جامعة آل البيت والواسطة
بسبب السمعة السيئة التي تتمتع بها جامعة آل البيت على حد تعبير طلابها، يفتقد الكثير من الطلاب إلى راحة البال والجو الملائم للدراسة في حَرَم الجامعة، الأمر الذي دفع مجموعة منهم لنشر شكواهم على صفحات مدونتي بعد ان قوبلوا “بالتجاهل” من جهات رسمية سواء في داخل الجامعة أو خارجها.
تمحورت معظم الشكاوى حول مشكلة “الواسطة” التي تسيطر على الجامعة في جميع مرافقها وخدماتها، فهناك “صرخة” من احدى الطالبات حول التسجيل في جامعة آل البيت، لا تشكو الطابور الطويل الذي تقف فيه للتسجيل إنما تستهجن تصرف موظف الجامعة المختص بالتسجيل عندما يقوم بتسجيل طلبة لم يقفوا على الطابور متجاهلاً العدد الكبير من الطلاب الذي يقضون ساعات بانتظار دورهم، وتربط الطالبة تصرّف الموظف مع هؤلاء الطلاب بوجود صلة قرابة من قريب أو بعيد بينهم، فهذا يُسرّع معاملة ابن عمّه وذاك يُسرّع معاملة ابن أخيه أو “أخته”.
هذا وقد شكت طالبة من الفراغ الزمني الكبير بين المحاضرات قد يمتد إلى 4 ساعات أو أكثر بين كل محاضرة وأخرى، فذهبت إلى “الدكتور” آملة في أن يُقرّب لها موعد المحاضرة الثانية مدة ساعتين بدلاً من 4 ساعات، فما كان من “الدكتور” وبحسب الطالبة، إلا أن أجابها قائلاً: “عندك واسطة؟”
في البداية وقبل الحديث عن “مصيبة” الواسطة في البلد، أصابُ بالدهشة عندما أعلم أن هناك طلاباً يقضون وقت فراغ يطول لـ 4 ساعات بين كل محاضرة وأخرى، وهل يحدث هذا في كل الجامعات الأردنية ؟
بالحديث عن الواسطة، تذكرت إعلاناً لجريدة الغد نراه في الشوارع ويقول: “الأردن ما فيها واسطة”، هذا النوع من اللائحات الإعلانية يهدف للتغيير إلى الأفضل، ولكنّ “الواسطة” شيئ أصبح يُتداولُ بشكل طبيعي وكأنه بندٌ من بنود العمل أو القانون.. أتساءل عن إمكانية “التغيير للأفضل”..؟!
الجامعات منبعٌ لتخريج أجيال المستقبل، فهل يُبنى مستقبل الوطن على “الواسطة” ؟ وهل الشكوى التي وردتني عن ذاك “الدكتور” صحيحة؟ هل تحدث مثل هذه الأمور في جامعات أردنية أخرى؟
إن كان الجواب “نعم”.. فـ الله يخرب بيت هيك “دكـطور”.
أسامة الرمح
9th Of Oct, 2008
ويقول: “الأردن ما فيها واسطة”
والله هالحكي مو بجامعة ال البيت وبس ، باليرموك بصير أكتر من هيك بكتييييييييييير بالواسطة ، في طلاب بنحرموا من المادة لو تأخروا 3 دقايق وفي طلاب بحضروا آخر نص ساعة ربع ساعة وما بنحكى معهم شي و ما خفي أعظم :whistle: إن شاء الله ، بأصوات كصوتك أسامة لن يبقى هناك ” ما خفي أعظم ” ……
انا هذا الفصل واجهت مشكله بالجامعه وما حدا ساعدني . بكل بساطه راجعت رئيس الجامعه شخصيا وحللي الموضوع , عندك رئيس الجامعه راجعي واذا ما ساعدك قدمي شكوى لوزارة التعليم العالي وما تخافي الشكوى ما بدها واسطه , اكتبي الشكوى وبعد 10د بتلاقيها على مكتب الوزير .
الواسطه مش بس بالجامعات بكل مكان , وهاي شغله صعب انها تنحل بيوم وليله . والله بعيـــــن .
مهو المشكله النو الكل بحكي ما في واسطه و الكل عارف انو البلد ملينه واسطه … مشكلتنا صعبه لانو صعب نقضي او نحد من الواسطه لانه البلد قائمه عليها اصلا …. و ما في باليد جيله بس الموضع لازمه زوقفه جديه مو بس انتقادات و تقارير على اخبار الساعه 8 لا … بس المشكله الناس الي ما عندها ضمير و لا اخلاق متل الدكتور المذكر اعلاه كيف بدو يتخلى عن فكره الواسطه …؟؟؟
الواسطة موجودة من زمان ..لأنه بطلت الحياة تمشي بدونها …
و مش بس بالجامعات .. بكل مكان !
