاصه انها حركه اسلاميه لكن ربما هناك خلل في تطبيق ما تريده على الارض بسبب الظروف الخانقه والحصار المنفذ من كل من حولها..وبأشاره لما ذكرته بالمقال بخصوص “من أين للشعب الذي شوّهتم صورته القنابل والمدافع و “البلدوزرات” ليحطموا “جداراً حدودياً””..فبقولك الجدار الحدودي تحطم بجرافات يمتلكها الشعب وليس حكومه حماس وانا اهلي هناك وعاشوا كل اللى صار وعم يصير ((واللى اجروا بالمي مو مثل اللى اجروا بالنار))
شكرا اسامة علي هالمقالة ولكن تسمح لي اخي الفت نظرك الي شيئ جايز ما مر عليك نجاح حماس كان قرار أمريكي وفشل حماس كان قرار امريكي وماتكتبه أنت ومن علي شاكلتك هو ماتتمناه الادارة الامريكية ولو أرادت أمريكا الآن أن تحب حماس وتصفق لها لفعلت ذلك بيكفي انها تمد القطاع بالمساعدات وتفتح لغة الحوار والجدل الذي لاينتهي مع حماس وتأمر بفتح المعابر ولكن ليس من مصلحتها فعل ذلك أمريكا أيقنت أننا عرب وحكمنا علي الامور لايتعدي المصالح الشخصية
مني وعلي ولا بااااااااااامن في اي مسؤول من فتح ولا حتى اي حزب بس المصداقية بتضلها تختلف من حزب لغيرو ومهما بلغت اخطاء حماس ما راح تلحق على اخطاء نظيرتها الفتحاوية ما علينا مسلسل وبدو ينتهي مع انو شبه المسللات التركية نهايتة بطول وبعد ما ينسم بدنك ب في الاخر لازم يكون في نهاية بس انشاالله ما تكون نهاية مفتوحة وانا وصلت لمرحلة لا اثق في حكومة او قائد عربي مين ما كان حتى “الشرفاء” اللي بتقصدهم بس يوصلو للكراسي عوض الله عليهم
وشكرا
إخص إخص إخص
فكرتك بتفهم
حماس بتضل أحسن منك
احكي عن حالك انت قاعد ورا اللاب توب تبعك وبتكتب وتشتم في هاد وهاد
وخالد مشعل سيدك وسيدي وسيد الأرض كلها بإيمانه بالله
وإذا انت مش مضطلع لا تفكر كل الناس زيك
واعرف عن مين بتحكي
الحق علي اللي صوتت على حصول موقعك على المركز الأول
وعن جد
(إخص)
لا حول ولا قوة الا بالله
عن جد شي محزن ومخزي واقع العرب … بتتهم مشعل بالاستلقاء على سريره .. وبالجلوس على الكراسي لحد ما يموت شعب فلسطين من الجوع..؟ ؟
بتقدر تقوللي كيف راح تكون المعادلة السياسية والقرارات الاسرائيلية لو ما في مقاومة ؟؟؟
الظاهر بدك يكون في سلام واعلان تهدئه مثل زمرة عرفات (الى جهنم وبئس المصير) ولا ايش رايك ندعي باراك للعبة شطرنج اللي بيربح بياخذ فلسطين..!!
اتقي الله يا استاذ اسامه…
و بيكفي اللعب على وتر الدين, الدنيا الأن مش مع حماس لأنها (جهاديه) إسلاميه, حتى المسيحيين والشيوعيين الأن يناصرونها لإنها تمثل ما بقي للشعوب من أخر قطرة كرامه.. ولك رب يحميك يا غزة.
للاسف الشديد اسامة بما انك كاتب مبتدا فانك قد تسقط ببعض الاخطاء لكن هذه المرة الخطا كبيييييييييييير بما انك انسان تحب الكتابات الساخر فانك تتبع اسلوب السخرية من جميع الاطراف ليكون مقالك ساخر كما تريد
هل تعتقد ان الناس “غشيمين وما بيهموا “انت كيف بتحكي هيك عن سيدك المقاوم المناضل خالد مشعل؟؟؟
انت يا اهبل يا بتستهبل
او عمييييييييييييييييييييل لاسرائيل وحبايبها
@للاسف الشديد – لا اينتا غالتان هو حب يعبر عن رأيو و يمكن الي انتا شايفو مو الي هو شايفة و كل واحد الو رأيو بس غالتان والله و انا من ناحيتي في امور معو حق فيها ,و زاي ما ألت كل واحد الو رأيو الخاص
انا أحب كتاباتك واستمتع بمتابعتك..