ممممممممممممممم
بتزكر مرة بالجامعة و هي جامعة خاصة دخل طالب و تجاهل الطابور و اعطى الموظف ورقته التسجيل و معاها ورقة صغيرة
فالشغلة واضحة و مرة تانية شب لاقى مشاكل بالتسجيل راح نادى الحارس الي معو و كان لابس بدلة خضرة مش عارف ل شو بالزبط المهم انو هادا الشب شكلو ابن مسؤول فراح الحارس على العميد و خلاه يفتح الشعب عشان الشب و راح رجع على التسجيل و طنش الدور و سجلو و الكل ساكت
و كتيير قصص
و انا كمان بحكي انو لازم تشكي للوزارة مش خسرانين شي
it’s hard to change our lifestyle…
be patient people..
:angel:
اسامه ..انا بجامعه ال البيت …عن الجد مليانة واسطات .. ومش بس هي .. كل الجامعات الاردنية زي ما اصحابي من جامعات تانية بحكولي … والدكاتره مش بس بحبوا الواسطات … لأ وكمان نسونجيه >>> وانا بداني سمعت دكتور بحكي ل بنت .. انت بس تعالي عالمكتب وما راح تطلعي من عندي الا راضية و غمزها ..
وغير المشاكل و الطوش .. والدكاتره سلامتك … كيف جايبيين شهداتهم مش عارف :angry:
walla amrat 7elwe al wa96a .. ana mbare7 wa2afatne dawreye bedha t5alefne 3a sor3a .. bas al shab 9a7be 6ele3 be3raf al 3a8eed taba3 al dawreye .. fa ma 5alafoony .. 3an jad .. lol
الله اكبرررررررررررررررررررر خررررررررررربت
دكتور اخر زمممن
الحكي هذا في كل الجامعات مش بهاي الجامعة اللي بتستاهلش الاسم
تعو شوفو البلاوي اللي فيها
سترك يارب
الحكي هذا في كل الجامعات مش بهاي الجامعة
وفي الجامعة الاردنية ايضا
لكن السؤال : لو اتيحت فرصة الواسطة لمن اشتكى لأسامة الرمح هل كان سيرفض الواسطة ؟
اي دونت ثينك سوووو
gايز مشكلتنا تكمن فينا حين نتكلم عن الواسطة :alien:
يعني اول مرة بتسمعوا ب هيك شغلات ؟؟؟
ليش كيف التيوس و الحمير بفوتو و ” بدرسوا” و بتخرجوا و بشتغلوا و بموتوا و هم مش عارفين وين الله حاططهم ؟؟؟
اللي ما عندوا واسطة بروح بين الرجلين.. زيي و زي امثالي يعني !
اذا مافي واسطة ما تحلم باشي .
انا بنت .. و غيرت بين جامعتين حكومة ..الاردنية و البلقاء.. والتنتين كل واحدة بدها واسطة لكل اشي!
و شغلة البنات اللي بروحوا ع مكاتب الدكاترة.. اشي بخزي بس موجود..يعني في بنات مو فارق معهم,, بتحكيلك ” اقل ما فيها بروح للدكتور عالمكتب و بتدللع عليه شوي ..”
حتى للموظفين بالتسجيل.. انا سمعت وحده بتحكي لصاحيتها بتنصحها
“” اغمزيلوا و تدللعي بمشيلك ياها يسرعة.. انا هيك عملت”"!!!!
يعني المحــتـرم اللي ماشي بحالو راحــــت على اهله !
جد بطلت شغلة علم و دراسه.. صارت شراء شهادات !
الله بعيننا و بعبن ” الاجيال ” الجاي !
و مو بس بآل البيت.. بكل الجامعات .. و خصوصا المذكورين فوق ..
بس ليش الحكي..!!
فكركم في شي رح يتغير! ؟؟؟
:getlost:
Abdullah Edwan والله انك بتفهم … كل من يعيش في الاردن … كان في يوم من الايام يتعاطى فيتامين واسطه , وانا اول واحد بتعاطى .
والله هاي الشغلة عنا بجامعة البلقاء التطبيقية فرع المركز بالسلط موجودة كتيييييييييييير
بالنسبة للةاسطة لو ما معك فيتامين “و” ما بتعيش
وانا محاضراتي من
8 – 9
12 – 1
4 – 5
يعني بداوم طول النهار
بطلع من البيت الساعة 6 الصبح ة برجع عالساعة 7 المسا
والله هالقصص بدها تجننا.انا بنفسي لما كنت بالجامعه رسبت 3 مرات بماده لاني رفضت احكي مع الدكتور بالمكتب.وقبل فتره تعين اخوي بالجامعه الاردنيه عضو هيئه تدريسيه بس ابصر مين حاططله (واسطه)لحتى تعين مكانه والقصه واضحه زي عين الشمس متل ما بحكوا,والله الواسطه خربت الدنيا مو بس الجامعات.
بس جد الاردن ما فيها واسطة !! اييي من وين جايبين هالحكي قال واسطة قال .. احنا ما عنا واسطة عناا وسااييطييط والله مش واسطة واحدة ! اذا الدكطور ع قولتك بحكي هيك ! بلد خربانة والله
bas akam men so2aaal
meen feekm a5ad ro5set swa2to bedoon wasta??
o meen feekm be3mal eshi bedoon was6a
jawbo mshan ne3mal e78a2eyi
خريجة جامعة آل البيت الدفعة الثانية ..
رحم الله أيامك يا أ.د. محمد عدنان البخيت
صراحة لم أسمع بذلك أبداً
كانت جامعة أكاديمية بحته في الدفعات الأولى خرّجت أجيالاً ذات قيمة أعلى من أي جامعة سابقة …
فقط طالبوا بأن يعود رئيس جامعتها الأصلي الذي أسسها و نعم التأسيس …
انا ما بحكي من فراغ لأنو انا مجرب الدكاتره في جامعتي البلقاء التطبيقيه (كليه الهندسه) لأنو عنا في دكاتره عندهم الواسطه اشي مقدس وافضل من تكافئ في بعض الاقسام مثل ( العلوع الاساسيه_الميكانيك )الفرص بس الاغلب انو الواسطه بتقلب على صاحبها يعني بسيرو يشددو عليه ويستنو على اي ذله لانهم بعتبرو اهانهم بادي الطريقه الي اجاهم فيها مثل (قسم الكهرباء_الميكاترونيكس_الحاسوب_الكيمياء..الخ…)وشكرا
المشكله ولا واحد فينا بحب حد يكونلوا واسطة او يعمل واسطة بس في اول مشكله بيوقع فيها بكون اول واحد يدور على واسطه..الا من رحم ربي…انا قعدت سنتين اطلع من بيتي على صلاة الصبح عشان اوصل مكان شغلي ومش طالعلي نقل بينما غيري بالواسطه نقل من اول شهر و مع هيك رفضت وجود واسطه لنقلي واستنيت دوري…
انا بس حاب اعرف شو تعليق او رد اسامه على تعليقاتنا … يعني يا اسامه اتفاعل مع تعليقاتنا
انا تواسطلي كونترول باص عشان يفتحلي 3 شعب عند عميد الكلية….هههههههه…ابصر شو كاين بينهم بالزمنات….على اي حال البلد كلها واسطات فسكرو الموضوع احسن لانه بدون واسطة عمرنا منا بنعيش….سلام حبايبي :wub:
ياشباب انا بجامعة ال البيت والحكي يلي انحكى اكيد مزبوط لأنه كل شي بالواسطة بمشي :heart:
ma fy eshy bemshi bdon was6a ,wlw eli be7ki hada elkalam 3ndo was6a kan ma 7ka ,la haek ana lw 3ndi was6a ma ba2aser belmra wmesh bs be al el baet bkol eljam3at mashi hada elnezam ,w thx alot
:angel: :angry: :devil: :w00t:
الله وانا بجامعة البلقاء و عنا نفس الاشي
فراغ 5 ساعات من 9 ل 3 و من 10 ل4 و واسطة للتسجيل و للدكاترة و بعرف شب ابوه قاضي و معه مصاري كتير و لانه عنده واسطة عند رئيس الجامعةرجعوله كل الرسوم
و اذا بدك تشوف الرئيس تشكيله بدك واسطة
والله مسخرة
بصراحة و الحق يقال الواسطة بتلعب دور كبييييييييييييييير و بكل شي مو بس بالجامعات
اذا المقابلات ببعض الجامعات الحكومية للتعين مجرد وهم منعا من المسائلة القانونية و التعيين قبل الاعلان عن الشواغر