والله أنا تفاجأت بهذه المقالة.. طبعا حضرتك كاتب ساخر، ولكن أن تسخر من مقاوم ومجاهد مثل خالد مشعل.. خالد مشعل تعرض لمحاولة اغتيال، ضيق عليه وعلى أهله، والآن هو يعيش في سوريا بعد إخراجه من الأردن.. وتقول أنه مستلق على السرير؟! لا حول ولا قوة إلا بالله..
ومش بس هيك، وصفته بالكذب، خالد مشعل برأيك كذاب، لأنه قال: أ ن قرار دخول الأراضي المصرية هو قرار شعبي ولا يد لحماس فيه.
وأنت قلت:
يا مستر مشعل، من أين للشعب الذي شوّهتم صورته القنابل والمدافع و “البلدوزرات” ليحطموا “جداراً حدودياً”.
وقد رد عليك أحدهم في أحد التعليقات، وأنا شاهدته على شاشة التلفاز، شاهدت الفلسطينيين بالجرافات قاموا باختراق الجدار..
وبعدين تقول مستر، وهذا له مدلول آخر أنت أعلم فيه..
أظن (ظن يقيني) أن عليك حق الاعتذار، فهذه الجراة الأدبية أن يتراجع الإنسان عن رأيه إذا اكتشف خطأه..
في النهاية، أتمنى لك التوفيق والاستمرار في القراءة وطلب المعرفة والعلم، فالمعرفة سلاح الكاتب المتميز مثلك..
وأتمنى سماع ردك..
@سÙ�Ù�-اÙ�اردÙ� –
نعم الإجابة سيف.. معاك 100%
وعن جد ضحكتني آخر جملة إلك:
توجه في نهاية موضوعي برسالة إلى حماس، وأقول: إزا انتو كنتو بدكم تحرروا فلسطين، ضروري يعني تلزقوا بالكراسي لحد ما يموت شعب فلسطين من الجوع..؟
يا أخي الحرية لها ثمن، والشعب الفلسطيني المناضل منذ 60 عاما سيستمر في هذا النضال، ومش رح يضع بطنه في أولوية أمام حقه في اختيار من يقوده سياسيا وحقه في الدفاع عن أرضه..
واللي بيسمعك بتقول كراسي بيفكر إنه حماس قاعدة ومتريح ومتنغنغة، مش إنه قادتها بينقصفوا، وبموتوا مع هالشعب، ومتحاصرين متلهم متل غيرهم.. يا أخي هذا كرسي الحكم مش متل أي كرسي إحنا بنعرفه، والله كرسي الإعدام أهون.. بس الله يقويهم.. قال كراسي قال..
انا بصراحة بحب الفترة التي كانت فيها الجبهة الشعبية والفدائيةو كانت احسن المراحل وفيها اهم العمليات متل الميونيخ اللي كان صاحبها الامير الاحمر حسن سلامه بس تجي حماس تعمل حالهاا اشي وعلما بأن لسه في كتير جنود مصرين هم الالحق بانه يكونوا ملوك لنبلهم وانا متأكده انه مبارك ما كان يعرف
يا اسامه الرمح ,دائما يصيب رمحك مبتغاه اما في هذه المقاله فقد اخطا الرمح الهدف ,انا لا مع فتح ولا مع حماس ,لكن ربنا خلقنا عقل نفكر ونتدبر فيه ونعرف الصح من الغلط, حماس والي حكى عنهم الاذقان المتخنزره,او سياسه التطريز شكلك يا سيرين بتشتغلي بمحل خياطه فضربت معك او اصابك انفلونزا الخنازير فافحطي حالك احسن الك والنا,ليس كل ما يقال او يسمع صحيح,والكمال دائما هو لله,لكن افضل الحركات الجهاديه صدقا ومن نبض الشارع هي حماس,اما بالنسبه لخالد مشعل انا بحترمه وبقدره لاني شفته عام 98 اناوصاحبي بعمان واتكلم معانا كانه بعرفنا من عشرين سنه , اما بوصفه بالكذب فعيب عليك يا رمح