بلاش الله يرحم لما كنا طلاب و كانت موظفة التسجيل تشيل اسم الي مالو ضهر و تسجل بدالو بعد ما تعلن اغلاق الشعبة …
اكيد الوسطة مو بس بجامة ال البيت موجودة بكل الجامعات وبكل البلد وين مكان وعند اي حد وانا عانيت كتير من موضوع الواسطة
وبعدين بالنسبة لموضوع الفراغ الطويل بين المحاضرات فاربع ساعات موكتير بالنسبة للي بصير عنا بالجامعة
مثلا انا الفصل الماضي كان عندي 6 ساعات فراغ ورحت عند دكتور المادة حتى اغير موعد محاضرتي ووضحتله انه الفراغ كتيييير طويل ووقتي عم بضيع عالفاضي وكان رد الدكتور : ” احنا هون مو مدرسة يكون فراغك قليل بالعكس لازم تتسللي بوقتك مثلا روحي العبي (بينج بونج ) انتي وزملائك بالعمادة!!!!” للعلم انا بدرس صيدلة وتخصصي بحاجة لاستغلال كل لحة للدراسة بس بوجود هيك اشخاص شو بنعمل!!!؟؟؟
ana wallah mn wra ele 3m shofo shklo b3mre ma r7 at5rg lk sabne e7bat mn hl balad lk wallah esht2t lla3deh blbet wshklo elwas6a r7 t5lene msh 5 snen nooooooooooo 10 snen ela okol had 3la 7sab gebt elbaba hahahaaaaaaaaaaa allah e3eno ellbaba sho bdo et7ml mn wrana wela sho r2ekom
:angry: :angry: كل الاردن واسطات وايزا ما معك واسطه بتكون مسكين وما حدا بطلع في وجهك يا 10000 خساره على الضمائر بس يا ترى ليش ظاهره الواسطه لا يمكن مسحها عن الوجود؟؟ سؤال من جواك بتعرف ليش؟؟!! اصحو يا موظفين ويا دكاتره ويا ويا ويا الدنيا كلها رايحه
akeeeeeeeeeeeeed..
fitamin wooooooooooooow
!!!!
aktar wastat mawjooodeh b jam3a el ordoneyeh o bas
ask me
ana fe al balqa applied uni… w kolha wastat fe 2l tsjelllll :devil: :devil: :devil: :devil: :devil:
انا من الناس لي كانت في كلية الحصن طردني الاستاذ مش دكتور وهذا الاستاذ في الاصل يعمل في التسجيل ولكن بسبب نقص الدكترة في البلد جبوا واحد من التجسيل طبعا لا يوجد لها علاقة مع المادة اساس التربية وتاريخها طردني بسبب التاخير انا و صاحبي في نهاية
الفصل كان
صاحبي جيب 85 و انا جيب 35
كيف صارت ؟
عن طريق بنات من صحابته راحات ع الاستاذ ودلعت شوي وطعجا
شويتن .
وغيرها مع العلم انه لا يفهم شي وكانت محاضرة قراءة و استماع
وسلم ع الوالد
el was6a mohmehh kteeer ya naas 2slan 27na kolna 3aysheen bl ws6at !!!
الوساطة ومادراكم ما الواسطة في كل مكان وزمان بس بالجامعات الاردنية عنا كتير يعني اذا بدك تتنفس بدك واسطة اذا بدك توكل بدك واسطة كل شي ماش فيها الله يعين الناس الي ماعندها لانو رح ضيع حقوقها
akeed el2ordon feha wasta o belhabal kaman… hene ana t5rajet o ma l2et sho3ol tab3an a3′lab sa7bate ele la2o sho3ol 3an tre2 elwasta….m3 eno ana mo3adle 23la menhom ya33ne sho elwa7ad bedo y2ol
7asbya allah o ne3ma ewakel :angry:
عادي
بتصير كتير
عنا بالبلقاء نفس الشي
يعني من ال7 الصبح بدك تكون بالجامعه عشان تلحق تسجل لو ما عندك واسطه
وانا هيني سنه تالته وعندي بريك 3 ساعات ورى بعض!!
لانه مواعيد المحاضرات زفت
وما في واسطه طبعاا
وغير هيك طبعا انه وقت التسجيل وحتى السحب والاضافه
ما في احترام للبنات ابداا
يعني بنصير احنا والشباب واحد
والاقوى الي بيسجل :angry:
ولما تروح لدكتور تقوله انا عندي بريك 3 ساعات او 4 او حتى في بعض حالات 5 ساعات بيقولك النقل الداخلي ممنوع!!
والعميد بيقولك ما الي دخل!!مو شغلي!!
والتسجيل بيقولك وانا مالي!!
والواسطه والله حتى بالعلامات..
والي بده يقول ما في واسطه يجي يشوف كلية عمان التابعه لجامعة البلقااءء لا دبلوم مرتاحين فيها ولا بكالوريوس
يعني حتى الخريجين ما الهم اهميه
بيقولك عادي تأخر فصل!!
حسبي الله ونعم الوكيل
هاي
لو تلفوا كل جامعات الاردن ما بتلاقوا زي اليرموك :wub:
كلو كوم والبلوتكنك كووووووووووووووووم
أنا احد طلاب ال البيت وكل الحكي صحيح وازود من هيك بس شو الي بقهرك بكل طلاب جامعتنا العزيزه أنهم كلهم نعندهم واسطات وكلهم بيجوا مع واسطاتهم بيوم واحد!!!!!!!!! :getlost:
I study at the University of Jordan & everything here is by (WASTA) & it is unbelievable that for most people it is something ordianry, Im a senior & in order to graduate I had to ge (WASTA) from the faculty of arts Dean to train in al-ghad newspaper so I can graduate & honestly even by (WASTA) I spent 1 month begging AL-GHAD to accept me there as a trainee- they won’t even pay me
all I wanna say that everything here in Jordan is being rounded by Vitamine W and we r cool with it because that’s how things work, but some times it aint fair for people who really deserve a good education, good work or a good life
and about the doctor, we have alot like him, they can give u an A instead of F if u have a ((big head)) in ur family
allah be3eeeeeeeeeeeeeeen :dizzy:
o nice job as always asooom :happy:
يعني يا جماعه الخير قصة الواسطه هاي موجوده بكل الجامعات بس انا بحسها بالحكومه اكتر لانه القصه قصة تنافس والخرابيط هاي
وبجامعات الخاصه موجوده بس اقل شوي
عموما المفروض تعودنا على شي هاد من ايام ما اخوي لكبير بجامعه وانا بسمعه بحكي قرابة دكتور البنت حلوه زبطت دكتور يعني القصه وما فيها توكلو ع الله وادعو يمكن تغير حالنا :>
TB3AN S7 EL 7KI O AKTAR ANA BL JAM3A EL 2ORDONEYEH..YEEEEEEEEEEEEEEEEEEEEE SHO 3NNA WASTAT..BS BSARA7A KOL WA7AD B HL BALAD 2KEED T3AMAL M3 EL WASTA B YOUM ..S7 :whistle:
مين في هونبالجامعة الهاشمية؟؟؟؟؟؟؟؟؟؟
ممكن نكون زملاء
وبرد عاللي حكت مافي زي اليرموك لا في الهاااااااااااااااااششششششميه بتجنن :wub:
انتو بس تعالو عالبلقاء وشوفو كيف الواسطه
ا\ا بدك تتحرك من قاعه لقاعه بدك 7777 واسطه وكل حدا بشتغل بالجامعه بمون ونص حتى عمال النضافه!!!!!!!!!!!!! :ermm: :ermm: :ermm:
الواسطه في كل مكان وبما انه الدنيا حالها بيسوء والاساس مخدوش لا تضيعوا وقتكم بالحكي… على فكره الفرق اللي لاحظته بين العرب والاجانب … العربي بيظل يحكي والاجنبي بيظل يشتغل
ان الله لا يظلم الناس ولكن الناس انفسهم يظلمون
Come on people we all know that it’s all over Jordan like Abdullah Edwan said and plus no one would refuse it as soon as it knocks your door :whistle: , we could change it but we don’t want to.!!!!!!!!!
احنا ما منقدر نعيش بدون فيتامين “و” :sleeping:
انا بشوف انه حسب المسؤول …يعني لو عندوا ضمير ما رح ياخذ واسطة لو ايش ما كان و لو بايع ضميرة فما رح تفرق معو و باخذ واسطة ولو بالكعبة!! يعني الافراد همه لو بتغيروا بتغير الوضع …
و لو اي واحد فيكم فاتح شركة مين بشغل ابن “اخته ” ولا ابن “البطة السود” …ههههه و شكرا اسامة عالموضوع
everywhere in ARAB WORLD ,THERE IS WASTA,,
THANKS GOD
عنا يا استاذ اسامه بجامعه فيلادلفيا اذ بتدفع بدري و قبل الكل بتفتحلك كا المواد و بتسجل براحتك
اما اذا بتتاخر بتسكر عليك المواد و بتضطر تسجل اي شي و بتدفع غرامه كمان 
انا طالب من ضحايا ال البيت يعني كل اللي انحكا لا يمثل الا 20 % من ماسي طلاب هادي الجامعة والحمدلله قربت اتخرج واخلص من هاد القرف
عفكرة صار اشي عادي بالنسبة الي لاني بدرس بالهاشمية ونفس الوضع هذا بعاني منو مع الدكاترة وما في بايدنا حيلة.
First of all, thank you everybody here for the space of freedom. I would like to say not all the faculty members (lecturers) accept WASTA but may be some of them. a story happened with me last semester that a Parliament member call me for his relative just to take care for him (advance care) but I never mind. He is now repeating the course with me because overcome the permitable absence percentage from the class and I do not accept WASTA. Also my relative was taken the course with me she carried the course. This is so and I am so. Everyone will treat in the same manner and take his marks.
I am at Al al-Bayt University
السلام عليكم يا جماعة كنت ناوي ادرس بجامعة آل البيت كأنكم ما شجعتوني
اناخريجة من ال البيت 2008 من كتر المعانة خلصت دراستي
ب3 سنوات بس هاد مابعني بكفي طلعنا بشهادة ف حرام؟؟؟؟؟؟؟؟؟؟؟؟؟؟
الاغاني في الكقتيريا حرام الجامعة زفت والحمد لله
اه حكيك مزبوط مية بالمية الواسطة هي اساس قيام ال البيت وعينك عينك كمان
انا بدرس فيها وبشوف الواسطة قدام عيوني حتى انها وصلت الواسطة لمحاضرة العلوم العسكرية وعينك عينك
الله لا يوفق كل واحد بمشي وبعمل واسطة
انا خريج هاي الجامعة في 2002 والله اني شفت الويل ولحد الآن بتيجيني كوابيس اني لسة في الجامعة وبصحى مرعوب
لو يحكموني فيها لاعملها منفى اومقبرة
بكفي الديناصور
@xdream –
انا من جامعة آل البيت وبأكد ع كلامك جامعتنا اكتر جامعة فيها واسطة لانها عشائرية وانا مابعترض على المساعدة البقدمها الدكتزر لابن عشيرنه بس بحدود مو انو ينجحو لا وبجيب اول الشعبة كمان و ما بنشوف وجهو طول الفصل .حرام
@أحمد –
ههههه رهيب الكنترول
بصراحه جامعه ال البيت يوجد فيها واسطه لكن الاهم من هيك الدكاتره محترميين والعتب والكلام على اللي بروحن ثلاث اربع مرات على مكاتب الدكاتره ويجلسن بلكراسي الاولى في المحاضره ولق الكلام والذكريات اللي مالها لزوم اتقوا الله يجعل لكم مخرجا
كل انسان بيعرف نفسه ولا تحسبوا كل الانفس المريضه وحده
المهم مش الواسطه لا المهم انو ما انو الناس الي همه لازم يكونو الثدوه ويعطوا للشباب والبنات السمعه الطيبه لا بعلمونا على العنصريه مثلا اذا كنت مفرقاوي اقفد بالدار ولا على بالك بتوصلك الشهاده بس ما عليك الا تقعد ونعلق غى البنات وتنزل للانتخابات تات الجامعه وتعمل مشاكل عاد هو شغل 80% من الطلاب وبا وبلك اذا بتيجي عينك بعين واحد من شكان القمر (المفراقوي * والله عيب ما بدنا حراس غوق روسنا لا يدنا بس كل واحد حط حالو محل البنت الي اقفه بالطابور او محل البنت الي بتروح على الساعه 7 المسا علشان ما بتقدر ادافش مه البجم
وبدي احكي شغله انو جدتي من المفرق وانا بحب المفرق وبحب الاردن بس وحيات وما بحكي انو ما في هيك بامدن التانيه بس منشان الله يزم بيكفينا اسم الجامعه الي لازم نحرقو الي بيعمل فيها اشي مسيئ لسمعتها وعلى كل حال صقالله فراق الجامعه مس تمنياتي للجامعه بالتطور
الجامعة حلوة بس الطلاب زفت ولي مو عاجبو يطلع منها
والله الواسطه بكل مكان حتى لو بدك تشتري سندوشة فلافل من عند ابو رحاب.بس الطلاب لو شو ما تعمل ال البيت يضلو متكبرين عليها .